៤. មច្ឆរីសុត្តំ

២២៤. ‘‘បញ្ចិមេ, ភិក្ខវេ, អាទីនវា អតិនិវាសេ. កតមេ បញ្ច? អាវាសមច្ឆរី ហោតិ, កុលមច្ឆរី ហោតិ, លាភមច្ឆរី ហោតិ, វណ្ណមច្ឆរី ហោតិ, ធម្មមច្ឆរី ហោតិ. ឥមេ ខោ, ភិក្ខវេ, បញ្ច អាទីនវា អតិនិវាសេ.

‘‘បញ្ចិមេ, ភិក្ខវេ, អានិសំសា សមវត្ថវាសេ. កតមេ បញ្ច? ន អាវាសមច្ឆរី ហោតិ, ន កុលមច្ឆរី ហោតិ, ន លាភមច្ឆរី ហោតិ, ន វណ្ណមច្ឆរី ហោតិ, ន ធម្មមច្ឆរី ហោតិ. ឥមេ ខោ, ភិក្ខវេ, បញ្ច អានិសំសា សមវត្ថវាសេ’’តិ. ចតុត្ថំ.