២. អកុសលរាសិសុត្តំ

៥២. ‘‘អកុសលរាសីតិ, ភិក្ខវេ, វទមានោ បញ្ច នីវរណេ [ឥមេ បញ្ច នីវរណេ (សី.)] សម្មា វទមានោ វទេយ្យ. កេវលោ ហាយំ [ហយំ (សី.), ចាយំ (ស្យា. កំ.), សាយំ (ក.)], ភិក្ខវេ, អកុសលរាសិ យទិទំ បញ្ច នីវរណា. កតមេ បញ្ច? កាមច្ឆន្ទនីវរណំ, ព្យាបាទនីវរណំ, ថិនមិទ្ធនីវរណំ, ឧទ្ធច្ចកុក្កុច្ចនីវរណំ, វិចិកិច្ឆានីវរណំ. អកុសលរាសីតិ, ភិក្ខវេ, វទមានោ ឥមេ បញ្ច នីវរណេ សម្មា វទមានោ វទេយ្យ. កេវលោ ហាយំ, ភិក្ខវេ, អកុសលរាសិ យទិទំ បញ្ច នីវរណា’’តិ. ទុតិយំ.