៤. កោធគរុសុត្តំ

៨៤. ‘‘ចតូហិ, ភិក្ខវេ, ធម្មេហិ សមន្នាគតោ យថាភតំ និក្ខិត្តោ ឯវំ និរយេ. កតមេហិ ចតូហិ? កោធគរុ ហោតិ ន សទ្ធម្មគរុ, មក្ខគរុ ហោតិ ន សទ្ធម្មគរុ, លាភគរុ ហោតិ ន សទ្ធម្មគរុ, សក្ការគរុ ហោតិ ន សទ្ធម្មគរុ – ឥមេហិ ខោ, ភិក្ខវេ, ចតូហិ ធម្មេហិ សមន្នាគតោ យថាភតំ និក្ខិត្តោ ឯវំ និរយេ.

‘‘ចតូហិ, ភិក្ខវេ, ធម្មេហិ សមន្នាគតោ យថាភតំ និក្ខិត្តោ ឯវំ សគ្គេ. កតមេហិ ចតូហិ? សទ្ធម្មគរុ ហោតិ ន កោធគរុ, សទ្ធម្មគរុ ហោតិ ន មក្ខគរុ, សទ្ធម្មគរុ ហោតិ ន លាភគរុ, សទ្ធម្មគរុ ហោតិ ន សក្ការគរុ – ឥមេហិ ខោ, ភិក្ខវេ, ចតូហិ ធម្មេហិ សមន្នាគតោ យថាភតំ និក្ខិត្តោ ឯវំ សគ្គេ’’តិ. ចតុត្ថំ.