៦. សរាគសុត្តំ

៦៦. ‘‘ចត្តារោមេ, ភិក្ខវេ, បុគ្គលា សន្តោ សំវិជ្ជមានា លោកស្មិំ. កតមេ ចត្តារោ? សរាគោ, សទោសោ, សមោហោ, សមានោ – ឥមេ ខោ, ភិក្ខវេ, ចត្តារោ បុគ្គលា សន្តោ សំវិជ្ជមានា លោកស្មិ’’ន្តិ.

‘‘សារត្តា រជនីយេសុ, បិយរូបាភិនន្ទិនោ;

មោហេន អាវុតា [អធមា (សី. ស្យា. កំ. បី.)] សត្តា, ពទ្ធា [ពន្ធា (ក.)] វឌ្ឍេន្តិ ពន្ធនំ.

‘‘រាគជំ ទោសជញ្ចាបិ, មោហជំ ចាបវិទ្ទសូ;

ករោន្តាកុសលំ កម្មំ [ធម្មំ (ក.)], សវិឃាតំ ទុខុទ្រយំ.

‘‘អវិជ្ជានិវុតា បោសា, អន្ធភូតា អចក្ខុកា;

យថា ធម្មា តថា សន្តា, ន តស្សេវន្តិ [នស្សេវន្តិ (សី.)] មញ្ញរេ’’តិ. ឆដ្ឋំ;