៣. តបនីយសុត្តំ

៣. ‘‘ទ្វេមេ, ភិក្ខវេ, ធម្មា តបនីយា. កតមេ ទ្វេ? ឥធ, ភិក្ខវេ, ឯកច្ចស្ស កាយទុច្ចរិតំ កតំ ហោតិ, អកតំ ហោតិ កាយសុចរិតំ; វចីទុច្ចរិតំ កតំ ហោតិ; អកតំ ហោតិ វចីសុចរិតំ; មនោទុច្ចរិតំ កតំ ហោតិ, អកតំ ហោតិ មនោសុចរិតំ. សោ ‘កាយទុច្ចរិតំ មេ កត’ន្តិ តប្បតិ, ‘អកតំ មេ កាយសុចរិត’ន្តិ តប្បតិ; ‘វចីទុច្ចរិតំ មេ កត’ន្តិ តប្បតិ, ‘អកតំ មេ វចីសុចរិត’ន្តិ តប្បតិ; ‘មនោទុច្ចរិតំ មេ កត’ន្តិ តប្បតិ, ‘អកតំ មេ មនោសុចរិត’ន្តិ តប្បតិ. ឥមេ ខោ, ភិក្ខវេ, ទ្វេ ធម្មា តបនីយា’’តិ. តតិយំ.