៤. ឧបាសិកាសុត្តំ

២១៤. ‘‘ទសហិ, ភិក្ខវេ, ធម្មេហិ សមន្នាគតា ឧបាសិកា យថាភតំ និក្ខិត្តា ឯវំ និរយេ. កតមេហិ ទសហិ? បាណាតិបាតិនី ហោតិ…បេ… មិច្ឆាទិដ្ឋិកា ហោតិ…. ឥមេហិ ខោ, ភិក្ខវេ, ទសហិ ធម្មេហិ សមន្នាគតា ឧបាសិកា យថាភតំ និក្ខិត្តា ឯវំ និរយេ.

‘‘ទសហិ, ភិក្ខវេ, ធម្មេហិ សមន្នាគតា ឧបាសិកា យថាភតំ និក្ខិត្តា ឯវំ សគ្គេ. កតមេហិ ទសហិ? បាណាតិបាតា បដិវិរតា ហោតិ…បេ… សម្មាទិដ្ឋិកា ហោតិ…. ឥមេហិ ខោ, ភិក្ខវេ, ទសហិ ធម្មេហិ សមន្នាគតា ឧបាសិកា យថាភតំ និក្ខិត្តា ឯវំ សគ្គេ’’. ចតុត្ថំ.