꧑꧘. ꦱꦩ꧀ꦩꦤ꧀ꦠꦶ ꦤ ꦱꦩ꧀ꦩꦤ꧀ꦠꦶꦮꦴꦫꦺꦴ

꧓꧐꧘. ꦮꦶꦮꦴꦢꦴꦣꦶꦏꦫꦟꦁ ꦏꦠꦶꦲꦶ ꦱꦩꦡꦺꦲꦶ ꦱꦩ꧀ꦩꦠꦶ, ꦏꦠꦶꦲꦶ ꦱꦩꦡꦺꦲꦶ ꦤ ꦱꦩ꧀ꦩꦠꦶ? ꦄꦤꦸꦮꦴꦢꦴꦣꦶꦏꦫꦟꦁ ꦏꦠꦶꦲꦶ ꦱꦩꦡꦺꦲꦶ ꦱꦩ꧀ꦩꦠꦶ, ꦏꦠꦶꦲꦶ ꦱꦩꦡꦺꦲꦶ ꦤ ꦱꦩ꧀ꦩꦠꦶ? ꦄꦴꦥꦠ꧀ꦠꦴꦣꦶꦏꦫꦟꦁ ꦏꦠꦶꦲꦶ ꦱꦩꦡꦺꦲꦶ ꦱꦩ꧀ꦩꦠꦶ, ꦏꦠꦶꦲꦶ ꦱꦩꦡꦺꦲꦶ ꦤ ꦱꦩ꧀ꦩꦠꦶ? ꦏꦶꦕ꧀ꦕꦴꦣꦶꦏꦫꦟꦁ ꦏꦠꦶꦲꦶ ꦱꦩꦡꦺꦲꦶ ꦱꦩ꧀ꦩꦠꦶ, ꦏꦠꦶꦲꦶ ꦱꦩꦡꦺꦲꦶ ꦤ ꦱꦩ꧀ꦩꦠꦶ?

ꦮꦶꦮꦴꦢꦴꦣꦶꦏꦫꦟꦁ ꦢ꧀ꦮꦷꦲꦶ ꦱꦩꦡꦺꦲꦶ ꦱꦩ꧀ꦩꦠꦶ – ꦱꦩ꧀ꦩꦸꦑꦴꦮꦶꦤꦪꦺꦤ ꦕ ꦪꦺꦨꦸꦪ꧀ꦪꦱꦶꦏꦴꦪ ꦕ. ꦥꦚ꧀ꦕꦲꦶ ꦱꦩꦡꦺꦲꦶ ꦤ ꦱꦩ꧀ꦩꦠꦶ – ꦱꦠꦶꦮꦶꦤꦪꦺꦤ ꦕ ꦄꦩꦹꦭ꦳꧀ꦲꦮꦶꦤꦪꦺꦤ ꦕ ꦥꦛꦶꦚ꧀ꦚꦴꦠꦏꦫꦟꦺꦤ ꦕ ꦠꦱ꧀ꦱꦥꦴꦥꦶꦪꦱꦶꦏꦴꦪ ꦕ ꦠꦶꦟꦮꦠ꧀ꦡꦴꦫꦏꦺꦤ ꦕ.

ꦄꦤꦸꦮꦴꦢꦴꦣꦶꦏꦫꦟꦁ ꦕꦠꦹꦲꦶ ꦱꦩꦡꦺꦲꦶ ꦱꦩ꧀ꦩꦠꦶ – ꦱꦩ꧀ꦩꦸꦑꦴꦮꦶꦤꦪꦺꦤ ꦕ ꦱꦠꦶꦮꦶꦤꦪꦺꦤ ꦕ ꦄꦩꦹꦭ꦳꧀ꦲꦮꦶꦤꦪꦺꦤ ꦕ ꦠꦱ꧀ꦱꦥꦴꦥꦶꦪꦱꦶꦏꦴꦪ ꦕ. ꦠꦷꦲꦶ ꦱꦩꦡꦺꦲꦶ ꦤ ꦱꦩ꧀ꦩꦠꦶ – ꦪꦺꦨꦸꦪ꧀ꦪꦱꦶꦏꦴꦪ ꦕ ꦥꦛꦶꦚ꧀ꦚꦴꦠꦏꦫꦟꦺꦤ ꦕ ꦠꦶꦟꦮꦠ꧀ꦡꦴꦫꦏꦺꦤ ꦕ.

[ꦕꦹꦭ꦳ꦮ. ꧒꧓꧙] ꦄꦴꦥꦠ꧀ꦠꦴꦣꦶꦏꦫꦟꦁ ꦠꦷꦲꦶ ꦱꦩꦡꦺꦲꦶ ꦱꦩ꧀ꦩꦠꦶ – ꦱꦩ꧀ꦩꦸꦑꦴꦮꦶꦤꦪꦺꦤ ꦕ ꦥꦛꦶꦚ꧀ꦚꦴꦠꦏꦫꦟꦺꦤ ꦕ ꦠꦶꦟꦮꦠ꧀ꦡꦴꦫꦏꦺꦤ ꦕ. ꦕꦠꦹꦲꦶ ꦱꦩꦡꦺꦲꦶ ꦤ ꦱꦩ꧀ꦩꦠꦶ – ꦪꦺꦨꦸꦪ꧀ꦪꦱꦶꦏꦴꦪ ꦕ ꦱꦠꦶꦮꦶꦤꦪꦺꦤ ꦕ ꦄꦩꦹꦭ꦳꧀ꦲꦮꦶꦤꦪꦺꦤ ꦕ ꦠꦱ꧀ꦱꦥꦴꦥꦶꦪꦱꦶꦏꦴꦪ ꦕ.

ꦏꦶꦕ꧀ꦕꦴꦣꦶꦏꦫꦟꦁ ꦌꦏꦺꦤ ꦱꦩꦡꦺꦤ ꦱꦩ꧀ꦩꦠꦶ – ꦱꦩ꧀ꦩꦸꦑꦴꦮꦶꦤꦪꦺꦤ. ꦖꦲꦶ ꦱꦩꦡꦺꦲꦶ ꦤ ꦱꦩ꧀ꦩꦠꦶ – ꦪꦺꦨꦸꦪ꧀ꦪꦱꦶꦏꦴꦪ ꦕ ꦱꦠꦶꦮꦶꦤꦪꦺꦤ ꦕ ꦄꦩꦹꦭ꦳꧀ꦲꦮꦶꦤꦪꦺꦤ ꦕ ꦥꦛꦶꦚ꧀ꦚꦴꦠꦏꦫꦟꦺꦤ ꦕ ꦠꦱ꧀ꦱꦥꦴꦥꦶꦪꦱꦶꦏꦴꦪ ꦕ ꦠꦶꦟꦮꦠ꧀ꦡꦴꦫꦏꦺꦤ ꦕ.

ꦮꦶꦮꦴꦢꦴꦣꦶꦏꦫꦟꦚ꧀ꦕ ꦄꦤꦸꦮꦴꦢꦴꦣꦶꦏꦫꦟꦚ꧀ꦕ ꦏꦠꦶꦲꦶ ꦱꦩꦡꦺꦲꦶ ꦱꦩ꧀ꦩꦤ꧀ꦠꦶ? ꦏꦠꦶꦲꦶ ꦱꦩꦡꦺꦲꦶ ꦤ ꦱꦩ꧀ꦩꦤ꧀ꦠꦶ? ꦮꦶꦮꦴꦢꦴꦣꦶꦏꦫꦟꦚ꧀ꦕ ꦄꦤꦸꦮꦴꦢꦴꦣꦶꦏꦫꦟꦚ꧀ꦕ ꦥꦚ꧀ꦕꦲꦶ ꦱꦩꦡꦺꦲꦶ ꦱꦩ꧀ꦩꦤ꧀ꦠꦶ – ꦱꦩ꧀ꦩꦸꦑꦴꦮꦶꦤꦪꦺꦤ ꦕ ꦪꦺꦨꦸꦪ꧀ꦪꦱꦶꦏꦴꦪ ꦕ ꦱꦠꦶꦮꦶꦤꦪꦺꦤ ꦕ ꦄꦩꦹꦭ꦳꧀ꦲꦮꦶꦤꦪꦺꦤ ꦕ ꦠꦱ꧀ꦱꦥꦴꦥꦶꦪꦱꦶꦏꦴꦪ ꦕ. ꦢ꧀ꦮꦷꦲꦶ ꦱꦩꦡꦺꦲꦶ ꦤ ꦱꦩ꧀ꦩꦤ꧀ꦠꦶ – ꦥꦛꦶꦚ꧀ꦚꦴꦠꦏꦫꦟꦺꦤ ꦕ ꦠꦶꦟꦮꦠ꧀ꦡꦴꦫꦏꦺꦤ ꦕ.

ꦮꦶꦮꦴꦢꦴꦣꦶꦏꦫꦟꦚ꧀ꦕ ꦄꦴꦥꦠ꧀ꦠꦴꦣꦶꦏꦫꦟꦚ꧀ꦕ ꦏꦠꦶꦲꦶ ꦱꦩꦡꦺꦲꦶ ꦱꦩ꧀ꦩꦤ꧀ꦠꦶ? ꦏꦠꦶꦲꦶ ꦱꦩꦡꦺꦲꦶ ꦤ ꦱꦩ꧀ꦩꦤ꧀ꦠꦶ? ꦮꦶꦮꦴꦢꦴꦣꦶꦏꦫꦟꦚ꧀ꦕ ꦄꦴꦥꦠ꧀ꦠꦴꦣꦶꦏꦫꦟꦚ꧀ꦕ ꦕꦠꦹꦲꦶ ꦱꦩꦡꦺꦲꦶ ꦱꦩ꧀ꦩꦤ꧀ꦠꦶ – ꦱꦩ꧀ꦩꦸꦑꦴꦮꦶꦤꦪꦺꦤ ꦕ ꦪꦺꦨꦸꦪ꧀ꦪꦱꦶꦏꦴꦪ ꦕ ꦥꦛꦶꦚ꧀ꦚꦴꦠꦏꦫꦟꦺꦤ ꦕ ꦠꦶꦟꦮꦠ꧀ꦡꦴꦫꦏꦺꦤ ꦕ. ꦠꦷꦲꦶ ꦱꦩꦡꦺꦲꦶ ꦤ ꦱꦩ꧀ꦩꦤ꧀ꦠꦶ – ꦱꦠꦶꦮꦶꦤꦪꦺꦤ ꦕ ꦄꦩꦹꦭ꦳꧀ꦲꦮꦶꦤꦪꦺꦤ ꦕ ꦠꦱ꧀ꦱꦥꦴꦥꦶꦪꦱꦶꦏꦴꦪ ꦕ.

ꦮꦶꦮꦴꦢꦴꦣꦶꦏꦫꦟꦚ꧀ꦕ ꦏꦶꦕ꧀ꦕꦴꦣꦶꦏꦫꦟꦚ꧀ꦕ ꦏꦠꦶꦲꦶ ꦱꦩꦡꦺꦲꦶ ꦱꦩ꧀ꦩꦤ꧀ꦠꦶ? ꦏꦠꦶꦲꦶ ꦱꦩꦡꦺꦲꦶ ꦤ ꦱꦩ꧀ꦩꦤ꧀ꦠꦶ? ꦮꦶꦮꦴꦢꦴꦣꦶꦏꦫꦟꦚ꧀ꦕ ꦏꦶꦕ꧀ꦕꦴꦣꦶꦏꦫꦟꦚ꧀ꦕ ꦢ꧀ꦮꦷꦲꦶ ꦱꦩꦡꦺꦲꦶ ꦱꦩ꧀ꦩꦤ꧀ꦠꦶ – ꦱꦩ꧀ꦩꦸꦑꦴꦮꦶꦤꦪꦺꦤ ꦕ ꦪꦺꦨꦸꦪ꧀ꦪꦱꦶꦏꦴꦪ ꦕ. ꦥꦚ꧀ꦕꦲꦶ ꦱꦩꦡꦺꦲꦶ ꦤ ꦱꦩ꧀ꦩꦤ꧀ꦠꦶ – ꦱꦠꦶꦮꦶꦤꦪꦺꦤ ꦕ ꦄꦩꦹꦭ꦳꧀ꦲꦮꦶꦤꦪꦺꦤ ꦕ ꦥꦛꦶꦚ꧀ꦚꦴꦠꦏꦫꦟꦺꦤ ꦕ ꦠꦱ꧀ꦱꦥꦴꦥꦶꦪꦱꦶꦏꦴꦪ ꦕ ꦠꦶꦟꦮꦠ꧀ꦡꦴꦫꦏꦺꦤ ꦕ.

ꦄꦤꦸꦮꦴꦢꦴꦣꦶꦏꦫꦟꦚ꧀ꦕ ꦄꦴꦥꦠ꧀ꦠꦴꦣꦶꦏꦫꦟꦚ꧀ꦕ ꦏꦠꦶꦲꦶ ꦱꦩꦡꦺꦲꦶ ꦱꦩ꧀ꦩꦤ꧀ꦠꦶ? ꦏꦠꦶꦲꦶ ꦱꦩꦡꦺꦲꦶ ꦤ ꦱꦩ꧀ꦩꦤ꧀ꦠꦶ? ꦄꦤꦸꦮꦴꦢꦴꦣꦶꦏꦫꦟꦚ꧀ꦕ ꦄꦴꦥꦠ꧀ꦠꦴꦣꦶꦏꦫꦟꦚ꧀ꦕ ꦖꦲꦶ ꦱꦩꦡꦺꦲꦶ ꦱꦩ꧀ꦩꦤ꧀ꦠꦶ – ꦱꦩ꧀ꦩꦸꦑꦴꦮꦶꦤꦪꦺꦤ ꦕ ꦱꦠꦶꦮꦶꦤꦪꦺꦤ ꦕ ꦄꦩꦹꦭ꦳꧀ꦲꦮꦶꦤꦪꦺꦤ ꦕ ꦥꦛꦶꦚ꧀ꦚꦴꦠꦏꦫꦟꦺꦤ ꦕ ꦠꦱ꧀ꦱꦥꦴꦥꦶꦪꦱꦶꦏꦴꦪ ꦕ ꦠꦶꦟꦮꦠ꧀ꦡꦴꦫꦏꦺꦤ ꦕ. ꦌꦏꦺꦤ ꦱꦩꦡꦺꦤ ꦤ ꦱꦩ꧀ꦩꦤ꧀ꦠꦶ – ꦪꦺꦨꦸꦪ꧀ꦪꦱꦶꦏꦴꦪ.

ꦄꦤꦸꦮꦴꦢꦴꦣꦶꦏꦫꦟꦚ꧀ꦕ ꦏꦶꦕ꧀ꦕꦴꦣꦶꦏꦫꦟꦚ꧀ꦕ ꦏꦠꦶꦲꦶ ꦱꦩꦡꦺꦲꦶ ꦱꦩ꧀ꦩꦤ꧀ꦠꦶ? ꦏꦠꦶꦲꦶ ꦱꦩꦡꦺꦲꦶ ꦤ ꦱꦩ꧀ꦩꦤ꧀ꦠꦶ? ꦄꦤꦸꦮꦴꦢꦴꦣꦶꦏꦫꦟꦚ꧀ꦕ ꦏꦶꦕ꧀ꦕꦴꦣꦶꦏꦫꦟꦚ꧀ꦕ ꦕꦠꦹꦲꦶ ꦱꦩꦡꦺꦲꦶ ꦱꦩ꧀ꦩꦤ꧀ꦠꦶ – ꦱꦩ꧀ꦩꦸꦑꦴꦮꦶꦤꦪꦺꦤ ꦕ ꦱꦠꦶꦮꦶꦤꦪꦺꦤ ꦕ ꦄꦩꦹꦭ꦳꧀ꦲꦮꦶꦤꦪꦺꦤ ꦕ ꦠꦱ꧀ꦱꦥꦴꦥꦶꦪꦱꦶꦏꦴ ꦕ. ꦠꦷꦲꦶ ꦱꦩꦡꦺꦲꦶ ꦤ ꦱꦩ꧀ꦩꦤ꧀ꦠꦶ – ꦪꦺꦨꦸꦪ꧀ꦪꦱꦶꦏꦴꦪ ꦕ ꦥꦛꦶꦚ꧀ꦚꦴꦠꦏꦫꦟꦺꦤ ꦕ ꦠꦶꦟꦮꦠ꧀ꦡꦴꦫꦏꦺꦤ ꦕ.

ꦄꦴꦥꦠ꧀ꦠꦴꦣꦶꦏꦫꦟꦚ꧀ꦕ ꦏꦶꦕ꧀ꦕꦴꦣꦶꦏꦫꦟꦚ꧀ꦕ ꦏꦠꦶꦲꦶ ꦱꦩꦡꦺꦲꦶ ꦱꦩ꧀ꦩꦤ꧀ꦠꦶ? ꦏꦠꦶꦲꦶ ꦱꦩꦡꦺꦲꦶ ꦤ ꦱꦩ꧀ꦩꦤ꧀ꦠꦶ? ꦄꦴꦥꦠ꧀ꦠꦴꦣꦶꦏꦫꦟꦚ꧀ꦕ ꦏꦶꦕ꧀ꦕꦴꦣꦶꦏꦫꦟꦚ꧀ꦕ ꦠꦷꦲꦶ ꦱꦩꦡꦺꦲꦶ ꦱꦩ꧀ꦩꦤ꧀ꦠꦶ – ꦱꦩ꧀ꦩꦸꦑꦴꦮꦶꦤꦪꦺꦤ ꦕ ꦥꦛꦶꦚ꧀ꦚꦴꦠꦏꦫꦟꦺꦤ ꦕ ꦠꦶꦟꦮꦠ꧀ꦡꦴꦫꦏꦺꦤ ꦕ. ꦕꦠꦹꦲꦶ ꦱꦩꦡꦺꦲꦶ ꦤ ꦱꦩ꧀ꦩꦤ꧀ꦠꦶ – ꦪꦺꦨꦸꦪ꧀ꦪꦱꦶꦏꦴꦪ ꦕ ꦱꦠꦶꦮꦶꦤꦪꦺꦤ ꦕ ꦄꦩꦹꦭ꦳꧀ꦲꦮꦶꦤꦪꦺꦤ ꦕ ꦠꦱ꧀ꦱꦥꦴꦥꦶꦪꦱꦶꦏꦴꦪ ꦕ.

ꦮꦶꦮꦴꦢꦴꦣꦶꦏꦫꦟꦚ꧀ꦕ ꦄꦤꦸꦮꦴꦢꦴꦣꦶꦏꦫꦟꦚ꧀ꦕ ꦄꦴꦥꦠ꧀ꦠꦴꦣꦶꦏꦫꦟꦚ꧀ꦕ ꦏꦠꦶꦲꦶ ꦱꦩꦡꦺꦲꦶ ꦱꦩ꧀ꦩꦤ꧀ꦠꦶ? ꦏꦠꦶꦲꦶ ꦱꦩꦡꦺꦲꦶ ꦤ ꦱꦩ꧀ꦩꦤ꧀ꦠꦶ? ꦮꦶꦮꦴꦢꦴꦣꦶꦏꦫꦟꦚ꧀ꦕ ꦄꦤꦸꦮꦴꦢꦴꦣꦶꦏꦫꦟꦚ꧀ꦕ ꦄꦴꦥꦠ꧀ꦠꦴꦣꦶꦏꦫꦟꦚ꧀ꦕ ꦱꦠ꧀ꦠꦲꦶ ꦱꦩꦡꦺꦲꦶ ꦱꦩ꧀ꦩꦤ꧀ꦠꦶ – ꦱꦩ꧀ꦩꦸꦑꦴꦮꦶꦤꦪꦺꦤ ꦕ ꦪꦺꦨꦸꦪ꧀ꦪꦱꦶꦏꦴꦪ ꦕ ꦱꦠꦶꦮꦶꦤꦪꦺꦤ ꦕ ꦄꦩꦹꦭ꦳꧀ꦲꦮꦶꦤꦪꦺꦤ ꦕ ꦥꦛꦶꦚ꧀ꦚꦴꦠꦏꦫꦟꦺꦤ ꦕ ꦠꦱ꧀ꦱꦥꦴꦥꦶꦪꦱꦶꦏꦴꦪ ꦕ ꦠꦶꦟꦮꦠ꧀ꦡꦴꦫꦏꦺꦤ ꦕ.

ꦮꦶꦮꦴꦢꦴꦣꦶꦏꦫꦟꦚ꧀ꦕ ꦄꦤꦸꦮꦴꦢꦴꦣꦶꦏꦫꦟꦚ꧀ꦕ ꦏꦶꦕ꧀ꦕꦴꦣꦶꦏꦫꦟꦚ꧀ꦕ ꦏꦠꦶꦲꦶ ꦱꦩꦡꦺꦲꦶ ꦱꦩ꧀ꦩꦤ꧀ꦠꦶ? ꦏꦠꦶꦲꦶ ꦱꦩꦡꦺꦲꦶ ꦤ ꦱꦩ꧀ꦩꦤ꧀ꦠꦶ? ꦮꦶꦮꦴꦢꦴꦣꦶꦏꦫꦟꦚ꧀ꦕ ꦄꦤꦸꦮꦴꦢꦴꦣꦶꦏꦫꦟꦚ꧀ꦕ ꦏꦶꦕ꧀ꦕꦴꦣꦶꦏꦫꦟꦚ꧀ꦕ ꦥꦚ꧀ꦕꦲꦶ ꦱꦩꦡꦺꦲꦶ ꦱꦩ꧀ꦩꦤ꧀ꦠꦶ – ꦱꦩ꧀ꦩꦸꦑꦴꦮꦶꦤꦪꦺꦤ ꦕ ꦪꦺꦨꦸꦪ꧀ꦪꦱꦶꦏꦴꦪ ꦕ ꦱꦠꦶꦮꦶꦤꦪꦺꦤ ꦕ ꦄꦩꦹꦭ꦳꧀ꦲꦮꦶꦤꦪꦺꦤ ꦕ ꦠꦱ꧀ꦱꦥꦴꦥꦶꦪꦱꦶꦏꦴꦪ ꦕ. ꦢ꧀ꦮꦷꦲꦶ ꦱꦩꦡꦺꦲꦶ ꦤ ꦱꦩ꧀ꦩꦤ꧀ꦠꦶ – ꦥꦛꦶꦚ꧀ꦚꦴꦠꦏꦫꦟꦺꦤ ꦕ ꦠꦶꦟꦮꦠ꧀ꦡꦴꦫꦏꦺꦤ ꦕ.

ꦄꦤꦸꦮꦴꦢꦴꦣꦶꦏꦫꦟꦚ꧀ꦕ ꦄꦴꦥꦠ꧀ꦠꦴꦣꦶꦏꦫꦟꦚ꧀ꦕ ꦏꦶꦕ꧀ꦕꦴꦣꦶꦏꦫꦟꦚ꧀ꦕ ꦏꦠꦶꦲꦶ ꦱꦩꦡꦺꦲꦶ ꦱꦩ꧀ꦩꦤ꧀ꦠꦶ? ꦏꦠꦶꦲꦶ ꦱꦩꦡꦺꦲꦶ ꦤ ꦱꦩ꧀ꦩꦤ꧀ꦠꦶ? ꦄꦤꦸꦮꦴꦢꦴꦣꦶꦏꦫꦟꦚ꧀ꦕ ꦄꦴꦥꦠ꧀ꦠꦴꦣꦶꦏꦫꦟꦚ꧀ꦕ ꦏꦶꦕ꧀ꦕꦴꦣꦶꦏꦫꦟꦚ꧀ꦕ ꦖꦲꦶ ꦱꦩꦡꦺꦲꦶ ꦱꦩ꧀ꦩꦤ꧀ꦠꦶ – ꦱꦩ꧀ꦩꦸꦑꦴꦮꦶꦤꦪꦺꦤ ꦕ ꦱꦠꦶꦮꦶꦤꦪꦺꦤ ꦕ ꦄꦩꦹꦭ꦳꧀ꦲꦮꦶꦤꦪꦺꦤ ꦕ ꦥꦛꦶꦚ꧀ꦚꦴꦠꦏꦫꦟꦺꦤ ꦕ ꦠꦱ꧀ꦱꦥꦴꦥꦶꦪꦱꦶꦏꦴꦪ ꦕ ꦠꦶꦟꦮꦠ꧀ꦡꦴꦫꦏꦺꦤ ꦕ. ꦌꦏꦺꦤ ꦱꦩꦡꦺꦤ ꦤ ꦱꦩ꧀ꦩꦤ꧀ꦠꦶ – ꦪꦺꦨꦸꦪ꧀ꦪꦱꦶꦏꦴꦪ.

ꦮꦶꦮꦴꦢꦴꦣꦶꦏꦫꦟꦚ꧀ꦕ ꦄꦤꦸꦮꦴꦢꦴꦣꦶꦏꦫꦟꦚ꧀ꦕ ꦄꦴꦥꦠ꧀ꦠꦴꦣꦶꦏꦫꦟꦚ꧀ꦕ ꦏꦶꦕ꧀ꦕꦴꦣꦶꦏꦫꦟꦚ꧀ꦕ ꦏꦠꦶꦲꦶ ꦱꦩꦡꦺꦲꦶ ꦱꦩ꧀ꦩꦤ꧀ꦠꦶ? ꦏꦠꦶꦲꦶ ꦱꦩꦡꦺꦲꦶ ꦤ ꦱꦩ꧀ꦩꦤ꧀ꦠꦶ? ꦮꦶꦮꦴꦢꦴꦣꦶꦏꦫꦟꦚ꧀ꦕ ꦄꦤꦸꦮꦴꦢꦴꦣꦶꦏꦫꦟꦚ꧀ꦕ ꦄꦴꦥꦠ꧀ꦠꦴꦣꦶꦏꦫꦟꦚ꧀ꦕ ꦏꦶꦕ꧀ꦕꦴꦣꦶꦏꦫꦟꦚ꧀ꦕ ꦱꦠ꧀ꦠꦲꦶ ꦱꦩꦡꦺꦲꦶ ꦱꦩ꧀ꦩꦤ꧀ꦠꦶ – ꦱꦩ꧀ꦩꦸꦑꦴꦮꦶꦤꦪꦺꦤ ꦕ ꦪꦺꦨꦸꦪ꧀ꦪꦱꦶꦏꦴꦪ ꦕ ꦱꦠꦶꦮꦶꦤꦪꦺꦤ ꦕ ꦄꦩꦹꦭ꦳꧀ꦲꦮꦶꦤꦪꦺꦤ ꦕ ꦥꦛꦶꦚ꧀ꦚꦴꦠꦏꦫꦟꦺꦤ ꦕ ꦠꦱ꧀ꦱꦥꦴꦥꦶꦪꦱꦶꦏꦴꦪ ꦕ ꦠꦶꦟꦮꦠ꧀ꦡꦴꦫꦏꦺꦤ ꦕ.

ꦱꦩ꧀ꦩꦤ꧀ꦠꦶ ꦤ ꦱꦩ꧀ꦩꦤ꧀ꦠꦶꦮꦴꦫꦺꦴ ꦤꦶꦛ꧀ꦜꦶꦠꦺꦴ ꦄꦛ꧀ꦜꦴꦫꦱꦩꦺꦴ.