꧑꧙. ꦱꦩꦡꦴꦣꦶꦏꦫꦟꦮꦴꦫꦺꦴ

꧓꧐꧙. ꦱꦩꦡꦴ ꦱꦩꦡꦺꦲꦶ ꦱꦩ꧀ꦩꦤ꧀ꦠꦶ? ꦱꦩꦡꦴ ꦄꦣꦶꦏꦫꦟꦺꦲꦶ ꦱꦩ꧀ꦩꦤ꧀ꦠꦶ? ꦄꦣꦶꦏꦫꦟꦴ ꦱꦩꦡꦺꦲꦶ ꦱꦩ꧀ꦩꦤ꧀ꦠꦶ? ꦄꦣꦶꦏꦫꦟꦴ ꦄꦣꦶꦏꦫꦟꦺꦲꦶ ꦱꦩ꧀ꦩꦤ꧀ꦠꦶ?

ꦱꦶꦪꦴ ꦱꦩꦡꦴ ꦱꦩꦡꦺꦲꦶ ꦱꦩ꧀ꦩꦤ꧀ꦠꦶ, ꦱꦶꦪꦴ ꦱꦩꦡꦴ ꦱꦩꦡꦺꦲꦶ ꦤ ꦱꦩ꧀ꦩꦤ꧀ꦠꦶ. ꦱꦶꦪꦴ ꦱꦩꦡꦴ ꦄꦣꦶꦏꦫꦟꦺꦲꦶ ꦱꦩ꧀ꦩꦤ꧀ꦠꦶ, ꦱꦶꦪꦴ ꦱꦩꦡꦴ ꦄꦣꦶꦏꦫꦟꦺꦲꦶ ꦤ ꦱꦩ꧀ꦩꦤ꧀ꦠꦶ. ꦱꦶꦪꦴ ꦄꦣꦶꦏꦫꦟꦴ ꦱꦩꦡꦺꦲꦶ ꦱꦩ꧀ꦩꦤ꧀ꦠꦶ, ꦱꦶꦪꦴ ꦄꦣꦶꦏꦫꦟꦴ ꦱꦩꦡꦺꦲꦶ ꦤ ꦱꦩ꧀ꦩꦤ꧀ꦠꦶ. ꦱꦶꦪꦴ ꦄꦣꦶꦏꦫꦟꦴ ꦄꦣꦶꦏꦫꦟꦺꦲꦶ ꦱꦩ꧀ꦩꦤ꧀ꦠꦶ, ꦱꦶꦪꦴ ꦄꦣꦶꦏꦫꦟꦴ ꦄꦣꦶꦏꦫꦟꦺꦲꦶ ꦤ ꦱꦩ꧀ꦩꦤ꧀ꦠꦶ.

꧓꧑꧐. ꦏꦡꦁ ꦱꦶꦪꦴ ꦱꦩꦡꦴ ꦱꦩꦡꦺꦲꦶ ꦱꦩ꧀ꦩꦤ꧀ꦠꦶ, ꦏꦡꦁ ꦱꦶꦪꦴ ꦱꦩꦡꦴ ꦱꦩꦡꦺꦲꦶ ꦤ ꦱꦩ꧀ꦩꦤ꧀ꦠꦶ? ꦪꦺꦨꦸꦪ꧀ꦪꦱꦶꦏꦴ ꦱꦩ꧀ꦩꦸꦑꦴꦮꦶꦤꦪꦺꦤ ꦱꦩ꧀ꦩꦠꦶ; ꦱꦠꦶꦮꦶꦤꦪꦺꦤ ꦤ ꦱꦩ꧀ꦩꦠꦶ, ꦄꦩꦹꦭ꦳꧀ꦲꦮꦶꦤꦪꦺꦤ ꦤ ꦱꦩ꧀ꦩꦠꦶ, ꦥꦛꦶꦚ꧀ꦚꦴꦠꦏꦫꦟꦺꦤ ꦤ ꦱꦩ꧀ꦩꦠꦶ, ꦠꦱ꧀ꦱꦥꦴꦥꦶꦪꦱꦶꦏꦴꦪ ꦤ ꦱꦩ꧀ꦩꦠꦶ, ꦠꦶꦟꦮꦠ꧀ꦡꦴꦫꦏꦺꦤ ꦤ ꦱꦩ꧀ꦩꦠꦶ.

ꦱꦠꦶꦮꦶꦤꦪꦺꦴ ꦱꦩ꧀ꦩꦸꦑꦴꦮꦶꦤꦪꦺꦤ ꦱꦩ꧀ꦩꦠꦶ; ꦄꦩꦹꦭ꦳꧀ꦲꦮꦶꦤꦪꦺꦤ ꦤ ꦱꦩ꧀ꦩꦠꦶ, ꦥꦛꦶꦚ꧀ꦚꦴꦠꦏꦫꦟꦺꦤ ꦤ ꦱꦩ꧀ꦩꦴꦠꦶ, ꦠꦱ꧀ꦱꦥꦴꦥꦶꦪꦱꦶꦏꦴꦪ ꦤ ꦱꦩ꧀ꦩꦠꦶ, ꦠꦶꦟꦮꦠ꧀ꦡꦴꦫꦏꦺꦤ ꦤ ꦱꦩ꧀ꦩꦠꦶ, ꦪꦺꦨꦸꦪ꧀ꦪꦱꦶꦏꦴꦪ ꦤ ꦱꦩ꧀ꦩꦠꦶ.

ꦄꦩꦹꦭ꦳꧀ꦲꦮꦶꦤꦪꦺꦴ ꦱꦩ꧀ꦩꦸꦑꦴꦮꦶꦤꦪꦺꦤ ꦱꦩ꧀ꦩꦠꦶ; ꦥꦛꦶꦚ꧀ꦚꦴꦠꦏꦫꦟꦺꦤ ꦤ ꦱꦩ꧀ꦩꦠꦶ, ꦠꦱ꧀ꦱꦥꦴꦥꦶꦪꦱꦶꦏꦴꦪ ꦤ ꦱꦩ꧀ꦩꦠꦶ, ꦠꦶꦟꦮꦠ꧀ꦡꦴꦫꦏꦺꦤ ꦤ ꦱꦩ꧀ꦩꦠꦶ, ꦪꦺꦨꦸꦪ꧀ꦪꦱꦶꦏꦴꦪ ꦤ ꦱꦩ꧀ꦩꦠꦶ, ꦱꦠꦶꦮꦶꦤꦪꦺꦤ ꦤ ꦱꦩ꧀ꦩꦠꦶ.

ꦥꦛꦶꦚ꧀ꦚꦴꦠꦏꦫꦟꦁ ꦱꦩ꧀ꦩꦸꦑꦴꦮꦶꦤꦪꦺꦤ ꦱꦩ꧀ꦩꦠꦶ; ꦠꦱ꧀ꦱꦥꦴꦥꦶꦪꦱꦶꦏꦴꦪ ꦤ ꦱꦩ꧀ꦩꦠꦶ, ꦠꦶꦟꦮꦠ꧀ꦡꦴꦫꦏꦺꦤ ꦤ ꦱꦩ꧀ꦩꦠꦶ, ꦪꦺꦨꦸꦪ꧀ꦪꦱꦶꦏꦴꦪ ꦤ ꦱꦩ꧀ꦩꦠꦶ, ꦱꦠꦶꦮꦶꦤꦪꦺꦤ ꦤ ꦱꦩ꧀ꦩꦠꦶ, ꦄꦩꦹꦭ꦳꧀ꦲꦮꦶꦤꦪꦺꦤ ꦤ ꦱꦩ꧀ꦩꦠꦶ.

ꦠꦱ꧀ꦱꦥꦴꦥꦶꦪꦱꦶꦏꦴ ꦱꦩ꧀ꦩꦸꦑꦴꦮꦶꦤꦪꦺꦤ ꦱꦩ꧀ꦩꦠꦶ; ꦠꦶꦟꦮꦠ꧀ꦡꦴꦫꦏꦺꦤ ꦤ ꦱꦩ꧀ꦩꦠꦶ, ꦪꦺꦨꦸꦪ꧀ꦪꦱꦶꦏꦴꦪ ꦤ ꦱꦩ꧀ꦩꦠꦶ, ꦱꦠꦶꦮꦶꦤꦪꦺꦤ ꦤ ꦱꦩ꧀ꦩꦠꦶ, ꦄꦩꦹꦭ꦳꧀ꦲꦮꦶꦤꦪꦺꦤ ꦤ ꦱꦩ꧀ꦩꦠꦶ, ꦥꦛꦶꦚ꧀ꦚꦴꦠꦏꦫꦟꦺꦤ ꦤ ꦱꦩ꧀ꦩꦠꦶ.

ꦠꦶꦟꦮꦠ꧀ꦡꦴꦫꦏꦺꦴ ꦱꦩ꧀ꦩꦸꦑꦴꦮꦶꦤꦪꦺꦤ ꦱꦩ꧀ꦩꦠꦶ; ꦪꦺꦨꦸꦪ꧀ꦪꦱꦶꦏꦴꦪ ꦤ ꦱꦩ꧀ꦩꦠꦶ, ꦱꦠꦶꦮꦶꦤꦪꦺꦤ ꦤ ꦱꦩ꧀ꦩꦠꦶ, ꦄꦩꦹꦭ꦳꧀ꦲꦮꦶꦤꦪꦺꦤ ꦤ ꦱꦩ꧀ꦩꦠꦶ, ꦥꦛꦶꦚ꧀ꦚꦴꦠꦏꦫꦟꦺꦤ ꦤ ꦱꦩ꧀ꦩꦠꦶ, ꦠꦱ꧀ꦱꦥꦴꦥꦶꦪꦱꦶꦏꦴꦪ ꦤ ꦱꦩ꧀ꦩꦠꦶ. ꦌꦮꦁ ꦱꦶꦪꦴ ꦱꦩꦡꦴ ꦱꦩꦡꦺꦲꦶ ꦱꦩ꧀ꦩꦤ꧀ꦠꦶ. ꦌꦮꦁ ꦱꦶꦪꦴ ꦱꦩꦡꦴ ꦱꦩꦡꦺꦲꦶ ꦤ ꦱꦩ꧀ꦩꦤ꧀ꦠꦶ.

꧓꧑꧑. ꦏꦡꦁ ꦱꦶꦪꦴ ꦱꦩꦡꦴ ꦄꦣꦶꦏꦫꦟꦺꦲꦶ ꦱꦩ꧀ꦩꦤ꧀ꦠꦶ, ꦏꦡꦁ ꦱꦶꦪꦴ ꦱꦩꦡꦴ ꦄꦣꦶꦏꦫꦟꦺꦲꦶ ꦤ ꦱꦩ꧀ꦩꦤ꧀ꦠꦶ? ꦱꦩ꧀ꦩꦸꦑꦴꦮꦶꦤꦪꦺꦴ ꦮꦶꦮꦴꦢꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ, ꦄꦤꦸꦮꦴꦢꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ, ꦄꦴꦥꦠ꧀ꦠꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ; ꦏꦶꦕ꧀ꦕꦴꦣꦶꦏꦫꦟꦺꦤ ꦱꦩ꧀ꦩꦠꦶ.

ꦪꦺꦨꦸꦪ꧀ꦪꦱꦶꦏꦴ ꦮꦶꦮꦴꦢꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ, ꦄꦤꦸꦮꦴꦢꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ, ꦄꦴꦥꦠ꧀ꦠꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ; ꦏꦶꦕ꧀ꦕꦴꦣꦶꦏꦫꦟꦺꦤ ꦱꦩ꧀ꦩꦠꦶ.

ꦱꦠꦶꦮꦶꦤꦪꦺꦴ ꦮꦶꦮꦴꦢꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ, ꦄꦤꦸꦮꦴꦢꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ, ꦄꦴꦥꦠ꧀ꦠꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ; ꦏꦶꦕ꧀ꦕꦴꦣꦶꦏꦫꦟꦺꦤ ꦱꦩ꧀ꦩꦠꦶ.

ꦄꦩꦹꦭ꦳꧀ꦲꦮꦶꦤꦪꦺꦴ ꦮꦶꦮꦴꦢꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ, ꦄꦤꦸꦮꦴꦢꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ, ꦄꦴꦥꦠ꧀ꦠꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ; ꦏꦶꦕ꧀ꦕꦴꦣꦶꦏꦫꦟꦺꦤ ꦱꦩ꧀ꦩꦠꦶ.

ꦥꦛꦶꦚ꧀ꦚꦴꦠꦏꦫꦟꦁ ꦮꦶꦮꦴꦢꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ, ꦄꦤꦸꦮꦴꦢꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ, ꦄꦴꦥꦠ꧀ꦠꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ; ꦏꦶꦕ꧀ꦕꦴꦣꦶꦏꦫꦟꦺꦤ ꦱꦩ꧀ꦩꦠꦶ.

ꦠꦱ꧀ꦱꦥꦴꦥꦶꦪꦱꦶꦏꦴ ꦮꦶꦮꦴꦢꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ, ꦄꦤꦸꦮꦴꦢꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ, ꦄꦴꦥꦠ꧀ꦠꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ; ꦏꦶꦕ꧀ꦕꦴꦣꦶꦏꦫꦟꦺꦤ ꦱꦩ꧀ꦩꦠꦶ.

ꦠꦶꦟꦮꦠ꧀ꦡꦴꦫꦏꦺꦴ ꦮꦶꦮꦴꦢꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ, ꦄꦤꦸꦮꦴꦢꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ, ꦄꦴꦥꦠ꧀ꦠꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ; ꦏꦶꦕ꧀ꦕꦴꦣꦶꦏꦫꦟꦺꦤ ꦱꦩ꧀ꦩꦠꦶ. ꦌꦮꦁ ꦱꦶꦪꦴ ꦱꦩꦡꦴ ꦄꦣꦶꦏꦫꦟꦺꦲꦶ ꦱꦩ꧀ꦩꦤ꧀ꦠꦶ. ꦌꦮꦁ ꦱꦶꦪꦴ ꦱꦩꦡꦴ ꦄꦣꦶꦏꦫꦟꦺꦲꦶ ꦤ ꦱꦩ꧀ꦩꦤ꧀ꦠꦶ.

꧓꧑꧒. ꦏꦡꦁ ꦱꦶꦪꦴ ꦄꦣꦶꦏꦫꦟꦴ ꦱꦩꦡꦺꦲꦶ ꦱꦩ꧀ꦩꦤ꧀ꦠꦶ, ꦏꦡꦁ ꦱꦶꦪꦴ ꦄꦣꦶꦏꦫꦟꦴ ꦱꦩꦡꦺꦲꦶ ꦤ ꦱꦩ꧀ꦩꦤ꧀ꦠꦶ? ꦮꦶꦮꦴꦢꦴꦣꦶꦏꦫꦟꦁ ꦱꦩ꧀ꦩꦸꦑꦴꦮꦶꦤꦪꦺꦤ ꦕ ꦪꦺꦨꦸꦪ꧀ꦪꦱꦶꦏꦴꦪ ꦕ ꦱꦩ꧀ꦩꦠꦶ; ꦱꦠꦶꦮꦶꦤꦪꦺꦤ ꦕ ꦄꦩꦹꦭ꦳꧀ꦲꦮꦶꦤꦪꦺꦤ ꦕ ꦥꦛꦶꦚ꧀ꦚꦴꦠꦏꦫꦟꦺꦤ ꦕ ꦠꦱ꧀ꦱꦥꦴꦥꦶꦪꦱꦶꦏꦴꦪ ꦕ ꦠꦶꦟꦮꦠ꧀ꦡꦴꦫꦏꦺꦤ ꦕ ꦤ ꦱꦩ꧀ꦩꦠꦶ.

ꦄꦤꦸꦮꦴꦢꦴꦣꦶꦏꦫꦟꦁ ꦱꦩ꧀ꦩꦸꦑꦴꦮꦶꦤꦪꦺꦤ ꦕ ꦱꦠꦶꦮꦶꦤꦪꦺꦤ ꦕ ꦄꦩꦹꦭ꦳꧀ꦲꦮꦶꦤꦪꦺꦤ ꦕ ꦠꦱ꧀ꦱꦥꦴꦥꦶꦪꦱꦶꦏꦴꦪ ꦕ ꦱꦩ꧀ꦩꦠꦶ; ꦪꦺꦨꦸꦪ꧀ꦪꦱꦶꦏꦴꦪ ꦕ ꦥꦛꦶꦚ꧀ꦚꦴꦠꦏꦫꦟꦺꦤ ꦕ ꦠꦶꦟꦮꦠ꧀ꦡꦴꦫꦏꦺꦤ ꦕ ꦤ ꦱꦩ꧀ꦩꦠꦶ.

ꦄꦴꦥꦠ꧀ꦠꦴꦣꦶꦏꦫꦟꦁ ꦱꦩ꧀ꦩꦸꦑꦴꦮꦶꦤꦪꦺꦤ ꦕ ꦥꦛꦶꦚ꧀ꦚꦴꦠꦏꦫꦟꦺꦤ ꦕ ꦠꦶꦟꦮꦠ꧀ꦡꦴꦫꦏꦺꦤ ꦕ ꦱꦩ꧀ꦩꦠꦶ; ꦪꦺꦨꦸꦪ꧀ꦪꦱꦶꦏꦴꦪ ꦕ ꦱꦠꦶꦮꦶꦤꦪꦺꦤ ꦕ ꦄꦩꦹꦭ꦳꧀ꦲꦮꦶꦤꦪꦺꦤ ꦕ ꦠꦱ꧀ꦱꦥꦴꦥꦶꦪꦱꦶꦏꦴꦪ ꦕ ꦤ ꦱꦩ꧀ꦩꦠꦶ.

ꦏꦶꦕ꧀ꦕꦴꦣꦶꦏꦫꦟꦁ ꦱꦩ꧀ꦩꦸꦑꦴꦮꦶꦤꦪꦺꦤ ꦱꦩ꧀ꦩꦠꦶ; ꦪꦺꦨꦸꦪ꧀ꦪꦱꦶꦏꦴꦪ ꦕ ꦱꦠꦶꦮꦶꦤꦪꦺꦤ ꦕ ꦄꦩꦹꦭ꦳꧀ꦲꦮꦶꦤꦪꦺꦤ ꦕ ꦥꦛꦶꦚ꧀ꦚꦴꦠꦏꦫꦟꦺꦤ ꦕ ꦠꦱ꧀ꦱꦥꦴꦥꦶꦪꦱꦶꦏꦴꦪ ꦠꦶꦟꦮꦠ꧀ꦡꦴꦫꦏꦺꦤ ꦕ ꦤ ꦱꦩ꧀ꦩꦠꦶ. ꦌꦮꦁ ꦱꦶꦪꦴ ꦄꦣꦶꦏꦫꦟꦴ ꦱꦩꦡꦺꦲꦶ ꦱꦩ꧀ꦩꦤ꧀ꦠꦶ. ꦌꦮꦁ ꦱꦶꦪꦴ ꦄꦣꦶꦏꦫꦟꦴ ꦱꦩꦡꦺꦲꦶ ꦤ ꦱꦩ꧀ꦩꦤ꧀ꦠꦶ.

꧓꧑꧓. ꦏꦡꦁ ꦱꦶꦪꦴ ꦄꦣꦶꦏꦫꦟꦴ ꦄꦣꦶꦏꦫꦟꦺꦲꦶ ꦱꦩ꧀ꦩꦤ꧀ꦠꦶ? ꦏꦡꦁ ꦱꦶꦪꦴ ꦄꦣꦶꦏꦫꦟꦴ ꦄꦣꦶꦏꦫꦟꦺꦲꦶ ꦤ ꦱꦩ꧀ꦩꦤ꧀ꦠꦶ? ꦮꦶꦮꦴꦢꦴꦣꦶꦏꦫꦟꦁ ꦮꦶꦮꦴꦢꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ, ꦄꦤꦸꦮꦴꦢꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ, ꦄꦴꦥꦠ꧀ꦠꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ; ꦏꦶꦕ꧀ꦕꦴꦣꦶꦏꦫꦟꦺꦤ ꦱꦩ꧀ꦩꦠꦶ.

ꦄꦤꦸꦮꦴꦢꦴꦣꦶꦏꦫꦟꦁ ꦮꦶꦮꦴꦢꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ, ꦄꦤꦸꦮꦴꦢꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ, ꦄꦴꦥꦠ꧀ꦠꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ; ꦏꦶꦕ꧀ꦕꦴꦣꦶꦏꦫꦟꦺꦤ ꦱꦩ꧀ꦩꦠꦶ.

ꦄꦴꦥꦠ꧀ꦠꦴꦣꦶꦏꦫꦟꦁ ꦮꦶꦮꦴꦢꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ, ꦄꦤꦸꦮꦴꦢꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ, ꦄꦴꦥꦠ꧀ꦠꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ; ꦏꦶꦕ꧀ꦕꦴꦣꦶꦏꦫꦟꦺꦤ ꦱꦩ꧀ꦩꦠꦶ.

ꦏꦶꦕ꧀ꦕꦴꦣꦶꦏꦫꦟꦁ ꦮꦶꦮꦴꦢꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ, ꦄꦤꦸꦮꦴꦢꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ, ꦄꦴꦥꦠ꧀ꦠꦴꦣꦶꦏꦫꦟꦺꦤ ꦤ ꦱꦩ꧀ꦩꦠꦶ; ꦏꦶꦕ꧀ꦕꦴꦣꦶꦏꦫꦟꦺꦤ ꦱꦩ꧀ꦩꦠꦶ. ꦌꦮꦁ ꦱꦶꦪꦴ ꦄꦣꦶꦏꦫꦟꦴ ꦄꦣꦶꦏꦫꦟꦺꦲꦶ ꦱꦩ꧀ꦩꦤ꧀ꦠꦶ. ꦌꦮꦁ ꦱꦶꦪꦴ ꦄꦣꦶꦏꦫꦟꦴ ꦄꦣꦶꦏꦫꦟꦺꦲꦶ ꦤ ꦱꦩ꧀ꦩꦤ꧀ꦠꦶ.

ꦖꦴꦥꦶ ꦱꦩꦡꦴ ꦕꦠ꧀ꦠꦴꦫꦺꦴꦥꦶ ꦄꦣꦶꦏꦫꦟꦴ ꦱꦩ꧀ꦩꦸꦑꦴꦮꦶꦤꦪꦺꦤ ꦱꦩ꧀ꦩꦤ꧀ꦠꦶ; ꦱꦩ꧀ꦩꦸꦑꦴꦮꦶꦤꦪꦺꦴ ꦤ ꦏꦺꦤꦕꦶ ꦱꦩ꧀ꦩꦠꦶ.

ꦱꦩꦡꦴꦣꦶꦏꦫꦟꦮꦴꦫꦺꦴ ꦤꦶꦛ꧀ꦜꦶꦠꦺꦴ ꦌꦏꦹꦤꦮꦷꦱꦠꦶꦩꦺꦴ.