꧘. ꦥꦜꦩꦈꦥꦏ꧀ꦑꦛꦱꦶꦏ꧀ꦑꦴꦥꦢꦮꦟ꧀ꦟꦤꦴ

꧕꧒꧗. ꦄꦛ꧀ꦜꦩꦺ ꦄꦥꦶ ꦩꦪ꧀ꦪꦴꦠꦶ ꦥꦴꦜꦺꦥꦶ ꦱꦺꦴꦪꦺꦮꦠ꧀ꦡꦺꦴ. ꦄꦪ꧀ꦪꦴꦠꦶ ꦥꦤ ꦧꦲꦸꦮꦕꦤꦺꦤ ꦄꦴꦩꦤ꧀ꦠꦤꦁ ꦏꦠꦁ.

꧕꧒꧘-꧕꧒꧙. ꦄꦥꦢꦶꦱ꧀ꦱꦴꦠꦶ ‘‘ꦆꦠ꧀ꦡꦤ꧀ꦤꦴꦩꦱ꧀ꦱ ꦨꦶꦏ꧀ꦑꦸꦤꦺꦴ ꦢꦱ꧀ꦱꦴꦩꦷ’’ꦠꦶ ꦌꦮꦁ ꦄꦥꦢꦶꦱꦶꦠ꧀ꦮꦴ. ꦥꦕ꧀ꦕꦪꦁ ꦏꦠ꧀ꦮꦴꦠꦶ ꦏꦴꦫꦟꦁ ꦏꦠ꧀ꦮꦴ. ꦈꦢ꧀ꦢꦶꦱ꧀ꦱꦴꦠꦶ ꦌꦠ꧀ꦡ ꦪꦺꦴ ꦏꦠ꧀ꦠꦴꦠꦶ ‘‘ꦈꦢ꧀ꦢꦶꦱ꧀ꦱꦴ’’ꦠꦶ ꦆꦩꦶꦤꦴ ꦮꦸꦠ꧀ꦠꦈꦢ꧀ꦢꦶꦱꦤꦏꦶꦫꦶꦪꦴꦪ ꦪꦺꦴ ꦏꦠ꧀ꦠꦴ. ꦕꦷꦮꦫꦁ ꦕꦺꦠꦴꦥꦺꦤ꧀ꦠꦶ ꦥꦫꦶꦮꦠ꧀ꦠꦺꦤ꧀ꦠꦶ ꦌꦠꦺꦤꦴꦠꦶ ꦕꦷꦮꦫꦕꦺꦠꦴꦥꦤ꧀ꦤꦁ. ꦤ-ꦏꦴꦫꦴꦒꦩꦁ ꦏꦠ꧀ꦮꦴ ꦕꦷꦮꦫꦕꦺꦠꦴꦥꦤ꧀ꦤꦤ꧀ꦠꦶ ꦮꦸꦠ꧀ꦠꦁ, ‘‘ꦕꦷꦮꦫꦕꦺꦠꦴꦥꦤ’’ꦤ꧀ꦠꦶꦥꦶ ꦥꦜꦤ꧀ꦠꦶ. ꦥꦕꦸꦫꦮꦺꦴꦲꦴꦫꦮꦱꦺꦤꦴꦠꦶ ꦪꦺꦨꦸꦪ꧀ꦪꦮꦺꦴꦲꦴꦫꦮꦱꦺꦤ. ꦪꦺꦨꦸꦪ꧀ꦪꦮꦱꦺꦤ ꦲꦶ ꦓꦫꦱꦴꦩꦶꦏꦁ ꦢꦛ꧀ꦜꦸꦏꦴꦩꦴ ꦠꦱ꧀ꦱ ꦓꦫꦁ ꦒꦕ꧀ꦖꦤ꧀ꦠꦷꦠꦶ ꦠꦡꦺꦮ ꦧꦲꦸꦭꦁ ꦮꦺꦴꦲꦴꦫꦺꦴ. ꦧ꧀ꦪꦚ꧀ꦗꦤꦩꦠ꧀ꦠꦩꦺꦮꦴꦠꦶ ꦄꦠ꧀ꦡꦺꦴ ꦤꦺꦠꦧ꧀ꦧꦺꦴ ꦤꦠ꧀ꦡꦷꦠꦶ ꦄꦣꦶꦥ꧀ꦥꦴꦪꦺꦴ.

꧕꧓꧑. ꦱꦩꦏꦺꦥꦶ ꦥꦤ ꦄꦤꦴꦥꦠ꧀ꦠꦷꦠꦶ ꦪꦢꦒ꧀ꦓꦤꦏꦁ ꦱꦺꦴ ꦢꦴꦠꦸꦏꦴꦩꦺꦴ ꦲꦺꦴꦠꦶ, ꦠꦢꦒ꧀ꦓꦤꦏꦺ ꦄꦤꦴꦥꦠ꧀ꦠꦶ ꦩꦹꦭꦁ ꦮꦝ꧀ꦞꦺꦠ꧀ꦮꦴ ꦄꦣꦶꦏꦮꦶꦣꦴꦤꦁ ꦄꦤꦴꦥꦤ꧀ꦤꦠ꧀ꦠꦴ. ꦌꦠ꧀ꦡ ꦕ ‘‘ꦢꦴꦠꦸꦏꦴꦩꦺꦴꦩ꧀ꦲꦷ’’ꦠꦶ ꦄꦠ꧀ꦠꦤꦺꦴ ꦱꦤ꧀ꦠꦶꦏꦺ ꦄꦮꦸꦠ꧀ꦠꦺꦥꦶ ꦢꦴꦠꦸꦏꦴꦩꦠꦁ ꦱꦸꦠ꧀ꦮꦴ ꦪꦢꦒ꧀ꦓꦤꦏꦁ ꦱꦺꦴ ꦢꦴꦠꦸꦏꦴꦩꦺꦴ ꦲꦺꦴꦠꦶ, ꦠꦢꦒ꧀ꦓꦤꦏꦁ ꦄꦴꦲꦫꦴꦥꦺꦠꦸꦁ ꦮꦛ꧀ꦛꦠꦶ. ꦄꦒ꧀ꦓꦮꦝ꧀ꦞꦤꦏꦚ꧀ꦲꦶ ꦆꦢꦁ ꦱꦶꦏ꧀ꦑꦴꦥꦢꦤ꧀ꦠꦶ ꦌꦠ꧀ꦡ ꦄꦒ꧀ꦓꦮꦝ꧀ꦞꦤꦁ ꦌꦠꦱ꧀ꦱ ꦄꦠ꧀ꦡꦷꦠꦶ ꦄꦒ꧀ꦓꦮꦝ꧀ꦞꦤꦏꦁ, ꦄꦒ꧀ꦓꦮꦝ꧀ꦞꦤꦁ ꦱꦤ꧀ꦣꦴꦪ ꦆꦢꦁ ꦱꦶꦏ꧀ꦑꦴꦥꦢꦁ ꦥꦚ꧀ꦚꦠ꧀ꦠꦤ꧀ꦠꦶ ꦄꦣꦶꦥ꧀ꦥꦴꦪꦺꦴ. ꦕꦷꦮꦫꦁ ꦢꦺꦲꦷꦠꦶ ꦱꦔ꧀ꦓꦴꦛꦶꦄꦴꦢꦷꦱꦸ ꦪꦁꦏꦶꦚ꧀ꦕꦶ ꦕꦷꦮꦫꦁ ꦱꦤ꧀ꦣꦴꦪ ꦮꦢꦠꦶ. ꦕꦷꦮꦫꦺ ꦨꦶꦪ꧀ꦪꦺꦴꦏꦩ꧀ꦪꦠꦴ, ꦄꦚ꧀ꦚꦴꦠꦏꦮꦶꦚ꧀ꦚꦠ꧀ꦠꦶ, ꦠꦴꦪ ꦕ ꦥꦛꦶꦭꦴꦨꦺꦴꦠꦶ ꦆꦩꦴꦤꦺꦠ꧀ꦡ ꦠꦷꦟꦶ ꦄꦔ꧀ꦒꦴꦤꦶ.

ꦥꦜꦩꦈꦥꦏ꧀ꦑꦛꦱꦶꦏ꧀ꦑꦴꦥꦢꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.

꧕꧓꧒. ꦢꦸꦠꦶꦪꦈꦥꦏ꧀ꦑꦛꦺ ꦮꦠ꧀ꦠꦧ꧀ꦧꦁ ꦤꦠ꧀ꦡꦶ.