꧖. ꦠꦱ꧀ꦱꦥꦴꦥꦶꦪꦱꦶꦏꦴꦏꦡꦴ

꧒꧐꧗. ꦄꦱꦸꦕꦷꦠꦶ ꦌꦠ꧀ꦡ ꦤꦠ꧀ꦡꦶ ꦱꦸꦕꦷꦤꦶ ꦏꦴꦪꦮꦕꦷꦏꦩ꧀ꦩꦴꦤꦶ ꦌꦠꦱ꧀ꦱꦴꦠꦶ ꦄꦱꦸꦕꦷꦠꦶ ꦮꦕꦤꦠ꧀ꦡꦁ ꦢꦱ꧀ꦱꦺꦤ꧀ꦠꦺꦴ ꦄꦴꦲ ‘‘ꦄꦱꦸꦕꦷꦲꦶ ꦏꦴꦪꦮꦕꦷꦏꦩ꧀ꦩꦺꦲꦶ ꦱꦩꦤ꧀ꦤꦴꦒꦠꦺꦴ’’ꦠꦶ. ꦌꦱꦺꦮ ꦤꦪꦺꦴ ꦄꦭꦗ꧀ꦗꦷꦠꦶ ꦌꦠ꧀ꦡꦴꦥꦶ. ꦱꦴꦤꦸꦮꦴꦢꦺꦴꦠꦶ ꦌꦠ꧀ꦡ ꦄꦤꦸꦮꦴꦢꦈꦥꦮꦴꦢꦱꦢ꧀ꦢꦴꦤꦁ ꦥꦫꦶꦪꦴꦪꦠ꧀ꦠꦴ ꦮꦸꦠ꧀ꦠꦁ ‘‘ꦱꦈꦥꦮꦴꦢꦺꦴ’’ꦠꦶ. ꦆꦠꦶ ꦥꦚ꧀ꦕꦴꦠꦶ ꦆꦩꦴꦤꦶ ꦥꦚ꧀ꦕ ꦄꦔ꧀ꦒꦴꦤꦶ. ꦌꦠ꧀ꦡꦴꦠꦶ ꦠꦱ꧀ꦱꦥꦴꦥꦶꦪꦱꦶꦏꦏꦩ꧀ꦩꦺ. ꦆꦢꦤ꧀ꦠꦶ ꦏꦩ꧀ꦩꦁ ꦮꦸꦕ꧀ꦕꦠꦷꦠꦶ ꦱꦩ꧀ꦧꦤ꧀ꦣꦺꦴ. ꦲꦷꦠꦶ ꦮꦶꦠ꧀ꦡꦴꦫꦺꦴ. ꦪꦺꦴ ꦥꦸꦒ꧀ꦒꦭꦺꦴ ꦥꦴꦥꦶꦪꦺꦴꦠꦶ ꦪꦺꦴꦗꦤꦴ. ꦥꦴꦥꦸꦱ꧀ꦱꦤ꧀ꦤꦠꦴꦪꦴꦠꦶ ꦭꦴꦩꦏꦸꦱ꧀ꦱꦤ꧀ꦤꦠꦴꦪ. ꦆꦩꦶꦤꦴ ꦄꦪꦚ꧀ꦕ ꦥꦴꦥꦺꦴ ꦄꦪꦚ꧀ꦕ ꦥꦴꦥꦺꦴ, ꦄꦪꦩꦶꦩꦺꦱꦁ ꦮꦶꦱꦺꦱꦺꦤ ꦥꦴꦥꦺꦴꦠꦶ ꦥꦴꦥꦶꦪꦺꦴꦠꦶ ꦕ ꦥꦴꦥꦴꦤꦁ ꦄꦠꦶꦱꦪꦺꦤ ꦥꦴꦥꦺꦴꦠꦶ ꦥꦴꦥꦶꦪꦺꦴꦠꦶ ꦕ ꦮꦕꦤꦠ꧀ꦡꦺꦴ ꦢꦱ꧀ꦱꦶꦠꦺꦴ. ꦠꦱ꧀ꦱꦴꦠꦶ ꦥꦸꦒ꧀ꦒꦭꦱ꧀ꦱ. ꦆꦩꦶꦤꦴ ꦠꦱ꧀ꦱ ꦥꦴꦥꦶꦪꦱ꧀ꦱ ꦏꦠ꧀ꦠꦧ꧀ꦧꦁ ꦠꦱ꧀ꦱꦥꦴꦥꦶꦪꦱꦶꦏꦁ, ꦠꦩꦺꦮ ꦏꦩ꧀ꦩꦁ ꦠꦱ꧀ꦱꦥꦴꦥꦶꦪꦱꦶꦏꦏꦩ꧀ꦩꦤ꧀ꦠꦶ ꦮꦕꦤꦠ꧀ꦡꦁ ꦢꦱ꧀ꦱꦺꦠꦶ. ꦏꦺꦱꦸꦕꦶ ꦥꦺꦴꦠ꧀ꦡꦏꦺꦱꦸ ꦪꦏꦴꦫꦺ ꦢ꧀ꦮꦺꦨꦴꦮꦺꦴ ꦄꦠ꧀ꦡꦶ, ꦱꦺꦴ ꦄꦪꦸꦠ꧀ꦠꦺꦴꦪꦺꦮ. ‘‘ꦪꦺꦨꦸꦪ꧀ꦪꦱꦶꦏꦴ’’ꦠꦶ ꦌꦠ꧀ꦡ ꦪꦏꦴꦫꦺ ꦢ꧀ꦮꦺꦨꦴꦮꦱ꧀ꦱ ꦢꦱ꧀ꦱꦤꦠꦺꦴ ꦌꦠ꧀ꦡꦴꦥꦶ ꦢ꧀ꦮꦺꦨꦴꦮꦺꦴ ꦪꦸꦠ꧀ꦠꦺꦴ ꦨꦮꦺꦪ꧀ꦪꦴꦠꦶ ꦭꦶꦑꦤ꧀ꦠꦷꦠꦶ ꦢꦛ꧀ꦜꦧ꧀ꦧꦁ.