꧖. ꦢꦸꦠꦶꦪꦱꦚ꧀ꦚꦴꦱꦸꦠ꧀ꦠꦮꦟ꧀ꦟꦤꦴ

꧔꧙. ꦖꦛ꧀ꦜꦺ ꦤ꧀ꦲꦴꦫꦸꦮꦶꦭꦺꦑꦤꦤ꧀ꦠꦶ ꦕꦩ꧀ꦩꦁ ꦭꦶꦑꦤ꧀ꦠꦴꦤꦁ ꦕꦩ꧀ꦩꦁ ꦭꦶꦑꦶꦠ꧀ꦮꦴ ꦖꦝ꧀ꦝꦶꦠꦏꦱꦛꦁ. ‘‘ꦌꦱꦺꦴꦲꦩꦱ꧀ꦩꦷ’’ꦠꦶꦄꦴꦢꦶꦤꦴ ꦄꦲꦁꦏꦫꦟꦁ ꦄꦲꦔ꧀ꦏꦴꦫꦺꦴ. ‘‘ꦌꦠꦁ ꦩꦩꦴ’’ꦠꦶ ꦩꦩꦁꦏꦫꦟꦁ ꦩꦩꦔ꧀ꦏꦴꦫꦺꦴ. ꦠꦺꦤꦴꦲ ‘‘ꦄꦲꦔ꧀ꦏꦴꦫꦢꦶꦛ꧀ꦜꦶꦠꦺꦴ’’ꦠꦶꦄꦴꦢꦶ. ꦠꦶꦱ꧀ꦱꦺꦴ ꦮꦶꦣꦴꦠꦶ ꦱꦺꦪ꧀ꦪꦱꦢꦶꦱꦲꦷꦤꦮꦱꦺꦤ ꦠꦪꦺꦴ ꦩꦴꦤꦴ. ‘‘ꦌꦏꦮꦶꦣꦺꦤ ꦫꦹꦥꦱꦔ꧀ꦒꦲꦺꦴ’’ꦠꦶꦄꦴꦢꦷꦱꦸ (ꦣ. ꦱ. ꧕꧘꧔) ꦏꦺꦴꦛ꧀ꦜꦴꦱꦺꦴ ‘‘ꦮꦶꦣꦴ’’ꦠꦶ ꦮꦸꦠ꧀ꦠꦺꦴ. ‘‘ꦏꦡꦁꦮꦶꦣꦁ ꦱꦷꦭꦮꦤ꧀ꦠꦁ ꦮꦢꦤ꧀ꦠꦶ, ꦏꦡꦁꦮꦶꦣꦁ ꦥꦚ꧀ꦚꦮꦤ꧀ꦠꦁ ꦮꦢꦤ꧀ꦠꦷ’’ꦠꦶꦄꦴꦢꦷꦱꦸ (ꦱꦁ. ꦤꦶ. ꧑.꧙꧕) ꦥꦏꦴꦫꦺꦴ. ‘‘ꦠꦶꦱ꧀ꦱꦺꦴ ꦆꦩꦴ, ꦨꦶꦏ꧀ꦑꦮꦺ, ꦮꦶꦣꦴ. ꦏꦠꦩꦴ ꦠꦶꦱ꧀ꦱꦺꦴ? ꦱꦺꦪ꧀ꦪꦺꦴꦲꦩꦱ꧀ꦩꦷꦠꦶ ꦮꦶꦣꦴ’’ꦠꦶ (ꦮꦶꦨ. ꧙꧒꧐) ꦌꦠ꧀ꦡ ꦩꦴꦤꦺꦴ ‘‘ꦮꦶꦣꦴ’’ꦠꦶ ꦮꦸꦠ꧀ꦠꦺꦴ. ꦆꦣꦴꦥꦶ ꦩꦴꦤꦺꦴꦮ ꦄꦣꦶꦥ꧀ꦥꦺꦠꦺꦴ. ꦩꦴꦤꦺꦴ ꦲꦶ ꦮꦶꦢꦲꦤꦠꦺꦴ ꦲꦷꦤꦴꦢꦶꦮꦱꦺꦤ ꦠꦶꦮꦶꦣꦴ. ꦠꦺꦤꦴꦏꦴꦫꦺꦤ ꦢꦲꦤꦠꦺꦴ ꦈꦥꦢꦲꦤꦠꦺꦴ ‘‘ꦮꦶꦣꦴ’’ꦠꦶ ꦮꦸꦕ꧀ꦕꦠꦶ.

ꦢꦸꦠꦶꦪꦱꦚ꧀ꦚꦴꦱꦸꦠ꧀ꦠꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.