꧘. ꦓꦺꦴꦱꦱꦚ꧀ꦚꦏꦠ꧀ꦡꦺꦫꦄꦥꦢꦴꦤꦁ

꧔꧔. ‘‘ꦩꦶꦒꦭꦸꦢ꧀ꦢꦺꦴ ꦥꦸꦫꦺ ꦄꦴꦱꦶꦁ, ꦄꦫꦚ꧀ꦚꦺ ꦮꦶꦥꦶꦤꦺ ꦄꦲꦁ;

ꦄꦢ꧀ꦢꦱꦁ ꦮꦶꦫꦗꦁ ꦧꦸꦢ꧀ꦣꦁ, ꦢꦺꦮꦱꦔ꧀ꦓꦥꦸꦫꦏ꧀ꦑꦠꦁ.

꧔꧕. ‘‘ꦕꦠꦸꦱꦕ꧀ꦕꦁ ꦥꦏꦴꦱꦺꦤ꧀ꦠꦁ, ꦢꦺꦱꦺꦤ꧀ꦠꦁ ꦄꦩꦠꦁ ꦥꦢꦁ;

ꦄꦱ꧀ꦱꦺꦴꦱꦶꦁ ꦩꦣꦸꦫꦁ ꦣꦩ꧀ꦩꦁ, ꦱꦶꦑꦶꦤꦺꦴ ꦭꦺꦴꦏꦧꦤ꧀ꦣꦸꦤꦺꦴ.

꧔꧖. ‘‘ꦓꦺꦴꦱꦺ ꦕꦶꦠ꧀ꦠꦁ ꦥꦱꦴꦢꦺꦱꦶꦁ, ꦄꦱꦩꦥ꧀ꦥꦛꦶꦥꦸꦒ꧀ꦒꦭꦺ;

ꦠꦠ꧀ꦡ ꦕꦶꦠ꧀ꦠꦁ ꦥꦱꦴꦢꦺꦠ꧀ꦮꦴ, ꦈꦠ꧀ꦠꦫꦶꦁ [ꦄꦠꦫꦶꦁ (ꦱꦷ. ꦥꦷ.)] ꦢꦸꦠ꧀ꦠꦫꦁ ꦨꦮꦁ.

꧔꧗. ‘‘ꦌꦏꦠꦶꦁꦱꦺ ꦆꦠꦺꦴ ꦏꦥ꧀ꦥꦺ, ꦪꦁ ꦱꦚ꧀ꦚꦩꦭꦨꦶꦁ ꦠꦢꦴ;

ꦢꦸꦒ꧀ꦒꦠꦶꦁ ꦤꦴꦨꦶꦗꦴꦤꦴꦩꦶ, ꦓꦺꦴꦱꦱꦚ꧀ꦚꦴꦪꦶꦢꦁ ꦦꦭꦁ.

꧔꧘. ‘‘ꦏꦶꦭꦺꦱꦴ ꦙꦴꦥꦶꦠꦴ ꦩꦪ꧀ꦲꦁ…ꦥꦺ… ꦮꦶꦲꦫꦴꦩꦶ ꦄꦤꦴꦱꦮꦺꦴ.

꧔꧙. ‘‘ꦱ꧀ꦮꦴꦒꦠꦁ ꦮꦠ ꦩꦺ ꦄꦴꦱꦶ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ.

꧕꧐. ‘‘ꦥꦛꦶꦱꦩ꧀ꦨꦶꦢꦴ ꦕꦠꦱ꧀ꦱꦺꦴ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ’’.

ꦆꦠ꧀ꦡꦁ ꦱꦸꦢꦁ ꦄꦴꦪꦱ꧀ꦩꦴ ꦓꦺꦴꦱꦱꦚ꧀ꦚꦏꦺꦴ ꦡꦺꦫꦺꦴ ꦆꦩꦴ ꦒꦴꦡꦴꦪꦺꦴ

ꦄꦨꦴꦱꦶꦠ꧀ꦡꦴꦠꦶ.

ꦓꦺꦴꦱꦱꦚ꧀ꦚꦏꦠ꧀ꦡꦺꦫꦱ꧀ꦱꦴꦥꦢꦴꦤꦁ ꦄꦛ꧀ꦜꦩꦁ.