꧕꧒. ꦦꦭꦢꦴꦪꦏꦮꦒ꧀ꦒꦺꦴ

꧑. ꦏꦸꦫꦚ꧀ꦕꦶꦪꦦꦭꦢꦴꦪꦏꦠ꧀ꦡꦺꦫꦄꦥꦢꦴꦤꦁ

꧑. ‘‘ꦩꦶꦒꦭꦸꦢ꧀ꦢꦺꦴ ꦥꦸꦫꦺ ꦄꦴꦱꦶꦁ, ꦮꦶꦥꦶꦤꦺ ꦮꦶꦕꦫꦁ ꦄꦲꦁ;

ꦄꦢ꧀ꦢꦱꦁ ꦮꦶꦫꦗꦁ ꦧꦸꦢ꧀ꦣꦁ, ꦱꦧ꧀ꦧꦣꦩ꧀ꦩꦴꦤ ꦥꦴꦫꦒꦸꦁ.

꧒. ‘‘ꦏꦸꦫꦚ꧀ꦕꦶꦪꦦꦭꦁ ꦒꦪ꧀ꦲ, ꦧꦸꦢ꧀ꦣꦱꦺꦛ꧀ꦜꦱ꧀ꦱꦢꦴꦱꦲꦁ;

ꦥꦸꦚ꧀ꦚꦏ꧀ꦑꦺꦠ꧀ꦠꦱ꧀ꦱ ꦠꦴꦢꦶꦤꦺꦴ, ꦥꦱꦤ꧀ꦤꦺꦴ ꦱꦺꦲꦶ ꦥꦴꦟꦶꦨꦶ.

꧓. ‘‘ꦌꦏꦠꦶꦁꦱꦺ ꦆꦠꦺꦴ ꦏꦥ꧀ꦥꦺ, ꦪꦁ ꦦꦭꦁ ꦄꦢꦢꦶꦁ ꦠꦢꦴ;

ꦢꦸꦒ꧀ꦒꦠꦶꦁ ꦤꦴꦨꦶꦗꦴꦤꦴꦩꦶ, ꦦꦭꦢꦴꦤꦱ꧀ꦱꦶꦢꦁ ꦦꦭꦁ.

꧔. ‘‘ꦏꦶꦭꦺꦱꦴ ꦙꦴꦥꦶꦠꦴ ꦩꦪ꧀ꦲꦁ, ꦨꦮꦴ ꦱꦧ꧀ꦧꦺ ꦱꦩꦹꦲꦠꦴ;

ꦤꦴꦒꦺꦴꦮ ꦧꦤ꧀ꦣꦤꦁ ꦖꦺꦠ꧀ꦮꦴ, ꦮꦶꦲꦫꦴꦩꦶ ꦄꦤꦴꦱꦮꦺꦴ.

꧕. ‘‘ꦱ꧀ꦮꦴꦒꦠꦁ ꦮꦠ ꦩꦺ ꦄꦴꦱꦶ, ꦧꦸꦢ꧀ꦣꦱꦺꦛ꧀ꦜꦱ꧀ꦱ ꦱꦤ꧀ꦠꦶꦏꦺ;

ꦠꦶꦱ꧀ꦱꦺꦴ ꦮꦶꦗ꧀ꦗꦴ ꦄꦤꦸꦥ꧀ꦥꦠ꧀ꦠꦴ, ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ.

꧖. ‘‘ꦥꦛꦶꦱꦩ꧀ꦨꦶꦢꦴ ꦕꦠꦱ꧀ꦱꦺꦴ, ꦮꦶꦩꦺꦴꦏ꧀ꦑꦴꦥꦶ ꦕ ꦄꦛ꧀ꦜꦶꦩꦺ;

ꦖꦭ꦳ꦨꦶꦚ꧀ꦚꦴ ꦱꦕ꧀ꦖꦶꦏꦠꦴ, ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ’’.

ꦆꦠ꧀ꦡꦁ ꦱꦸꦢꦁ ꦄꦴꦪꦱ꧀ꦩꦴ ꦏꦸꦫꦚ꧀ꦕꦶꦪꦦꦭꦢꦴꦪꦏꦺꦴ ꦡꦺꦫꦺꦴ ꦆꦩꦴ

ꦒꦴꦡꦴꦪꦺꦴ ꦄꦨꦴꦱꦶꦠ꧀ꦡꦴꦠꦶ.

ꦏꦸꦫꦚ꧀ꦕꦶꦪꦦꦭꦢꦴꦪꦏꦠ꧀ꦡꦺꦫꦱ꧀ꦱꦴꦥꦢꦴꦤꦁ ꦥꦜꦩꦁ.

꧒. ꦏꦥꦶꦠ꧀ꦡꦦꦭꦢꦴꦪꦏꦠ꧀ꦡꦺꦫꦄꦥꦢꦴꦤꦁ

꧗. ‘‘ꦱꦸꦮꦟ꧀ꦟꦮꦟ꧀ꦟꦁ ꦱꦩ꧀ꦧꦸꦢ꧀ꦣꦁ, ꦄꦴꦲꦸꦠꦷꦤꦁ ꦥꦛꦶꦒ꧀ꦒꦲꦁ;

ꦫꦡꦶꦪꦁ ꦥꦛꦶꦥꦗ꧀ꦗꦤ꧀ꦠꦁ, ꦏꦥꦶꦠ꧀ꦡꦁ [ꦏꦥꦶꦛ꧀ꦜꦁ (ꦱ꧀ꦪꦴ.)] ꦄꦢꦢꦶꦁ ꦦꦭꦁ.

꧘. ‘‘ꦌꦏꦤꦮꦸꦠꦶꦠꦺꦴ ꦏꦥ꧀ꦥꦺ, ꦪꦁ ꦦꦭꦁ ꦄꦢꦢꦶꦁ ꦠꦢꦴ;

ꦢꦸꦒ꧀ꦒꦠꦶꦁ ꦤꦴꦨꦶꦗꦴꦤꦴꦩꦶ, ꦦꦭꦢꦴꦤꦱ꧀ꦱꦶꦢꦁ ꦦꦭꦁ.

꧙. ‘‘ꦏꦶꦭꦺꦱꦴ ꦙꦴꦥꦶꦠꦴ ꦩꦪ꧀ꦲꦁ…ꦥꦺ… ꦮꦶꦲꦫꦴꦩꦶ ꦄꦤꦴꦱꦮꦺꦴ.

꧑꧐. ‘‘ꦱ꧀ꦮꦴꦒꦠꦁ ꦮꦠ ꦩꦺ ꦄꦴꦱꦶ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ.

꧑꧑. ‘‘ꦥꦛꦶꦱꦩ꧀ꦨꦶꦢꦴ ꦕꦠꦱ꧀ꦱꦺꦴ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ’’.

ꦆꦠ꧀ꦡꦁ ꦱꦸꦢꦁ ꦄꦴꦪꦱ꧀ꦩꦴ ꦏꦥꦶꦠ꧀ꦡꦦꦭꦢꦴꦪꦏꦺꦴ ꦡꦺꦫꦺꦴ ꦆꦩꦴ

ꦒꦴꦡꦴꦪꦺꦴ ꦄꦨꦴꦱꦶꦠ꧀ꦡꦴꦠꦶ.

ꦏꦥꦶꦠ꧀ꦡꦦꦭꦢꦴꦪꦏꦠ꧀ꦡꦺꦫꦱ꧀ꦱꦴꦥꦢꦴꦤꦁ ꦢꦸꦠꦶꦪꦁ.

꧓. ꦏꦺꦴꦱꦩ꧀ꦧꦦꦭꦶꦪꦠ꧀ꦡꦺꦫꦄꦥꦢꦴꦤꦁ

꧑꧒. ‘‘ꦏꦏꦸꦣꦁ ꦮꦶꦭꦱꦤ꧀ꦠꦁꦮ, ꦢꦺꦮꦢꦺꦮꦁ ꦤꦫꦴꦱꦨꦁ;

ꦫꦡꦶꦪꦁ ꦥꦛꦶꦥꦗ꧀ꦗꦤ꧀ꦠꦁ, ꦏꦺꦴꦱꦩ꧀ꦧꦁ [ꦏꦺꦴꦱꦸꦩ꧀ꦧꦁ (ꦱꦷ. ꦱ꧀ꦪꦴ. ꦥꦷ.)] ꦄꦢꦢꦶꦁ ꦠꦢꦴ.

꧑꧓. ‘‘ꦌꦏꦠꦶꦁꦱꦺ ꦆꦠꦺꦴ ꦏꦥ꧀ꦥꦺ, ꦪꦁ ꦦꦭꦁ ꦄꦢꦢꦶꦁ ꦠꦢꦴ;

ꦢꦸꦒ꧀ꦒꦠꦶꦁ ꦤꦴꦨꦶꦗꦴꦤꦴꦩꦶ, ꦦꦭꦢꦴꦤꦱ꧀ꦱꦶꦢꦁ ꦦꦭꦁ.

꧑꧔. ‘‘ꦏꦶꦭꦺꦱꦴ ꦙꦴꦥꦶꦠꦴ ꦩꦪ꧀ꦲꦁ…ꦥꦺ… ꦮꦶꦲꦫꦴꦩꦶ ꦄꦤꦴꦱꦮꦺꦴ.

꧑꧕. ‘‘ꦱ꧀ꦮꦴꦒꦠꦁ ꦮꦠ ꦩꦺ ꦄꦴꦱꦶ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ.

꧑꧖. ‘‘ꦥꦛꦶꦱꦩ꧀ꦨꦶꦢꦴ ꦕꦠꦱ꧀ꦱꦺꦴ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ’’.

ꦆꦠ꧀ꦡꦁ ꦱꦸꦢꦁ ꦄꦴꦪꦱ꧀ꦩꦴ ꦏꦺꦴꦱꦩ꧀ꦧꦦꦭꦶꦪꦺꦴ ꦡꦺꦫꦺꦴ ꦆꦩꦴ ꦒꦴꦡꦴꦪꦺꦴ

ꦄꦨꦴꦱꦶꦠ꧀ꦡꦴꦠꦶ.

ꦏꦺꦴꦱꦩ꧀ꦧꦦꦭꦶꦪꦠ꧀ꦡꦺꦫꦱ꧀ꦱꦴꦥꦢꦴꦤꦁ ꦠꦠꦶꦪꦁ.

꧔. ꦏꦺꦠꦏꦥꦸꦥ꧀ꦦꦶꦪꦠ꧀ꦡꦺꦫꦄꦥꦢꦴꦤꦁ

꧑꧗. ‘‘ꦮꦶꦤꦠꦴꦤꦢꦶꦪꦴ ꦠꦷꦫꦺ, ꦮꦶꦲꦴꦱꦶ ꦥꦸꦫꦶꦱꦸꦠ꧀ꦠꦩꦺꦴ;

ꦄꦢ꧀ꦢꦱꦁ ꦮꦶꦫꦗꦁ ꦧꦸꦢ꧀ꦣꦁ, ꦌꦏꦒ꧀ꦒꦁ ꦱꦸꦱꦩꦴꦲꦶꦠꦁ.

꧑꧘. ‘‘ꦩꦣꦸꦒꦤ꧀ꦣꦱ꧀ꦱ ꦥꦸꦥ꧀ꦦꦺꦤ, ꦏꦺꦠꦏꦱ꧀ꦱ ꦄꦲꦁ ꦠꦢꦴ;

ꦥꦱꦤ꧀ꦤꦕꦶꦠ꧀ꦠꦺꦴ ꦱꦸꦩꦤꦺꦴ, ꦧꦸꦢ꧀ꦣꦱꦺꦛ꧀ꦜꦩꦥꦹꦗꦪꦶꦁ.

꧑꧙. ‘‘ꦌꦏꦤꦮꦸꦠꦶꦠꦺꦴ ꦏꦥ꧀ꦥꦺ, ꦪꦁ ꦥꦸꦥ꧀ꦦꦩꦨꦶꦥꦹꦗꦪꦶꦁ;

ꦢꦸꦒ꧀ꦒꦠꦶꦁ ꦤꦴꦨꦶꦗꦴꦤꦴꦩꦶ, ꦧꦸꦢ꧀ꦣꦥꦹꦗꦴꦪꦶꦢꦁ ꦦꦭꦁ.

꧒꧐. ‘‘ꦏꦶꦭꦺꦱꦴ ꦙꦴꦥꦶꦠꦴ ꦩꦪ꧀ꦲꦁ…ꦥꦺ… ꦮꦶꦲꦫꦴꦩꦶ ꦄꦤꦴꦱꦮꦺꦴ.

꧒꧑. ‘‘ꦱ꧀ꦮꦴꦒꦠꦁ ꦮꦠ ꦩꦺ ꦄꦴꦱꦶ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ.

꧒꧒. ‘‘ꦥꦛꦶꦱꦩ꧀ꦨꦶꦢꦴ ꦕꦠꦱ꧀ꦱꦺꦴ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ’’.

ꦆꦠ꧀ꦡꦁ ꦱꦸꦢꦁ ꦄꦴꦪꦱ꧀ꦩꦴ ꦏꦺꦠꦏꦥꦸꦥ꧀ꦦꦶꦪꦺꦴ ꦡꦺꦫꦺꦴ ꦆꦩꦴ ꦒꦴꦡꦴꦪꦺꦴ

ꦄꦨꦴꦱꦶꦠ꧀ꦡꦴꦠꦶ.

ꦏꦺꦠꦏꦥꦸꦥ꧀ꦦꦶꦪꦠ꧀ꦡꦺꦫꦱ꧀ꦱꦴꦥꦢꦴꦤꦁ ꦕꦠꦸꦠ꧀ꦡꦁ.

꧕. ꦤꦴꦒꦥꦸꦥ꧀ꦦꦶꦪꦠ꧀ꦡꦺꦫꦄꦥꦢꦴꦤꦁ

꧒꧓. ‘‘ꦱꦸꦮꦟ꧀ꦟꦮꦟ꧀ꦟꦁ ꦱꦩ꧀ꦧꦸꦢ꧀ꦣꦁ, ꦄꦴꦲꦸꦠꦷꦤꦁ ꦥꦛꦶꦒ꧀ꦒꦲꦁ;

ꦫꦡꦶꦪꦁ ꦥꦛꦶꦥꦗ꧀ꦗꦤ꧀ꦠꦁ, ꦤꦴꦒꦥꦸꦥ꧀ꦦꦁ ꦄꦥꦹꦗꦪꦶꦁ.

꧒꧔. ‘‘ꦌꦏꦤꦮꦸꦠꦶꦠꦺꦴ ꦏꦥ꧀ꦥꦺ, ꦪꦁ ꦥꦸꦥ꧀ꦦꦩꦨꦶꦥꦹꦗꦪꦶꦁ;

ꦢꦸꦒ꧀ꦒꦠꦶꦁ ꦤꦴꦨꦶꦗꦴꦤꦴꦩꦶ, ꦧꦸꦢ꧀ꦣꦥꦹꦗꦴꦪꦶꦢꦁ ꦦꦭꦁ.

꧒꧕. ‘‘ꦏꦶꦭꦺꦱꦴ ꦙꦴꦥꦶꦠꦴ ꦩꦪ꧀ꦲꦁ…ꦥꦺ… ꦮꦶꦲꦫꦴꦩꦶ ꦄꦤꦴꦱꦮꦺꦴ.

꧒꧖. ‘‘ꦱ꧀ꦮꦴꦒꦠꦁ ꦮꦠ ꦩꦺ ꦄꦴꦱꦶ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ.

꧒꧗. ‘‘ꦥꦛꦶꦱꦩ꧀ꦨꦶꦢꦴ ꦕꦠꦱ꧀ꦱꦺꦴ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ’’.

ꦆꦠ꧀ꦡꦁ ꦱꦸꦢꦁ ꦄꦴꦪꦱ꧀ꦩꦴ ꦤꦴꦒꦥꦸꦥ꧀ꦦꦶꦪꦺꦴ ꦡꦺꦫꦺꦴ ꦆꦩꦴ ꦒꦴꦡꦴꦪꦺꦴ

ꦄꦨꦴꦱꦶꦠ꧀ꦡꦴꦠꦶ.

ꦤꦴꦒꦥꦸꦥ꧀ꦦꦶꦪꦠ꧀ꦡꦺꦫꦱ꧀ꦱꦴꦥꦢꦴꦤꦁ ꦥꦚ꧀ꦕꦩꦁ.

꧖. ꦄꦗ꧀ꦗꦸꦤꦥꦸꦥ꧀ꦦꦶꦪꦠ꧀ꦡꦺꦫꦄꦥꦢꦴꦤꦁ

꧒꧘. ‘‘ꦕꦤ꧀ꦢꦨꦴꦒꦴꦤꦢꦷꦠꦷꦫꦺ, ꦄꦲꦺꦴꦱꦶꦁ ꦏꦶꦤ꧀ꦤꦫꦺꦴ ꦠꦢꦴ;

ꦄꦢ꧀ꦢꦱꦁ ꦮꦶꦫꦗꦁ ꦧꦸꦢ꧀ꦣꦁ, ꦱꦪꦩ꧀ꦨꦸꦁ ꦄꦥꦫꦴꦗꦶꦠꦁ.

꧒꧙. ‘‘ꦥꦱꦤ꧀ꦤꦕꦶꦠ꧀ꦠꦺꦴ ꦱꦸꦩꦤꦺꦴ, ꦮꦺꦢꦗꦴꦠꦺꦴ ꦏꦠꦚ꧀ꦗꦭꦷ;

ꦒꦲꦺꦠ꧀ꦮꦴ ꦄꦗ꧀ꦗꦸꦤꦁ ꦥꦸꦥ꧀ꦦꦁ, ꦱꦪꦩ꧀ꦨꦸꦁ ꦄꦨꦶꦥꦹꦗꦪꦶꦁ.

꧓꧐. ‘‘ꦠꦺꦤ ꦏꦩ꧀ꦩꦺꦤ ꦱꦸꦏꦠꦺꦤ, ꦕꦺꦠꦤꦴꦥꦟꦶꦣꦷꦲꦶ ꦕ;

ꦗꦲꦶꦠ꧀ꦮꦴ ꦏꦶꦤ꧀ꦤꦫꦁ ꦢꦺꦲꦁ, ꦠꦴꦮꦠꦶꦁꦱꦩꦒꦕ꧀ꦖꦲꦁ.

꧓꧑. ‘‘ꦖꦠ꧀ꦠꦶꦁꦱꦏ꧀ꦑꦠ꧀ꦠꦸꦁ ꦢꦺꦮꦶꦤ꧀ꦢꦺꦴ, ꦢꦺꦮꦫꦗ꧀ꦗꦩꦏꦴꦫꦪꦶꦁ;

ꦢꦱꦏ꧀ꦑꦠ꧀ꦠꦸꦁ ꦕꦏ꧀ꦏꦮꦠ꧀ꦠꦷ, ꦩꦲꦴꦫꦗ꧀ꦗꦩꦏꦴꦫꦪꦶꦁ.

꧓꧒. ‘‘ꦥꦢꦺꦱꦫꦗ꧀ꦗꦁ ꦮꦶꦥꦸꦭꦁ, ꦒꦟꦤꦴꦠꦺꦴ ꦄꦱꦔ꧀ꦑꦶꦪꦁ;

ꦱꦸꦑꦺꦠ꧀ꦠꦺ ꦮꦥ꧀ꦥꦶꦠꦁ ꦧꦷꦗꦁ, ꦱꦪꦩ꧀ꦨꦸꦩ꧀ꦲꦶ ꦄꦲꦺꦴ ꦩꦩ [ꦄꦲꦺꦴꦱꦶ ꦩꦺ (ꦱ꧀ꦪꦴ.)].

꧓꧓. ‘‘ꦏꦸꦱꦭꦁ ꦮꦶꦗ꧀ꦗꦠꦺ ꦩꦪ꧀ꦲꦁ, ꦥꦧ꧀ꦧꦗꦶꦁ ꦄꦤꦒꦴꦫꦶꦪꦁ;

ꦥꦹꦗꦴꦫꦲꦺꦴ ꦄꦲꦁ ꦄꦗ꧀ꦗ, ꦱꦏ꧀ꦪꦥꦸꦠ꧀ꦠꦱ꧀ꦱ ꦱꦴꦱꦤꦺ.

꧓꧔. ‘‘ꦏꦶꦭꦺꦱꦴ ꦙꦴꦥꦶꦠꦴ ꦩꦪ꧀ꦲꦁ…ꦥꦺ… ꦮꦶꦲꦫꦴꦩꦶ ꦄꦤꦴꦱꦮꦺꦴ.

꧓꧕. ‘‘ꦱ꧀ꦮꦴꦒꦠꦁ ꦮꦠ ꦩꦺ ꦄꦴꦱꦶ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ.

꧓꧖. ‘‘ꦥꦛꦶꦱꦩ꧀ꦨꦶꦢꦴ ꦕꦠꦱ꧀ꦱꦺꦴ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ’’.

ꦆꦠ꧀ꦡꦁ ꦱꦸꦢꦁ ꦄꦴꦪꦱ꧀ꦩꦴ ꦄꦗ꧀ꦗꦸꦤꦥꦸꦥ꧀ꦦꦶꦪꦺꦴ ꦡꦺꦫꦺꦴ ꦆꦩꦴ ꦒꦴꦡꦴꦪꦺꦴ

ꦄꦨꦴꦱꦶꦠ꧀ꦡꦴꦠꦶ.

ꦄꦗ꧀ꦗꦸꦤꦥꦸꦥ꧀ꦦꦶꦪꦠ꧀ꦡꦺꦫꦱ꧀ꦱꦴꦥꦢꦴꦤꦁ ꦖꦛ꧀ꦜꦁ.

꧗. ꦏꦸꦛꦗꦥꦸꦥ꧀ꦦꦶꦪꦠ꧀ꦡꦺꦫꦄꦥꦢꦴꦤꦁ

꧓꧗. ‘‘ꦲꦶꦩꦮꦤ꧀ꦠꦱ꧀ꦱꦴꦮꦶꦢꦹꦫꦺ, ꦮꦱꦭꦺꦴ [ꦕꦴꦮꦭꦺꦴ (ꦱꦷ. ꦥꦷ.), ꦄꦕ꧀ꦕꦪꦺꦴ (ꦱ꧀ꦪꦴ.)] ꦤꦴꦩ ꦥꦧ꧀ꦧꦠꦺꦴ;

ꦧꦸꦢ꧀ꦣꦺꦴ ꦱꦸꦢꦱ꧀ꦱꦤꦺꦴ ꦤꦴꦩ, ꦮꦱꦠꦺ ꦥꦧ꧀ꦧꦠꦤ꧀ꦠꦫꦺ.

꧓꧘. ‘‘ꦥꦸꦥ꧀ꦦꦁ ꦲꦺꦩꦮꦤ꧀ꦠꦁ ꦒꦪ꧀ꦲ, ꦮꦺꦲꦴꦱꦁ ꦄꦒꦩꦴꦱꦲꦁ;

ꦠꦠ꧀ꦡꦢ꧀ꦢꦱꦴꦱꦶꦁ ꦱꦩ꧀ꦧꦸꦢ꧀ꦣꦁ, ꦎꦓꦠꦶꦟ꧀ꦟꦩꦤꦴꦱꦮꦁ.

꧓꧙. ‘‘ꦥꦸꦥ꧀ꦦꦁ ꦏꦸꦛꦗꦩꦴꦢꦴꦪ, ꦱꦶꦫꦺ ꦏꦠ꧀ꦮꦴꦤ ꦄꦚ꧀ꦗꦭꦶꦁ [ꦏꦠ꧀ꦮꦴꦤꦲꦁ ꦠꦢꦴ (ꦱ꧀ꦪꦴ. ꦥꦷ. ꦏ.)];

ꦧꦸꦢ꧀ꦣꦱ꧀ꦱ ꦄꦨꦶꦫꦺꦴꦥꦺꦱꦶꦁ, ꦱꦪꦩ꧀ꦨꦸꦱ꧀ꦱ ꦩꦲꦺꦱꦶꦤꦺꦴ.

꧔꧐. ‘‘ꦌꦏꦠꦶꦁꦱꦺ ꦆꦠꦺꦴ ꦏꦥ꧀ꦥꦺ, ꦪꦁ ꦥꦸꦥ꧀ꦦꦩꦨꦶꦥꦹꦗꦪꦶꦁ;

ꦢꦸꦒ꧀ꦒꦠꦶꦁ ꦤꦴꦨꦶꦗꦴꦤꦴꦩꦶ, ꦧꦸꦢ꧀ꦣꦥꦹꦗꦴꦪꦶꦢꦁ ꦦꦭꦁ.

꧔꧑. ‘‘ꦏꦶꦭꦺꦱꦴ ꦙꦴꦥꦶꦠꦴ ꦩꦪ꧀ꦲꦁ…ꦥꦺ… ꦮꦶꦲꦫꦴꦩꦶ ꦄꦤꦴꦱꦮꦺꦴ.

꧔꧒. ‘‘ꦱ꧀ꦮꦴꦒꦠꦁ ꦮꦠ ꦩꦺ ꦄꦴꦱꦶ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ.

꧔꧓. ‘‘ꦥꦛꦶꦱꦩ꧀ꦨꦶꦢꦴ ꦕꦠꦱ꧀ꦱꦺꦴ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ’’.

ꦆꦠ꧀ꦡꦁ ꦱꦸꦢꦁ ꦄꦴꦪꦱ꧀ꦩꦴ ꦏꦸꦛꦗꦥꦸꦥ꧀ꦦꦶꦪꦺꦴ ꦡꦺꦫꦺꦴ ꦆꦩꦴ ꦒꦴꦡꦴꦪꦺꦴ

ꦄꦨꦴꦱꦶꦠ꧀ꦡꦴꦠꦶ.

ꦏꦸꦛꦗꦥꦸꦥ꧀ꦦꦶꦪꦠ꧀ꦡꦺꦫꦱ꧀ꦱꦴꦥꦢꦴꦤꦁ ꦱꦠ꧀ꦠꦩꦁ.

꧘. ꦓꦺꦴꦱꦱꦚ꧀ꦚꦏꦠ꧀ꦡꦺꦫꦄꦥꦢꦴꦤꦁ

꧔꧔. ‘‘ꦩꦶꦒꦭꦸꦢ꧀ꦢꦺꦴ ꦥꦸꦫꦺ ꦄꦴꦱꦶꦁ, ꦄꦫꦚ꧀ꦚꦺ ꦮꦶꦥꦶꦤꦺ ꦄꦲꦁ;

ꦄꦢ꧀ꦢꦱꦁ ꦮꦶꦫꦗꦁ ꦧꦸꦢ꧀ꦣꦁ, ꦢꦺꦮꦱꦔ꧀ꦓꦥꦸꦫꦏ꧀ꦑꦠꦁ.

꧔꧕. ‘‘ꦕꦠꦸꦱꦕ꧀ꦕꦁ ꦥꦏꦴꦱꦺꦤ꧀ꦠꦁ, ꦢꦺꦱꦺꦤ꧀ꦠꦁ ꦄꦩꦠꦁ ꦥꦢꦁ;

ꦄꦱ꧀ꦱꦺꦴꦱꦶꦁ ꦩꦣꦸꦫꦁ ꦣꦩ꧀ꦩꦁ, ꦱꦶꦑꦶꦤꦺꦴ ꦭꦺꦴꦏꦧꦤ꧀ꦣꦸꦤꦺꦴ.

꧔꧖. ‘‘ꦓꦺꦴꦱꦺ ꦕꦶꦠ꧀ꦠꦁ ꦥꦱꦴꦢꦺꦱꦶꦁ, ꦄꦱꦩꦥ꧀ꦥꦛꦶꦥꦸꦒ꧀ꦒꦭꦺ;

ꦠꦠ꧀ꦡ ꦕꦶꦠ꧀ꦠꦁ ꦥꦱꦴꦢꦺꦠ꧀ꦮꦴ, ꦈꦠ꧀ꦠꦫꦶꦁ [ꦄꦠꦫꦶꦁ (ꦱꦷ. ꦥꦷ.)] ꦢꦸꦠ꧀ꦠꦫꦁ ꦨꦮꦁ.

꧔꧗. ‘‘ꦌꦏꦠꦶꦁꦱꦺ ꦆꦠꦺꦴ ꦏꦥ꧀ꦥꦺ, ꦪꦁ ꦱꦚ꧀ꦚꦩꦭꦨꦶꦁ ꦠꦢꦴ;

ꦢꦸꦒ꧀ꦒꦠꦶꦁ ꦤꦴꦨꦶꦗꦴꦤꦴꦩꦶ, ꦓꦺꦴꦱꦱꦚ꧀ꦚꦴꦪꦶꦢꦁ ꦦꦭꦁ.

꧔꧘. ‘‘ꦏꦶꦭꦺꦱꦴ ꦙꦴꦥꦶꦠꦴ ꦩꦪ꧀ꦲꦁ…ꦥꦺ… ꦮꦶꦲꦫꦴꦩꦶ ꦄꦤꦴꦱꦮꦺꦴ.

꧔꧙. ‘‘ꦱ꧀ꦮꦴꦒꦠꦁ ꦮꦠ ꦩꦺ ꦄꦴꦱꦶ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ.

꧕꧐. ‘‘ꦥꦛꦶꦱꦩ꧀ꦨꦶꦢꦴ ꦕꦠꦱ꧀ꦱꦺꦴ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ’’.

ꦆꦠ꧀ꦡꦁ ꦱꦸꦢꦁ ꦄꦴꦪꦱ꧀ꦩꦴ ꦓꦺꦴꦱꦱꦚ꧀ꦚꦏꦺꦴ ꦡꦺꦫꦺꦴ ꦆꦩꦴ ꦒꦴꦡꦴꦪꦺꦴ

ꦄꦨꦴꦱꦶꦠ꧀ꦡꦴꦠꦶ.

ꦓꦺꦴꦱꦱꦚ꧀ꦚꦏꦠ꧀ꦡꦺꦫꦱ꧀ꦱꦴꦥꦢꦴꦤꦁ ꦄꦛ꧀ꦜꦩꦁ.

꧙. ꦱꦧ꧀ꦧꦦꦭꦢꦴꦪꦏꦠ꧀ꦡꦺꦫꦄꦥꦢꦴꦤꦁ

꧕꧑. ‘‘ꦮꦫꦸꦟꦺꦴ ꦤꦴꦩ ꦤꦴꦩꦺꦤ, ꦧ꧀ꦫꦴꦲ꧀ꦩꦟꦺꦴ ꦩꦤ꧀ꦠꦥꦴꦫꦒꦹ;

ꦖꦝ꧀ꦝꦺꦠ꧀ꦮꦴ ꦢꦱꦥꦸꦠ꧀ꦠꦴꦤꦶ, ꦮꦤꦩꦗ꧀ꦙꦺꦴꦒꦲꦶꦁ ꦠꦢꦴ.

꧕꧒. ‘‘ꦄꦱ꧀ꦱꦩꦁ ꦱꦸꦏꦠꦁ ꦏꦠ꧀ꦮꦴ, ꦱꦸꦮꦶꦨꦠ꧀ꦠꦁ ꦩꦤꦺꦴꦫꦩꦁ;

ꦥꦟ꧀ꦟꦱꦴꦭꦁ ꦏꦫꦶꦠ꧀ꦮꦴꦤ, ꦮꦱꦴꦩꦶ ꦮꦶꦥꦶꦤꦺ ꦄꦲꦁ.

꧕꧓. ‘‘ꦥꦢꦸꦩꦸꦠ꧀ꦠꦫꦺꦴ ꦭꦺꦴꦏꦮꦶꦢꦹ, ꦄꦴꦲꦸꦠꦷꦤꦁ ꦥꦛꦶꦒ꧀ꦒꦲꦺꦴ;

ꦩꦩꦸꦢ꧀ꦣꦫꦶꦠꦸꦏꦴꦩꦺꦴ ꦱꦺꦴ, ꦄꦴꦒꦕ꧀ꦖꦶ ꦩꦩ ꦄꦱ꧀ꦱꦩꦁ.

꧕꧔. ‘‘ꦪꦴꦮꦠꦴ ꦮꦤꦱꦟ꧀ꦝꦩ꧀ꦲꦶ, ꦎꦨꦴꦱꦺꦴ ꦮꦶꦥꦸꦭꦺꦴ ꦄꦲꦸ;

ꦧꦸꦢ꧀ꦣꦱ꧀ꦱ ꦄꦴꦤꦸꦨꦴꦮꦺꦤ, ꦥꦗ꧀ꦗꦭꦷ ꦮꦶꦥꦶꦤꦁ ꦠꦢꦴ.

꧕꧕. ‘‘ꦢꦶꦱ꧀ꦮꦴꦤ ꦠꦁ ꦥꦴꦛꦶꦲꦷꦫꦁ, ꦧꦸꦢ꧀ꦣꦱꦺꦛ꧀ꦜꦱ꧀ꦱ ꦠꦴꦢꦶꦤꦺꦴ;

ꦥꦠ꧀ꦠꦥꦸꦛꦁ ꦒꦲꦺꦠ꧀ꦮꦴꦤ, ꦦꦭꦺꦤ ꦥꦹꦗꦪꦶꦁ ꦄꦲꦁ.

꧕꧖. ‘‘ꦈꦥꦒꦤ꧀ꦠ꧀ꦮꦴꦤ ꦱꦩ꧀ꦧꦸꦢ꧀ꦣꦁ, ꦱꦲꦑꦴꦫꦶꦩꦢꦴꦱꦲꦁ;

ꦄꦤꦸꦏꦩ꧀ꦥꦴꦪ ꦩꦺ ꦧꦸꦢ꧀ꦣꦺꦴ, ꦆꦢꦁ ꦮꦕꦤꦩꦧ꧀ꦫꦮꦶ.

꧕꧗. ‘ꦑꦴꦫꦶꦨꦴꦫꦁ ꦒꦲꦺꦠ꧀ꦮꦴꦤ, ꦥꦕ꧀ꦖꦠꦺꦴ ꦌꦲꦶ ꦩꦺ ꦠꦸꦮꦁ;

ꦥꦫꦶꦨꦸꦠ꧀ꦠꦺ ꦕ ꦱꦔ꧀ꦓꦩ꧀ꦲꦶ, ꦥꦸꦚ꧀ꦚꦁ ꦠꦮ ꦨꦮꦶꦱ꧀ꦱꦠꦶ’.

꧕꧘. ‘‘ꦥꦸꦛꦏꦤ꧀ꦠꦁ ꦒꦲꦺꦠ꧀ꦮꦴꦤ, ꦨꦶꦏ꧀ꦑꦸꦱꦔ꧀ꦓꦱ꧀ꦱꦢꦴꦱꦲꦁ;

ꦠꦠ꧀ꦡ ꦕꦶꦠ꧀ꦠꦁ ꦥꦱꦴꦢꦺꦠ꧀ꦮꦴ, ꦠꦸꦱꦶꦠꦁ ꦈꦥꦥꦗ꧀ꦗꦲꦁ.

꧕꧙. ‘‘ꦠꦠ꧀ꦡ ꦢꦶꦧ꧀ꦧꦺꦲꦶ ꦤꦕ꧀ꦕꦺꦲꦶ, ꦒꦷꦠꦺꦲꦶ ꦮꦴꦢꦶꦠꦺꦲꦶ ꦕ;

ꦥꦸꦚ꧀ꦚꦏꦩ꧀ꦩꦺꦤ ꦱꦁꦪꦸꦠ꧀ꦠꦁ, ꦄꦤꦸꦨꦺꦴꦩꦶ ꦱꦢꦴ ꦱꦸꦑꦁ.

꧖꧐. ‘‘ꦪꦁ ꦪꦁ ꦪꦺꦴꦤꦸꦥꦥꦗ꧀ꦗꦴꦩꦶ, ꦢꦺꦮꦠ꧀ꦠꦁ ꦄꦡ ꦩꦴꦤꦸꦱꦁ;

ꦨꦺꦴꦒꦺ ꦩꦺ ꦈꦴꦤꦠꦴ ꦤꦠ꧀ꦡꦶ, ꦦꦭꦢꦴꦤꦱ꧀ꦱꦶꦢꦁ ꦦꦭꦁ.

꧖꧑. ‘‘ꦪꦴꦮꦠꦴ ꦕꦠꦸꦫꦺꦴ ꦢꦷꦥꦴ, ꦱꦱꦩꦸꦢ꧀ꦢꦴ ꦱꦥꦧ꧀ꦧꦠꦴ;

ꦦꦭꦁ ꦧꦸꦢ꧀ꦣꦱ꧀ꦱ ꦢꦠ꧀ꦮꦴꦤ, ꦆꦱ꧀ꦱꦫꦁ ꦏꦴꦫꦪꦴꦩꦲꦁ.

꧖꧒. ‘‘ꦪꦴꦮꦠꦴ ꦩꦺ ꦥꦏ꧀ꦑꦶꦒꦟꦴ, ꦄꦴꦏꦴꦱꦺ ꦈꦥ꧀ꦥꦠꦤ꧀ꦠꦶ ꦕꦺ;

ꦠꦺꦥꦶ ꦩꦁ ꦮꦱꦩꦤ꧀ꦮꦺꦤ꧀ꦠꦶ, ꦦꦭꦢꦴꦤꦱ꧀ꦱꦶꦢꦁ ꦦꦭꦁ.

꧖꧓. ‘‘ꦪꦴꦮꦠꦴ ꦮꦤꦱꦟ꧀ꦝꦩ꧀ꦲꦶ, ꦪꦏ꧀ꦑꦴ ꦨꦹꦠꦴ ꦕ ꦫꦏ꧀ꦑꦱꦴ;

ꦏꦸꦩ꧀ꦨꦟ꧀ꦝꦴ ꦒꦫꦸꦭ꦳ꦴ ꦕꦴꦥꦶ, ꦥꦴꦫꦶꦕꦫꦶꦪꦁ ꦈꦥꦺꦤ꧀ꦠꦶ ꦩꦺ.

꧖꧔. ‘‘ꦏꦸꦩ꧀ꦨꦴ ꦱꦺꦴꦟꦴ ꦩꦣꦸꦏꦴꦫꦴ, ꦝꦁꦱꦴ ꦕ ꦩꦏꦱꦴ ꦈꦨꦺꦴ;

ꦠꦺꦥꦶ ꦩꦁ ꦮꦱꦩꦤ꧀ꦮꦺꦤ꧀ꦠꦶ, ꦦꦭꦢꦴꦤꦱ꧀ꦱꦶꦢꦁ ꦦꦭꦁ.

꧖꧕. ‘‘ꦱꦸꦥꦟ꧀ꦟꦴ ꦤꦴꦩ ꦱꦏꦸꦟꦴ, ꦥꦏ꧀ꦑꦶꦗꦴꦠꦴ ꦩꦲꦧ꧀ꦧꦭꦴ;

ꦠꦺꦥꦶ ꦩꦁ ꦱꦫꦟꦁ ꦪꦤ꧀ꦠꦶ, ꦦꦭꦢꦴꦤꦱ꧀ꦱꦶꦢꦁ ꦦꦭꦁ.

꧖꧖. ‘‘ꦪꦺꦥꦶ ꦢꦷꦓꦴꦪꦸꦏꦴ ꦤꦴꦒꦴ, ꦆꦢ꧀ꦣꦶꦩꦤ꧀ꦠꦺꦴ ꦩꦲꦴꦪꦱꦴ;

ꦠꦺꦥꦶ ꦩꦁ ꦮꦱꦩꦤ꧀ꦮꦺꦤ꧀ꦠꦶ, ꦦꦭꦢꦴꦤꦱ꧀ꦱꦶꦢꦁ ꦦꦭꦁ.

꧖꧗. ‘‘ꦱꦷꦲꦴ ꦧ꧀ꦪꦒ꧀ꦓꦴ ꦕ ꦢꦷꦥꦷ ꦕ, ꦄꦕ꧀ꦖꦏꦺꦴꦏꦠꦫꦕ꧀ꦖꦏꦴ;

ꦠꦺꦥꦶ ꦩꦁ ꦮꦱꦩꦤ꧀ꦮꦺꦤ꧀ꦠꦶ, ꦦꦭꦢꦴꦤꦱ꧀ꦱꦶꦢꦁ ꦦꦭꦁ.

꧖꧘. ‘‘ꦎꦱꦣꦷꦠꦶꦟꦮꦴꦱꦷ ꦕ, ꦪꦺ ꦕ ꦄꦴꦏꦴꦱꦮꦴꦱꦶꦤꦺꦴ;

ꦱꦧ꧀ꦧꦺ ꦩꦁ ꦱꦫꦟꦁ ꦪꦤ꧀ꦠꦶ, ꦦꦭꦢꦴꦤꦱ꧀ꦱꦶꦢꦁ ꦦꦭꦁ.

꧖꧙. ‘‘ꦱꦸꦢꦸꦢ꧀ꦢꦱꦁ ꦱꦸꦤꦶꦥꦸꦟꦁ, ꦒꦩ꧀ꦨꦷꦫꦁ ꦱꦸꦥ꧀ꦥꦏꦴꦱꦶꦠꦁ;