(꧒) ꦩꦹꦭꦩꦹꦭꦤꦪꦺꦴ

꧘꧙. (ꦏ) ꦪꦺ ꦏꦺꦕꦶ ꦤꦴꦩꦴ ꦣꦩ꧀ꦩꦴ, ꦱꦧ꧀ꦧꦺ ꦠꦺ ꦤꦴꦩꦩꦹꦭꦩꦹꦭꦴꦠꦶ?

ꦤꦮꦺꦮ ꦤꦴꦩꦩꦹꦭꦩꦹꦭꦴꦤꦶ. ꦄꦮꦱꦺꦱꦴ ꦤꦴꦩꦴ ꦣꦩ꧀ꦩꦴ ꦤ ꦤꦴꦩꦩꦹꦭꦩꦹꦭꦴ.

(ꦑ) ꦪꦺ ꦮꦴ ꦥꦤ ꦤꦴꦩꦩꦹꦭꦩꦹꦭꦴ, ꦱꦧ꧀ꦧꦺ ꦠꦺ ꦣꦩ꧀ꦩꦴ ꦤꦴꦩꦴꦠꦶ? ꦄꦴꦩꦤ꧀ꦠꦴ.

꧙꧐. (ꦏ) ꦪꦺ ꦏꦺꦕꦶ ꦤꦴꦩꦴ ꦣꦩ꧀ꦩꦴ, ꦱꦧ꧀ꦧꦺ ꦠꦺ ꦤꦴꦩꦩꦹꦭꦺꦤ ꦌꦏꦩꦹꦭꦩꦹꦭꦴꦠꦶ?

ꦄꦲꦺꦠꦸꦏꦁ ꦤꦴꦩꦁ ꦤꦴꦩꦩꦹꦭꦺꦤ ꦤ ꦌꦏꦩꦹꦭꦩꦹꦭꦁ. ꦱꦲꦺꦠꦸꦏꦁ ꦤꦴꦩꦁ ꦤꦴꦩꦩꦹꦭꦺꦤ ꦌꦏꦩꦹꦭꦩꦹꦭꦁ.

(ꦑ) ꦪꦺ ꦮꦴ ꦥꦤ ꦤꦴꦩꦩꦹꦭꦺꦤ ꦌꦏꦩꦹꦭꦩꦹꦭꦴ, ꦱꦧ꧀ꦧꦺ ꦠꦺ ꦣꦩ꧀ꦩꦴ ꦤꦴꦩꦴꦠꦶ?

ꦤꦴꦩꦱꦩꦸꦛ꧀ꦜꦴꦤꦁ ꦫꦹꦥꦁ ꦤꦴꦩꦩꦹꦭꦺꦤ ꦌꦏꦩꦹꦭꦩꦹꦭꦁ, ꦤ ꦤꦴꦩꦁ. ꦤꦴꦩꦁ ꦤꦴꦩꦩꦹꦭꦺꦤ ꦌꦏꦩꦹꦭꦩꦹꦭꦚ꧀ꦕꦺꦮ ꦤꦴꦩꦚ꧀ꦕ.

꧙꧑. (ꦏ) ꦪꦺ ꦏꦺꦕꦶ ꦤꦴꦩꦩꦹꦭꦺꦤ ꦌꦏꦩꦹꦭꦩꦹꦭꦴ ꦣꦩ꧀ꦩꦴ, ꦱꦧ꧀ꦧꦺ ꦠꦺ ꦤꦴꦩꦩꦹꦭꦺꦤ ꦄꦚ꧀ꦚꦩꦚ꧀ꦚꦩꦹꦭꦩꦹꦭꦴꦠꦶ?

ꦩꦹꦭꦴꦤꦶ ꦪꦴꦤꦶ ꦌꦏꦠꦺꦴ ꦈꦥ꧀ꦥꦗ꧀ꦗꦤ꧀ꦠꦶ ꦤꦴꦩꦩꦹꦭꦴꦤꦶ ꦌꦏꦩꦹꦭꦩꦹꦭꦴꦤꦶ ꦕꦺꦮ ꦄꦚ꧀ꦚꦩꦚ꧀ꦚꦩꦹꦭꦩꦹꦭꦴꦤꦶ ꦕ. ꦄꦮꦱꦺꦱꦴ ꦤꦴꦩꦩꦹꦭꦱꦲꦗꦴꦠꦴ ꦣꦩ꧀ꦩꦴ ꦤꦴꦩꦩꦹꦭꦺꦤ ꦌꦏꦩꦹꦭꦩꦹꦭꦴ, ꦤ ꦕ ꦄꦚ꧀ꦚꦩꦚ꧀ꦚꦩꦹꦭꦩꦹꦭꦴ.

(ꦑ) ꦪꦺ ꦮꦴ ꦥꦤ ꦤꦴꦩꦩꦹꦭꦺꦤ ꦄꦚ꧀ꦚꦩꦚ꧀ꦚꦩꦹꦭꦩꦹꦭꦴ, ꦱꦧ꧀ꦧꦺ ꦠꦺ ꦣꦩ꧀ꦩꦴ ꦤꦴꦩꦴꦠꦶ? ꦄꦴꦩꦤ꧀ꦠꦴ.