(꧓) ꦩꦹꦭꦏꦤꦪꦺꦴ

꧙꧒. (ꦏ) ꦪꦺ ꦏꦺꦕꦶ ꦤꦴꦩꦴ ꦣꦩ꧀ꦩꦴ, ꦱꦧ꧀ꦧꦺ ꦠꦺ ꦤꦴꦩꦩꦹꦭꦏꦴꦠꦶ?

ꦄꦲꦺꦠꦸꦏꦁ ꦤꦴꦩꦁ ꦤ ꦤꦴꦩꦩꦹꦭꦏꦁ. ꦱꦲꦺꦠꦸꦏꦁ ꦤꦴꦩꦁ ꦤꦴꦩꦩꦹꦭꦏꦁ.

(ꦑ) ꦪꦺ ꦮꦴ ꦥꦤ ꦤꦴꦩꦩꦹꦭꦏꦴ, ꦱꦧ꧀ꦧꦺ ꦠꦺ ꦣꦩ꧀ꦩꦴ ꦤꦴꦩꦴꦠꦶ?

ꦤꦴꦩꦱꦩꦸꦛ꧀ꦜꦴꦤꦁ ꦫꦹꦥꦁ ꦤꦴꦩꦩꦹꦭꦏꦁ, ꦤ ꦤꦴꦩꦁ. ꦤꦴꦩꦁ ꦤꦴꦩꦩꦹꦭꦏꦚ꧀ꦕꦺꦮ ꦤꦴꦩꦚ꧀ꦕ.

꧙꧓. (ꦏ) ꦪꦺ ꦏꦺꦕꦶ ꦤꦴꦩꦴ ꦣꦩ꧀ꦩꦴ, ꦱꦧ꧀ꦧꦺ ꦠꦺ ꦤꦴꦩꦩꦹꦭꦺꦤ ꦌꦏꦩꦹꦭꦏꦴꦠꦶ?

ꦄꦲꦺꦠꦸꦏꦁ ꦤꦴꦩꦁ ꦤꦴꦩꦩꦹꦭꦺꦤ ꦤ ꦌꦏꦩꦹꦭꦏꦁ. ꦱꦲꦺꦠꦸꦏꦁ ꦤꦴꦩꦁ ꦤꦴꦩꦩꦹꦭꦺꦤ ꦌꦏꦩꦹꦭꦏꦁ.

(ꦑ) ꦪꦺ ꦮꦴ ꦥꦤ ꦤꦴꦩꦩꦹꦭꦺꦤ ꦌꦏꦩꦹꦭꦏꦴ, ꦱꦧ꧀ꦧꦺ ꦠꦺ ꦣꦩ꧀ꦩꦴ ꦤꦴꦩꦴꦠꦶ?

ꦤꦴꦩꦱꦩꦸꦛ꧀ꦜꦴꦤꦁ ꦫꦹꦥꦁ ꦤꦴꦩꦩꦹꦭꦺꦤ ꦌꦏꦩꦹꦭꦏꦁ, ꦤ ꦤꦴꦩꦁ. ꦤꦴꦩꦁ ꦤꦴꦩꦩꦹꦭꦺꦤ ꦌꦏꦩꦹꦭꦏꦚ꧀ꦕꦺꦮ ꦤꦴꦩꦚ꧀ꦕ.

꧙꧔. (ꦏ) ꦪꦺ ꦏꦺꦕꦶ ꦤꦴꦩꦩꦹꦭꦺꦤ ꦌꦏꦩꦹꦭꦏꦴ ꦣꦩ꧀ꦩꦴ, ꦱꦧ꧀ꦧꦺ ꦠꦺ ꦤꦴꦩꦩꦹꦭꦺꦤ ꦄꦚ꧀ꦚꦩꦚ꧀ꦚꦩꦹꦭꦏꦴꦠꦶ?

ꦩꦹꦭꦴꦤꦶ ꦪꦴꦤꦶ ꦌꦏꦠꦺꦴ ꦈꦥ꧀ꦥꦗ꧀ꦗꦤ꧀ꦠꦶ ꦤꦴꦩꦩꦹꦭꦴꦤꦶ ꦌꦏꦩꦹꦭꦏꦴꦤꦶ ꦕꦺꦮ ꦄꦚ꧀ꦚꦩꦚ꧀ꦚꦩꦹꦭꦏꦴꦤꦶ ꦕ. ꦄꦮꦱꦺꦱꦴ ꦤꦴꦩꦩꦹꦭꦱꦲꦗꦴꦠꦴ ꦣꦩ꧀ꦩꦴ ꦤꦴꦩꦩꦹꦭꦺꦤ ꦌꦏꦩꦹꦭꦏꦴ, ꦤ ꦕ ꦄꦚ꧀ꦚꦩꦚ꧀ꦚꦩꦹꦭꦏꦴ.

(ꦑ) ꦪꦺ ꦮꦴ ꦥꦤ ꦤꦴꦩꦩꦹꦭꦺꦤ ꦄꦚ꧀ꦚꦩꦚ꧀ꦚꦩꦹꦭꦏꦴ, ꦱꦧ꧀ꦧꦺ ꦠꦺ ꦣꦩ꧀ꦩꦴ ꦤꦴꦩꦴꦠꦶ? ꦄꦴꦩꦤ꧀ꦠꦴ.