(꧔꧗) ꧕. ꦥꦛꦶꦱꦩ꧀ꦨꦶꦢꦴꦏꦡꦴ

꧔꧓꧒. ꦱꦧ꧀ꦧꦁ ꦚꦴꦟꦁ ꦥꦛꦶꦱꦩ꧀ꦨꦶꦢꦴꦠꦶ? ꦄꦴꦩꦤ꧀ꦠꦴ. ꦱꦩ꧀ꦩꦸꦠꦶꦚꦴꦟꦁ ꦥꦛꦶꦱꦩ꧀ꦨꦶꦢꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦱꦩ꧀ꦩꦸꦠꦶꦚꦴꦟꦁ ꦥꦛꦶꦱꦩ꧀ꦨꦶꦢꦴꦠꦶ? ꦄꦴꦩꦤ꧀ꦠꦴ. ꦪꦺ ꦏꦺꦕꦶ ꦱꦩ꧀ꦩꦸꦠꦶꦁ ꦗꦴꦤꦤ꧀ꦠꦶ, ꦱꦧ꧀ꦧꦺ ꦠꦺ ꦥꦛꦶꦱꦩ꧀ꦨꦶꦢꦴꦥꦠ꧀ꦠꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦱꦧ꧀ꦧꦁ ꦚꦴꦟꦁ ꦥꦛꦶꦱꦩ꧀ꦨꦶꦢꦴꦠꦶ? ꦄꦴꦩꦤ꧀ꦠꦴ. ꦕꦺꦠꦺꦴꦥꦫꦶꦪꦴꦪꦺ ꦚꦴꦟꦁ ꦥꦛꦶꦱꦩ꧀ꦨꦶꦢꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦕꦺꦠꦺꦴꦥꦫꦶꦪꦴꦪꦺ ꦚꦴꦟꦁ ꦥꦛꦶꦱꦩ꧀ꦨꦶꦢꦴꦠꦶ? ꦄꦴꦩꦤ꧀ꦠꦴ. ꦪꦺ ꦏꦺꦕꦶ ꦥꦫꦕꦶꦠ꧀ꦠꦁ ꦗꦴꦤꦤ꧀ꦠꦶ, ꦱꦧ꧀ꦧꦺ ꦠꦺ ꦥꦛꦶꦱꦩ꧀ꦨꦶꦢꦴꦥꦠ꧀ꦠꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦱꦧ꧀ꦧꦁ ꦚꦴꦟꦁ ꦥꦛꦶꦱꦩ꧀ꦨꦶꦢꦴꦠꦶ? ꦄꦴꦩꦤ꧀ꦠꦴ. ꦱꦧ꧀ꦧꦴ ꦥꦚ꧀ꦚꦴ ꦥꦛꦶꦱꦩ꧀ꦨꦶꦢꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦱꦧ꧀ꦧꦴ ꦥꦚ꧀ꦚꦴ ꦥꦛꦶꦱꦩ꧀ꦨꦶꦢꦴꦠꦶ? ꦄꦴꦩꦤ꧀ꦠꦴ. ꦥꦡꦮꦷꦏꦱꦶꦟꦁ ꦱꦩꦴꦥꦠ꧀ꦠꦶꦁ ꦱꦩꦴꦥꦤ꧀ꦤꦱ꧀ꦱ ꦄꦠ꧀ꦡꦶ ꦥꦚ꧀ꦚꦴ, ꦱꦴ ꦥꦚ꧀ꦚꦴ ꦥꦛꦶꦱꦩ꧀ꦨꦶꦢꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦄꦴꦥꦺꦴꦏꦱꦶꦟꦁ…ꦥꦺ… ꦠꦺꦗꦺꦴꦏꦱꦶꦟꦁ…ꦥꦺ… ꦮꦴꦪꦺꦴꦏꦱꦶꦟꦁ…ꦥꦺ… ꦤꦷꦭꦏꦱꦶꦟꦁ…ꦥꦺ… ꦥꦷꦠꦏꦱꦶꦟꦁ…ꦥꦺ… ꦭꦺꦴꦲꦶꦠꦏꦱꦶꦟꦁ…ꦥꦺ… ꦎꦢꦴꦠꦏꦱꦶꦟꦁ…ꦥꦺ… ꦄꦴꦏꦴꦱꦴꦤꦚ꧀ꦕꦴꦪꦠꦤꦁ…ꦥꦺ… ꦮꦶꦚ꧀ꦚꦴꦟꦚ꧀ꦕꦴꦪꦠꦤꦁ…ꦥꦺ… ꦄꦴꦏꦶꦚ꧀ꦕꦚ꧀ꦚꦴꦪꦠꦤꦁ…ꦥꦺ… ꦤꦺꦮꦱꦚ꧀ꦚꦴꦤꦴꦱꦚ꧀ꦚꦴꦪꦠꦤꦁ ꦱꦩꦴꦥꦤ꧀ꦤꦱ꧀ꦱ…ꦥꦺ… ꦢꦴꦤꦁ ꦢꦢꦤ꧀ꦠꦱ꧀ꦱ…ꦥꦺ… ꦕꦷꦮꦫꦁ ꦢꦢꦤ꧀ꦠꦱ꧀ꦱ…ꦥꦺ… ꦥꦶꦟ꧀ꦝꦥꦴꦠꦁ ꦢꦢꦤ꧀ꦠꦱ꧀ꦱ…ꦥꦺ… ꦱꦺꦤꦴꦱꦤꦁ ꦢꦢꦤ꧀ꦠꦱ꧀ꦱ…ꦥꦺ… ꦒꦶꦭꦴꦤꦥꦕ꧀ꦕꦪꦨꦺꦱꦗ꧀ꦗꦥꦫꦶꦏ꧀ꦑꦴꦫꦁ ꦢꦢꦤ꧀ꦠꦱ꧀ꦱ ꦄꦠ꧀ꦡꦶ ꦥꦚ꧀ꦚꦴ, ꦱꦴ ꦥꦚ꧀ꦚꦴ ꦥꦛꦶꦱꦩ꧀ꦨꦶꦢꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧔꧓꧓. ꦤ ꦮꦠ꧀ꦠꦧ꧀ꦧꦁ – ‘‘ꦱꦧ꧀ꦧꦁ ꦚꦴꦟꦁ ꦥꦛꦶꦱꦩ꧀ꦨꦶꦢꦴ’’ꦠꦶ? ꦄꦴꦩꦤ꧀ꦠꦴ. ꦄꦠ꧀ꦡꦶ ꦭꦺꦴꦏꦸꦠ꧀ꦠꦫꦴ ꦥꦚ꧀ꦚꦴ, ꦱꦴ ꦥꦚ꧀ꦚꦴ ꦤ ꦥꦛꦶꦱꦩ꧀ꦨꦶꦢꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦠꦺꦤ ꦲꦶ ꦱꦧ꧀ꦧꦁ ꦚꦴꦟꦁ ꦥꦛꦶꦱꦩ꧀ꦨꦶꦢꦴꦠꦶ.

ꦥꦛꦶꦱꦩ꧀ꦨꦶꦢꦴꦏꦡꦴ ꦤꦶꦛ꧀ꦜꦶꦠꦴ.