꧕. ꦥꦚ꧀ꦕꦩꦮꦒ꧀ꦒꦺꦴ

(꧔꧘) ꧖. ꦱꦩ꧀ꦩꦸꦠꦶꦚꦴꦟꦏꦡꦴ

꧔꧓꧔. ꦤ ꦮꦠ꧀ꦠꦧ꧀ꦧꦁ – ‘‘ꦱꦩ꧀ꦩꦸꦠꦶꦚꦴꦟꦁ ꦱꦕ꧀ꦕꦴꦫꦩ꧀ꦩꦟꦚ꧀ꦚꦺꦮ ꦤ ꦄꦚ꧀ꦚꦴꦫꦩ꧀ꦩꦟ’’ꦤ꧀ꦠꦶ? ꦄꦴꦩꦤ꧀ꦠꦴ. ꦤꦤꦸ ꦥꦡꦮꦷꦏꦱꦶꦟꦁ ꦱꦩꦴꦥꦠ꧀ꦠꦶꦁ ꦱꦩꦴꦥꦤ꧀ꦤꦱ꧀ꦱ ꦄꦠ꧀ꦡꦶ ꦚꦴꦟꦁ, ꦥꦡꦮꦷꦏꦱꦶꦟꦚ꧀ꦕ ꦱꦩ꧀ꦩꦸꦠꦶꦱꦕ꧀ꦕꦩ꧀ꦲꦷꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦥꦡꦮꦷꦏꦱꦶꦟꦁ ꦱꦩꦴꦥꦠ꧀ꦠꦶꦁ ꦱꦩꦴꦥꦤ꧀ꦤꦱ꧀ꦱ ꦄꦠ꧀ꦡꦶ ꦚꦴꦟꦁ, ꦥꦡꦮꦷꦏꦱꦶꦟꦚ꧀ꦕ ꦱꦩ꧀ꦩꦸꦠꦶꦱꦕ꧀ꦕꦩ꧀ꦲꦶ, ꦠꦺꦤ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦱꦩ꧀ꦩꦸꦠꦶꦚꦴꦟꦁ ꦱꦕ꧀ꦕꦴꦫꦩ꧀ꦩꦟꦚ꧀ꦚꦺꦮ ꦤ ꦄꦚ꧀ꦚꦴꦫꦩ꧀ꦩꦟ’’ꦤ꧀ꦠꦶ.

ꦤ ꦮꦠ꧀ꦠꦧ꧀ꦧꦁ – ‘‘ꦱꦩ꧀ꦩꦸꦠꦶꦚꦴꦟꦁ ꦱꦕ꧀ꦕꦴꦫꦩ꧀ꦩꦟꦚ꧀ꦚꦺꦮ ꦤ ꦄꦚ꧀ꦚꦴꦫꦩ꧀ꦩꦟ’’ꦤ꧀ꦠꦶ? ꦄꦴꦩꦤ꧀ꦠꦴ…ꦥꦺ… ꦤꦤꦸ ꦄꦴꦥꦺꦴꦏꦱꦶꦟꦁ…ꦥꦺ… ꦠꦺꦗꦺꦴꦏꦱꦶꦟꦁ…ꦥꦺ… ꦒꦶꦭꦴꦤꦥꦕ꧀ꦕꦪꦨꦺꦱꦗ꧀ꦗꦥꦫꦶꦏ꧀ꦑꦴꦫꦁ ꦢꦢꦤ꧀ꦠꦱ꧀ꦱ ꦄꦠ꧀ꦡꦶ ꦚꦴꦟꦁ, ꦒꦶꦭꦴꦤꦥꦕ꧀ꦕꦪꦨꦺꦱꦗ꧀ꦗꦥꦫꦶꦏ꧀ꦑꦴꦫꦺꦴ ꦕ ꦱꦩ꧀ꦩꦸꦠꦶꦱꦕ꧀ꦕꦩ꧀ꦲꦷꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦒꦶꦭꦴꦤꦥꦕ꧀ꦕꦪꦨꦺꦱꦗ꧀ꦗꦥꦫꦶꦏ꧀ꦑꦴꦫꦁ ꦢꦢꦤ꧀ꦠꦱ꧀ꦱ ꦄꦠ꧀ꦡꦶ ꦚꦴꦟꦁ, ꦒꦶꦭꦴꦤꦥꦕ꧀ꦕꦪꦨꦺꦱꦗ꧀ꦗꦥꦫꦶꦏ꧀ꦑꦴꦫꦺꦴ ꦕ ꦱꦩ꧀ꦩꦸꦠꦶꦱꦕ꧀ꦕꦩ꧀ꦲꦶ, ꦠꦺꦤ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦱꦩ꧀ꦩꦸꦠꦶꦚꦴꦟꦁ ꦱꦕ꧀ꦕꦴꦫꦩ꧀ꦩꦟꦚ꧀ꦚꦺꦮ ꦤ ꦄꦚ꧀ꦚꦴꦫꦩ꧀ꦩꦟ’’ꦤ꧀ꦠꦶ.

꧔꧓꧕. ꦱꦩ꧀ꦩꦸꦠꦶꦚꦴꦟꦁ ꦱꦕ꧀ꦕꦴꦫꦩ꧀ꦩꦟꦚ꧀ꦚꦺꦮ ꦤ ꦄꦚ꧀ꦚꦴꦫꦩ꧀ꦩꦟꦤ꧀ꦠꦶ? ꦄꦴꦩꦤ꧀ꦠꦴ. ꦠꦺꦤ ꦚꦴꦟꦺꦤ ꦢꦸꦏ꧀ꦑꦁ ꦥꦫꦶꦗꦴꦤꦴꦠꦶ, ꦱꦩꦸꦢꦪꦁ ꦥꦗꦲꦠꦶ, ꦤꦶꦫꦺꦴꦣꦁ ꦱꦕ꧀ꦖꦶꦏꦫꦺꦴꦠꦶ, ꦩꦒ꧀ꦒꦁ ꦨꦴꦮꦺꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦱꦩ꧀ꦩꦸꦠꦶꦚꦴꦟꦏꦡꦴ ꦤꦶꦛ꧀ꦜꦶꦠꦴ.