੩. ਅਧਿਕਰਣਮੂਲਾਦਿ

੩੪੩. ਚਤੁਨ੍ਨਂ ਅਧਿਕਰਣਾਨਂ ਕਤਿ ਮੂਲਾਨਿ, ਕਤਿ ਸਮੁਟ੍ਠਾਨਾ? ਚਤੁਨ੍ਨਂ ਅਧਿਕਰਣਾਨਂ ਤੇਤ੍ਤਿਂਸ ਮੂਲਾਨਿ, ਤੇਤ੍ਤਿਂਸ ਸਮੁਟ੍ਠਾਨਾ.

ਚਤੁਨ੍ਨਂ ਅਧਿਕਰਣਾਨਂ ਕਤਮਾਨਿ ਤੇਤ੍ਤਿਂਸ ਮੂਲਾਨਿ? ਵਿਵਾਦਾਧਿਕਰਣਸ੍ਸ ਦ੍ਵਾਦਸ ਮੂਲਾਨਿ, ਅਨੁਵਾਦਾਧਿਕਰਣਸ੍ਸ ਚੁਦ੍ਦਸ ਮੂਲਾਨਿ, ਆਪਤ੍ਤਾਧਿਕਰਣਸ੍ਸ ਛ ਮੂਲਾਨਿ, ਕਿਚ੍ਚਾਧਿਕਰਣਸ੍ਸ ਏਕਂ ਮੂਲਂ, ਸਙ੍ਘੋ – ਚਤੁਨ੍ਨਂ ਅਧਿਕਰਣਾਨਂ ਇਮਾਨਿ ਤੇਤ੍ਤਿਂਸ ਮੂਲਾਨਿ.

ਚਤੁਨ੍ਨਂ ਅਧਿਕਰਣਾਨਂ ਕਤਮੇ ਤੇਤ੍ਤਿਂਸ ਸਮੁਟ੍ਠਾਨਾ? ਵਿਵਾਦਾਧਿਕਰਣਸ੍ਸ ਅਟ੍ਠਾਰਸਭੇਦਕਰਵਤ੍ਥੂਨਿ ਸਮੁਟ੍ਠਾਨਾ, ਅਨੁਵਾਦਾਧਿਕਰਣਸ੍ਸ ਚਤਸ੍ਸੋ ਵਿਪਤ੍ਤਿਯੋ ਸਮੁਟ੍ਠਾਨਾ, ਆਪਤ੍ਤਾਧਿਕਰਣਸ੍ਸ ਸਤ੍ਤਾਪਤ੍ਤਿਕ੍ਖਨ੍ਧਾ ਸਮੁਟ੍ਠਾਨਾ, ਕਿਚ੍ਚਾਧਿਕਰਣਸ੍ਸ ਚਤ੍ਤਾਰਿ ਕਮ੍ਮਾਨਿ ਸਮੁਟ੍ਠਾਨਾ – ਚਤੁਨ੍ਨਂ ਅਧਿਕਰਣਾਨਂ ਇਮੇ ਤੇਤ੍ਤਿਂਸ ਸਮੁਟ੍ਠਾਨਾ.