੧੦੪. ਗਨ੍ਤਬ੍ਬਵਾਰੋ

੧੮੨. ਗਨ੍ਤਬ੍ਬੋ, ਭਿਕ੍ਖਵੇ, ਤਦਹੁਪੋਸਥੇ ਸਭਿਕ੍ਖੁਕਾ ਆਵਾਸਾ ਸਭਿਕ੍ਖੁਕੋ ਆਵਾਸੋ, ਯਤ੍ਥਸ੍ਸੁ ਭਿਕ੍ਖੂ ਸਮਾਨਸਂਵਾਸਕਾ, ਯਂ ਜਞ੍ਞਾ – ‘‘ਸਕ੍ਕੋਮਿ ਅਜ੍ਜੇਵ ਗਨ੍ਤੁ’’ਨ੍ਤਿ. ਗਨ੍ਤਬ੍ਬੋ, ਭਿਕ੍ਖਵੇ, ਤਦਹੁਪੋਸਥੇ ਸਭਿਕ੍ਖੁਕਾ ਆਵਾਸਾ ਸਭਿਕ੍ਖੁਕੋ ਅਨਾਵਾਸੋ…ਪੇ… ਸਭਿਕ੍ਖੁਕੋ ਆਵਾਸੋ ਵਾ ਅਨਾਵਾਸੋ ਵਾ, ਯਤ੍ਥਸ੍ਸੁ ਭਿਕ੍ਖੂ ਸਮਾਨਸਂਵਾਸਕਾ, ਯਂ ਜਞ੍ਞਾ – ‘‘ਸਕ੍ਕੋਮਿ ਅਜ੍ਜੇਵ ਗਨ੍ਤੁ’’ਨ੍ਤਿ.

ਗਨ੍ਤਬ੍ਬੋ, ਭਿਕ੍ਖਵੇ, ਤਦਹੁਪੋਸਥੇ ਸਭਿਕ੍ਖੁਕਾ ਅਨਾਵਾਸਾ ਸਭਿਕ੍ਖੁਕੋ ਆਵਾਸੋ…ਪੇ… ਸਭਿਕ੍ਖੁਕੋ ਅਨਾਵਾਸੋ…ਪੇ… ਸਭਿਕ੍ਖੁਕੋ ਆਵਾਸੋ ਵਾ ਅਨਾਵਾਸੋ ਵਾ, ਯਤ੍ਥਸ੍ਸੁ ਭਿਕ੍ਖੂ ਸਮਾਨਸਂਵਾਸਕਾ, ਯਂ ਜਞ੍ਞਾ – ‘‘ਸਕ੍ਕੋਮਿ ਅਜ੍ਜੇਵ ਗਨ੍ਤੁ’’ਨ੍ਤਿ.

ਗਨ੍ਤਬ੍ਬੋ, ਭਿਕ੍ਖਵੇ, ਤਦਹੁਪੋਸਥੇ ਸਭਿਕ੍ਖੁਕਾ ਆਵਾਸਾ ਵਾ ਅਨਾਵਾਸਾ ਵਾ ਸਭਿਕ੍ਖੁਕੋ ਆਵਾਸੋ…ਪੇ… ਸਭਿਕ੍ਖੁਕੋ ਅਨਾਵਾਸੋ…ਪੇ… ਸਭਿਕ੍ਖੁਕੋ ਆਵਾਸੋ ਵਾ ਅਨਾਵਾਸੋ ਵਾ, ਯਤ੍ਥਸ੍ਸੁ ਭਿਕ੍ਖੂ ਸਮਾਨਸਂਵਾਸਕਾ, ਯਂ ਜਞ੍ਞਾ – ‘‘ਸਕ੍ਕੋਮਿ ਅਜ੍ਜੇਵ ਗਨ੍ਤੁ’’ਨ੍ਤਿ.

ਗਨ੍ਤਬ੍ਬਵਾਰੋ ਨਿਟ੍ਠਿਤੋ.