੮. ਕੁਮਾਰਿਭੂਤਵਗ੍ਗਵਣ੍ਣਨਾ

੧੧੧੯. ਕੁਮਾਰਿਭੂਤਵਗ੍ਗਸ੍ਸ ਪਠਮੇ ਸਬ੍ਬਪਠਮਾ ਦ੍ਵੇ ਮਹਾਸਿਕ੍ਖਮਾਨਾਤਿ ਗਬ੍ਭਿਨਿਵਗ੍ਗੇ ਸਬ੍ਬਪਠਮਂ ਵੁਤ੍ਤਾ ਦ੍ਵੇ ਸਿਕ੍ਖਮਾਨਾ. ਸਿਕ੍ਖਮਾਨਾ ਇਚ੍ਚੇਵ ਵਤ੍ਤਬ੍ਬਾਤਿ ਸਮ੍ਮੁਤਿਕਮ੍ਮਾਦੀਸੁ ਏਵਂ ਵਤ੍ਤਬ੍ਬਾ. ਗਿਹਿਗਤਾਤਿ ਵਾ ਕੁਮਾਰਿਭੂਤਾਤਿ ਵਾ ਨ ਵਤ੍ਤਬ੍ਬਾਤਿ ਸਚੇ ਵਦਨ੍ਤਿ, ਕਮ੍ਮਂ ਕੁਪ੍ਪਤੀਤਿ ਅਧਿਪ੍ਪਾਯੋ. ਇਤੋ ਪਰਂ ਨਵਮਪਰਿਯੋਸਾਨਂ ਉਤ੍ਤਾਨਤ੍ਥਮੇਵ.

੧੧੬੩. ਦਸਮੇ ਅਪੁਬ੍ਬਸਮੁਟ੍ਠਾਨਸੀਸਨ੍ਤਿ ਪਠਮਪਾਰਾਜਿਕਸਮੁਟ੍ਠਾਨਾਦੀਸੁ ਤੇਰਸਸੁ ਸਮੁਟ੍ਠਾਨੇਸੁ ਅਨਨੁਞ੍ਞਾਤਸਮੁਟ੍ਠਾਨਂ ਸਨ੍ਧਾਯ ਵੁਤ੍ਤਂ. ਤਞ੍ਹਿ ਇਤੋ ਪੁਬ੍ਬੇ ਤਾਦਿਸਸ੍ਸ ਸਮੁਟ੍ਠਾਨਸੀਸਸ੍ਸ ਅਨਾਗਤਤ੍ਤਾ ‘‘ਅਪੁਬ੍ਬਸਮੁਟ੍ਠਾਨਸੀਸ’’ਨ੍ਤਿ ਵੁਤ੍ਤਂ.

੧੧੬੬. ਏਕਾਦਸਮਾਦੀਨਿ ਉਤ੍ਤਾਨਤ੍ਥਾਨੇਵ.

ਕੁਮਾਰਿਭੂਤਵਗ੍ਗਵਣ੍ਣਨਾ ਨਿਟ੍ਠਿਤਾ.