੩੨. ਗਰੁਕਾਪਤ੍ਤਿਵੁਟ੍ਠਾਨਵਿਨਿਚ੍ਛਯਕਥਾ

੨੩੬. ਗਰੁਕਾਪਤ੍ਤਿਵੁਟ੍ਠਾਨਨ੍ਤਿ ਪਰਿਵਾਸਮਾਨਤ੍ਤਾਦੀਹਿ ਵਿਨਯਕਮ੍ਮੇਹਿ ਗਰੁਕਾਪਤ੍ਤਿਤੋ ਵੁਟ੍ਠਾਨਂ. ਤਤ੍ਥ (ਚੂਲ਼ਵ. ਅਟ੍ਠ. ੧੦੨) ਤਿਵਿਧੋ ਪਰਿਵਾਸੋ ਪਟਿਚ੍ਛਨ੍ਨਪਰਿਵਾਸੋ ਸੁਦ੍ਧਨ੍ਤਪਰਿਵਾਸੋ ਸਮੋਧਾਨਪਰਿਵਾਸੋਤਿ. ਤੇਸੁ ਪਟਿਚ੍ਛਨ੍ਨਪਰਿਵਾਸੋ ਤਾਵ ਯਥਾਪਟਿਚ੍ਛਨ੍ਨਾਯ ਆਪਤ੍ਤਿਯਾ ਦਾਤਬ੍ਬੋ. ਕਸ੍ਸਚਿ ਹਿ ਏਕਾਹਪ੍ਪਟਿਚ੍ਛਨ੍ਨਾ ਆਪਤ੍ਤਿ ਹੋਤਿ, ਕਸ੍ਸਚਿ ਦ੍ਵੀਹਪ੍ਪਟਿਚ੍ਛਨ੍ਨਾ, ਕਸ੍ਸਚਿ ਏਕਾਪਤ੍ਤਿ ਹੋਤਿ, ਕਸ੍ਸਚਿ ਦ੍ਵੇ ਤਿਸ੍ਸੋ ਤਤੁਤ੍ਤਰਿ ਵਾ. ਤਸ੍ਮਾ ਪਟਿਚ੍ਛਨ੍ਨਪਰਿਵਾਸਂ ਦੇਨ੍ਤੇਨ ਪਠਮਂ ਤਾਵ ਪਟਿਚ੍ਛਨ੍ਨਭਾਵੋ ਜਾਨਿਤਬ੍ਬੋ. ਅਯਞ੍ਹਿ ਆਪਤ੍ਤਿ ਨਾਮ ਦਸਹਾਕਾਰੇਹਿ ਪਟਿਚ੍ਛਨ੍ਨਾ ਹੋਤਿ.

ਤਤ੍ਰਾਯਂ ਮਾਤਿਕਾ – ਆਪਤ੍ਤਿ ਚ ਹੋਤਿ ਆਪਤ੍ਤਿਸਞ੍ਞੀ ਚ, ਪਕਤਤ੍ਤੋ ਚ ਹੋਤਿ ਪਕਤਤ੍ਤਸਞ੍ਞੀ ਚ, ਅਨਨ੍ਤਰਾਯਿਕੋ ਚ ਹੋਤਿ ਅਨਨ੍ਤਰਾਯਿਕਸਞ੍ਞੀ ਚ, ਪਹੁ ਚ ਹੋਤਿ ਪਹੁਸਞ੍ਞੀ ਚ, ਛਾਦੇਤੁਕਾਮੋ ਚ ਹੋਤਿ ਛਾਦੇਤਿ ਚਾਤਿ. ਤਤ੍ਥ ਆਪਤ੍ਤਿ ਚ ਹੋਤਿ ਆਪਤ੍ਤਿਸਞ੍ਞੀ ਚਾਤਿ ਯਂ ਆਪਨ੍ਨੋ, ਸਾ ਆਪਤ੍ਤਿਯੇਵ ਹੋਤਿ, ਸੋਪਿ ਚ ਤਤ੍ਥ ਆਪਤ੍ਤਿਸਞ੍ਞੀਯੇਵ. ਇਤਿ ਜਾਨਨ੍ਤੋ ਛਾਦੇਤਿ, ਛਨ੍ਨਾ ਹੋਤਿ, ਅਥ ਪਨਾਯਂ ਤਤ੍ਥ ਅਨਾਪਤ੍ਤਿਸਞ੍ਞੀ, ਅਚ੍ਛਨ੍ਨਾ ਹੋਤਿ. ਅਨਾਪਤ੍ਤਿ ਪਨ ਆਪਤ੍ਤਿਸਞ੍ਞਾਯਪਿ ਅਨਾਪਤ੍ਤਿਸਞ੍ਞਾਯਪਿ ਛਾਦੇਨ੍ਤੇਨ ਅਚ੍ਛਾਦਿਤਾਵ ਹੋਤਿ, ਲਹੁਕਂ ਵਾ ਗਰੁਕਾਤਿ ਗਰੁਕਂ ਵਾ ਲਹੁਕਾਤਿ ਛਾਦੇਤਿ, ਅਲਜ੍ਜਿਪਕ੍ਖੇ ਤਿਟ੍ਠਤਿ, ਆਪਤ੍ਤਿ ਪਨ ਅਚ੍ਛਨ੍ਨਾ ਹੋਤਿ, ਗਰੁਕਂ ਲਹੁਕਾਤਿ ਮਞ੍ਞਮਾਨੋ ਦੇਸੇਤਿ, ਨੇਵ ਦੇਸਿਤਾ ਹੋਤਿ, ਨ ਛਨ੍ਨਾ, ਗਰੁਕਂ ਵਾ ਗਰੁਕਾਤਿ ਞਤ੍ਵਾ ਛਾਦੇਤਿ, ਛਨ੍ਨਾ ਹੋਤਿ, ਗਰੁਕਲਹੁਕਭਾਵਂ ਨ ਜਾਨਾਤਿ, ਆਪਤ੍ਤਿਂ ਛਾਦੇਮੀਤਿ ਛਾਦੇਤਿ, ਛਨ੍ਨਾਵ ਹੋਤਿ.

ਪਕਤਤ੍ਤੋਤਿ ਤਿਵਿਧਂ ਉਕ੍ਖੇਪਨੀਯਕਮ੍ਮਂ ਅਕਤੋ. ਸੋ ਚੇ ਪਕਤਤ੍ਤਸਞ੍ਞੀ ਹੁਤ੍ਵਾ ਛਾਦੇਤਿ, ਛਨ੍ਨਾ ਹੋਤਿ. ਅਥ ‘‘ਮਯ੍ਹਂ ਸਙ੍ਘੇਨ ਕਮ੍ਮਂ ਕਤ’’ਨ੍ਤਿ ਅਪਕਤਤ੍ਤਸਞ੍ਞੀ ਹੁਤ੍ਵਾ ਛਾਦੇਤਿ, ਅਚ੍ਛਨ੍ਨਾ ਹੋਤਿ. ਅਪਕਤਤ੍ਤੇਨ ਪਨ ਪਕਤਤ੍ਤਸਞ੍ਞਿਨਾ ਵਾ ਅਪਕਤਤ੍ਤਸਞ੍ਞਿਨਾ ਵਾ ਛਾਦਿਤਾਪਿ ਅਚ੍ਛਨ੍ਨਾਵ ਹੋਤਿ. ਵੁਤ੍ਤਮ੍ਪਿ ਚੇਤਂ –

‘‘ਆਪਜ੍ਜਤਿ ਗਰੁਕਂ ਸਾਵਸੇਸਂ,

ਛਾਦੇਤਿ ਅਨਾਦਰਿਯਂ ਪਟਿਚ੍ਚ;

ਨ ਭਿਕ੍ਖੁਨੀ ਨੋ ਚ ਫੁਸੇਯ੍ਯ ਵਜ੍ਜਂ,

ਪਞ੍ਹਾ ਮੇਸਾ ਕੁਸਲੇਹਿ ਚਿਨ੍ਤਿਤਾ’’ਤਿ. (ਪਰਿ. ੪੮੧) –

ਅਯਞ੍ਹਿ ਪਞ੍ਹੋ ਉਕ੍ਖਿਤ੍ਤਕੇਨ ਕਥਿਤੋ.

ਅਨਨ੍ਤਰਾਯਿਕੋਤਿ ਯਸ੍ਸ ਦਸਸੁ ਅਨ੍ਤਰਾਯੇਸੁ ਏਕੋਪਿ ਨਤ੍ਥਿ, ਸੋ ਚੇ ਅਨਨ੍ਤਰਾਯਿਕਸਞ੍ਞੀ ਹੁਤ੍ਵਾ ਛਾਦੇਤਿ, ਛਨ੍ਨਾ ਹੋਤਿ. ਸਚੇਪਿ ਸੋ ਭੀਰੁਜਾਤਿਕਤਾਯ ਅਨ੍ਧਕਾਰੇ ਅਮਨੁਸ੍ਸਚਣ੍ਡਮਿਗਭਯੇਨ ਅਨ੍ਤਰਾਯਿਕਸਞ੍ਞੀ ਹੁਤ੍ਵਾ ਛਾਦੇਤਿ, ਅਚ੍ਛਨ੍ਨਾਵ ਹੋਤਿ. ਯਸ੍ਸਪਿ ਪਬ੍ਬਤਵਿਹਾਰੇ ਵਸਨ੍ਤਸ੍ਸ ਕਨ੍ਦਰਂ ਵਾ ਨਦਿਂ ਵਾ ਅਤਿਕ੍ਕਮਿਤ੍ਵਾ ਆਰੋਚੇਤਬ੍ਬਂ ਹੋਤਿ, ਅਨ੍ਤਰਾਮਗ੍ਗੇ ਚ ਚਣ੍ਡਵਾਲ਼ਅਮਨੁਸ੍ਸਾਦਿਭਯਂ ਅਤ੍ਥਿ, ਮਗ੍ਗੇ ਅਜਗਰਾ ਨਿਪਜ੍ਜਨ੍ਤਿ, ਨਦੀ ਪੂਰਾ ਹੋਤਿ, ਏਤਸ੍ਮਿਂ ਪਨ ਸਤਿਯੇਵ ਅਨ੍ਤਰਾਯੇ ਅਨ੍ਤਰਾਯਿਕਸਞ੍ਞੀ ਛਾਦੇਤਿ, ਅਚ੍ਛਨ੍ਨਾ ਹੋਤਿ. ਅਨ੍ਤਰਾਯਿਕਸ੍ਸ ਪਨ ਅਨ੍ਤਰਾਯਿਕਸਞ੍ਞਾਯ ਛਾਦਯਤੋ ਅਚ੍ਛਨ੍ਨਾਵ.

ਪਹੂਤਿ ਸੋ ਸਕ੍ਕੋਤਿ ਭਿਕ੍ਖੁਨੋ ਸਨ੍ਤਿਕਂ ਗਨ੍ਤੁਞ੍ਚੇਵ ਆਰੋਚੇਤੁਞ੍ਚ, ਸੋ ਚੇ ਪਹੁਸਞ੍ਞੀ ਹੁਤ੍ਵਾ ਛਾਦੇਤਿ, ਛਨ੍ਨਾ ਹੋਤਿ. ਸਚਸ੍ਸ ਮੁਖੇ ਅਪ੍ਪਮਤ੍ਤਕੋ ਗਣ੍ਡੋ ਵਾ ਹੋਤਿ, ਹਨੁਕਵਾਤੋ ਵਾ ਵਿਜ੍ਝਤਿ, ਦਨ੍ਤੋ ਵਾ ਰੁਜ੍ਜਤਿ, ਭਿਕ੍ਖਾ ਵਾ ਮਨ੍ਦਾ ਲਦ੍ਧਾ ਹੋਤਿ, ਤਾਵਤਕੇਨ ਪਨ ਨੇਵ ਵਤ੍ਤੁਂ ਨ ਸਕ੍ਕੋਤਿ, ਨ ਗਨ੍ਤੁਂ, ਅਪਿਚ ਖੋ ‘‘ਨ ਸਕ੍ਕੋਮੀ’’ਤਿ ਸਞ੍ਞੀ ਹੋਤਿ, ਅਯਂ ਪਹੁ ਹੁਤ੍ਵਾ ਅਪ੍ਪਹੁਸਞ੍ਞੀ ਨਾਮ. ਇਮਿਨਾ ਛਾਦਿਤਾਪਿ ਅਚ੍ਛਾਦਿਤਾ. ਅਪ੍ਪਹੁਨਾ ਪਨ ਵਤ੍ਤੁਂ ਵਾ ਗਨ੍ਤੁਂ ਵਾ ਅਸਮਤ੍ਥੇਨ ਪਹੁਸਞ੍ਞਿਨਾ ਵਾ ਅਪ੍ਪਹੁਸਞ੍ਞਿਨਾ ਵਾ ਛਾਦਿਤਾ ਹੋਤਿ, ਅਚ੍ਛਾਦਿਤਾਵ.

ਛਾਦੇਤੁਕਾਮੋ ਚ ਹੋਤਿ ਛਾਦੇਤਿ ਚਾਤਿ ਇਦਂ ਉਤ੍ਤਾਨਤ੍ਥਮੇਵ. ਸਚੇ ਪਨ ‘‘ਛਾਦੇਸ੍ਸਾਮੀ’’ਤਿ ਧੁਰਨਿਕ੍ਖੇਪਂ ਕਤ੍ਵਾ ਪੁਰੇਭਤ੍ਤੇ ਵਾ ਪਚ੍ਛਾਭਤ੍ਤੇ ਵਾ ਪਠਮਯਾਮਾਦੀਸੁ ਵਾ ਲਜ੍ਜਿਧਮ੍ਮਂ ਓਕ੍ਕਮਿਤ੍ਵਾ ਅਨ੍ਤੋਅਰੁਣੇਯੇਵ ਆਰੋਚੇਤਿ, ਅਯਂ ਛਾਦੇਤੁਕਾਮੋ ਨ ਛਾਦੇਤਿ ਨਾਮ. ਯਸ੍ਸ ਪਨ ਅਭਿਕ੍ਖੁਕੇ ਠਾਨੇ ਵਸਨ੍ਤਸ੍ਸ ਆਪਜ੍ਜਿਤ੍ਵਾ ਸਭਾਗਸ੍ਸ ਭਿਕ੍ਖੁਨੋ ਆਗਮਨਂ ਆਗਮੇਨ੍ਤਸ੍ਸ, ਸਭਾਗਸ੍ਸ ਸਨ੍ਤਿਕਂ ਵਾ ਗਚ੍ਛਨ੍ਤਸ੍ਸ ਅਡ੍ਢਮਾਸੋਪਿ ਮਾਸੋਪਿ ਅਤਿਕ੍ਕਮਤਿ, ਅਯਂ ਨ ਛਾਦੇਤੁਕਾਮੋ ਛਾਦੇਤਿ ਨਾਮ, ਅਯਮ੍ਪਿ ਅਚ੍ਛਨ੍ਨਾਵ ਹੋਤਿ. ਯੋ ਪਨ ਆਪਨ੍ਨਮਤ੍ਤੋਵ ਅਗ੍ਗਿਂ ਅਕ੍ਕਨ੍ਤਪੁਰਿਸੋ ਵਿਯ ਸਹਸਾ ਪਕ੍ਕਮਿਤ੍ਵਾ ਸਭਾਗਟ੍ਠਾਨਂ ਗਨ੍ਤ੍ਵਾ ਆਵਿਕਰੋਤਿ, ਅਯਂ ਨ ਛਾਦੇਤੁਕਾਮੋਵ ਨ ਛਾਦੇਤਿ ਨਾਮ. ਸਚੇ ਪਨ ਸਭਾਗਂ ਦਿਸ੍ਵਾਪਿ ‘‘ਅਯਂ ਮੇ ਉਪਜ੍ਝਾਯੋ ਵਾ ਆਚਰਿਯੋ ਵਾ’’ਤਿ ਲਜ੍ਜਾਯ ਨਾਰੋਚੇਤਿ, ਛਨ੍ਨਾਵ ਹੋਤਿ ਆਪਤ੍ਤਿ. ਉਪਜ੍ਝਾਯਾਦਿਭਾਵੋ ਹਿ ਇਧ ਅਪ੍ਪਮਾਣਂ, ਅਵੇਰਿਸਭਾਗਮਤ੍ਤਮੇਵ ਪਮਾਣਂ. ਤਸ੍ਮਾ ਅਵੇਰਿਸਭਾਗਸ੍ਸ ਸਨ੍ਤਿਕੇ ਆਰੋਚੇਤਬ੍ਬਾ. ਯੋ ਪਨ ਵਿਸਭਾਗੋ ਹੋਤਿ ਸੁਤ੍ਵਾ ਪਕਾਸੇਤੁਕਾਮੋ, ਏਵਰੂਪਸ੍ਸ ਉਪਜ੍ਝਾਯਸ੍ਸਪਿ ਸਨ੍ਤਿਕੇ ਨ ਆਰੋਚੇਤਬ੍ਬਾ.

ਤਤ੍ਥ ਪੁਰੇਭਤ੍ਤਂ ਵਾ ਆਪਤ੍ਤਿਂ ਆਪਨ੍ਨੋ ਹੋਤੁ ਪਚ੍ਛਾਭਤ੍ਤਂ ਵਾ ਦਿਵਾ ਵਾ ਰਤ੍ਤਿਂ ਵਾ, ਯਾਵ ਅਰੁਣਂ ਨ ਉਗ੍ਗਚ੍ਛਤਿ, ਤਾਵ ਆਰੋਚੇਤਬ੍ਬਂ. ਉਦ੍ਧਸ੍ਤੇ ਅਰੁਣੇ ਪਟਿਚ੍ਛਨ੍ਨਾ ਹੋਤਿ, ਪਟਿਚ੍ਛਾਦਨਪਚ੍ਚਯਾ ਚ ਦੁਕ੍ਕਟਂ ਆਪਜ੍ਜਤਿ, ਸਭਾਗਸਙ੍ਘਾਦਿਸੇਸਂ ਆਪਨ੍ਨਸ੍ਸ ਪਨ ਸਨ੍ਤਿਕੇ ਆਵਿਕਾਤੁਂ ਨ ਵਟ੍ਟਤਿ. ਸਚੇ ਆਵਿਕਰੋਤਿ, ਆਪਤ੍ਤਿ ਆਵਿਕਤਾ ਹੋਤਿ, ਦੁਕ੍ਕਟਾ ਪਨ ਨ ਮੁਚ੍ਚਤਿ. ਤਸ੍ਮਾ ਸੁਦ੍ਧਸ੍ਸ ਸਨ੍ਤਿਕੇ ਆਵਿਕਾਤਬ੍ਬਾ. ਆਵਿਕਰੋਨ੍ਤੋ ਚ ‘‘ਤੁਯ੍ਹਂ ਸਨ੍ਤਿਕੇ ਏਕਂ ਆਪਤ੍ਤਿਂ ਆਵਿਕਰੋਮੀ’’ਤਿ ਵਾ ‘‘ਆਚਿਕ੍ਖਾਮੀ’’ਤਿ ਵਾ ਆਰੋਚੇਮੀ’’ਤਿ ਵਾ ‘‘ਮਮ ਏਕਂ ਆਪਤ੍ਤਿਂ ਆਪਨ੍ਨਭਾਵਂ ਜਾਨਾਹੀ’’ਤਿ ਵਾ ਵਦਤੁ, ‘‘ਏਕਂ ਗਰੁਕਾਪਤ੍ਤਿਂ ਆਵਿਕਰੋਮੀ’’ਤਿਆਦਿਨਾ ਵਾ ਨਯੇਨ ਵਦਤੁ, ਸਬ੍ਬੇਹਿਪਿ ਆਕਾਰੇਹਿ ਅਪ੍ਪਟਿਚ੍ਛਨ੍ਨਾਵ ਹੋਤੀਤਿ ਕੁਰੁਨ੍ਦਿਯਂ ਵੁਤ੍ਤਂ. ਸਚੇ ਪਨ ‘‘ਲਹੁਕਾਪਤ੍ਤਿਂ ਆਵਿਕਰੋਮੀ’’ਤਿਆਦਿਨਾ ਨਯੇਨ ਵਦਤਿ, ਪਟਿਚ੍ਛਨ੍ਨਾਵ ਹੋਤਿ. ਵਤ੍ਥੁਂ ਆਰੋਚੇਤਿ, ਆਪਤ੍ਤਿਂ ਆਰੋਚੇਤਿ, ਉਭਯਂ ਆਰੋਚੇਤਿ, ਤਿਵਿਧੇਨਪਿ ਆਰੋਚਿਤਾਵ ਹੋਤਿ.

੨੩੭. ਇਤਿ ਇਮਾਨਿ ਦਸ ਕਾਰਣਾਨਿ ਉਪਪਰਿਕ੍ਖਿਤ੍ਵਾ ਪਟਿਚ੍ਛਨ੍ਨਪਰਿਵਾਸਂ ਦੇਨ੍ਤੇਨ ਪਠਮਮੇਵ ਪਟਿਚ੍ਛਨ੍ਨਭਾਵੋ ਜਾਨਿਤਬ੍ਬੋ, ਤਤੋ ਪਟਿਚ੍ਛਨ੍ਨਦਿਵਸੇ ਚ ਆਪਤ੍ਤਿਯੋ ਚ ਸਲ੍ਲਕ੍ਖੇਤ੍ਵਾ ਸਚੇ ਏਕਾਹਪ੍ਪਟਿਚ੍ਛਨ੍ਨਾ ਹੋਤਿ, ‘‘ਅਹਂ, ਭਨ੍ਤੇ, ਏਕਂ ਆਪਤ੍ਤਿਂ ਆਪਜ੍ਜਿਂ ਸਞ੍ਚੇਤਨਿਕਂ ਸੁਕ੍ਕਵਿਸ੍ਸਟ੍ਠਿਂ ਏਕਾਹਪ੍ਪਟਿਚ੍ਛਨ੍ਨ’’ਨ੍ਤਿ ਏਵਂ ਯਾਚਾਪੇਤ੍ਵਾ ਖਨ੍ਧਕੇ (ਚੂਲ਼ਵ. ੯੮) ਆਗਤਨਯੇਨੇਵ ਕਮ੍ਮਵਾਚਂ ਵਤ੍ਵਾ ਪਰਿਵਾਸੋ ਦਾਤਬ੍ਬੋ. ਅਥ ਦ੍ਵੀਹਤੀਹਾਦਿਪਟਿਚ੍ਛਨ੍ਨਾ ਹੋਤਿ, ‘‘ਦ੍ਵੀਹਪ੍ਪਟਿਚ੍ਛਨ੍ਨਂ, ਤੀਹਪ੍ਪਟਿਚ੍ਛਨ੍ਨਂ, ਚਤੂਹਪ੍ਪਟਿਚ੍ਛਨ੍ਨਂ, ਪਞ੍ਚਾਹਪ੍ਪਟਿਚ੍ਛਨ੍ਨਂ…ਪੇ… ਚੁਦ੍ਦਸਾਹਪ੍ਪਟਿਚ੍ਛਨ੍ਨ’’ਨ੍ਤਿ ਏਵਂ ਯਾਵ ਚੁਦ੍ਦਸਦਿਵਸਾਨਿ ਦਿਵਸਵਸੇਨ ਯੋਜਨਾ ਕਾਤਬ੍ਬਾ, ਪਞ੍ਚਦਸਦਿਵਸਪਟਿਚ੍ਛਨ੍ਨਾਯ ‘‘ਪਕ੍ਖਪਟਿਚ੍ਛਨ੍ਨ’’ਨ੍ਤਿ ਯੋਜਨਾ ਕਾਤਬ੍ਬਾ. ਤਤੋ ਯਾਵ ਏਕੂਨਤਿਂਸਤਿਮੋ ਦਿਵਸੋ, ਤਾਵ ‘‘ਅਤਿਰੇਕਪਕ੍ਖਪਟਿਚ੍ਛਨ੍ਨ’’ਨ੍ਤਿ, ਤਤੋ ‘‘ਮਾਸਪਟਿਚ੍ਛਨ੍ਨਂ, ਅਤਿਰੇਕਮਾਸਪਟਿਚ੍ਛਨ੍ਨਂ, ਦ੍ਵੇਮਾਸਪਟਿਚ੍ਛਨ੍ਨਂ, ਅਤਿਰੇਕਦ੍ਵੇਮਾਸਪਟਿਚ੍ਛਨ੍ਨਂ, ਤੇਮਾਸ…ਪੇ… ਅਤਿਰੇਕਏਕਾਦਸਮਾਸਪਟਿਚ੍ਛਨ੍ਨ’’ਨ੍ਤਿ ਏਵਂ ਯੋਜਨਾ ਕਾਤਬ੍ਬਾ. ਸਂਵਚ੍ਛਰੇ ਪੁਣ੍ਣੇ ‘‘ਏਕਸਂਵਚ੍ਛਰਪਟਿਚ੍ਛਨ੍ਨ’’ਨ੍ਤਿ, ਤਤੋ ਪਰਂ ‘‘ਅਤਿਰੇਕਸਂਵਚ੍ਛਰਂ, ਦ੍ਵੇਸਂਵਚ੍ਛਰ’’ਨ੍ਤਿ ਏਵਂ ਯਾਵ ‘‘ਸਟ੍ਠਿਸਂਵਚ੍ਛਰਂ, ਅਤਿਰੇਕਸਟ੍ਠਿਸਂਵਚ੍ਛਰਪਟਿਚ੍ਛਨ੍ਨ’’ਨ੍ਤਿ ਵਾ ਤਤੋ ਵਾ ਭਿਯ੍ਯੋਪਿ ਵਤ੍ਵਾ ਯੋਜਨਾ ਕਾਤਬ੍ਬਾ.

ਸਚੇ ਪਨ ਦ੍ਵੇ ਤਿਸ੍ਸੋ ਤਤੁਤ੍ਤਰਿ ਵਾ ਆਪਤ੍ਤਿਯੋ ਹੋਨ੍ਤਿ, ਯਥਾ ‘‘ਏਕਂ ਆਪਤ੍ਤਿ’’ਨ੍ਤਿ ਵੁਤ੍ਤਂ, ਏਵਂ ‘‘ਦ੍ਵੇ ਆਪਤ੍ਤਿਯੋ, ਤਿਸ੍ਸੋ ਆਪਤ੍ਤਿਯੋ’’ਤਿ ਵਤ੍ਤਬ੍ਬਂ. ਤਤੋ ਪਰਂ ਪਨ ਸਤਂ ਵਾ ਹੋਤੁ ਸਹਸ੍ਸਂ ਵਾ, ‘‘ਸਮ੍ਬਹੁਲਾ’’ਤਿ ਵਤ੍ਤੁਂ ਵਟ੍ਟਤਿ. ਨਾਨਾਵਤ੍ਥੁਕਾਸੁਪਿ ‘‘ਅਹਂ, ਭਨ੍ਤੇ, ਸਮ੍ਬਹੁਲਾ ਸਙ੍ਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਿਂ ਏਕਂ ਸੁਕ੍ਕਵਿਸ੍ਸਟ੍ਠਿਂ, ਏਕਂ ਕਾਯਸਂਸਗ੍ਗਂ, ਏਕਂ ਦੁਟ੍ਠੁਲ੍ਲਵਾਚਂ, ਏਕਂ ਅਤ੍ਤਕਾਮਂ, ਏਕਂ ਸਞ੍ਚਰਿਤ੍ਤਂ, ਏਕਾਹਪ੍ਪਟਿਚ੍ਛਨ੍ਨਾਯੋ’’ਤਿ ਏਵਂ ਗਣਨਵਸੇਨ ਵਾ ‘‘ਅਹਂ, ਭਨ੍ਤੇ, ਸਮ੍ਬਹੁਲਾ ਸਙ੍ਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਿਂ ਨਾਨਾਵਤ੍ਥੁਕਾ ਏਕਾਹਪ੍ਪਟਿਚ੍ਛਨ੍ਨਾਯੋ’’ਤਿ ਏਵਂ ਵਤ੍ਥੁਕਿਤ੍ਤਨਵਸੇਨ ਵਾ ‘‘ਅਹਂ, ਭਨ੍ਤੇ, ਸਮ੍ਬਹੁਲਾ ਸਙ੍ਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਿਂ ਏਕਾਹਪ੍ਪਟਿਚ੍ਛਨ੍ਨਾਯੋ’’ਤਿ ਏਵਂ ਨਾਮਮਤ੍ਤਵਸੇਨ ਵਾ ਯੋਜਨਾ ਕਾਤਬ੍ਬਾ. ਤਤ੍ਥ ਨਾਮਂ ਦੁਵਿਧਂ ਸਜਾਤਿਸਾਧਾਰਣਂ ਸਬ੍ਬਸਾਧਾਰਣਞ੍ਚ. ਤਤ੍ਥ ਸਙ੍ਘਾਦਿਸੇਸੋਤਿ ਸਜਾਤਿਸਾਧਾਰਣਂ. ਆਪਤ੍ਤੀਤਿ ਸਬ੍ਬਸਾਧਾਰਣਂ. ਤਸ੍ਮਾ ‘‘ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿਂ ਏਕਾਹਪ੍ਪਟਿਚ੍ਛਨ੍ਨਾਯੋ’’ਤਿ ਏਵਂ ਸਬ੍ਬਸਾਧਾਰਣਨਾਮਵਸੇਨਪਿ ਵਟ੍ਟਤਿ. ਇਦਞ੍ਹਿ ਪਰਿਵਾਸਾਦਿਵਿਨਯਕਮ੍ਮਂ ਵਤ੍ਥੁਵਸੇਨ ਗੋਤ੍ਤਵਸੇਨ ਨਾਮਵਸੇਨ ਆਪਤ੍ਤਿਵਸੇਨ ਚ ਕਾਤੁਂ ਵਟ੍ਟਤਿਯੇਵ.

ਤਤ੍ਥ ਸੁਕ੍ਕਵਿਸ੍ਸਟ੍ਠੀਤਿ ਵਤ੍ਥੁ ਚੇਵ ਗੋਤ੍ਤਞ੍ਚ. ਸਙ੍ਘਾਦਿਸੇਸੋਤਿ ਨਾਮਞ੍ਚੇਵ ਆਪਤ੍ਤਿ ਚ. ਤਤ੍ਥ ‘‘ਸੁਕ੍ਕਵਿਸ੍ਸਟ੍ਠਿਂ ਕਾਯਸਂਸਗ੍ਗ’’ਨ੍ਤਿਆਦਿਨਾ ਵਚਨੇਨਪਿ ‘‘ਨਾਨਾਵਤ੍ਥੁਕਾਯੋ’’ਤਿ ਵਚਨੇਨਪਿ ਵਤ੍ਥੁ ਚੇਵ ਗੋਤ੍ਤਞ੍ਚ ਗਹਿਤਂ ਹੋਤਿ. ‘‘ਸਙ੍ਘਾਦਿਸੇਸੋ’’ਤਿ ਵਚਨੇਨਪਿ ‘‘ਆਪਤ੍ਤਿਯੋ’’ਤਿ ਵਚਨੇਨਪਿ ਨਾਮਞ੍ਚੇਵ ਆਪਤ੍ਤਿ ਚ ਗਹਿਤਾ ਹੋਤਿ. ਤਸ੍ਮਾ ਏਤੇਸੁ ਯਸ੍ਸ ਕਸ੍ਸਚਿ ਵਸੇਨ ਕਮ੍ਮਵਾਚਾ ਕਾਤਬ੍ਬਾ. ਇਧ ਪਨ ਸਬ੍ਬਾਪਤ੍ਤੀਨਂ ਸਾਧਾਰਣਵਸੇਨ ਸਮ੍ਬਹੁਲਨਯੇਨੇਵ ਚ ਸਬ੍ਬਤ੍ਥ ਕਮ੍ਮਵਾਚਂ ਯੋਜੇਤ੍ਵਾ ਦਸ੍ਸਯਿਸ੍ਸਾਮ. ਏਕਞ੍ਹਿ ਆਪਤ੍ਤਿਂ ਆਪਜ੍ਜਿਤ੍ਵਾ ‘‘ਸਮ੍ਬਹੁਲਾ’’ਤਿ ਵਿਨਯਕਮ੍ਮਂ ਕਰੋਨ੍ਤਸ੍ਸਪਿ ਵੁਟ੍ਠਾਤਿ ਏਕਂ ਵਿਨਾ ਸਮ੍ਬਹੁਲਾਨਂ ਅਭਾਵਤੋ. ਸਮ੍ਬਹੁਲਾ ਪਨ ਆਪਜ੍ਜਿਤ੍ਵਾ ‘‘ਏਕਂ ਆਪਜ੍ਜਿ’’ਨ੍ਤਿ ਕਰੋਨ੍ਤਸ੍ਸ ਨ ਵੁਟ੍ਠਾਤਿ, ਤਸ੍ਮਾ ਸਮ੍ਬਹੁਲਨਯੇਨੇਵ ਯੋਜਯਿਸ੍ਸਾਮ. ਸੇਯ੍ਯਥਿਦਂ – ਪਟਿਚ੍ਛਨ੍ਨਪਰਿਵਾਸਂ ਦੇਨ੍ਤੇਨ ਸਚੇ ਏਕਾਹਪ੍ਪਟਿਚ੍ਛਨ੍ਨਾ ਆਪਤ੍ਤਿ ਹੋਤਿ.

‘‘ਅਹਂ, ਭਨ੍ਤੇ, ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿਂ ਏਕਾਹਪ੍ਪਟਿਚ੍ਛਨ੍ਨਾਯੋ, ਸੋਹਂ, ਭਨ੍ਤੇ, ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਯਾਚਾਮਿ. ਅਹਂ, ਭਨ੍ਤੇ, ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿਂ ਏਕਾਹਪ੍ਪਟਿਚ੍ਛਨ੍ਨਾਯੋ, ਦੁਤਿਯਮ੍ਪਿ, ਭਨ੍ਤੇ, ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਯਾਚਾਮਿ. ਅਹਂ, ਭਨ੍ਤੇ, ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿਂ ਏਕਾਹਪ੍ਪਟਿਚ੍ਛਨ੍ਨਾਯੋ, ਤਤਿਯਮ੍ਪਿ, ਭਨ੍ਤੇ, ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਯਾਚਾਮੀਤਿ –

ਏਵਂ ਤਿਕ੍ਖਤ੍ਤੁਂ ਯਾਚਾਪੇਤ੍ਵਾ –

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿ ਏਕਾਹਪ੍ਪਟਿਚ੍ਛਨ੍ਨਾਯੋ, ਸੋ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਯਾਚਤਿ, ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਦਦੇਯ੍ਯ, ਏਸਾ ਞਤ੍ਤਿ.

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿ ਏਕਾਹਪ੍ਪਟਿਚ੍ਛਨ੍ਨਾਯੋ, ਸੋ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਯਾਚਤਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਦੇਤਿ, ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਸ੍ਸ ਦਾਨਂ, ਸੋ ਤੁਣ੍ਹਸ੍ਸ. ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.

‘‘ਦੁਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ… ਤਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ….

‘‘ਦਿਨ੍ਨੋ ਸਙ੍ਘੇਨ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸੋ, ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀ’’ਤਿ –

ਏਵਂ ਯੋ ਯੋ ਆਪਨ੍ਨੋ ਹੋਤਿ, ਤਸ੍ਸ ਤਸ੍ਸ ਨਾਮਂ ਗਹੇਤ੍ਵਾ ਕਮ੍ਮਵਾਚਾ ਕਾਤਬ੍ਬਾ.

ਕਮ੍ਮਵਾਚਾਪਰਿਯੋਸਾਨੇ ਚ ਤੇਨ ਭਿਕ੍ਖੁਨਾ ਮਾਲ਼ਕਸੀਮਾਯਮੇਵ ‘‘ਪਰਿਵਾਸਂ ਸਮਾਦਿਯਾਮਿ, ਵਤ੍ਤਂ ਸਮਾਦਿਯਾਮੀ’’ਤਿ ਵਤ੍ਤਂ ਸਮਾਦਾਤਬ੍ਬਂ, ਸਮਾਦਿਯਿਤ੍ਵਾ ਤਤ੍ਥੇਵ ਸਙ੍ਘਸ੍ਸ ਆਰੋਚੇਤਬ੍ਬਂ. ਆਰੋਚੇਨ੍ਤੇਨ ਚ –

ਏਵਂ ਆਰੋਚੇਤਬ੍ਬਂ. ਇਮਞ੍ਚ ਅਤ੍ਥਂ ਗਹੇਤ੍ਵਾ ਯਾਯ ਕਾਯਚਿ ਵਾਚਾਯ ਆਰੋਚੇਤੁਂ ਵਟ੍ਟਤਿਯੇਵ.

ਆਰੋਚੇਤ੍ਵਾ (ਚੂਲ਼ਵ. ਅਟ੍ਠ. ੧੦੨) ਸਚੇ ਨਿਕ੍ਖਿਪਿਤੁਕਾਮੋ ਹੋਤਿ, ‘‘ਪਰਿਵਾਸਂ ਨਿਕ੍ਖਿਪਾਮਿ, ਵਤ੍ਤਂ ਨਿਕ੍ਖਿਪਾਮੀ’’ਤਿ ਨਿਕ੍ਖਿਪਿਤਬ੍ਬਂ. ਏਕਪਦੇਨਪਿ ਚੇਤ੍ਥ ਨਿਕ੍ਖਿਤ੍ਤੋ ਹੋਤਿ ਪਰਿਵਾਸੋ, ਦ੍ਵੀਹਿ ਪਨ ਸੁਨਿਕ੍ਖਿਤ੍ਤੋਯੇਵ. ਸਮਾਦਾਨੇਪਿ ਏਸੇਵ ਨਯੋ. ਨਿਕ੍ਖਿਤ੍ਤਕਾਲਤੋ ਪਟ੍ਠਾਯ ਪਕਤਤ੍ਤਟ੍ਠਾਨੇ ਤਿਟ੍ਠਤਿ. ਮਾਲ਼ਕਤੋ ਭਿਕ੍ਖੂਸੁ ਨਿਕ੍ਖਨ੍ਤੇਸੁ ਏਕਸ੍ਸਪਿ ਸਨ੍ਤਿਕੇ ਨਿਕ੍ਖਿਪਿਤੁਂ ਵਟ੍ਟਤਿ, ਮਾਲ਼ਕਤੋ ਨਿਕ੍ਖਮਿਤ੍ਵਾ ਸਤਿਂ ਪਟਿਲਭਨ੍ਤੇਨ ਸਹਗਚ੍ਛਨ੍ਤਸ੍ਸ ਸਨ੍ਤਿਕੇ ਨਿਕ੍ਖਿਪਿਤਬ੍ਬਂ. ਸਚੇ ਸੋਪਿ ਪਕ੍ਕਨ੍ਤੋ, ਅਞ੍ਞਸ੍ਸ ਯਸ੍ਸ ਮਾਲ਼ਕੇ ਨਾਰੋਚਿਤਂ, ਤਸ੍ਸ ਆਰੋਚੇਤ੍ਵਾ ਨਿਕ੍ਖਿਪਿਤਬ੍ਬਂ. ਆਰੋਚੇਨ੍ਤੇਨ ਚ ਅਵਸਾਨੇ ‘‘ਵੇਦਿਯਤੀਤਿ ਮਂ ਆਯਸ੍ਮਾ ਧਾਰੇਤੂ’’ਤਿ ਵਤ੍ਤਬ੍ਬਂ. ਦ੍ਵਿਨ੍ਨਂ ਆਰੋਚੇਨ੍ਤੇਨ ‘‘ਆਯਸ੍ਮਨ੍ਤਾ ਧਾਰੇਨ੍ਤੂ’’ਤਿ, ਤਿਣ੍ਣਂ ਆਰੋਚੇਨ੍ਤੇਨ ‘‘ਆਯਸ੍ਮਨ੍ਤੋ ਧਾਰੇਨ੍ਤੂ’’ਤਿ ਵਤ੍ਤਬ੍ਬਂ. ਸਚੇ ਅਪ੍ਪਭਿਕ੍ਖੁਕੋ ਵਿਹਾਰੋ ਹੋਤਿ, ਸਭਾਗਾ ਭਿਕ੍ਖੂ ਵਸਨ੍ਤਿ, ਵਤ੍ਤਂ ਅਨਿਕ੍ਖਿਪਿਤ੍ਵਾ ਵਿਹਾਰੇਯੇਵ ਰਤ੍ਤਿਪਰਿਗ੍ਗਹੋ ਕਾਤਬ੍ਬੋ. ਅਥ ਨ ਸਕ੍ਕਾ ਸੋਧੇਤੁਂ, ਵੁਤ੍ਤਨਯੇਨੇਵ ਵਤ੍ਤਂ ਨਿਕ੍ਖਿਪਿਤ੍ਵਾ ਪਚ੍ਚੂਸਸਮਯੇ ਏਕੇਨ ਭਿਕ੍ਖੁਨਾ ਸਦ੍ਧਿਂ ਪਰਿਕ੍ਖਿਤ੍ਤਸ੍ਸ ਵਿਹਾਰਸ੍ਸ ਪਰਿਕ੍ਖੇਪਤੋ, ਅਪਰਿਕ੍ਖਿਤ੍ਤਸ੍ਸ ਵਿਹਾਰਸ੍ਸ ਪਰਿਕ੍ਖੇਪਾਰਹਟ੍ਠਾਨਤੋ ਦ੍ਵੇ ਲੇਡ੍ਡੁਪਾਤੇ ਅਤਿਕ੍ਕਮਿਤ੍ਵਾ ਮਹਾਮਗ੍ਗਤੋ ਓਕ੍ਕਮ੍ਮ ਗੁਮ੍ਬੇਨ ਵਾ ਵਤਿਯਾ ਵਾ ਪਟਿਚ੍ਛਨ੍ਨਟ੍ਠਾਨੇ ਨਿਸੀਦਿਤਬ੍ਬਂ, ਅਨ੍ਤੋਅਰੁਣੇਯੇਵ ਵੁਤ੍ਤਨਯੇਨ ਵਤ੍ਤਂ ਸਮਾਦਿਯਿਤ੍ਵਾ ਆਰੋਚੇਤਬ੍ਬਂ. ਆਰੋਚੇਨ੍ਤੇਨ ਸਚੇ ਨਵਕਤਰੋ ਹੋਤਿ, ‘‘ਆਵੁਸੋ’’ਤਿ ਵਤ੍ਤਬ੍ਬਂ. ਸਚੇ ਵੁਡ੍ਢਤਰੋ, ‘‘ਭਨ੍ਤੇ’’ਤਿ ਵਤ੍ਤਬ੍ਬਂ. ਸਚੇ ਅਞ੍ਞੋ ਕੋਚਿ ਭਿਕ੍ਖੁ ਕੇਨਚਿਦੇਵ ਕਰਣੀਯੇਨ ਤਂ ਠਾਨਂ ਆਗਚ੍ਛਤਿ, ਸਚੇ ਏਸ ਤਂ ਪਸ੍ਸਤਿ, ਸਦ੍ਦਂ ਵਾਸ੍ਸ ਸੁਣਾਤਿ, ਆਰੋਚੇਤਬ੍ਬਂ, ਅਨਾਰੋਚੇਨ੍ਤਸ੍ਸ ਰਤ੍ਤਿਚ੍ਛੇਦੋ ਚੇਵ ਵਤ੍ਤਭੇਦੋ ਚ. ਅਥ ਦ੍ਵਾਦਸਹਤ੍ਥਂ ਉਪਚਾਰਂ ਓਕ੍ਕਮਿਤ੍ਵਾ ਅਜਾਨਨ੍ਤਸ੍ਸੇਵ ਗਚ੍ਛਤਿ, ਰਤ੍ਤਿਚ੍ਛੇਦੋ ਹੋਤਿਯੇਵ, ਵਤ੍ਤਭੇਦੋ ਪਨ ਨਤ੍ਥਿ, ਉਗ੍ਗਤੇ ਅਰੁਣੇ ਵਤ੍ਤਂ ਨਿਕ੍ਖਿਪਿਤਬ੍ਬਂ. ਸਚੇ ਸੋ ਭਿਕ੍ਖੁ ਕੇਨਚਿਦੇਵ ਕਰਣੀਯੇਨ ਪਕ੍ਕਨ੍ਤੋ ਹੋਤਿ, ਯਂ ਅਞ੍ਞਂ ਸਬ੍ਬਪਠਮਂ ਪਸ੍ਸਤਿ, ਤਸ੍ਸ ਆਰੋਚੇਤ੍ਵਾ ਨਿਕ੍ਖਿਪਿਤਬ੍ਬਂ. ਵਿਹਾਰਂ ਗਨ੍ਤ੍ਵਾਪਿ ਯਂ ਪਠਮਂ ਪਸ੍ਸਤਿ, ਤਸ੍ਸ ਆਰੋਚੇਤ੍ਵਾ ਨਿਕ੍ਖਿਪਿਤਬ੍ਬਂ. ਅਯਂ ਨਿਕ੍ਖਿਤ੍ਤਵਤ੍ਤਸ੍ਸ ਪਰਿਹਾਰੋ.

੨੩੮. ਏਵਂ ਯਤ੍ਤਕਾਨਿ ਦਿਵਸਾਨਿ ਆਪਤ੍ਤਿ ਪਟਿਚ੍ਛਨ੍ਨਾ ਹੋਤਿ, ਤਤ੍ਤਕਾਨਿ ਤਤੋ ਅਧਿਕਤਰਾਨਿ ਵਾ ਕੁਕ੍ਕੁਚ੍ਚਵਿਨੋਦਨਤ੍ਥਾਯ ਪਰਿਵਸਿਤ੍ਵਾ ਸਙ੍ਘਂ ਉਪਸਙ੍ਕਮਿਤ੍ਵਾ ਵਤ੍ਤਂ ਸਮਾਦਿਯਿਤ੍ਵਾ ਮਾਨਤ੍ਤਂ ਯਾਚਿਤਬ੍ਬਂ. ਅਯਞ੍ਹਿ ਵਤ੍ਤੇ ਸਮਾਦਿਨ੍ਨੇ ਏਵ ਮਾਨਤ੍ਤਾਰਹੋ ਹੋਤਿ ਨਿਕ੍ਖਿਤ੍ਤਵਤ੍ਤੇਨ ਪਰਿਵੁਤ੍ਥਤ੍ਤਾ. ਅਨਿਕ੍ਖਿਤ੍ਤਵਤ੍ਤਸ੍ਸ ਪਨ ਪੁਨ ਸਮਾਦਾਨਕਿਚ੍ਚਂ ਨਤ੍ਥਿ. ਸੋ ਹਿ ਪਟਿਚ੍ਛਨ੍ਨਦਿਵਸਾਤਿਕ੍ਕਮੇਨੇਵ ਮਾਨਤ੍ਤਾਰਹੋ ਹੋਤਿ, ਤਸ੍ਮਾ ਤਸ੍ਸ ਮਾਨਤ੍ਤਂ ਦਾਤਬ੍ਬਮੇਵ. ਤਂ ਦੇਨ੍ਤੇਨ –

‘‘ਅਹਂ, ਭਨ੍ਤੇ, ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿਂ ਏਕਾਹਪ੍ਪਟਿਚ੍ਛਨ੍ਨਾਯੋ, ਸੋਹਂ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਯਾਚਿਂ, ਤਸ੍ਸ ਮੇ ਸਙ੍ਘੋ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਅਦਾਸਿ, ਸੋਹਂ, ਭਨ੍ਤੇ, ਪਰਿਵੁਤ੍ਥਪਰਿਵਾਸੋ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਂ ਯਾਚਾਮਿ. ਅਹਂ, ਭਨ੍ਤੇ…ਪੇ… ਸੋਹਂ ਪਰਿਵੁਤ੍ਥਪਰਿਵਾਸੋ, ਦੁਤਿਯਮ੍ਪਿ, ਭਨ੍ਤੇ, ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਂ ਯਾਚਾਮਿ. ਅਹਂ, ਭਨ੍ਤੇ…ਪੇ… ਸੋਹਂ ਪਰਿਵੁਤ੍ਥਪਰਿਵਾਸੋ, ਤਤਿਯਮ੍ਪਿ, ਭਨ੍ਤੇ, ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਂ ਯਾਚਾਮੀ’’ਤਿ –

ਏਵਂ ਤਿਕ੍ਖਤ੍ਤੁਂ ਯਾਚਾਪੇਤ੍ਵਾ –

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿ ਏਕਾਹਪ੍ਪਟਿਚ੍ਛਨ੍ਨਾਯੋ, ਸੋ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਯਾਚਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਅਦਾਸਿ, ਸੋ ਪਰਿਵੁਤ੍ਥਪਰਿਵਾਸੋ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਂ ਯਾਚਤਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਂ ਦੇਤਿ, ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਸ੍ਸ ਦਾਨਂ, ਸੋ ਤੁਣ੍ਹਸ੍ਸ. ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.

‘‘ਦੁਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ… ਤਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ….

‘‘ਦਿਨ੍ਨਂ ਸਙ੍ਘੇਨ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਂ, ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀ’’ਤਿ –

ਏਵਂ ਕਮ੍ਮਵਾਚਾ ਕਾਤਬ੍ਬਾ.

ਕਮ੍ਮਵਾਚਾਪਰਿਯੋਸਾਨੇ ਚ ਤੇਨ ਭਿਕ੍ਖੁਨਾ ਮਾਲ਼ਕਸੀਮਾਯਮੇਵ ‘‘ਮਾਨਤ੍ਤਂ ਸਮਾਦਿਯਾਮਿ, ਵਤ੍ਤਂ ਸਮਾਦਿਯਾਮੀ’’ਤਿ ਵਤ੍ਤਂ ਸਮਾਦਾਤਬ੍ਬਂ, ਸਮਾਦਿਯਿਤ੍ਵਾ ਤਤ੍ਥੇਵ ਸਙ੍ਘਸ੍ਸ ਆਰੋਚੇਤਬ੍ਬਂ. ਆਰੋਚੇਨ੍ਤੇਨ ਚ –

‘‘ਅਹਂ, ਭਨ੍ਤੇ, ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿਂ ਏਕਾਹਪ੍ਪਟਿਚ੍ਛਨ੍ਨਾਯੋ, ਸੋਹਂ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਯਾਚਿਂ, ਤਸ੍ਸ ਮੇ ਸਙ੍ਘੋ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਅਦਾਸਿ, ਸੋਹਂ ਪਰਿਵੁਤ੍ਥਪਰਿਵਾਸੋ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਂ ਯਾਚਿਂ, ਤਸ੍ਸ ਮੇ ਸਙ੍ਘੋ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਂ ਅਦਾਸਿ, ਸੋਹਂ ਮਾਨਤ੍ਤਂ ਚਰਾਮਿ, ਵੇਦਿਯਾਮਹਂ ਭਨ੍ਤੇ, ਵੇਦਿਯਤੀਤਿ ਮਂ ਸਙ੍ਘੋ ਧਾਰੇਤੂ’’ਤਿ –

ਏਵਂ ਆਰੋਚੇਤਬ੍ਬਂ. ਇਮਞ੍ਚ ਪਨ ਅਤ੍ਥਂ ਗਹੇਤ੍ਵਾ ਯਾਯ ਕਾਯਚਿ ਵਾਚਾਯ ਆਰੋਚੇਤੁਂ ਵਟ੍ਟਤਿਯੇਵ.

ਆਰੋਚੇਤ੍ਵਾ ਸਚੇ ਨਿਕ੍ਖਿਪਿਤੁਕਾਮੋ ਹੋਤਿ, ‘‘ਮਾਨਤ੍ਤਂ ਨਿਕ੍ਖਿਪਾਮਿ, ਵਤ੍ਤਂ ਨਿਕ੍ਖਿਪਾਮੀ’’ਤਿ ਸਙ੍ਘਮਜ੍ਝੇ ਨਿਕ੍ਖਿਪਿਤਬ੍ਬਂ. ਮਾਲ਼ਕਤੋ ਭਿਕ੍ਖੂਸੁ ਨਿਕ੍ਖਨ੍ਤੇਸੁ ਏਕਸ੍ਸਪਿ ਸਨ੍ਤਿਕੇ ਨਿਕ੍ਖਿਪਿਤੁਂ ਵਟ੍ਟਤਿ. ਮਾਲ਼ਕਤੋ ਨਿਕ੍ਖਮਿਤ੍ਵਾ ਸਤਿਂ ਪਟਿਲਭਨ੍ਤੇਨ ਸਹਗਚ੍ਛਨ੍ਤਸ੍ਸ ਸਨ੍ਤਿਕੇ ਨਿਕ੍ਖਿਪਿਤਬ੍ਬਂ. ਸਚੇ ਸੋਪਿ ਪਕ੍ਕਨ੍ਤੋ, ਅਞ੍ਞਸ੍ਸ ਯਸ੍ਸ ਮਾਲ਼ਕੇ ਨਾਰੋਚਿਤਂ, ਤਸ੍ਸ ਆਰੋਚੇਤ੍ਵਾ ਨਿਕ੍ਖਿਪਿਤਬ੍ਬਂ. ਆਰੋਚੇਨ੍ਤੇਨ ਪਨ ਅਵਸਾਨੇ ‘‘ਵੇਦਿਯਤੀਤਿ ਮਂ ਆਯਸ੍ਮਾ ਧਾਰੇਤੂ’’ਤਿ ਵਤ੍ਤਬ੍ਬਂ. ਦ੍ਵਿਨ੍ਨਂ ਆਰੋਚੇਨ੍ਤੇਨ ‘‘ਆਯਸ੍ਮਨ੍ਤਾ ਧਾਰੇਨ੍ਤੂ’’ਤਿ, ਤਿਣ੍ਣਂ ਆਰੋਚੇਨ੍ਤੇਨ ‘‘ਆਯਸ੍ਮਨ੍ਤੋ ਧਾਰੇਨ੍ਤੂ’’ਤਿ ਵਤ੍ਤਬ੍ਬਂ. ਨਿਕ੍ਖਿਤ੍ਤਕਾਲਤੋ ਪਟ੍ਠਾਯ ਪਕਤਤ੍ਤਟ੍ਠਾਨੇ ਤਿਟ੍ਠਤਿ. ਸਚੇ ਅਪ੍ਪਭਿਕ੍ਖੁਕੋ ਵਿਹਾਰੋ ਹੋਤਿ, ਸਭਾਗਾ ਭਿਕ੍ਖੂ ਵਸਨ੍ਤਿ, ਵਤ੍ਤਂ ਅਨਿਕ੍ਖਿਪਿਤ੍ਵਾ ਅਨ੍ਤੋਵਿਹਾਰੇਯੇਵ ਰਤ੍ਤਿਯੋ ਗਣੇਤਬ੍ਬਾ. ਅਥ ਨ ਸਕ੍ਕਾ ਸੋਧੇਤੁਂ, ਵੁਤ੍ਤਨਯੇਨੇਵ ਵਤ੍ਤਂ ਨਿਕ੍ਖਿਪਿਤ੍ਵਾ ਪਚ੍ਚੂਸਸਮਯੇ ਚਤੂਹਿ ਪਞ੍ਚਹਿ ਵਾ ਭਿਕ੍ਖੂਹਿ ਸਦ੍ਧਿਂ ਪਰਿਕ੍ਖਿਤ੍ਤਸ੍ਸ ਵਿਹਾਰਸ੍ਸ ਪਰਿਕ੍ਖੇਪਤੋ, ਅਪਰਿਕ੍ਖਿਤ੍ਤਸ੍ਸ ਪਰਿਕ੍ਖੇਪਾਰਹਟ੍ਠਾਨਤੋ ਦ੍ਵੇ ਲੇਡ੍ਡੁਪਾਤੇ ਅਤਿਕ੍ਕਮਿਤ੍ਵਾ ਮਹਾਮਗ੍ਗਤੋ ਓਕ੍ਕਮ੍ਮ ਗੁਮ੍ਬੇਨ ਵਾ ਵਤਿਯਾ ਵਾ ਪਟਿਚ੍ਛਨ੍ਨਟ੍ਠਾਨੇ ਨਿਸੀਦਿਤਬ੍ਬਂ, ਅਨ੍ਤੋਅਰੁਣੇਯੇਵ ਵੁਤ੍ਤਨਯੇਨ ਵਤ੍ਤਂ ਸਮਾਦਿਯਿਤ੍ਵਾ ਆਰੋਚੇਤਬ੍ਬਂ. ਸਚੇ ਅਞ੍ਞੋ ਕੋਚਿ ਭਿਕ੍ਖੁ ਕੇਨਚਿਦੇਵ ਕਰਣੀਯੇਨ ਤਂ ਠਾਨਂ ਆਗਚ੍ਛਤਿ, ਸਚੇ ਏਸ ਤਂ ਪਸ੍ਸਤਿ, ਸਦ੍ਦਂ ਵਾਸ੍ਸ ਸੁਣਾਤਿ, ਆਰੋਚੇਤਬ੍ਬਂ. ਅਨਾਰੋਚੇਨ੍ਤਸ੍ਸ ਰਤ੍ਤਿਚ੍ਛੇਦੋ ਚੇਵ ਵਤ੍ਤਭੇਦੋ ਚ, ਅਥ ਦ੍ਵਾਦਸਹਤ੍ਥਂ ਉਪਚਾਰਂ ਓਕ੍ਕਮਿਤ੍ਵਾ ਅਜਾਨਨ੍ਤਸ੍ਸੇਵ ਗਚ੍ਛਤਿ, ਰਤ੍ਤਿਚ੍ਛੇਦੋ ਹੋਤਿ ਏਵ, ਵਤ੍ਤਭੇਦੋ ਪਨ ਨਤ੍ਥਿ. ਆਰੋਚਿਤਕਾਲਤੋ ਪਟ੍ਠਾਯ ਏਕਂ ਭਿਕ੍ਖੁਂ ਠਪੇਤ੍ਵਾ ਸੇਸੇਹਿ ਸਤਿ ਕਰਣੀਯੇ ਗਨ੍ਤੁਮ੍ਪਿ ਵਟ੍ਟਤਿ, ਅਰੁਣੇ ਉਟ੍ਠਿਤੇ ਤਸ੍ਸ ਭਿਕ੍ਖੁਸ੍ਸ ਸਨ੍ਤਿਕੇ ਵਤ੍ਤਂ ਨਿਕ੍ਖਿਪਿਤਬ੍ਬਂ. ਸਚੇ ਸੋਪਿ ਕੇਨਚਿ ਕਮ੍ਮੇਨ ਪੁਰੇ ਅਰੁਣੇਯੇਵ ਗਚ੍ਛਤਿ, ਅਞ੍ਞਂ ਵਿਹਾਰਤੋ ਨਿਕ੍ਖਨ੍ਤਂ ਵਾ ਆਗਨ੍ਤੁਕਂ ਵਾ ਯਂ ਪਠਮਂ ਪਸ੍ਸਤਿ, ਤਸ੍ਸ ਸਨ੍ਤਿਕੇ ਆਰੋਚੇਤ੍ਵਾ ਵਤ੍ਤਂ ਨਿਕ੍ਖਿਪਿਤਬ੍ਬਂ. ਅਯਞ੍ਚ ਯਸ੍ਮਾ ਗਣਸ੍ਸ ਆਰੋਚੇਤ੍ਵਾ ਭਿਕ੍ਖੂਨਞ੍ਚ ਅਤ੍ਥਿਭਾਵਂ ਸਲ੍ਲਕ੍ਖੇਤ੍ਵਾਵ ਵਸਿ, ਤੇਨਸ੍ਸ ਊਨੇ ਗਣੇ ਚਰਣਦੋਸੋ ਵਾ ਵਿਪ੍ਪਵਾਸੋ ਵਾ ਨ ਹੋਤਿ. ਸਚੇ ਨ ਕਞ੍ਚਿ ਪਸ੍ਸਤਿ, ਵਿਹਾਰਂ ਗਨ੍ਤ੍ਵਾਪਿ ਯਂ ਪਠਮਂ ਪਸ੍ਸਤਿ, ਤਸ੍ਸ ਆਰੋਚੇਤ੍ਵਾ ਨਿਕ੍ਖਿਪਿਤਬ੍ਬਂ. ਅਯਂ ਨਿਕ੍ਖਿਤ੍ਤਵਤ੍ਤਸ੍ਸ ਪਰਿਹਾਰੋ.

੨੩੯. ਏਵਂ ਛਾਰਤ੍ਤਂ ਮਾਨਤ੍ਤਂ ਅਖਣ੍ਡਂ ਚਰਿਤ੍ਵਾ ਯਤ੍ਥ ਸਿਯਾ ਵੀਸਤਿਗਣੋ ਭਿਕ੍ਖੁਸਙ੍ਘੋ, ਤਤ੍ਥ ਸੋ ਭਿਕ੍ਖੁ ਅਬ੍ਭੇਤਬ੍ਬੋ. ਅਬ੍ਭੇਨ੍ਤੇਹਿ ਚ ਪਠਮਂ ਅਬ੍ਭਾਨਾਰਹੋ ਕਾਤਬ੍ਬੋ. ਅਯਞ੍ਹਿ ਨਿਕ੍ਖਿਤ੍ਤਵਤ੍ਤਤ੍ਤਾ ਪਕਤਤ੍ਤਟ੍ਠਾਨੇ ਠਿਤੋ, ਪਕਤਤ੍ਤਸ੍ਸ ਚ ਅਬ੍ਭਾਨਂ ਕਾਤੁਂ ਨ ਵਟ੍ਟਤਿ, ਤਸ੍ਮਾ ਵਤ੍ਤਂ ਸਮਾਦਾਪੇਤਬ੍ਬੋ, ਵਤ੍ਤੇ ਸਮਾਦਿਨ੍ਨੇ ਅਬ੍ਭਾਨਾਰਹੋ ਹੋਤਿ. ਤੇਨਪਿ ਵਤ੍ਤਂ ਸਮਾਦਿਯਿਤ੍ਵਾ ਆਰੋਚੇਤ੍ਵਾ ਅਬ੍ਭਾਨਂ ਯਾਚਿਤਬ੍ਬਂ. ਅਨਿਕ੍ਖਿਤ੍ਤਵਤ੍ਤਸ੍ਸ ਪੁਨ ਵਤ੍ਤਸਮਾਦਾਨਕਿਚ੍ਚਂ ਨਤ੍ਥਿ. ਸੋ ਹਿ ਛਾਰਤ੍ਤਾਤਿਕ੍ਕਮੇਨੇਵ ਅਬ੍ਭਾਨਾਰਹੋ ਹੋਤਿ, ਤਸ੍ਮਾ ਸੋ ਅਬ੍ਭੇਤਬ੍ਬੋ. ਅਬ੍ਭੇਨ੍ਤੇਨ ਚ –

‘‘ਅਹਂ, ਭਨ੍ਤੇ, ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿਂ ਏਕਾਹਪ੍ਪਟਿਚ੍ਛਨ੍ਨਾਯੋ, ਸੋਹਂ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਯਾਚਿਂ, ਤਸ੍ਸ ਮੇ ਸਙ੍ਘੋ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਅਦਾਸਿ, ਸੋਹਂ ਪਰਿਵੁਤ੍ਥਪਰਿਵਾਸੋ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਂ ਯਾਚਿਂ, ਤਸ੍ਸ ਮੇ ਸਙ੍ਘੋ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਂ ਅਦਾਸਿ, ਸੋਹਂ, ਭਨ੍ਤੇ, ਚਿਣ੍ਣਮਾਨਤ੍ਤੋ ਸਙ੍ਘਂ ਅਬ੍ਭਾਨਂ ਯਾਚਾਮਿ. ਅਹਂ, ਭਨ੍ਤੇ…ਪੇ… ਸੋਹਂ ਚਿਣ੍ਣਮਾਨਤ੍ਤੋ ਦੁਤਿਯਮ੍ਪਿ, ਭਨ੍ਤੇ, ਸਙ੍ਘਂ ਅਬ੍ਭਾਨਂ ਯਾਚਾਮਿ. ਅਹਂ, ਭਨ੍ਤੇ…ਪੇ… ਸੋਹਂ ਚਿਣ੍ਣਮਾਨਤ੍ਤੋ ਤਤਿਯਮ੍ਪਿ, ਭਨ੍ਤੇ, ਸਙ੍ਘਂ ਅਬ੍ਭਾਨਂ ਯਾਚਾਮੀ’’ਤਿ –

ਏਵਂ ਤਿਕ੍ਖਤ੍ਤੁਂ ਯਾਚਾਪੇਤ੍ਵਾ –

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿ ਏਕਾਹਪ੍ਪਟਿਚ੍ਛਨ੍ਨਾਯੋ, ਸੋ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਯਾਚਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਅਦਾਸਿ, ਸੋ ਪਰਿਵੁਤ੍ਥਪਰਿਵਾਸੋ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਂ ਯਾਚਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਂ ਅਦਾਸਿ, ਸੋ ਚਿਣ੍ਣਮਾਨਤ੍ਤੋ ਸਙ੍ਘਂ ਅਬ੍ਭਾਨਂ ਯਾਚਤਿ, ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਂ ਅਬ੍ਭੇਯ੍ਯ, ਏਸਾ ਞਤ੍ਤਿ.

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿ ਏਕਾਹਪ੍ਪਟਿਚ੍ਛਨ੍ਨਾਯੋ, ਸੋ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਯਾਚਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਅਦਾਸਿ, ਸੋ ਪਰਿਵੁਤ੍ਥਪਰਿਵਾਸੋ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਂ ਯਾਚਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਂ ਅਦਾਸਿ, ਸੋ ਚਿਣ੍ਣਮਾਨਤ੍ਤੋ ਸਙ੍ਘਂ ਅਬ੍ਭਾਨਂ ਯਾਚਤਿ, ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਂ ਅਬ੍ਭੇਤਿ, ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਅਬ੍ਭਾਨਂ, ਸੋ ਤੁਣ੍ਹਸ੍ਸ. ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.

‘‘ਦੁਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ… ਤਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ….

‘‘ਅਬ੍ਭਿਤੋ ਸਙ੍ਘੇਨ ਇਤ੍ਥਨ੍ਨਾਮੋ ਭਿਕ੍ਖੁ, ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀ’’ਤਿ –

ਏਵਂ ਕਮ੍ਮਵਾਚਾ ਕਾਤਬ੍ਬਾ.

ਏਵਂ ਤਾਵ ਏਕਾਹਪ੍ਪਟਿਚ੍ਛਨ੍ਨਾਯ ਆਪਤ੍ਤਿਯਾ ਪਟਿਚ੍ਛਨ੍ਨਪਰਿਵਾਸੋ ਮਾਨਤ੍ਤਦਾਨਂ ਅਬ੍ਭਾਨਞ੍ਚ ਵੇਦਿਤਬ੍ਬਂ. ਇਮਿਨਾਵ ਨਯੇਨ ਦ੍ਵੀਹਾਦਿਪਟਿਚ੍ਛਨ੍ਨਾਸੁਪਿ ਤਦਨੁਰੂਪਾ ਕਮ੍ਮਵਾਚਾ ਕਾਤਬ੍ਬਾ.

੨੪੦. ਸਚੇ ਪਨ ਅਪ੍ਪਟਿਚ੍ਛਨ੍ਨਾ ਆਪਤ੍ਤਿ ਹੋਤਿ, ਪਰਿਵਾਸਂ ਅਦਤ੍ਵਾ ਮਾਨਤ੍ਤਮੇਵ ਦਤ੍ਵਾ ਚਿਣ੍ਣਮਾਨਤ੍ਤੋ ਅਬ੍ਭੇਤਬ੍ਬੋ. ਕਥਂ? ਮਾਨਤ੍ਤਂ ਦੇਨ੍ਤੇਨ ਤਾਵ –

‘‘ਅਹਂ, ਭਨ੍ਤੇ, ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿਂ ਅਪ੍ਪਟਿਚ੍ਛਨ੍ਨਾਯੋ, ਸੋਹਂ, ਭਨ੍ਤੇ, ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਅਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਂ ਯਾਚਾਮਿ. ਅਹਂ, ਭਨ੍ਤੇ…ਪੇ… ਦੁਤਿਯਮ੍ਪਿ, ਭਨ੍ਤੇ, ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਅਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਂ ਯਾਚਾਮਿ. ਅਹਂ, ਭਨ੍ਤੇ…ਪੇ… ਤਤਿਯਮ੍ਪਿ, ਭਨ੍ਤੇ, ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਅਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਂ ਯਾਚਾਮੀ’’ਤਿ –

ਤਿਕ੍ਖਤ੍ਤੁਂ ਯਾਚਾਪੇਤ੍ਵਾ –

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿ ਅਪ੍ਪਟਿਚ੍ਛਨ੍ਨਾਯੋ, ਸੋ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਅਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਂ ਯਾਚਤਿ, ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮ੍ਬਹੁਲਾਨਂ ਆਪਤ੍ਤੀਨਂ ਅਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਂ ਦਦੇਯ੍ਯ, ਏਸਾ ਞਤ੍ਤਿ.

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿ ਅਪ੍ਪਟਿਚ੍ਛਨ੍ਨਾਯੋ, ਸੋ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਅਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਂ ਯਾਚਤਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮ੍ਬਹੁਲਾਨਂ ਆਪਤ੍ਤੀਨਂ ਅਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਂ ਦੇਤਿ, ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮ੍ਬਹੁਲਾਨਂ ਆਪਤ੍ਤੀਨਂ ਅਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਸ੍ਸ ਦਾਨਂ, ਸੋ ਤੁਣ੍ਹਸ੍ਸ. ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.

‘‘ਦੁਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ… ਤਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ….

‘‘ਦਿਨ੍ਨਂ ਸਙ੍ਘੇਨ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮ੍ਬਹੁਲਾਨਂ ਆਪਤ੍ਤੀਨਂ ਅਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਂ, ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀ’’ਤਿ –

ਏਵਂ ਕਮ੍ਮਵਾਚਾ ਕਾਤਬ੍ਬਾ.

ਕਮ੍ਮਵਾਚਾਪਰਿਯੋਸਾਨੇ ਚ ਵਤ੍ਤਸਮਾਦਾਨਂ ਵਤ੍ਤਨਿਕ੍ਖੇਪੋ ਮਾਨਤ੍ਤਚਰਣਞ੍ਚ ਸਬ੍ਬਂ ਵੁਤ੍ਤਨਯੇਨੇਵ ਵੇਦਿਤਬ੍ਬਂ. ਆਰੋਚੇਨ੍ਤੇਨ ਪਨ –

ਏਵਂ ਆਰੋਚੇਤਬ੍ਬਂ.

ਏਕਸ੍ਸ ਦ੍ਵਿਨ੍ਨਂ ਤਿਣ੍ਣਂ ਵਾ ਆਰੋਚੇਨ੍ਤੇਨ ਪਟਿਚ੍ਛਨ੍ਨਮਾਨਤ੍ਤੇ ਵੁਤ੍ਤਨਯੇਨੇਵ ਆਰੋਚੇਤਬ੍ਬਂ. ਚਿਣ੍ਣਮਾਨਤ੍ਤੋ ਚ ਯਤ੍ਥ ਸਿਯਾ ਵੀਸਤਿਗਣੋ ਭਿਕ੍ਖੁਸਙ੍ਘੋ, ਤਤ੍ਥ ਸੋ ਅਬ੍ਭੇਤਬ੍ਬੋ. ਅਬ੍ਭੇਨ੍ਤੇਨ ਚ –

‘‘ਅਹਂ, ਭਨ੍ਤੇ, ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿਂ ਅਪ੍ਪਟਿਚ੍ਛਨ੍ਨਾਯੋ, ਸੋਹਂ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਅਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਂ ਯਾਚਿਂ, ਤਸ੍ਸ ਮੇ ਸਙ੍ਘੋ ਸਮ੍ਬਹੁਲਾਨਂ ਆਪਤ੍ਤੀਨਂ ਅਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਂ ਅਦਾਸਿ, ਸੋਹਂ ਚਿਣ੍ਣਮਾਨਤ੍ਤੋ ਸਙ੍ਘਂ ਅਬ੍ਭਾਨਂ ਯਾਚਾਮਿ. ਅਹਂ, ਭਨ੍ਤੇ…ਪੇ… ਸੋਹਂ ਚਿਣ੍ਣਮਾਨਤ੍ਤੋ ਦੁਤਿਯਮ੍ਪਿ, ਭਨ੍ਤੇ, ਸਙ੍ਘਂ ਅਬ੍ਭਾਨਂ ਯਾਚਾਮਿ. ਅਹਂ, ਭਨ੍ਤੇ…ਪੇ… ਸੋਹਂ ਚਿਣ੍ਣਮਾਨਤ੍ਤੋ ਤਤਿਯਮ੍ਪਿ, ਭਨ੍ਤੇ, ਸਙ੍ਘਂ ਅਬ੍ਭਾਨਂ ਯਾਚਾਮੀ’’ਤਿ –

ਏਵਂ ਤਿਕ੍ਖਤ੍ਤੁਂ ਯਾਚਾਪੇਤ੍ਵਾ –

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿ ਅਪ੍ਪਟਿਚ੍ਛਨ੍ਨਾਯੋ, ਸੋ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਅਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਂ ਯਾਚਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮ੍ਬਹੁਲਾਨਂ ਆਪਤ੍ਤੀਨਂ ਅਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਂ ਅਦਾਸਿ, ਸੋ ਚਿਣ੍ਣਮਾਨਤ੍ਤੋ ਸਙ੍ਘਂ ਅਬ੍ਭਾਨਂ ਯਾਚਤਿ, ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਂ ਅਬ੍ਭੇਯ੍ਯ, ਏਸਾ ਞਤ੍ਤਿ.

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿ ਅਪ੍ਪਟਿਚ੍ਛਨ੍ਨਾਯੋ, ਸੋ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਅਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਂ ਯਾਚਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮ੍ਬਹੁਲਾਨਂ ਆਪਤ੍ਤੀਨਂ ਅਪ੍ਪਟਿਚ੍ਛਨ੍ਨਾਨਂ ਛਾਰਤ੍ਤਂ ਮਾਨਤ੍ਤਂ ਅਦਾਸਿ, ਸੋ ਚਿਣ੍ਣਮਾਨਤ੍ਤੋ ਸਙ੍ਘਂ ਅਬ੍ਭਾਨਂ ਯਾਚਤਿ, ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਂ ਅਬ੍ਭੇਤਿ, ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਅਬ੍ਭਾਨਂ, ਸੋ ਤੁਣ੍ਹਸ੍ਸ. ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.

‘‘ਦੁਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ… ਤਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ….

ਅਬ੍ਭਿਤੋ ਸਙ੍ਘੇਨ ਇਤ੍ਥਨ੍ਨਾਮੋ ਭਿਕ੍ਖੁ, ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀ’’ਤਿ –

ਏਵਂ ਕਮ੍ਮਵਾਚਂ ਵਤ੍ਵਾ ਅਬ੍ਭੇਤਬ੍ਬੋ. ਏਵਂ ਅਪ੍ਪਟਿਚ੍ਛਨ੍ਨਾਯ ਆਪਤ੍ਤਿਯਾ ਵੁਟ੍ਠਾਨਂ ਵੇਦਿਤਬ੍ਬਂ.

੨੪੧. ਸਚੇ ਕਸ੍ਸਚਿ ਏਕਾਪਤ੍ਤਿ ਪਟਿਚ੍ਛਨ੍ਨਾ ਹੋਤਿ, ਏਕਾ ਅਪ੍ਪਟਿਚ੍ਛਨ੍ਨਾ, ਤਸ੍ਸ ਪਟਿਚ੍ਛਨ੍ਨਾਯ ਆਪਤ੍ਤਿਯਾ ਪਰਿਵਾਸਂ ਦਤ੍ਵਾ ਪਰਿਵੁਤ੍ਥਪਰਿਵਾਸਸ੍ਸ ਮਾਨਤ੍ਤਂ ਦੇਨ੍ਤੇਨ ਅਪ੍ਪਟਿਚ੍ਛਨ੍ਨਾਪਤ੍ਤਿਂ ਪਟਿਚ੍ਛਨ੍ਨਾਪਤ੍ਤਿਯਾ ਸਮੋਧਾਨੇਤ੍ਵਾਪਿ ਦਾਤੁਂ ਵਟ੍ਟਤਿ. ਕਥਂ? ਸਚੇ ਪਟਿਚ੍ਛਨ੍ਨਾਪਤ੍ਤਿ ਏਕਾਹਪ੍ਪਟਿਚ੍ਛਨ੍ਨਾ ਹੋਤਿ –

ਤਿਕ੍ਖਤ੍ਤੁਂ ਯਾਚਾਪੇਤ੍ਵਾ –

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿ ਏਕਾਹਪ੍ਪਟਿਚ੍ਛਨ੍ਨਾਯੋ, ਸੋ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਯਾਚਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਅਦਾਸਿ, ਸੋ ਪਰਿਵੁਤ੍ਥਪਰਿਵਾਸੋ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿ ਅਪ੍ਪਟਿਚ੍ਛਨ੍ਨਾਯੋ, ਸੋ ਸਙ੍ਘਂ ਤਾਸਂ ਸਮ੍ਬਹੁਲਾਨਂ ਆਪਤ੍ਤੀਨਂ ਪਟਿਚ੍ਛਨ੍ਨਾਨਞ੍ਚ ਅਪ੍ਪਟਿਚ੍ਛਨ੍ਨਾਨਞ੍ਚ ਛਾਰਤ੍ਤਂ ਮਾਨਤ੍ਤਂ ਯਾਚਤਿ, ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਤਾਸਂ ਸਮ੍ਬਹੁਲਾਨਂ ਆਪਤ੍ਤੀਨਂ ਪਟਿਚ੍ਛਨ੍ਨਾਨਞ੍ਚ ਅਪ੍ਪਟਿਚ੍ਛਨ੍ਨਾਨਞ੍ਚ ਛਾਰਤ੍ਤਂ ਮਾਨਤ੍ਤਂ ਦਦੇਯ੍ਯ, ਏਸਾ ਞਤ੍ਤਿ.

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿ ਏਕਾਹਪ੍ਪਟਿਚ੍ਛਨ੍ਨਾਯੋ, ਸੋ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਯਾਚਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਅਦਾਸਿ, ਸੋ ਪਰਿਵੁਤ੍ਥਪਰਿਵਾਸੋ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿ ਅਪ੍ਪਟਿਚ੍ਛਨ੍ਨਾਯੋ, ਸੋ ਸਙ੍ਘਂ ਤਾਸਂ ਸਮ੍ਬਹੁਲਾਨਂ ਆਪਤ੍ਤੀਨਂ ਪਟਿਚ੍ਛਨ੍ਨਾਨਞ੍ਚ ਅਪ੍ਪਟਿਚ੍ਛਨ੍ਨਾਨਞ੍ਚ ਛਾਰਤ੍ਤਂ ਮਾਨਤ੍ਤਂ ਯਾਚਤਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਤਾਸਂ ਸਮ੍ਬਹੁਲਾਨਂ ਆਪਤ੍ਤੀਨਂ ਪਟਿਚ੍ਛਨ੍ਨਾਨਞ੍ਚ ਅਪ੍ਪਟਿਚ੍ਛਨ੍ਨਾਨਞ੍ਚ ਛਾਰਤ੍ਤਂ ਮਾਨਤ੍ਤਂ ਦੇਤਿ, ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਤਾਸਂ ਸਮ੍ਬਹੁਲਾਨਂ ਆਪਤ੍ਤੀਨਂ ਪਟਿਚ੍ਛਨ੍ਨਾਨਞ੍ਚ ਅਪ੍ਪਟਿਚ੍ਛਨ੍ਨਾਨਞ੍ਚ ਛਾਰਤ੍ਤਂ ਮਾਨਤ੍ਤਸ੍ਸ ਦਾਨਂ, ਸੋ ਤੁਣ੍ਹਸ੍ਸ. ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.

‘‘ਦੁਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ… ਤਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ….

‘‘ਦਿਨ੍ਨਂ ਸਙ੍ਘੇਨ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਤਾਸਂ ਸਮ੍ਬਹੁਲਾਨਂ ਆਪਤ੍ਤੀਨਂ ਪਟਿਚ੍ਛਨ੍ਨਾਨਞ੍ਚ ਅਪ੍ਪਟਿਚ੍ਛਨ੍ਨਾਨਞ੍ਚ ਛਾਰਤ੍ਤਂ ਮਾਨਤ੍ਤਂ, ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀ’’ਤਿ –

ਏਵਂ ਕਮ੍ਮਵਾਚਾ ਕਾਤਬ੍ਬਾ.

ਕਮ੍ਮਵਾਚਾਪਰਿਯੋਸਾਨੇ ਚ ਵਤ੍ਤਸਮਾਦਾਨਾਦਿ ਸਬ੍ਬਂ ਵੁਤ੍ਤਨਯਮੇਵ. ਆਰੋਚੇਨ੍ਤੇਨ ਪਨ –

‘‘ਅਹਂ, ਭਨ੍ਤੇ, ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿਂ ਏਕਾਹਪ੍ਪਟਿਚ੍ਛਨ੍ਨਾਯੋ, ਸੋਹਂ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਯਾਚਿਂ, ਤਸ੍ਸ ਮੇ ਸਙ੍ਘੋ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਅਦਾਸਿ, ਸੋਹਂ ਪਰਿਵੁਤ੍ਥਪਰਿਵਾਸੋ, ਅਹਂ, ਭਨ੍ਤੇ, ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿਂ ਅਪ੍ਪਟਿਚ੍ਛਨ੍ਨਾਯੋ, ਸੋਹਂ, ਭਨ੍ਤੇ, ਸਙ੍ਘਂ ਤਾਸਂ ਸਮ੍ਬਹੁਲਾਨਂ ਆਪਤ੍ਤੀਨਂ ਪਟਿਚ੍ਛਨ੍ਨਾਨਞ੍ਚ ਅਪ੍ਪਟਿਚ੍ਛਨ੍ਨਾਨਞ੍ਚ ਛਾਰਤ੍ਤਂ ਮਾਨਤ੍ਤਂ ਯਾਚਿਂ, ਤਸ੍ਸ ਮੇ ਸਙ੍ਘੋ ਤਾਸਂ ਸਮ੍ਬਹੁਲਾਨਂ ਆਪਤ੍ਤੀਨਂ ਪਟਿਚ੍ਛਨ੍ਨਾਨਞ੍ਚ ਅਪ੍ਪਟਿਚ੍ਛਨ੍ਨਾਨਞ੍ਚ ਛਾਰਤ੍ਤਂ ਮਾਨਤ੍ਤਂ ਅਦਾਸਿ, ਸੋਹਂ ਮਾਨਤ੍ਤਂ ਚਰਾਮਿ, ਵੇਦਿਯਾਮਹਂ, ਭਨ੍ਤੇ, ਵੇਦਿਯਤੀਤਿ ਮਂ ਸਙ੍ਘੋ ਧਾਰੇਤੂ’’ਤਿ –

ਏਵਂ ਆਰੋਚੇਤਬ੍ਬਂ.

ਸਮਾਦਿਨ੍ਨਮਾਨਤ੍ਤੇਨ ਚ ਅਨੂਨਂ ਕਤ੍ਵਾ ਵੁਤ੍ਤਨਯੇਨ ਛਾਰਤ੍ਤਂ ਮਾਨਤ੍ਤਂ ਚਰਿਤਬ੍ਬਂ. ਚਿਣ੍ਣਮਾਨਤ੍ਤੋ ਚ ਯਤ੍ਥ ਸਿਯਾ ਵੀਸਤਿਗਣੋ ਭਿਕ੍ਖੁਸਙ੍ਘੋ, ਤਤ੍ਥ ਸੋ ਅਬ੍ਭੇਤਬ੍ਬੋ. ਅਬ੍ਭੇਨ੍ਤੇਨ ਚ –

‘‘ਅਹਂ, ਭਨ੍ਤੇ, ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿਂ ਏਕਾਹਪ੍ਪਟਿਚ੍ਛਨ੍ਨਾਯੋ, ਸੋਹਂ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਯਾਚਿਂ, ਤਸ੍ਸ ਮੇ ਸਙ੍ਘੋ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਅਦਾਸਿ, ਸੋਹਂ ਪਰਿਵੁਤ੍ਥਪਰਿਵਾਸੋ, ਅਹਂ, ਭਨ੍ਤੇ, ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿਂ ਅਪ੍ਪਟਿਚ੍ਛਨ੍ਨਾਯੋ, ਸੋਹਂ, ਭਨ੍ਤੇ, ਸਙ੍ਘਂ ਤਾਸਂ ਸਮ੍ਬਹੁਲਾਨਂ ਆਪਤ੍ਤੀਨਂ ਪਟਿਚ੍ਛਨ੍ਨਾਨਞ੍ਚ ਅਪ੍ਪਟਿਚ੍ਛਨ੍ਨਾਨਞ੍ਚ ਛਾਰਤ੍ਤਂ ਮਾਨਤ੍ਤਂ ਯਾਚਿਂ, ਤਸ੍ਸ ਮੇ ਸਙ੍ਘੋ ਤਾਸਂ ਸਮ੍ਬਹੁਲਾਨਂ ਆਪਤ੍ਤੀਨਂ ਪਟਿਚ੍ਛਨ੍ਨਾਨਞ੍ਚ ਅਪ੍ਪਟਿਚ੍ਛਨ੍ਨਾਨਞ੍ਚ ਛਾਰਤ੍ਤਂ ਮਾਨਤ੍ਤਂ ਅਦਾਸਿ, ਸੋਹਂ, ਭਨ੍ਤੇ, ਚਿਣ੍ਣਮਾਨਤ੍ਤੋ ਸਙ੍ਘਂ ਅਬ੍ਭਾਨਂ ਯਾਚਾਮੀ’’ਤਿ –

ਏਵਂ ਤਿਕ੍ਖਤ੍ਤੁਂ ਯਾਚਾਪੇਤ੍ਵਾ –

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿ ਏਕਾਹਪ੍ਪਟਿਚ੍ਛਨ੍ਨਾਯੋ, ਸੋ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਯਾਚਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਅਦਾਸਿ, ਸੋ ਪਰਿਵੁਤ੍ਥਪਰਿਵਾਸੋ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿ ਅਪ੍ਪਟਿਚ੍ਛਨ੍ਨਾਯੋ, ਸੋ ਸਙ੍ਘਂ ਤਾਸਂ ਸਮ੍ਬਹੁਲਾਨਂ ਆਪਤ੍ਤੀਨਂ ਪਟਿਚ੍ਛਨ੍ਨਾਨਞ੍ਚ ਅਪ੍ਪਟਿਚ੍ਛਨ੍ਨਾਨਞ੍ਚ ਛਾਰਤ੍ਤਂ ਮਾਨਤ੍ਤਂ ਯਾਚਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਤਾਸਂ ਸਮ੍ਬਹੁਲਾਨਂ ਆਪਤ੍ਤੀਨਂ ਪਟਿਚ੍ਛਨ੍ਨਾਞ੍ਚ ਅਪ੍ਪਟਿਚ੍ਛਨ੍ਨਾਨਞ੍ਚ ਛਾਰਤ੍ਤਂ ਮਾਨਤ੍ਤਂ ਅਦਾਸਿ, ਸੋ ਚਿਣ੍ਣਮਾਨਤ੍ਤੋ ਸਙ੍ਘਂ ਅਬ੍ਭਾਨਂ ਯਾਚਤਿ, ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਂ ਅਬ੍ਭੇਯ੍ਯ, ਏਸਾ ਞਤ੍ਤਿ.

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿ ਏਕਾਹਪ੍ਪਟਿਚ੍ਛਨ੍ਨਾਯੋ, ਸੋ ਸਙ੍ਘਂ ਤਾਸਂ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਯਾਚਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮ੍ਬਹੁਲਾਨਂ ਆਪਤ੍ਤੀਨਂ ਏਕਾਹਪ੍ਪਟਿਚ੍ਛਨ੍ਨਾਨਂ ਏਕਾਹਪਰਿਵਾਸਂ ਅਦਾਸਿ, ਸੋ ਪਰਿਵੁਤ੍ਥਪਰਿਵਾਸੋ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿ ਅਪ੍ਪਟਿਚ੍ਛਨ੍ਨਾਯੋ, ਸੋ ਸਙ੍ਘਂ ਤਾਸਂ ਸਮ੍ਬਹੁਲਾਨਂ ਆਪਤ੍ਤੀਨਂ ਪਟਿਚ੍ਛਨ੍ਨਾਨਞ੍ਚ ਅਪ੍ਪਟਿਚ੍ਛਨ੍ਨਾਨਞ੍ਚ ਛਾਰਤ੍ਤਂ ਮਾਨਤ੍ਤਂ ਯਾਚਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਤਾਸਂ ਸਮ੍ਬਹੁਲਾਨਂ ਆਪਤ੍ਤੀਨਂ ਪਟਿਚ੍ਛਨ੍ਨਾਨਞ੍ਚ ਅਪ੍ਪਟਿਚ੍ਛਨ੍ਨਾਨਞ੍ਚ ਛਾਰਤ੍ਤਂ ਮਾਨਤ੍ਤਂ ਅਦਾਸਿ, ਸੋ ਚਿਣ੍ਣਮਾਨਤ੍ਤੋ ਸਙ੍ਘਂ ਅਬ੍ਭਾਨਂ ਯਾਚਤਿ, ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਂ ਅਬ੍ਭੇਤਿ, ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਅਬ੍ਭਾਨਂ, ਸੋ ਤੁਣ੍ਹਸ੍ਸ. ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.

‘‘ਦੁਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ… ਤਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ….

ਏਵਂ ਕਮ੍ਮਵਾਚਂ ਕਤ੍ਵਾ ਅਬ੍ਭੇਤਬ੍ਬੋ.

ਪਟਿਚ੍ਛਨ੍ਨਪਰਿਵਾਸਕਥਾ ਨਿਟ੍ਠਿਤਾ.

੨੪੨. ਸੁਦ੍ਧਨ੍ਤਪਰਿਵਾਸੋ ਸਮੋਧਾਨਪਰਿਵਾਸੋਤਿ ਦ੍ਵੇ ਅਵਸੇਸਾ. ਤਤ੍ਥ (ਚੂਲ਼ਵ. ਅਟ੍ਠ. ੧੦੨) ਸੁਦ੍ਧਨ੍ਤਪਰਿਵਾਸੋ ਦੁਵਿਧੋ ਚੂਲ਼ਸੁਦ੍ਧਨ੍ਤੋ ਮਹਾਸੁਦ੍ਧਨ੍ਤੋਤਿ. ਦੁਵਿਧੋਪਿ ਚੇਸ ਰਤ੍ਤਿਪਰਿਚ੍ਛੇਦਂ ਸਕਲਂ ਵਾ ਏਕਚ੍ਚਂ ਵਾ ਅਜਾਨਨ੍ਤਸ੍ਸ ਚ ਅਸ੍ਸਰਨ੍ਤਸ੍ਸ ਚ ਤਤ੍ਥ ਵੇਮਤਿਕਸ੍ਸ ਚ ਦਾਤਬ੍ਬੋ. ਆਪਤ੍ਤਿਪਰਿਯਨ੍ਤਂ ਪਨ ‘‘ਏਤ੍ਤਕਾ ਅਹਂ ਆਪਤ੍ਤਿਯੋ ਆਪਨ੍ਨੋ’’ਤਿ ਜਾਨਾਤੁ ਵਾ ਮਾ ਵਾ, ਅਕਾਰਣਮੇਤਂ, ਤਤ੍ਥ ਯੋ ਉਪਸਮ੍ਪਦਤੋ ਪਟ੍ਠਾਯ ਅਨੁਲੋਮਕ੍ਕਮੇਨ ਵਾ ਆਰੋਚਿਤਦਿਵਸਤੋ ਪਟ੍ਠਾਯ ਪਟਿਲੋਮਕ੍ਕਮੇਨ ਵਾ ‘‘ਅਸੁਕਞ੍ਚ ਅਸੁਕਞ੍ਚ ਦਿਵਸਂ ਵਾ ਪਕ੍ਖਂ ਵਾ ਮਾਸਂ ਵਾ ਸਂਵਚ੍ਛਰਂ ਵਾ ਤਵ ਸੁਦ੍ਧਭਾਵਂ ਜਾਨਾਸੀ’’ਤਿ ਪੁਚ੍ਛਿਯਮਾਨੋ ‘‘ਆਮ, ਭਨ੍ਤੇ, ਜਾਨਾਮਿ, ਏਤ੍ਤਕਂ ਨਾਮ ਕਾਲਂ ਅਹਂ ਸੁਦ੍ਧੋ’’ਤਿ ਵਦਤਿ, ਤਸ੍ਸ ਦਿਨ੍ਨੋ ਸੁਦ੍ਧਨ੍ਤਪਰਿਵਾਸੋ ਚੂਲ਼ਸੁਦ੍ਧਨ੍ਤੋਤਿ ਵੁਚ੍ਚਤਿ.

ਤਂ ਗਹੇਤ੍ਵਾ ਪਰਿਵਸਨ੍ਤੇਨ ਯਤ੍ਤਕਂ ਕਾਲਂ ਅਤ੍ਤਨੋ ਸੁਦ੍ਧਿਂ ਜਾਨਾਤਿ, ਤਤ੍ਤਕਂ ਅਪਨੇਤ੍ਵਾ ਅਵਸੇਸਂ ਮਾਸਂ ਵਾ ਦ੍ਵੇਮਾਸਂ ਵਾ ਪਰਿਵਸਿਤਬ੍ਬਂ. ਸਚੇ ‘‘ਮਾਸਮਤ੍ਤਂ ਅਸੁਦ੍ਧੋਮ੍ਹੀ’’ਤਿ ਸਲ੍ਲਕ੍ਖੇਤ੍ਵਾ ਅਗ੍ਗਹੇਸਿ, ਪਰਿਵਸਨ੍ਤੋ ਚ ਪੁਨ ਅਞ੍ਞਂ ਮਾਸਂ ਸਰਤਿ, ਤਮ੍ਪਿ ਮਾਸਂ ਪਰਿਵਸਿਤਬ੍ਬਮੇਵ, ਪੁਨ ਪਰਿਵਾਸਦਾਨਕਿਚ੍ਚਂ ਨਤ੍ਥਿ. ਅਥ ‘‘ਦ੍ਵੇਮਾਸਂ ਅਸੁਦ੍ਧੋਮ੍ਹੀ’’ਤਿ ਸਲ੍ਲਕ੍ਖੇਤ੍ਵਾ ਅਗ੍ਗਹੇਸਿ, ਪਰਿਵਸਨ੍ਤੋ ਚ ‘‘ਮਾਸਮਤ੍ਤਮੇਵਾਹਂ ਅਸੁਦ੍ਧੋਮ੍ਹੀ’’ਤਿ ਸਨ੍ਨਿਟ੍ਠਾਨਂ ਕਰੋਤਿ, ਮਾਸਮੇਵ ਪਰਿਵਸਿਤਬ੍ਬਂ, ਪੁਨ ਪਰਿਵਾਸਦਾਨਕਿਚ੍ਚਂ ਨਤ੍ਥਿ. ਅਯਞ੍ਹਿ ਸੁਦ੍ਧਨ੍ਤਪਰਿਵਾਸੋ ਨਾਮ ਉਦ੍ਧਮ੍ਪਿ ਆਰੋਹਤਿ, ਹੇਟ੍ਠਾਪਿ ਓਰੋਹਤਿ. ਇਦਮਸ੍ਸ ਲਕ੍ਖਣਂ. ਅਞ੍ਞਸ੍ਮਿਂ ਪਨ ਆਪਤ੍ਤਿਵੁਟ੍ਠਾਨੇ ਇਦਂ ਲਕ੍ਖਣਂ – ਯੋ ਅਪ੍ਪਟਿਚ੍ਛਨ੍ਨਂ ਆਪਤ੍ਤਿਂ ‘‘ਪਟਿਚ੍ਛਨ੍ਨਾ’’ਤਿ ਵਿਨਯਕਮ੍ਮਂ ਕਰੋਤਿ, ਤਸ੍ਸਾਪਤ੍ਤਿ ਵੁਟ੍ਠਾਤਿ. ਯੋ ਪਟਿਚ੍ਛਨ੍ਨਂ ‘‘ਅਪ੍ਪਟਿਚ੍ਛਨ੍ਨਾ’’ਤਿ ਵਿਨਯਕਮ੍ਮਂ ਕਰੋਤਿ, ਤਸ੍ਸ ਨ ਵੁਟ੍ਠਾਤਿ. ਅਚਿਰਪਟਿਚ੍ਛਨ੍ਨਂ ‘‘ਚਿਰਪਟਿਚ੍ਛਨ੍ਨਾ’’ਤਿ ਕਰੋਨ੍ਤਸ੍ਸਪਿ ਵੁਟ੍ਠਾਤਿ, ਚਿਰਪਟਿਚ੍ਛਨ੍ਨਂ ‘‘ਅਚਿਰਪਟਿਚ੍ਛਨ੍ਨਾ’’ਤਿ ਕਰੋਨ੍ਤਸ੍ਸ ਨ ਵੁਟ੍ਠਾਤਿ. ਏਕਂ ਆਪਤ੍ਤਿਂ ਆਪਜ੍ਜਿਤ੍ਵਾ ‘‘ਸਮ੍ਬਹੁਲਾ’’ਤਿ ਕਰੋਨ੍ਤਸ੍ਸ ਵੁਟ੍ਠਾਤਿ ਏਕਂ ਵਿਨਾ ਸਮ੍ਬਹੁਲਾਨਂ ਅਭਾਵਤੋ. ਸਮ੍ਬਹੁਲਾ ਪਨ ਆਪਜ੍ਜਿਤ੍ਵਾ ‘‘ਏਕਂ ਆਪਜ੍ਜਿ’’ਨ੍ਤਿ ਕਰੋਨ੍ਤਸ੍ਸ ਨ ਵੁਟ੍ਠਾਤਿ.

ਯੋ ਪਨ ਯਥਾਵੁਤ੍ਤੇਨ ਅਨੁਲੋਮਪਟਿਲੋਮਨਯੇਨ ਪੁਚ੍ਛਿਯਮਾਨੋਪਿ ਰਤ੍ਤਿਪਰਿਯਨ੍ਤਂ ਨ ਜਾਨਾਤਿ ਨਸ੍ਸਰਤਿ, ਵੇਮਤਿਕੋ ਵਾ ਹੋਤਿ, ਤਸ੍ਸ ਦਿਨ੍ਨੋ ਸੁਦ੍ਧਨ੍ਤਪਰਿਵਾਸੋ ਮਹਾਸੁਦ੍ਧਨ੍ਤੋਤਿ ਵੁਚ੍ਚਤਿ. ਤਂ ਗਹੇਤ੍ਵਾ ਗਹਿਤਦਿਵਸਤੋ ਪਟ੍ਠਾਯ ਯਾਵ ਉਪਸਮ੍ਪਦਦਿਵਸੋ, ਤਾਵ ਰਤ੍ਤਿਯੋ ਗਣੇਤ੍ਵਾ ਪਰਿਵਸਿਤਬ੍ਬਂ, ਅਯਂ ਉਦ੍ਧਂ ਨਾਰੋਹਤਿ, ਹੇਟ੍ਠਾ ਪਨ ਓਰੋਹਤਿ. ਤਸ੍ਮਾ ਸਚੇ ਪਰਿਵਸਨ੍ਤੋ ਰਤ੍ਤਿਪਰਿਚ੍ਛੇਦੇ ਸਨ੍ਨਿਟ੍ਠਾਨਂ ਕਰੋਤਿ ‘‘ਮਾਸੋ ਵਾ ਸਂਵਚ੍ਛਰੋ ਵਾ ਮਯ੍ਹਂ ਆਪਨ੍ਨਸ੍ਸਾ’’ਤਿ, ਮਾਸਂ ਵਾ ਸਂਵਚ੍ਛਰਂ ਵਾ ਪਰਿਵਸਿਤਬ੍ਬਂ.

ਪਰਿਵਾਸਯਾਚਨਦਾਨਲਕ੍ਖਣਂ ਪਨੇਤ੍ਥ ਏਵਂ ਵੇਦਿਤਬ੍ਬਂ – ਤੇਨ ਭਿਕ੍ਖੁਨਾ ਸਙ੍ਘਂ ਉਪਸਙ੍ਕਮਿਤ੍ਵਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍ਵਾ ਵੁਡ੍ਢਾਨਂ ਭਿਕ੍ਖੂਨਂ ਪਾਦੇ ਵਨ੍ਦਿਤ੍ਵਾ ਉਕ੍ਕੁਟਿਕਂ ਨਿਸੀਦਿਤ੍ਵਾ ਅਞ੍ਜਲਿਂ ਪਗ੍ਗਹੇਤ੍ਵਾ ਏਵਮਸ੍ਸ ਵਚਨੀਯੋ –

ਦੁਤਿਯਮ੍ਪਿ ਯਾਚਿਤਬ੍ਬੋ. ਤਤਿਯਮ੍ਪਿ ਯਾਚਿਤਬ੍ਬੋ.

ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਮ੍ਬਹੁਲਾ ਸਙ੍ਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਿ, ਆਪਤ੍ਤਿਪਰਿਯਨ੍ਤਂ ਨ ਜਾਨਾਤਿ, ਰਤ੍ਤਿਪਰਿਯਨ੍ਤਂ ਨ ਜਾਨਾਤਿ, ਆਪਤ੍ਤਿਪਰਿਯਨ੍ਤਂ ਨਸ੍ਸਰਤਿ, ਰਤ੍ਤਿਪਰਿਯਨ੍ਤਂ ਨਸ੍ਸਰਤਿ, ਆਪਤ੍ਤਿਪਰਿਯਨ੍ਤੇ ਵੇਮਤਿਕੋ, ਰਤ੍ਤਿਪਰਿਯਨ੍ਤੇ ਵੇਮਤਿਕੋ, ਸੋ ਸਙ੍ਘਂ ਤਾਸਂ ਆਪਤ੍ਤੀਨਂ ਸੁਦ੍ਧਨ੍ਤਪਰਿਵਾਸਂ ਯਾਚਤਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਤਾਸਂ ਆਪਤ੍ਤੀਨਂ ਸੁਦ੍ਧਨ੍ਤਪਰਿਵਾਸਂ ਦੇਤਿ, ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਤਾਸਂ ਆਪਤ੍ਤੀਨਂ ਸੁਦ੍ਧਨ੍ਤਪਰਿਵਾਸਸ੍ਸ ਦਾਨਂ, ਸੋ ਤੁਣ੍ਹਸ੍ਸ. ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.

‘‘ਦੁਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ… ਤਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ….

‘‘ਦਿਨ੍ਨੋ ਸਙ੍ਘੇਨ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਤਾਸਂ ਆਪਤ੍ਤੀਨਂ. ਸੁਦ੍ਧਨ੍ਤਪਰਿਵਾਸੋ, ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀ’’ਤਿ –

ਏਵਂ ਸੁਦ੍ਧਨ੍ਤਪਰਿਵਾਸੋ ਦਾਤਬ੍ਬੋ.

ਕਮ੍ਮਵਾਚਾਪਰਿਯੋਸਾਨੇ ਵਤ੍ਤਸਮਾਦਾਨਾਦਿ ਸਬ੍ਬਂ ਵੁਤ੍ਤਨਯਮੇਵ. ਆਰੋਚੇਨ੍ਤੇਨ ਪਨ –

‘‘ਅਹਂ, ਭਨ੍ਤੇ, ਸਮ੍ਬਹੁਲਾ ਸਙ੍ਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਿਂ, ਆਪਤ੍ਤਿਪਰਿਯਨ੍ਤਂ ਨ ਜਾਨਾਮਿ, ਰਤ੍ਤਿਪਰਿਯਨ੍ਤਂ ਨ ਜਾਨਾਮਿ, ਆਪਤ੍ਤਿਪਰਿਯਨ੍ਤਂ ਨਸ੍ਸਰਾਮਿ, ਰਤ੍ਤਿਪਰਿਯਨ੍ਤਂ ਨਸ੍ਸਰਾਮਿ, ਆਪਤ੍ਤਿਪਰਿਯਨ੍ਤੇ ਵੇਮਤਿਕੋ, ਰਤ੍ਤਿਪਰਿਯਨ੍ਤੇ ਵੇਮਤਿਕੋ, ਸੋਹਂ, ਭਨ੍ਤੇ, ਸਙ੍ਘਂ ਤਾਸਂ ਆਪਤ੍ਤੀਨਂ ਸੁਦ੍ਧਨ੍ਤਪਰਿਵਾਸਂ ਯਾਚਿਂ, ਤਸ੍ਸ ਮੇ ਸਙ੍ਘੋ ਤਾਸਂ ਆਪਤ੍ਤੀਨਂ ਸੁਦ੍ਧਨ੍ਤਪਰਿਵਾਸਂ ਅਦਾਸਿ, ਸੋਹਂ ਪਰਿਵਸਾਮਿ, ਵੇਦਿਯਾਮਹਂ, ਭਨ੍ਤੇ, ਵੇਦਿਯਤੀਤਿ ਮਂ ਸਙ੍ਘੋ ਧਾਰੇਤੂ’’ਤਿ ਆਰੋਚੇਤਬ੍ਬਂ.

ਏਕਸ੍ਸ ਦ੍ਵਿਨ੍ਨਂ ਵਾ ਤਿਣ੍ਣਂ ਵਾ ਆਰੋਚਨਂ ਵੁਤ੍ਤਨਯਮੇਵ. ਪਰਿਵੁਤ੍ਥਪਰਿਵਾਸਸ੍ਸ ਮਾਨਤ੍ਤਂ ਦੇਨ੍ਤੇਨ –

‘‘ਅਹਂ, ਭਨ੍ਤੇ, ਸਮ੍ਬਹੁਲਾ ਸਙ੍ਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਿਂ, ਆਪਤ੍ਤਿਪਰਿਯਨ੍ਤਂ ਨ ਜਾਨਾਮਿ, ਰਤ੍ਤਿਪਰਿਯਨ੍ਤਂ ਨ ਜਾਨਾਮਿ, ਆਪਤ੍ਤਿਪਰਿਯਨ੍ਤਂ ਨਸ੍ਸਰਾਮਿ, ਰਤ੍ਤਿਪਰਿਯਨ੍ਤਂ ਨਸ੍ਸਰਾਮਿ, ਆਪਤ੍ਤਿਪਰਿਯਨ੍ਤੇ ਵੇਮਤਿਕੋ, ਰਤ੍ਤਿਪਰਿਯਨ੍ਤੇ ਵੇਮਤਿਕੋ, ਸੋਹਂ, ਭਨ੍ਤੇ, ਸਙ੍ਘਂ ਤਾਸਂ ਆਪਤ੍ਤੀਨਂ ਸੁਦ੍ਧਨ੍ਤਪਰਿਵਾਸਂ ਯਾਚਿਂ, ਤਸ੍ਸ ਮੇ ਸਙ੍ਘੋ ਤਾਸਂ ਆਪਤ੍ਤੀਨਂ ਸੁਦ੍ਧਨ੍ਤਪਰਿਵਾਸਂ ਅਦਾਸਿ, ਸੋਹਂ, ਭਨ੍ਤੇ, ਪਰਿਵੁਤ੍ਥਪਰਿਵਾਸੋ ਸਙ੍ਘਂ ਤਾਸਂ ਆਪਤ੍ਤੀਨਂ ਛਾਰਤ੍ਤਂ ਮਾਰਤ੍ਤਂ ਯਾਚਾਮੀ’’ਤਿ –

ਏਵਂ ਤਿਕ੍ਖਤ੍ਤੁਂ ਯਾਚਾਪੇਤ੍ਵਾ –

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਮ੍ਬਹੁਲਾ ਸਙ੍ਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਿ, ਆਪਤ੍ਤਿਪਰਿਯਨ੍ਤਂ ਨ ਜਾਨਾਤਿ, ਰਤ੍ਤਿਪਰਿਯਨ੍ਤਂ ਨ ਜਾਨਾਤਿ, ਆਪਤ੍ਤਿਪਰਿਯਨ੍ਤਂ ਨਸ੍ਸਰਤਿ, ਰਤ੍ਤਿਪਰਿਯਨ੍ਤਂ ਨਸ੍ਸਰਤਿ, ਆਪਤ੍ਤਿਪਰਿਯਨ੍ਤੇ ਵੇਮਤਿਕੋ, ਰਤ੍ਤਿਪਰਿਯਨ੍ਤੇ ਵੇਮਤਿਕੋ, ਸੋ ਸਙ੍ਘਂ ਤਾਸਂ ਆਪਤ੍ਤੀਨਂ ਸੁਦ੍ਧਨ੍ਤਪਰਿਵਾਸਂ ਯਾਚਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਤਾਸਂ ਆਪਤ੍ਤੀਨਂ ਸੁਦ੍ਧਨ੍ਤਪਰਿਵਾਸਂ ਅਦਾਸਿ, ਸੋ ਪਰਿਵੁਤ੍ਥਪਰਿਵਾਸੋ ਸਙ੍ਘਂ ਤਾਸਂ ਆਪਤ੍ਤੀਨਂ ਛਾਰਤ੍ਤਂ ਮਾਨਤ੍ਤਂ ਯਾਚਤਿ, ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਤਾਸਂ ਆਪਤ੍ਤੀਨਂ ਛਾਰਤ੍ਤਂ ਮਾਨਤ੍ਤਂ ਦਦੇਯ੍ਯ, ਏਸਾ ਞਤ੍ਤਿ.

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਮ੍ਬਹੁਲਾ ਸਙ੍ਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਿ, ਆਪਤ੍ਤਿਪਰਿਯਨ੍ਤਂ ਨ ਜਾਨਾਤਿ, ਰਤ੍ਤਿਪਰਿਯਨ੍ਤਂ ਨ ਜਾਨਾਤਿ, ਆਪਤ੍ਤਿਪਰਿਯਨ੍ਤਂ ਨਸ੍ਸਰਤਿ, ਰਤ੍ਤਿਪਰਿਯਨ੍ਤਂ ਨਸ੍ਸਰਤਿ, ਆਪਤ੍ਤਿਪਰਿਯਨ੍ਤੇ ਵੇਮਤਿਕੋ, ਰਤ੍ਤਿਪਰਿਯਨ੍ਤੇ ਵੇਮਤਿਕੋ, ਸੋ ਸਙ੍ਘਂ ਤਾਸਂ ਆਪਤ੍ਤੀਨਂ ਸੁਦ੍ਧਨ੍ਤਪਰਿਵਾਸਂ ਯਾਚਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਤਾਸਂ ਆਪਤ੍ਤੀਨਂ ਸੁਦ੍ਧਨ੍ਤਪਰਿਵਾਸਂ ਅਦਾਸਿ, ਸੋ ਪਰਿਵੁਤ੍ਥਪਰਿਵਾਸੋ ਸਙ੍ਘਂ ਤਾਸਂ ਆਪਤ੍ਤੀਨਂ ਛਾਰਤ੍ਤਂ ਮਾਨਤ੍ਤਂ ਯਾਚਤਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਤਾਸਂ ਆਪਤ੍ਤੀਨਂ ਛਾਰਤ੍ਤਂ ਮਾਨਤ੍ਤਂ ਦੇਤਿ, ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਤਾਸਂ ਆਪਤ੍ਤੀਨਂ ਛਾਰਤ੍ਤਂ ਮਾਨਤ੍ਤਸ੍ਸ ਦਾਨਂ, ਸੋ ਤੁਣ੍ਹਸ੍ਸ. ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.

‘‘ਦੁਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ… ਤਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ….

‘‘ਦਿਨ੍ਨਂ ਸਙ੍ਘੇਨ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਤਾਸਂ ਆਪਤ੍ਤੀਨਂ ਛਾਰਤ੍ਤਂ ਮਾਨਤ੍ਤਂ, ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀ’’ਤਿ –

ਏਵਂ ਕਮ੍ਮਵਾਚਾ ਕਾਤਬ੍ਬਾ.

ਕਮ੍ਮਵਾਚਾਪਰਿਯੋਸਾਨੇ ਮਾਨਤ੍ਤਸਮਾਦਾਨਾਦਿ ਸਬ੍ਬਂ ਵੁਤ੍ਤਨਯਮੇਵ. ਆਰੋਚੇਨ੍ਤੇਨ ਪਨ –

‘‘ਅਹਂ, ਭਨ੍ਤੇ, ਸਮ੍ਬਹੁਲਾ ਸਙ੍ਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਿਂ, ਆਪਤ੍ਤਿਪਰਿਯਨ੍ਤਂ ਨ ਜਾਨਾਮਿ, ਰਤ੍ਤਿਪਰਿਯਨ੍ਤਂ ਨ ਜਾਨਾਮਿ, ਆਪਤ੍ਤਿਪਰਿਯਨ੍ਤਂ ਨਸ੍ਸਰਾਮਿ, ਰਤ੍ਤਿਪਰਿਯਨ੍ਤਂ ਨਸ੍ਸਰਾਮਿ, ਆਪਤ੍ਤਿਪਰਿਯਨ੍ਤੇ ਵੇਮਤਿਕੋ, ਰਤ੍ਤਿਪਰਿਯਨ੍ਤੇ ਵੇਮਤਿਕੋ, ਸੋਹਂ ਸਙ੍ਘਂ ਤਾਸਂ ਆਪਤ੍ਤੀਨਂ ਸੁਦ੍ਧਨ੍ਤਪਰਿਵਾਸਂ ਯਾਚਿਂ, ਤਸ੍ਸ ਮੇ ਸਙ੍ਘੋ ਤਾਸਂ ਆਪਤ੍ਤੀਨਂ ਸੁਦ੍ਧਨ੍ਤਪਰਿਵਾਸਂ ਅਦਾਸਿ, ਸੋਹਂ ਪਰਿਵੁਤ੍ਥਪਰਿਵਾਸੋ ਸਙ੍ਘਂ ਤਾਸਂ ਆਪਤ੍ਤੀਨਂ ਛਾਰਤ੍ਤਂ ਮਾਨਤ੍ਤਂ ਯਾਚਿਂ, ਤਸ੍ਸ ਮੇ ਸਙ੍ਘੋ ਤਾਸਂ ਆਪਤ੍ਤੀਨਂ ਛਾਰਤ੍ਤਂ ਮਾਨਤ੍ਤਂ ਅਦਾਸਿ, ਸੋਹਂ ਮਾਨਤ੍ਤਂ ਚਰਾਮਿ, ਵੇਦਿਯਾਮਹਂ, ਭਨ੍ਤੇ, ਵੇਦਿਯਤੀਤਿ ਮਂ ਸਙ੍ਘੋ ਧਾਰੇਤੂ’’ਤਿ –

ਏਵਂ ਆਰੋਚੇਤਬ੍ਬਂ.

ਚਿਣ੍ਣਮਾਨਤ੍ਤੋ ਚ ਯਤ੍ਥ ਸਿਯਾ ਵੀਸਤਿਗਣੋ ਭਿਕ੍ਖੁਸਙ੍ਘੋ, ਤਤ੍ਥ ਸੋ ਭਿਕ੍ਖੁ ਅਬ੍ਭੇਤਬ੍ਬੋ. ਅਬ੍ਭੇਨ੍ਤੇਨ ਚ –

‘‘ਅਹਂ, ਭਨ੍ਤੇ, ਸਮ੍ਬਹੁਲਾ ਸਙ੍ਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਿਂ, ਆਪਤ੍ਤਿਪਰਿਯਨ੍ਤਂ ਨ ਜਾਨਾਮਿ, ਰਤ੍ਤਿਪਰਿਯਨ੍ਤਂ ਨ ਜਾਨਾਮਿ, ਆਪਤ੍ਤਿਪਰਿਯਨ੍ਤਂ ਨਸ੍ਸਰਾਮਿ, ਰਤ੍ਤਿਪਰਿਯਨ੍ਤਂ ਨਸ੍ਸਰਾਮਿ, ਆਪਤ੍ਤਿਪਰਿਯਨ੍ਤੇ ਵੇਮਤਿਕੋ, ਰਤ੍ਤਿਪਰਿਯਨ੍ਤੇ ਵੇਮਤਿਕੋ, ਸੋਹਂ ਸਙ੍ਘਂ ਤਾਸਂ ਆਪਤ੍ਤੀਨਂ ਸੁਦ੍ਧਨ੍ਤਪਰਿਵਾਸਂ ਯਾਚਿਂ, ਤਸ੍ਸ ਮੇ ਸਙ੍ਘੋ ਤਾਸਂ ਆਪਤ੍ਤੀਨਂ ਸੁਦ੍ਧਨ੍ਤਪਰਿਵਾਸਂ ਅਦਾਸਿ, ਸੋਹਂ ਪਰਿਵੁਤ੍ਥਪਰਿਵਾਸੋ ਸਙ੍ਘਂ ਤਾਸਂ ਆਪਤ੍ਤੀਨਂ ਛਾਰਤ੍ਤਂ ਮਾਨਤ੍ਤਂ ਯਾਚਿਂ, ਤਸ੍ਸ ਮੇ ਸਙ੍ਘੋ ਤਾਸਂ ਆਪਤ੍ਤੀਨਂ ਛਾਰਤ੍ਤਂ ਮਾਨਤ੍ਤਂ ਅਦਾਸਿ, ਸੋਹਂ ਭਨ੍ਤੇ ਚਿਣ੍ਣਮਾਨਤ੍ਤੋ ਸਙ੍ਘਂ ਅਬ੍ਭਾਨਂ ਯਾਚਾਮੀ’’ਤਿ –

ਏਵਂ ਤਿਕ੍ਖਤ੍ਤੁਂ ਯਾਚਾਪੇਤ੍ਵਾ –

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਮ੍ਬਹੁਲਾ ਸਙ੍ਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਿ, ਆਪਤ੍ਤਿਪਰਿਯਨ੍ਤਂ ਨ ਜਾਨਾਤਿ, ਰਤ੍ਤਿਪਰਿਯਨ੍ਤਂ ਨ ਜਾਨਾਤਿ, ਆਪਤ੍ਤਿਪਰਿਯਨ੍ਤਂ ਨਸ੍ਸਰਤਿ, ਰਤ੍ਤਿਪਰਿਯਨ੍ਤਂ ਨਸ੍ਸਰਤਿ, ਆਪਤ੍ਤਿਪਰਿਯਨ੍ਤੇ ਵੇਮਤਿਕੋ, ਰਤ੍ਤਿਪਰਿਯਨ੍ਤੇ ਵੇਮਤਿਕੋ, ਸੋ ਸਙ੍ਘਂ ਤਾਸਂ ਆਪਤ੍ਤੀਨਂ ਸੁਦ੍ਧਨ੍ਤਪਰਿਵਾਸਂ ਯਾਚਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਤਾਸਂ ਆਪਤ੍ਤੀਨਂ ਸੁਦ੍ਧਨ੍ਤਪਰਿਵਾਸਂ ਅਦਾਸਿ, ਸੋ ਪਰਿਵੁਤ੍ਥਪਰਿਵਾਸੋ ਸਙ੍ਘਂ ਤਾਸਂ ਆਪਤ੍ਤੀਨਂ ਛਾਰਤ੍ਤਂ ਮਾਨਤ੍ਤਂ ਯਾਚਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਤਾਸਂ ਆਪਤ੍ਤੀਨਂ ਛਾਰਤ੍ਤਂ ਮਾਨਤ੍ਤਂ ਅਦਾਸਿ, ਸੋ ਚਿਣ੍ਣਮਾਨਤ੍ਤੋ ਸਙ੍ਘਂ ਅਬ੍ਭਾਨਂ ਯਾਚਤਿ, ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਂ ਅਬ੍ਭੇਯ੍ਯ, ਏਸਾ ਞਤ੍ਤਿ.

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਮ੍ਬਹੁਲਾ ਸਙ੍ਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਿ, ਆਪਤ੍ਤਿਪਰਿਯਨ੍ਤਂ ਨ ਜਾਨਾਤਿ, ਰਤ੍ਤਿਪਰਿਯਨ੍ਤਂ ਨ ਜਾਨਾਤਿ, ਆਪਤ੍ਤਿਪਰਿਯਨ੍ਤਂ ਨਸ੍ਸਰਤਿ, ਰਤ੍ਤਿਪਰਿਯਨ੍ਤਂ ਨਸ੍ਸਰਤਿ, ਆਪਤ੍ਤਿਪਰਿਯਨ੍ਤੇ ਵੇਮਤਿਕੋ, ਰਤ੍ਤਿਪਰਿਯਨ੍ਤੇ ਵੇਮਤਿਕੋ, ਸੋ ਸਙ੍ਘਂ ਤਾਸਂ ਆਪਤ੍ਤੀਨਂ ਸੁਦ੍ਧਨ੍ਤਪਰਿਵਾਸਂ ਯਾਚਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਤਾਸਂ ਆਪਤ੍ਤੀਨਂ ਸੁਦ੍ਧਨ੍ਤਪਰਿਵਾਸਂ ਅਦਾਸਿ, ਸੋ ਪਰਿਵੁਤ੍ਥਪਰਿਵਾਸੋ ਸਙ੍ਘਂ ਤਾਸਂ ਆਪਤ੍ਤੀਨਂ ਛਾਰਤ੍ਤਂ ਮਾਨਤ੍ਤਂ ਯਾਚਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਤਾਸਂ ਆਪਤ੍ਤੀਨਂ ਛਾਰਤ੍ਤਂ ਮਾਨਤ੍ਤਂ ਅਦਾਸਿ, ਸੋ ਚਿਣ੍ਣਮਾਨਤ੍ਤੋ ਸਙ੍ਘਂ ਅਬ੍ਭਾਨਂ ਯਾਚਤਿ, ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਂ ਅਬ੍ਭੇਤਿ, ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਅਬ੍ਭਾਨਂ, ਸੋ ਤੁਣ੍ਹਸ੍ਸ. ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.

‘‘ਦੁਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ… ਤਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ….

ਏਵਂ ਕਮ੍ਮਵਾਚਂ ਕਤ੍ਵਾ ਅਬ੍ਭੇਤਬ੍ਬੋ.

ਸੁਦ੍ਧਨ੍ਤਪਰਿਵਾਸਕਥਾ ਨਿਟ੍ਠਿਤਾ.

੨੪੩. ਸਮੋਧਾਨਪਰਿਵਾਸੋ ਪਨ ਤਿਵਿਧੋ ਹੋਤਿ – ਓਧਾਨਸਮੋਧਾਨੋ ਅਗ੍ਘਸਮੋਧਾਨੋ ਮਿਸ੍ਸਕਸਮੋਧਾਨੋਤਿ. ਤਤ੍ਥ (ਚੂਲ਼ਵ. ਅਟ੍ਠ. ੧੦੨) ਓਧਾਨਸਮੋਧਾਨੋ ਨਾਮ ਅਨ੍ਤਰਾਪਤ੍ਤਿਂ ਆਪਜ੍ਜਿਤ੍ਵਾ ਪਟਿਚ੍ਛਾਦੇਨ੍ਤਸ੍ਸ ਪਰਿਵੁਤ੍ਥਦਿਵਸੇ ਓਧੁਨਿਤ੍ਵਾ ਮਕ੍ਖੇਤ੍ਵਾ ਪੁਰਿਮਾਯ ਆਪਤ੍ਤਿਯਾ ਮੂਲਦਿਵਸਪਰਿਚ੍ਛੇਦੇ ਪਚ੍ਛਾ ਆਪਨ੍ਨਂ ਆਪਤ੍ਤਿਂ ਸਮੋਦਹਿਤ੍ਵਾ ਦਾਤਬ੍ਬਪਰਿਵਾਸੋ ਵੁਚ੍ਚਤਿ.

ਅਯਂ ਪਨੇਤ੍ਥ ਵਿਨਿਚ੍ਛਯੋ – ਯੋ ਪਟਿਚ੍ਛਨ੍ਨਾਯ ਆਪਤ੍ਤਿਯਾ ਪਰਿਵਾਸਂ ਗਹੇਤ੍ਵਾ ਪਰਿਵਸਨ੍ਤੋ ਵਾ ਮਾਨਤ੍ਤਾਰਹੋ ਵਾ ਮਾਨਤ੍ਤਂ ਚਰਨ੍ਤੋ ਵਾ ਅਬ੍ਭਾਨਾਰਹੋ ਵਾ ਅਨਿਕ੍ਖਿਤ੍ਤਵਤ੍ਤੋ ਅਞ੍ਞਂ ਆਪਤ੍ਤਿਂ ਆਪਜ੍ਜਿਤ੍ਵਾ ਪੁਰਿਮਾਯ ਆਪਤ੍ਤਿਯਾ ਸਮਾ ਵਾ ਊਨਤਰਾ ਵਾ ਰਤ੍ਤਿਯੋ ਪਟਿਚ੍ਛਾਦੇਤਿ, ਤਸ੍ਸ ਮੂਲਾਯਪਟਿਕਸ੍ਸਨੇਨ ਤੇ ਪਰਿਵੁਤ੍ਥਦਿਵਸੇ ਚ ਮਾਨਤ੍ਤਚਿਣ੍ਣਦਿਵਸੇ ਚ ਸਬ੍ਬੇ ਓਧੁਨਿਤ੍ਵਾ ਅਦਿਵਸੇ ਕਤ੍ਵਾ ਪਚ੍ਛਾ ਆਪਨ੍ਨਾਪਤ੍ਤਿਂ ਮੂਲਆਪਤ੍ਤਿਯਂ ਸਮੋਧਾਯ ਪਰਿਵਾਸੋ ਦਾਤਬ੍ਬੋ. ਤੇਨ ਸਚੇ ਮੂਲਾਪਤ੍ਤਿ ਪਕ੍ਖਪਟਿਚ੍ਛਨ੍ਨਾ, ਅਨ੍ਤਰਾਪਤ੍ਤਿ ਊਨਕਪਕ੍ਖਪਟਿਚ੍ਛਨ੍ਨਾ, ਪੁਨ ਪਕ੍ਖਮੇਵ ਪਰਿਵਾਸੋ ਪਰਿਵਸਿਤਬ੍ਬੋ. ਅਥਾਪਿ ਅਨ੍ਤਰਾਪਤ੍ਤਿ ਪਕ੍ਖਪਟਿਚ੍ਛਨ੍ਨਾਵ, ਪਕ੍ਖਮੇਵ ਪਰਿਵਸਿਤਬ੍ਬਂ. ਏਤੇਨੁਪਾਯੇਨ ਯਾਵ ਸਟ੍ਠਿਵਸ੍ਸਪਟਿਚ੍ਛਨ੍ਨਾ ਮੂਲਾਪਤ੍ਤਿ, ਤਾਵ ਵਿਨਿਚ੍ਛਯੋ ਵੇਦਿਤਬ੍ਬੋ. ਸਟ੍ਠਿਵਸ੍ਸਾਨਿਪਿ ਪਰਿਵਸਿਤ੍ਵਾ ਮਾਨਤ੍ਤਾਰਹੋ ਹੁਤ੍ਵਾਪਿ ਹਿ ਏਕਦਿਵਸਂ ਅਨ੍ਤਰਾਪਤ੍ਤਿਂ ਪਟਿਚ੍ਛਾਦੇਤ੍ਵਾ ਪੁਨ ਸਟ੍ਠਿਵਸ੍ਸਾਨਿ ਪਰਿਵਾਸਾਰਹੋ ਹੋਤਿ. ਏਵਂ ਮਾਨਤ੍ਤਚਾਰਿਕਮਾਨਤ੍ਤਾਰਹਕਾਲੇਪਿ ਆਪਨ੍ਨਾਯ ਆਪਤ੍ਤਿਯਾ ਮੂਲਾਯਪਟਿਕਸ੍ਸਨੇ ਕਤੇ ਮਾਨਤ੍ਤਚਿਣ੍ਣਦਿਵਸਾਪਿ ਪਰਿਵਾਸਵੁਤ੍ਥਦਿਵਸਾਪਿ ਸਬ੍ਬੇ ਮਕ੍ਖਿਤਾਵ ਹੋਨ੍ਤਿ. ਸਚੇ ਪਨ ਨਿਕ੍ਖਿਤ੍ਤਵਤ੍ਤੋ ਆਪਜ੍ਜਤਿ, ਮੂਲਾਯਪਟਿਕਸ੍ਸਨਾਰਹੋ ਨਾਮ ਨ ਹੋਤਿ. ਕਸ੍ਮਾ? ਯਸ੍ਮਾ ਨ ਸੋ ਪਰਿਵਸਨ੍ਤੋ ਆਪਨ੍ਨੋ, ਪਕਤਤ੍ਤਟ੍ਠਾਨੇ ਠਿਤੋ ਆਪਨ੍ਨੋ, ਤਸ੍ਮਾ ਤਸ੍ਸਾ ਆਪਤ੍ਤਿਯਾ ਵਿਸੁਂ ਮਾਨਤ੍ਤਂ ਚਰਿਤਬ੍ਬਂ. ਸਚੇ ਪਟਿਚ੍ਛਨ੍ਨਾ ਹੋਤਿ, ਪਰਿਵਾਸੋਪਿ ਵਸਿਤਬ੍ਬੋ.

‘‘ਸਚੇ ਪਨ ਅਨ੍ਤਰਾਪਤ੍ਤਿ ਮੂਲਾਪਤ੍ਤਿਤੋ ਅਤਿਰੇਕਪਟਿਚ੍ਛਨ੍ਨਾ ਹੋਤਿ, ਤਤ੍ਥ ਕਿਂ ਕਾਤਬ੍ਬ’’ਨ੍ਤਿ ਵੁਤ੍ਤੇ ਮਹਾਸੁਮਤ੍ਥੇਰੋ ਆਹ ‘‘ਅਤੇਕਿਚ੍ਛੋ ਅਯਂ ਪੁਗ੍ਗਲੋ, ਅਤੇਕਿਚ੍ਛੋ ਨਾਮ ਆਵਿਕਾਰਾਪੇਤ੍ਵਾ ਵਿਸ੍ਸਜ੍ਜੇਤਬ੍ਬੋ’’ਤਿ. ਮਹਾਪਦੁਮਤ੍ਥੇਰੋ ਪਨਾਹ ‘‘ਕਸ੍ਮਾ ਅਤੇਕਿਚ੍ਛੋ ਨਾਮ, ਨਨੁ ਅਯਂ ਸਮੁਚ੍ਚਯਕ੍ਖਨ੍ਧਕੋ ਨਾਮ ਬੁਦ੍ਧਾਨਂ ਠਿਤਕਾਲਸਦਿਸੋ, ਆਪਤ੍ਤਿ ਨਾਮ ਪਟਿਚ੍ਛਨ੍ਨਾ ਵਾ ਹੋਤੁ ਅਪ੍ਪਟਿਚ੍ਛਨ੍ਨਾ ਵਾ ਸਮਕਊਨਤਰਅਤਿਰੇਕਪਟਿਚ੍ਛਨ੍ਨਾ ਵਾ, ਵਿਨਯਧਰਸ੍ਸ ਕਮ੍ਮਵਾਚਂ ਯੋਜੇਤੁਂ ਸਮਤ੍ਥਭਾਵੋਯੇਵੇਤ੍ਥ ਪਮਾਣਂ, ਤਸ੍ਮਾ ਯਾ ਅਤਿਰੇਕਪਟਿਚ੍ਛਨ੍ਨਾ ਹੋਤਿ, ਤਂ ਮੂਲਾਪਤ੍ਤਿਂ ਕਤ੍ਵਾ ਤਤ੍ਥ ਇਤਰਂ ਸਮੋਧਾਯ ਪਰਿਵਾਸੋ ਦਾਤਬ੍ਬੋ’’ਤਿ. ਅਯਂ ਓਧਾਨਸਮੋਧਾਨੋ ਨਾਮ.

ਤਂ ਦੇਨ੍ਤੇਨ ਪਠਮਂ ਮੂਲਾਯ ਪਟਿਕਸ੍ਸਿਤ੍ਵਾ ਪਚ੍ਛਾ ਪਰਿਵਾਸੋ ਦਾਤਬ੍ਬੋ. ਸਚੇ ਕੋਚਿ ਭਿਕ੍ਖੁ ਪਕ੍ਖਪਟਿਚ੍ਛਨ੍ਨਾਯ ਆਪਤ੍ਤਿਯਾ ਪਰਿਵਸਨ੍ਤੋ ਅਨ੍ਤਰਾ ਅਨਿਕ੍ਖਿਤ੍ਤਵਤ੍ਤੋਵ ਪੁਨ ਪਞ੍ਚਾਹਪ੍ਪਟਿਚ੍ਛਨ੍ਨਂ ਆਪਤ੍ਤਿਂ ਆਪਜ੍ਜਤਿ, ਤੇਨ ਭਿਕ੍ਖੁਨਾ ਸਙ੍ਘਂ ਉਪਸਙ੍ਕਮਿਤ੍ਵਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍ਵਾ ਵੁਡ੍ਢਾਨਂ ਭਿਕ੍ਖੂਨਂ ਪਾਦੇ ਵਨ੍ਦਿਤ੍ਵਾ ਉਕ੍ਕੁਟਿਕਂ ਨਿਸੀਦਿਤ੍ਵਾ ਅਞ੍ਜਲਿਂ ਪਗ੍ਗਹੇਤ੍ਵਾ ਏਵਮਸ੍ਸ ਵਚਨੀਯੋ –

ਦੁਤਿਯਮ੍ਪਿ ਯਾਚਿਤਬ੍ਬੋ. ਤਤਿਯਮ੍ਪਿ ਯਾਚਿਤਬ੍ਬੋ.

ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –

‘‘ਦੁਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ… ਤਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ….

‘‘ਪਟਿਕਸ੍ਸਿਤੋ ਸਙ੍ਘੇਨ ਇਤ੍ਥਨ੍ਨਾਮੋ ਭਿਕ੍ਖੁ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਮੂਲਾਯਪਟਿਕਸ੍ਸਨਾ, ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀ’’ਤਿ –

ਏਵਂ ਮੂਲਾਯਪਟਿਕਸ੍ਸਨਾ ਕਾਤਬ੍ਬਾ.

ਏਵਞ੍ਚ ਸਮੋਧਾਨਪਰਿਵਾਸੋ ਦਾਤਬ੍ਬੋ. ਤੇਨ ਭਿਕ੍ਖੁਨਾ ਸਙ੍ਘਂ ਉਪਸਙ੍ਕਮਿਤ੍ਵਾ…ਪੇ… ਏਵਮਸ੍ਸ ਵਚਨੀਯੋ –

‘‘ਅਹਂ, ਭਨ੍ਤੇ, ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿਂ ਪਕ੍ਖਪਟਿਚ੍ਛਨ੍ਨਾਯੋ, ਸੋਹਂ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਪਕ੍ਖਪਟਿਚ੍ਛਨ੍ਨਾਨਂ ਪਕ੍ਖਪਰਿਵਾਸਂ ਯਾਚਿਂ, ਤਸ੍ਸ ਮੇ ਸਙ੍ਘੋ ਸਮ੍ਬਹੁਲਾਨਂ ਆਪਤ੍ਤੀਨਂ ਪਕ੍ਖਪਟਿਚ੍ਛਨ੍ਨਾਨਂ ਪਕ੍ਖਪਰਿਵਾਸਂ ਅਦਾਸਿ, ਸੋਹਂ ਪਰਿਵਸਨ੍ਤੋ ਅਨ੍ਤਰਾ ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿਂ ਪਞ੍ਚਾਹਪ੍ਪਟਿਚ੍ਛਨ੍ਨਾਯੋ, ਸੋਹਂ ਸਙ੍ਘਂ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਮੂਲਾਯਪਟਿਕਸ੍ਸਨਂ ਯਾਚਿਂ, ਤਂ ਮਂ ਸਙ੍ਘੋ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਮੂਲਾਯ ਪਟਿਕਸ੍ਸਿ, ਸੋਹਂ, ਭਨ੍ਤੇ, ਸਙ੍ਘਂ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਪੁਰਿਮਾਸੁ ਆਪਤ੍ਤੀਸੁ ਸਮੋਧਾਨਪਰਿਵਾਸਂ ਯਾਚਾਮੀ’’ਤਿ.

ਦੁਤਿਯਮ੍ਪਿ ਯਾਚਿਤਬ੍ਬੋ. ਤਤਿਯਮ੍ਪਿ ਯਾਚਿਤਬ੍ਬੋ.

ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿ ਪਕ੍ਖਪਟਿਚ੍ਛਨ੍ਨਾਯੋ, ਸੋ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਪਕ੍ਖਪਟਿਚ੍ਛਨ੍ਨਾਨਂ ਪਕ੍ਖਪਰਿਵਾਸਂ ਯਾਚਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮ੍ਬਹੁਲਾਨਂ ਆਪਤ੍ਤੀਨਂ ਪਕ੍ਖਪਟਿਚ੍ਛਨ੍ਨਾਨਂ ਪਕ੍ਖਪਰਿਵਾਸਂ ਅਦਾਸਿ, ਸੋ ਪਰਿਵਸਨ੍ਤੋ ਅਨ੍ਤਰਾ ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿ ਪਞ੍ਚਾਹਪ੍ਪਟਿਚ੍ਛਨ੍ਨਾਯੋ, ਸੋ ਸਙ੍ਘਂ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਮੂਲਾਯਪਟਿਕਸ੍ਸਨਂ ਯਾਚਿ, ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਂ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਮੂਲਾਯ ਪਟਿਕਸ੍ਸਿ, ਸੋ ਸਙ੍ਘਂ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਪੁਰਿਮਾਸੁ ਆਪਤ੍ਤੀਸੁ ਸਮੋਧਾਨਪਰਿਵਾਸਂ ਯਾਚਤਿ, ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਪੁਰਿਮਾਸੁ ਆਪਤ੍ਤੀਸੁ ਸਮੋਧਾਨਪਰਿਵਾਸਂ ਦਦੇਯ੍ਯ, ਏਸਾ ਞਤ੍ਤਿ.

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿ ਪਕ੍ਖਪਟਿਚ੍ਛਨ੍ਨਾਯੋ, ਸੋ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਪਕ੍ਖਪਟਿਚ੍ਛਨ੍ਨਾਨਂ ਪਕ੍ਖਪਰਿਵਾਸਂ ਯਾਚਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮ੍ਬਹੁਲਾਨਂ ਆਪਤ੍ਤੀਨਂ ਪਕ੍ਖਪਟਿਚ੍ਛਨ੍ਨਾਨਂ ਪਕ੍ਖਪਰਿਵਾਸਂ ਅਦਾਸਿ, ਸੋ ਪਰਿਵਸਨ੍ਤੋ ਅਨ੍ਤਰਾ ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿ ਪਞ੍ਚਾਹਪ੍ਪਟਿਚ੍ਛਨ੍ਨਾਯੋ, ਸੋ ਸਙ੍ਘਂ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਮੂਲਾਯਪਟਿਕਸ੍ਸਨਂ ਯਾਚਿ, ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਂ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਮੂਲਾਯ ਪਟਿਕਸ੍ਸਿ, ਸੋ ਸਙ੍ਘਂ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਪੁਰਿਮਾਸੁ ਆਪਤ੍ਤੀਸੁ ਸਮੋਧਾਨਪਰਿਵਾਸਂ ਯਾਚਤਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਪੁਰਿਮਾਸੁ ਆਪਤ੍ਤੀਸੁ ਸਮੋਧਾਨਪਰਿਵਾਸਂ ਦੇਤਿ, ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਪੁਰਿਮਾਸੁ ਆਪਤ੍ਤੀਸੁ ਸਮੋਧਾਨਪਰਿਵਾਸਸ੍ਸ ਦਾਨਂ, ਸੋ ਤੁਣ੍ਹਸ੍ਸ. ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.

‘‘ਦੁਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ… ਤਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ….

‘‘ਦਿਨ੍ਨੋ ਸਙ੍ਘੇਨ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਪੁਰਿਮਾਸੁ ਆਪਤ੍ਤੀਸੁ ਸਮੋਧਾਨਪਰਿਵਾਸੋ, ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀ’’ਤਿ –

ਏਵਂ ਸਮੋਧਾਨਪਰਿਵਾਸੋ ਦਾਤਬ੍ਬੋ.

ਕਮ੍ਮਵਾਚਾਪਰਿਯੋਸਾਨੇ ਚ ਵਤ੍ਤਸਮਾਦਾਨਾਦਿ ਸਬ੍ਬਂ ਪੁਬ੍ਬੇ ਵੁਤ੍ਤਨਯਮੇਵ. ਆਰੋਚੇਨ੍ਤੇਨ ਪਨ –

‘‘ਅਹਂ, ਭਨ੍ਤੇ, ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿਂ ਪਕ੍ਖਪਟਿਚ੍ਛਨ੍ਨਾਯੋ, ਸੋਹਂ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਪਕ੍ਖਪਟਿਚ੍ਛਨ੍ਨਾਨਂ ਪਕ੍ਖਪਰਿਵਾਸਂ ਯਾਚਿਂ, ਤਸ੍ਸ ਮੇ ਸਙ੍ਘੋ ਸਮ੍ਬਹੁਲਾਨਂ ਆਪਤ੍ਤੀਨਂ ਪਕ੍ਖਪਟਿਚ੍ਛਨ੍ਨਾਨਂ ਪਕ੍ਖਪਰਿਵਾਸਂ ਅਦਾਸਿ, ਸੋਹਂ ਪਰਿਵਸਨ੍ਤੋ ਅਨ੍ਤਰਾ ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿਂ ਪਞ੍ਚਾਹਪ੍ਪਟਿਚ੍ਛਨ੍ਨਾਯੋ, ਸੋਹਂ ਸਙ੍ਘਂ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਮੂਲਾਯਪਟਿਕਸ੍ਸਨਂ ਯਾਚਿਂ, ਤਂ ਮਂ ਸਙ੍ਘੋ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਮੂਲਾਯ ਪਟਿਕਸ੍ਸਿ, ਸੋਹਂ ਸਙ੍ਘਂ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਪੁਰਿਮਾਸੁ ਆਪਤ੍ਤੀਸੁ ਸਮੋਧਾਨਪਰਿਵਾਸਂ ਯਾਚਿਂ, ਤਸ੍ਸ ਮੇ ਸਙ੍ਘੋ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਪੁਰਿਮਾਸੁ ਆਪਤ੍ਤੀਸੁ ਸਮੋਧਾਨਪਰਿਵਾਸਂ ਅਦਾਸਿ, ਸੋਹਂ ਪਰਿਵਸਾਮਿ, ਵੇਦਿਯਾਮਹਂ, ਭਨ੍ਤੇ, ਵੇਦਿਯਤੀਤਿ ਮਂ ਸਙ੍ਘੋ ਧਾਰੇਤੂ’’ਤਿ –

ਏਵਂ ਆਰੋਚੇਤਬ੍ਬਂ.

ਪਰਿਵੁਤ੍ਥਪਰਿਵਾਸਸ੍ਸ ਮਾਨਤ੍ਤਂ ਦੇਨ੍ਤੇਨ –

‘‘ਅਹਂ, ਭਨ੍ਤੇ, ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿਂ ਪਕ੍ਖਪਟਿਚ੍ਛਨ੍ਨਾਯੋ, ਸੋਹਂ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਪਕ੍ਖਪਟਿਚ੍ਛਨ੍ਨਾਨਂ ਪਕ੍ਖਪਰਿਵਾਸਂ ਯਾਚਿਂ, ਤਸ੍ਸ ਮੇ ਸਙ੍ਘੋ ਸਮ੍ਬਹੁਲਾਨਂ ਆਪਤ੍ਤੀਨਂ ਪਕ੍ਖਪਟਿਚ੍ਛਨ੍ਨਾਨਂ ਪਕ੍ਖਪਰਿਵਾਸਂ ਅਦਾਸਿ, ਸੋਹਂ ਪਰਿਵਸਨ੍ਤੋ ਅਨ੍ਤਰਾ ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿਂ ਪਞ੍ਚਾਹਪ੍ਪਟਿਚ੍ਛਨ੍ਨਾਯੋ, ਸੋਹਂ ਸਙ੍ਘਂ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਮੂਲਾਯਪਟਿਕਸ੍ਸਨਂ ਯਾਚਿਂ, ਤਂ ਮਂ ਸਙ੍ਘੋ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਮੂਲਾਯ ਪਟਿਕਸ੍ਸਿ, ਸੋਹਂ ਸਙ੍ਘਂ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਪੁਰਿਮਾਸੁ ਆਪਤ੍ਤੀਸੁ ਸਮੋਧਾਨਪਰਿਵਾਸਂ ਯਾਚਿਂ, ਤਸ੍ਸ ਮੇ ਸਙ੍ਘੋ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਪੁਰਿਮਾਸੁ ਆਪਤ੍ਤੀਸੁ ਸਮੋਧਾਨਪਰਿਵਾਸਂ ਅਦਾਸਿ, ਸੋਹਂ, ਭਨ੍ਤੇ, ਪਰਿਵੁਤ੍ਥਪਰਿਵਾਸੋ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਛਾਰਤ੍ਤਂ ਮਾਨਤ੍ਤਂ ਯਾਚਾਮੀ’’ਤਿ –

ਏਵਂ ਤਿਕ੍ਖਤ੍ਤੁਂ ਯਾਚਾਪੇਤ੍ਵਾ –

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿ ਪਕ੍ਖਪਟਿਚ੍ਛਨ੍ਨਾਯੋ, ਸੋ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਪਕ੍ਖਪਟਿਚ੍ਛਨ੍ਨਾਨਂ ਪਕ੍ਖਪਰਿਵਾਸਂ ਯਾਚਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮ੍ਬਹੁਲਾਨਂ ਆਪਤ੍ਤੀਨਂ ਪਕ੍ਖਪਟਿਚ੍ਛਨ੍ਨਾਨਂ ਪਕ੍ਖਪਰਿਵਾਸਂ ਅਦਾਸਿ, ਸੋ ਪਰਿਵਸਨ੍ਤੋ ਅਨ੍ਤਰਾ ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿ ਪਞ੍ਚਾਹਪ੍ਪਟਿਚ੍ਛਨ੍ਨਾਯੋ, ਸੋ ਸਙ੍ਘਂ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਮੂਲਾਯਪਟਿਕਸ੍ਸਨਂ ਯਾਚਿ, ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਂ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਮੂਲਾਯ ਪਟਿਕਸ੍ਸਿ, ਸੋ ਸਙ੍ਘਂ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਪੁਰਿਮਾਸੁ ਆਪਤ੍ਤੀਸੁ ਸਮੋਧਾਨਪਰਿਵਾਸਂ ਯਾਚਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਪੁਰਿਮਾਸੁ ਆਪਤ੍ਤੀਸੁ ਸਮੋਧਾਨਪਰਿਵਾਸਂ ਅਦਾਸਿ, ਸੋ ਪਰਿਵੁਤ੍ਥਪਰਿਵਾਸੋ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਛਾਰਤ੍ਤਂ ਮਾਨਤ੍ਤਂ ਯਾਚਤਿ, ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਛਾਰਤ੍ਤਂ ਮਾਨਤ੍ਤਂ ਦਦੇਯ੍ਯ, ਏਸਾ ਞਤ੍ਤਿ.

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿ ਪਕ੍ਖਪਟਿਚ੍ਛਨ੍ਨਾਯੋ, ਸੋ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਪਕ੍ਖਪਟਿਚ੍ਛਨ੍ਨਾਨਂ ਪਕ੍ਖਪਰਿਵਾਸਂ ਯਾਚਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮ੍ਬਹੁਲਾਨਂ ਆਪਤ੍ਤੀਨਂ ਪਕ੍ਖਪਟਿਚ੍ਛਨ੍ਨਾਨਂ ਪਕ੍ਖਪਰਿਵਾਸਂ ਅਦਾਸਿ, ਸੋ ਪਰਿਵਸਨ੍ਤੋ ਅਨ੍ਤਰਾ ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿ ਪਞ੍ਚਾਹਪ੍ਪਟਿਚ੍ਛਨ੍ਨਾਯੋ, ਸੋ ਸਙ੍ਘਂ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਮੂਲਾਯਪਟਿਕਸ੍ਸਨਂ ਯਾਚਿ, ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਂ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਮੂਲਾਯ ਪਟਿਕਸ੍ਸਿ, ਸੋ ਸਙ੍ਘਂ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਪੁਰਿਮਾਸੁ ਆਪਤ੍ਤੀਸੁ ਸਮੋਧਾਨਪਰਿਵਾਸਂ ਯਾਚਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਅਨ੍ਤਰਾ ਸਮ੍ਬਹੁਲਾਨਂ ਆਪਤ੍ਤੀਨਂ ਪਞ੍ਚਾਹਪ੍ਪਟਿਚ੍ਛਨ੍ਨਾਨਂ ਪੁਰਿਮਾਸੁ ਆਪਤ੍ਤੀਸੁ ਸਮੋਧਾਨਪਰਿਵਾਸਂ ਅਦਾਸਿ, ਸੋ ਪਰਿਵੁਤ੍ਥਪਰਿਵਾਸੋ ਸਙ੍ਘਂ ਸਮ੍ਬਹੁਲਾਨਂ ਆਪਤ੍ਤੀਨਂ ਛਾਰਤ੍ਤਂ ਮਾਨਤ੍ਤਂ ਯਾਚਤਿ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮ੍ਬਹੁਲਾਨਂ ਆਪਤ੍ਤੀਨਂ ਛਾਰਤ੍ਤਂ ਮਾਨਤ੍ਤਂ ਦੇਤਿ, ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮ੍ਬਹੁਲਾਨਂ ਆਪਤ੍ਤੀਨਂ ਛਾਰਤ੍ਤਂ ਮਾਨਤ੍ਤਸ੍ਸ ਦਾਨਂ, ਸੋ ਤੁਣ੍ਹਸ੍ਸ. ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.