ਮਹਾਸਙ੍ਗਾਮਂ
ਵੋਹਰਨ੍ਤੇਨ ਜਾਨਿਤਬ੍ਬਾਦਿਵਣ੍ਣਨਾ
੩੬੮-੩੭੪. ਮਹਾਸਙ੍ਗਾਮੇ ਪਾਲ਼ਿਯਂ ਸਙ੍ਗਾਮਾਵਚਰੇਨਾਤਿ ਅਨੁਵਿਜ੍ਜਕਂ ਸਨ੍ਧਾਯ ਵੁਤ੍ਤਂ. ਵਤ੍ਥੂਤਿ ਮੇਥੁਨਾਦਿਵੀਤਿਕ੍ਕਮੋ. ਨਿਦਾਨਨ੍ਤਿ ਵੇਸਾਲਿਆਦਿਪਞ੍ਞਤ੍ਤਿਟ੍ਠਾਨਂ. ਪੁਗ੍ਗਲੋ ਅਕਾਰਕੋ ਜਾਨਿਤਬ੍ਬੋਤਿ ਏਤ੍ਥ ਸਙ੍ਘੇ ਵਾ ਗਣੇ ਵਾ ਪਰਿਣਾਯਕਭੂਤੋ ਪੁਗ੍ਗਲੋਤਿ ਦਟ੍ਠਬ੍ਬਂ.
੩੭੫. ਵਿਸ੍ਸਟ੍ਠਿਸਿਕ੍ਖਾਪਦਨ੍ਤਿ ਨੀਲਾਦਿਦਸਨ੍ਨਂ ਸੁਕ੍ਕਾਨਂ ਮੋਚਨਵਸੇਨ ਵੁਤ੍ਤਂ ਸੁਕ੍ਕਵਿਸ੍ਸਟ੍ਠਿਸਿਕ੍ਖਾਪਦਂ. ਤਞ੍ਹਿ ਤੇਲਾਦਿਮਨ੍ਦਵਣ੍ਣਾਨਂ ਨੀਲਾਦਿਪਚੁਰਵਣ੍ਣਾਨਂ ਵਸੇਨ ‘‘ਵਣ੍ਣਾਵਣ੍ਣਾ’’ਤਿ ਵੁਤ੍ਤਂ. ਪਚੁਰਤ੍ਥੇ ਹਿ ਇਧ ਅਵਣ੍ਣੋਤਿ ਅ-ਕਾਰੋ.
੩੭੯. ਯਾਵ ਅਕਨਿਟ੍ਠਬ੍ਰਹ੍ਮਾਨੋ ਦ੍ਵਿਧਾ ਹੋਨ੍ਤੀਤਿ ਏਤ੍ਥ ਅਵਿਹਾਦਿਸੁਦ੍ਧਾਵਾਸਿਕਾ ਅਞ੍ਞਭੂਮੀਸੁ ਅਰਿਯਾ ਧਮ੍ਮਵਾਦੀਪਕ੍ਖਂ ਏਵ ਭਜਨ੍ਤਿ, ਇਤਰੇ ਦੁਵਿਧਮ੍ਪੀਤਿ ਦਟ੍ਠਬ੍ਬਂ.
ਵੋਹਰਨ੍ਤੇਨ ਜਾਨਿਤਬ੍ਬਾਦਿਵਣ੍ਣਨਾ ਨਿਟ੍ਠਿਤਾ.