੩. ਸਭੋਜਨਸਿਕ੍ਖਾਪਦਵਣ੍ਣਨਾ

੨੮੧. ਤਤਿਯੇ ਪਾਲ਼ਿਯਂ ਖੁਦ੍ਦਕੇ ਘਰੇਤਿ ਏਤ੍ਥ ਖੁਦ੍ਦਕਂ ਘਰਂ ਨਾਮ ਪਞ੍ਚਹਤ੍ਥਤੋ ਊਨਕਵਿਤ੍ਥਾਰਂ ਅਧਿਪ੍ਪੇਤਂ. ਤਤ੍ਥ ਚ ਪਿਟ੍ਠਸਙ੍ਘਾਟਤੋ ਹਤ੍ਥਪਾਸੇ ਅਵਿਜਹਿਤੇਪਿ ਪਿਟ੍ਠਿਵਂਸਾਤਿਕ੍ਕਮੋ ਹੋਤੀਤਿ ਆਹ ‘‘ਪਿਟ੍ਠਿਵਂਸਂ ਅਤਿਕ੍ਕਮਿਤ੍ਵਾ’’ਤਿ. ਯਥਾ ਤਥਾ ਵਾ ਕਤਸ੍ਸਾਤਿ ਪਿਟ੍ਠਿਵਂਸਂ ਆਰੋਪੇਤ੍ਵਾ ਵਾ ਅਨਾਰੋਪੇਤ੍ਵਾ ਵਾ ਕਤਸ੍ਸ.

੨੮੩. ਪਾਲ਼ਿਯਂ ਵੀਤਰਾਗਾਤਿ ਅਪਰਿਯੁਟ੍ਠਿਤਰਾਗਾਨਂ, ਅਨਾਗਾਮੀਨਞ੍ਚ ਸਙ੍ਗਹੋ. ਸਚਿਤ੍ਤਕਨ੍ਤਿ ਅਨੁਪਵਿਸਿਤ੍ਵਾ ਨਿਸੀਦਨਚਿਤ੍ਤੇਨ ਸਚਿਤ੍ਤਕਂ. ਪਰਿਯੁਟ੍ਠਿਤਰਾਗਜਾਯਮ੍ਪਤਿਕਾਨਂ ਸਨ੍ਨਿਹਿਤਤਾ, ਸਯਨਿਘਰਤਾ, ਦੁਤਿਯਸ੍ਸ ਭਿਕ੍ਖੁਨੋ ਅਭਾਵੋ, ਅਨੁਪਖਜ੍ਜ ਨਿਸੀਦਨਨ੍ਤਿ ਇਮਾਨੇਤ੍ਥ ਚਤ੍ਤਾਰਿ ਅਙ੍ਗਾਨਿ.

ਸਭੋਜਨਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

੨੮੪-੨੮੯. ਚਤੁਤ੍ਥਪਞ੍ਚਮਾਨਿ ਵੁਤ੍ਤਤ੍ਥਾਨਿ.