੭. ਨਿਕ੍ਕਡ੍ਢਨਸਿਕ੍ਖਾਪਦਵਣ੍ਣਨਾ

੧੨੬. ਸਤ੍ਤਮੇ ਕੋਟ੍ਠਕਾਨੀਤਿ ਦ੍ਵਾਰਕੋਟ੍ਠਕਾਨਿ.

੧੨੮. ‘‘ਸਕਲਸਙ੍ਘਾਰਾਮਤੋ ਨਿਕ੍ਕਡ੍ਢਿਤੁਂ ਨ ਵਟ੍ਟਤੀ’’ਤਿ ਇਦਂ ਅਨਨੁਰੂਪਤੋ ਵੁਤ੍ਤਂ. ਪਾਪਗਰਹਿਤਾਯ ਹਿ ਅਕੁਪਿਤਚਿਤ੍ਤੇਨ ਨਿਕ੍ਕਡ੍ਢਾਪੇਨ੍ਤਸ੍ਸ ਇਮਿਨਾ ਸਿਕ੍ਖਾਪਦੇਨ ਆਪਤ੍ਤਿ ਨਤ੍ਥਿ ‘‘ਕੁਪਿਤੋ ਅਨਤ੍ਤਮਨੋ’’ਤਿ ਵੁਤ੍ਤਤ੍ਤਾ. ਅਞ੍ਞਾਪੇਕ੍ਖਾ ਆਪਤ੍ਤਿ ਨ ਦਿਸ੍ਸਤਿ. ਪਾਲ਼ਿਯਂ ‘‘ਅਲਜ੍ਜਿਂ ਨਿਕ੍ਕਡ੍ਢਤੀ’’ਤਿਆਦੀਸੁ ਚਿਤ੍ਤਸ੍ਸ ਲਹੁਪਰਿਵਤ੍ਤਿਤਾਯ ਅਨ੍ਤਰਨ੍ਤਰਾ ਕੋਪੇ ਉਪ੍ਪਨ੍ਨੇਪਿ ਅਨਾਪਤ੍ਤਿ ਅਲਜ੍ਜਿਤਾਦਿਪਚ੍ਚਯੇਨੇਵ ਨਿਕ੍ਕਡ੍ਢਨਸ੍ਸ ਆਰਦ੍ਧਤ੍ਤਾ. ਸਙ੍ਘਿਕਵਿਹਾਰੋ, ਉਪਸਮ੍ਪਨ੍ਨਸ੍ਸ ਭਣ੍ਡਨਕਾਰਕਭਾਵਾਦਿਵਿਨਿਮੁਤ੍ਤਤਾ, ਕੋਪੇਨ ਨਿਕ੍ਕਡ੍ਢਨਂ ਵਾ ਨਿਕ੍ਕਡ੍ਢਾਪਨਂ ਵਾਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ.

ਨਿਕ੍ਕਡ੍ਢਨਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.