੪. ਸੁਰਾਮੇਰਯਸੁਤ੍ਤਵਣ੍ਣਨਾ

੧੧੩੪. ਪਿਟ੍ਠਸੁਰਾਤਿ ਪਿਟ੍ਠੇਨ ਕਾਤਬ੍ਬਸੁਰਾ, ਤਥਾ ਓਦਨਸੁਰਾ ਪੂਵਸੁਰਾ, ਮਜ੍ਜਰਸਾਦਿਭੂਤੇ ਕਿਣ੍ਣੇ ਪਕ੍ਖਿਪਿਤ੍ਵਾ ਕਤ੍ਤਬ੍ਬਾ ਸੁਰਾ ਕਿਣ੍ਣਪਕ੍ਖਿਤ੍ਤਸੁਰਾ. ਸਮ੍ਭਾਰਸਂਯੁਤ੍ਤਾਤਿ ਮੂਲਭੇਸਜ੍ਜਸਮ੍ਭਾਰੇਹਿ ਸਂਯੁਤ੍ਤਾ. ਪੁਪ੍ਫਾਸਵੋਤਿ ਨਾਲ਼ਿਕੇਰਪੁਪ੍ਫਾਦਿਤੋ ਅਸ੍ਸਵਨਕਆਸਵੋ. ਮੁਦ੍ਦਿਕਫਲਾਦਿਤੋ ਅਸ੍ਸਵਨਕਆਸਵੋ ਫਲਾਸਵੋ. ਇਤੀਤਿਆਦਿਅਤ੍ਥੋ. ਤੇਨ ਮਧ੍ਵਾਸਵਗੁਲ਼ਾਸਵਸਮ੍ਭਾਰਸਂਯੁਤ੍ਤੇ ਸਙ੍ਗਣ੍ਹਾਤਿ. ਸੁਰਾਸਵਵਿਨਿਮੁਤ੍ਤਨ੍ਤਿ ਯਥਾਵੁਤ੍ਤਸੁਰਾਸਵਵਿਨਿਮੁਤ੍ਤਂ.