੧-੨. ਇਚ੍ਛਾਨਙ੍ਗਲਸੁਤ੍ਤਾਦਿਵਣ੍ਣਨਾ

੯੮੭-੯੮੮. ਕਸ੍ਮਾਤਿਆਦਿ ਵਿਹਾਰਸਮਾਪਤ੍ਤਿਆਚਿਕ੍ਖਣੇ ਕਾਰਣਂ ਵਿਭਾਵੇਤੁਂ ਆਰਦ੍ਧਂ.

ਏਵ-ਵਾਕਾਰੋਤਿ ਏਵ-ਕਾਰੋ ਵਾ-ਕਾਰੋ ਚ. ਏਕਨ੍ਤਸਨ੍ਤਤ੍ਤਾ ਏਕਨ੍ਤੇਨ ਸਨ੍ਤਮਨਸਿਕਾਰਭਾਵਤੋ. ਸੇਕ੍ਖਵਚਨੇਨੇਵ ਤੇਸਂ ਸਿਕ੍ਖਿਤਬ੍ਬਸ੍ਸ ਅਤ੍ਥਿਭਾਵੇ ਸਿਦ੍ਧੇਪਿ ਸਿਕ੍ਖਿਤਬ੍ਬਰਹਿਤੇਸੁ ਤੇਸੁਪਿ ਸੇਕ੍ਖਪਰਿਯਾਯਸ੍ਸ ਵੁਚ੍ਚਮਾਨਤ੍ਤਾ ਸਿਕ੍ਖਿਤਬ੍ਬਸਦ੍ਦੇਨ ਸੇਕ੍ਖੇ ਵਿਸੇਸੇਤ੍ਵਾ ਵੁਤ੍ਤਾ. ਆਸਵਕ੍ਖਯਤ੍ਥਂ ਸਿਕ੍ਖਿਤਬ੍ਬਸ੍ਸ ਅਭਾਵੇਪਿ ਦਿਟ੍ਠਧਮ੍ਮਸੁਖਵਿਹਾਰਤ੍ਥਂ ਝਾਨਾਦਿਸਿਕ੍ਖਨੇਨ ਵਿਨਾ ਸਿਕ੍ਖਿਤਬ੍ਬਾਭਾਵਾ ‘‘ਅਸੇਕ੍ਖਾ ਨਾਮਾ’’ਤਿ ਵੁਤ੍ਤਾ. ਬੁਦ੍ਧਾਨਂ ਪਨ ਸਬ੍ਬਸੋ ਸਮ੍ਮਦੇਵ ਪਰਿਨਿਟ੍ਠਿਤਸਿਕ੍ਖਤ੍ਤਾ ‘‘ਸਿਕ੍ਖਾਮੀ’’ਤਿ ਨ ਵੁਤ੍ਤਂ. ਆਨਾਪਾਨਜ੍ਝਾਨਫਲਸਮਾਪਤ੍ਤਿ ਤਥਾਗਤਵਿਹਾਰੋ.