੧. ਪਠਮਮਿਗਜਾਲਸੁਤ੍ਤਵਣ੍ਣਨਾ

੬੩. ਚਕ੍ਖੁਵਿਞ੍ਞਾਣਂ ਦਸ੍ਸਨਕਿਚ੍ਚਨ੍ਤਿ ਵੁਤ੍ਤਚਕ੍ਖੁਵਿਞ੍ਞਾਣੇਨ ਪਸ੍ਸਿਤਬ੍ਬਨ੍ਤਿ ਆਹ ‘‘ਇਟ੍ਠਾਰਮ੍ਮਣਭੂਤਾ’’ਤਿ. ਕਮਨੀਯਾਤਿ ਕਾਮੇਤਬ੍ਬਾ. ਮਨਂ ਅਪ੍ਪਾਯਨ੍ਤੀਤਿ ਮਨਾਪਾਤਿ ਆਹ ‘‘ਮਨਵਡ੍ਢਨਕਾ’’ਤਿ. ਪਿਯਾਯਿਤਬ੍ਬਸਭਾਵਾ ਪਿਯਰੂਪਾ. ਕਾਮੂਪਸਂਹਿਤਾਤਿ ਕਾਮਪਟਿਸਂਯੁਤ੍ਤਾ. ਆਲਮ੍ਬਿਤਬ੍ਬਤਾ ਏਵ ਚੇਤ੍ਥ ਉਪਸਂਹਿਤਤਾਤਿ ‘‘ਆਰਮ੍ਮਣਂ ਕਤ੍ਵਾ’’ਤਿਆਦਿਮਾਹ. ਤਣ੍ਹਾਸਙ੍ਖਾਤਾ ਨਨ੍ਦੀ ਤਣ੍ਹਾਨਨ੍ਦੀ, ਨ ਤੁਟ੍ਠਿਨਨ੍ਦੀਯੇਵ ‘‘ਨਨ੍ਦਿਂ ਚਰਤੀ’’ਤਿਆਦੀਸੁ ਵਿਯ. ਗਾਮਨ੍ਤਨ੍ਤਿ ਗਾਮਸਮੀਪਂ. ‘‘ਅਨੁਪਚਾਰਟ੍ਠਾਨ’’ਨ੍ਤਿ ਵਤ੍ਵਾ ਤਂ ਦਸ੍ਸੇਤਿ ‘‘ਯਤ੍ਥਾ’’ਤਿਆਦਿਨਾ.

ਏਤ੍ਥਾਤਿ ਯਥਾਨੀਹਤੇ ਪਾਠੇ. ‘‘ਇਮਂ ਏਕਂ ਪਰਿਯਾਯਂ ਠਪੇਤ੍ਵਾ’’ਤਿ ਵੁਤ੍ਤਂ ਤਸ੍ਸ ‘‘ਪਨ੍ਤਾਨੀ’’ਤਿਪਦੇਨ ਸਙ੍ਗਹਿਤਤ੍ਤਾ. ਅਪ੍ਪਸਦ੍ਦਾਨਿ ਅਪ੍ਪਨਿਗ੍ਘੋਸਾਨੀਤਿ ਏਤ੍ਥ ਅਪ੍ਪ-ਸਦ੍ਦੋ ਅਭਾਵਤ੍ਥੋ.

ਪਠਮਮਿਗਜਾਲਸੁਤ੍ਤਵਣ੍ਣਨਾ ਨਿਟ੍ਠਿਤਾ.