੫. ਸਬ੍ਬਅਨਿਚ੍ਚਵਗ੍ਗਵਣ੍ਣਨਾ

੪੩-੫੨. ਞਾਤਪਰਿਞ੍ਞਾ ਆਗਤਾ ਵਿਸਯਵਸੇਨ ਤਬ੍ਬਿਸਯਸ੍ਸ ਧਮ੍ਮਸ੍ਸ ਜੋਤਿਤਤ੍ਤਾ. ਇਤਰਾ ਦ੍ਵੇ ਤੀਰਣਪਹਾਨਪਰਿਞ੍ਞਾਪਿ ਆਗਤਾ ਏਵਾਤਿ ਵੇਦਿਤਬ੍ਬਾ, ਤਾਸਂ ਅਭਿਞ੍ਞੇਯ੍ਯਧਮ੍ਮਵਿਸਯਤ੍ਤਾ ਞਾਣਸ੍ਸ ਚ ਤੀਰਣਪਹਾਨਪਰਿਞ੍ਞਾਸਮ੍ਭਵਤੋ. ਪਰਿਞ੍ਞੇਯ੍ਯਪਦੇ ਤੀਰਣਪਰਿਞ੍ਞਾਵ ਆਗਤਾ, ਪਹਾਤਬ੍ਬਪਦੇ ਪਹਾਨਪਰਿਞ੍ਞਾਵ ਆਗਤਾਤਿ ਯੋਜਨਾ. ਇਤਰਾਪਿ ਦ੍ਵੇ ਗਹਿਤਾਯੇਵ ਤਾਹਿ ਵਿਨਾ ਅਤ੍ਥਸਿਦ੍ਧਿਯਾ ਅਭਾਵਤੋ. ਪਚ੍ਚਕ੍ਖਂ ਕਾਤਬ੍ਬਂ ਆਰਮ੍ਮਣਤੋ ਅਸਮ੍ਮੋਹਤੋ ਪਟਿਵਿਜ੍ਝਨੇਨ. ਅਵੁਤ੍ਤਾਪਿ ਗਹਿਤਾਯੇਵ ਪਰਿਜਾਨਨਸ੍ਸ ਯਾਵਦੇਵ ਪਹਾਨਤ੍ਥਤ੍ਤਾ. ਏਕਸਭਾਵੇਨ ਵਿਨਾਭਾਵੋ ਅਨੇਕਗ੍ਗਟ੍ਠੋ. ਉਪਸਟ੍ਠਰੋਗੇਨ ਵਿਯ ਅਨ੍ਤੋ ਏਵ ਅਭਿਹਤਸਬ੍ਬਤਾ ਉਪਹਤਟ੍ਠੋ.

ਸਬ੍ਬਅਨਿਚ੍ਚਵਗ੍ਗਵਣ੍ਣਨਾ ਨਿਟ੍ਠਿਤਾ.

ਪਠਮੋ ਪਣ੍ਣਾਸਕੋ.