੧. ਯੋਗਕ੍ਖੇਮਿਸੁਤ੍ਤਵਣ੍ਣਨਾ

੧੦੪. ਚਤੂਹਿ ਯੋਗੇਹੀਤਿ ਕਾਮਯੋਗਾਦੀਹਿ ਚਤੂਹਿ ਯੋਗੇਹਿ. ਖੇਮਿਨੋਤਿ ਖੇਮਵਤੋ ਕੁਸਲਿਨੋ. ਕਾਰਣਭੂਤਨ੍ਤਿ ਕਤ੍ਤਬ੍ਬਉਪਾਯਸ੍ਸ ਕਾਰਣਭੂਤਂ. ਪਰਿਯਾਯਤਿ ਪਵਤ੍ਤਿਂ ਨਿਵਤ੍ਤਿਞ੍ਚ ਞਾਪੇਤੀਤਿ ਪਰਿਯਾਯੋ, ਧਮ੍ਮੋ ਚ ਸੋ ਪਰਿਯਤ੍ਤਿਧਮ੍ਮਤ੍ਤਾ ਪਰਿਯਾਯੋ ਚਾਤਿ ਧਮ੍ਮਪਰਿਯਾਯੋ, ਤਂ ਧਮ੍ਮਪਰਿਯਾਯਂ. ਯਸ੍ਮਾ ਪਨ ਸੋ ਤਸ੍ਸਾਧਿਗਮਸ੍ਸ ਕਾਰਣਂ ਹੋਤਿ, ਤਸ੍ਮਾ ਵੁਤ੍ਤਂ ‘‘ਧਮ੍ਮਕਾਰਣ’’ਨ੍ਤਿ. ਯੁਤ੍ਤਿਨ੍ਤਿ ਸਮਥਵਿਪਸ੍ਸਨਾਧਮ੍ਮਾਨੀਤਿ ਵਾ ਚਤੁਸਚ੍ਚਧਮ੍ਮਾਨੀਤਿ ਵਾ. ‘‘ਤਸ੍ਮਾ’’ਤਿ ਪਦਂ ਉਦ੍ਧਰਿਤ੍ਵਾ – ‘‘ਕਸ੍ਮਾ’’ਤਿ ਕਾਰਣਂ ਪੁਚ੍ਛਨ੍ਤੋ ‘‘ਕਿਂ ਅਕ੍ਖਾਤਤ੍ਤਾ, ਉਦਾਹੁ ਪਹੀਨਤ੍ਤਾ’’ਤਿ ਵਿਭਜਿਤ੍ਵਾ ਪੁਚ੍ਛਿ. ਯਸ੍ਮਾ ਪਨ ਛਨ੍ਦਰਾਗਪ੍ਪਹਾਨਂ ਯੋਗਕ੍ਖੇਮਿਭਾਵਸ੍ਸ ਕਾਰਣਂ, ਨ ਕਥਨਂ, ਤਸ੍ਮਾ ‘‘ਪਹੀਨਤ੍ਤਾ’’ਤਿਆਦਿ ਵੁਤ੍ਤਂ.

ਯੋਗਕ੍ਖੇਮਿਸੁਤ੍ਤਵਣ੍ਣਨਾ ਨਿਟ੍ਠਿਤਾ.