੩. ਅਞ੍ਞਤਰਭਿਕ੍ਖੁਸੁਤ੍ਤਵਣ੍ਣਨਾ

੩੫. ਯਦਿ ਰੂਪਂ ਅਨੁਸੇਤੀਤਿ ਰੂਪਧਮ੍ਮੇ ਆਰਬ੍ਭ ਯਦਿ ਰਾਗਾਦਯੋ ਅਨੁਸਯਨਵਸੇਨ ਪਵਤ੍ਤਨ੍ਤਿ. ਤੇਨ ਸਙ੍ਖਂ ਗਚ੍ਛਤੀਤਿ ਤੇਨ ਰਾਗਾਦਿਨਾ ਤਂਸਮਙ੍ਗੀਪੁਗ੍ਗਲੋ ਸਙ੍ਖਾਤਬ੍ਬਤਂ ‘‘ਰਤ੍ਤੋ ਦੁਟ੍ਠੋ’’ਤਿਆਦਿਨਾ ਵੋਹਰਿਤਬ੍ਬਤਂ ਉਪਗਚ੍ਛਤੀਤਿ. ਤੇਨਾਹ ‘‘ਕਾਮਰਾਗਾਦੀਸੂ’’ਤਿਆਦਿ. ਅਭੂਤੇਨਾਤਿ ਅਜਾਤੇਨ ਅਨੁਸਯਵਸੇਨ ਅਪ੍ਪਵਤ੍ਤੇਨ. ਅਨੁਸਯਸੀਸੇਨ ਹੇਤ੍ਥ ਅਭਿਭਵਂ ਵਦਤਿ. ਯਤੋ ‘‘ਰਤ੍ਤੋ ਦੁਟ੍ਠੋ ਮੂਲ਼੍ਹੋਤਿ ਸਙ੍ਖਂ ਨ ਗਚ੍ਛਤੀ’’ਤਿ ਵੁਤ੍ਤਂ. ਨਿਪ੍ਪਰਿਯਾਯਤੋ ਹਿ ਮਗ੍ਗਵਜ੍ਝਕਿਲੇਸਾ ਅਨੁਸਯੋ.

ਅਞ੍ਞਤਰਭਿਕ੍ਖੁਸੁਤ੍ਤਵਣ੍ਣਨਾ ਨਿਟ੍ਠਿਤਾ.