੬. ਸਗਾਥਾਸੁਤ੍ਤਵਣ੍ਣਨਾ

੧੦੦. ‘‘ਧਾਤੁਸੋ ਸਂਸਨ੍ਦਨ੍ਤੀ’’ਤਿ ਇਦਂ ਅਜ੍ਝਾਸਯਤੋ ਸਰਿਕ੍ਖਤਾਦਸ੍ਸਨਂ, ਨ ਕਾਯੇਨ ਮਿਸ੍ਸੀਭਾਵਦਸ੍ਸਨਨ੍ਤਿ ਆਹ ‘‘ਸਮੁਦ੍ਦਨ੍ਤਰੇ’’ਤਿਆਦਿ. ਨਿਰਨ੍ਤਰੋਤਿ ਨਿਬ੍ਬਿਸੇਸੋ. ਸਂਸਗ੍ਗਾਤਿ ਪਞ੍ਚਵਿਧਸਂਸਗ੍ਗਹੇਤੁ. ਸਂਸਗ੍ਗਗਹਣੇਨ ਚੇਤ੍ਥ ਸਂਸਗ੍ਗਵਤ੍ਥੁਕਾ ਤਣ੍ਹਾ ਗਹਿਤਾ. ਤੇਨਾਹ ‘‘ਦਸ੍ਸਨ…ਪੇ… ਸ੍ਨੇਹੇਨਾ’’ਤਿ.

ਵਨਤਿ ਭਜਤਿ ਸਜ੍ਜਤਿ ਤੇਨਾਤਿ ਵਨਂ, ਵਨਥੋਤਿ ਚ ਕਿਲੇਸੋ ਵੁਚ੍ਚਤੀਤਿ ਆਹ ‘‘ਵਨਥੋ ਜਾਤੋਤਿ ਕਿਲੇਸਵਨਂ ਜਾਤ’’ਨ੍ਤਿ. ਇਤਰੇ ਸਂਸਗ੍ਗਮੂਲਕਾਤਿ ਤਮੇਵ ਪਟਿਕ੍ਖਿਪਨ੍ਤੋ ਆਹ ‘‘ਅਦਸ੍ਸਨੇਨਾ’’ਤਿ. ਸਾਧੁਜੀਵੀਤਿ ਸਾਧੁ ਸੁਟ੍ਠੁ ਜੀਵੀ, ਤਂਜੀਵਨਸੀਲੋ. ਤੇਨਾਹ ‘‘ਪਰਿਸੁਦ੍ਧਜੀਵਿਤਂ ਜੀਵਮਾਨੋ’’ਤਿ.

ਸਗਾਥਾਸੁਤ੍ਤਵਣ੍ਣਨਾ ਨਿਟ੍ਠਿਤਾ.