੨. ਫਸ੍ਸਨਾਨਤ੍ਤਸੁਤ੍ਤਵਣ੍ਣਨਾ

੮੬. ਜਾਤਿਪਸੁਤਿਆਰਮ੍ਮਣਾਦਿਭੇਦੇਨ ਨਾਨਾਭਾਵੋ ਫਸ੍ਸੋ. ਜਾਤਿਪਚ੍ਚਯਭੇਦੇਨ ਹਿ ਪਚ੍ਚਯੁਪ੍ਪਨ੍ਨਸ੍ਸ ਭੇਦੋ ਹੋਤਿਯੇਵ. ਧਮ੍ਮਪਰਿਚ੍ਛੇਦਵਸੇਨ ਧਾਤੁਦੇਸਨਾਯਂ ਤਿਸ੍ਸੋ ਮਨਨਮਤ੍ਤਾ ਧਾਤੁਯੋਵ ਮਨੋਧਾਤੁਯੋ. ਕਿਰਿਯਾਮਯਸ੍ਸ ਚਿਤ੍ਤੁਪ੍ਪਤ੍ਤਿਵਿਭਾਗੇਨ ਪਚ੍ਚਯੁਪ੍ਪਨ੍ਨਸ੍ਸ ਵਸੇਨ ਧਾਤੁਦੇਸਨਾਯਂ ਮਨਨਟ੍ਠੇਨ ਧਾਤੁਤਾਯ ਸਾਮਞ੍ਞਤੋ ਮਨੋਦ੍ਵਾਰਾਵਜ੍ਜਨਂ ‘‘ਮਨੋਧਾਤੂ’’ਤਿ ਅਧਿਪ੍ਪੇਤਨ੍ਤਿ ਵੁਤ੍ਤਂ ‘‘ਮਨੋਸਮ੍ਫਸ੍ਸੋ ਮਨੋਦ੍ਵਾਰੇ ਪਠਮਜਵਨਸਮ੍ਪਯੁਤ੍ਤੋ’’ਤਿਆਦਿ. ਤਸ੍ਮਾਤਿ ਯਸ੍ਮਾ ਕਾਮਂ ਸਮ੍ਪਟਿਚ੍ਛਨਮਨੋਧਾਤੁਅਨਨ੍ਤਰਂ ਉਪ੍ਪਜ੍ਜਮਾਨੋ ਸਨ੍ਤੀਰਣਵਿਞ੍ਞਾਣਧਾਤੁਯਾ ਸਮ੍ਪਯੁਤ੍ਤੋ ਫਸ੍ਸੋਪਿ ਮਨੋਸਮ੍ਫਸ੍ਸੋ ਏਵ ਨਾਮ, ਦੁਬ੍ਬਲਤ੍ਤਾ ਪਨ ਸੋ ਸਬ੍ਬਭਵੇਸੁ ਅਸਮ੍ਭਵਤੋ ਚ ਗਹਿਤੋ ਅਨਵਸੇਸਤੋ ਗਹਣਂ ਨ ਹੋਤੀਤਿ ਮਨੋਦ੍ਵਾਰੇ ਜਵਨਸਮ੍ਫਸ੍ਸੋ ਹੋਤਿ, ਤਸ੍ਮਾ. ਅਯਮੇਤ੍ਥ ਅਤ੍ਥੋਤਿ ਅਯਂ ਇਧ ਅਧਿਪ੍ਪਾਯਾਨੁਗਤੋ ਅਤ੍ਥੋ.

ਫਸ੍ਸਨਾਨਤ੍ਤਸੁਤ੍ਤਵਣ੍ਣਨਾ ਨਿਟ੍ਠਿਤਾ.