੧੦. ਮੋਗ੍ਗਲ੍ਲਾਨਸੁਤ੍ਤਵਣ੍ਣਨਾ

੨੧੮. ਪਚ੍ਚਵੇਕ੍ਖਤੀਤਿ ਤੇਸਂ ਅਰਿਯਾਨਂ ਚਿਤ੍ਤਂ ਅਤ੍ਤਨੋ ਞਾਣਚਕ੍ਖੁਨਾ ਪਤਿ ਅਵੇਕ੍ਖਤਿ ਪਚ੍ਚਵੇਕ੍ਖਤਿ. ਪਬ੍ਬਤਸ੍ਸਾਤਿ ਇਸਿਗਿਲਿਪਬ੍ਬਤਸ੍ਸ. ਦੁਕ੍ਖਪਾਰਂ ਗਤਨ੍ਤਿ ਵਟ੍ਟਦੁਕ੍ਖਸ੍ਸ ਪਾਰਂ ਪਰਿਯਨ੍ਤਂ ਗਤਂ. ਸਬ੍ਬਗੁਣਸਮ੍ਪਨ੍ਨਨ੍ਤਿ ਸਬ੍ਬੇਹਿ ਬੁਦ੍ਧਗੁਣੇਹਿ ਚ ਸਾਵਕਗੁਣੇਹਿ ਚ ਪਰਿਪੁਣ੍ਣਂ. ਅਨੇਕਾਕਾਰਸਮ੍ਪਨ੍ਨਨ੍ਤਿ ਰੂਪਘੋਸਲੂਖਧਮ੍ਮਪ੍ਪਮਾਣਿਕਾਨਂ ਸਤ੍ਤਾਨਂ ਤੇਹਿ ਤੇਹਿ ਆਕਾਰੇਹਿ ਸਬ੍ਬੇਸਞ੍ਚ ਅਨੇਕੇਹਿ ਅਨਨ੍ਤਾਪਰਿਮੇਯ੍ਯੇਹਿ ਪਸੀਦਿਤਬ੍ਬਾਕਾਰੇਹਿ ਸਮਨ੍ਨਾਗਤਂ. ਤੇ ਪਨ ਆਕਾਰਾ ਯਸ੍ਮਾ ਅਨਞ੍ਞਸਾਧਾਰਣਾ ਬੁਦ੍ਧਗੁਣਾ ਏਵ, ਤਸ੍ਮਾ ਆਹ ‘‘ਅਨੇਕੇਹਿ ਗੁਣੇਹਿ ਸਮਨ੍ਨਾਗਤ’’ਨ੍ਤਿ.

ਮੋਗ੍ਗਲ੍ਲਾਨਸੁਤ੍ਤਵਣ੍ਣਨਾ ਨਿਟ੍ਠਿਤਾ.