੧. ਆਦਿਤ੍ਤਸੁਤ੍ਤਵਣ੍ਣਨਾ

੪੧. ਸੀਸਨ੍ਤਿ ਦੇਸਨਾਪਦੇਸੋ, ਦੇਸਨਾਯ ਅਞ੍ਞੇਸੁਪਿ ਵਤ੍ਤਬ੍ਬੇਸੁ ਕਸ੍ਸਚਿਦੇਵ ਸੀਸਭਾਗੇਨ ਅਪਦਿਸਨਂ. ਤੇਨਾਹ ‘‘ਰਾਗਾਦੀਹੀ’’ਤਿਆਦਿ. ਦਾਨੇਨਾਤਿ ਅਤ੍ਤਨੋ ਸਨ੍ਤਕਸ੍ਸ ਪਰੇਸਂ ਪਰਿਚ੍ਚਜਨੇਨ. ਤਂ ਪਨ ਪਰਿਚ੍ਚਜਨਂ ਚੇਤਨਾਯ ਹੋਤੀਤਿ ਆਹ ‘‘ਦਾਨਚੇਤਨਾਯਾ’’ਤਿ ਦਾਨਪੁਞ੍ਞਚੇਤਨਾਤਿ ਦਾਨਮਯਾ ਪੁਞ੍ਞਚੇਤਨਾ ਦਾਯਕਸ੍ਸੇਵ ਹੋਤਿ ਤਂਸਨ੍ਤਤਿਪਰਿਯਾਪਨ੍ਨਤ੍ਤਾ. ਨੀਹਤਭਣ੍ਡਕਨ੍ਤਿ ਆਦਿਤ੍ਤਗੇਹਤੋ ਬਹਿ ਨਿਕ੍ਖਾਮਿਤਂ ਭਣ੍ਡਕਂ. ਏਤਨ੍ਤਿ ‘‘ਦਿਨ੍ਨਂ ਹੋਤੀ’’ਤਿਆਦਿਵਚਨਂ. ਅਦਿਨ੍ਨੇਤਿ ਦਾਨਮੁਖੇ ਅਨਿਯੁਞ੍ਜਿਤੇ ਭੋਗੇ. ‘‘ਅਨ੍ਤੇਨਾ’’ਤਿ ਜੀਵਿਤਸ੍ਸ ਅਨ੍ਤੋ ਅਧਿਪ੍ਪੇਤੋਤਿ ਆਹ ‘‘ਮਰਣੇਨਾ’’ਤਿ. ਮਮਾਤਿ ਪਰਿਗ੍ਗਹਿਤਤ੍ਤਾ ਪਰਿਗ੍ਗਹਾ, ਭੋਗਾ. ਤੇਪਿ ਕੇਨਚਿ ਆਕਾਰੇਨ ਵਿਨਾਸਂ ਅਨੁਪਗਤਾ ਮਰਣੇਨ ਪਹੀਯਨ੍ਤਿ ਨਾਮਾਤਿ ਵੁਤ੍ਤਂ ‘‘ਚੋਰਾਦੀਨਂ ਵਸੇਨ ਅਵਿਨਟ੍ਠਭੋਗੇ’’ਤਿ. ਸੋਭਨਾ ਅਗ੍ਗਭੂਤਾ ਰੂਪਾਦਯੋ ਏਤ੍ਥਾਤਿ ਸਗ੍ਗੋ, ਤਂ ਸਗ੍ਗਂ.

ਆਦਿਤ੍ਤਸੁਤ੍ਤਵਣ੍ਣਨਾ ਨਿਟ੍ਠਿਤਾ.