੪. ਚਤੁਤ੍ਥਸਿਕ੍ਖਾਪਦਂ

੮੦੬. ਚਤੁਤ੍ਥੇ ਰਞ੍ਞੋ ਓਰੋਧਾ ਰਾਜੋਰੋਧਾ, ਪੁਰਾਣੇ ਰਾਜੋਰੋਧਾ ਪੁਰਾਣਰਾਜੋਰੋਧਾਤਿ ਵਚਨਤ੍ਥਂ ਦਸ੍ਸੇਨ੍ਤੋ ਆਹ ‘‘ਪੁਰਾਣੇ’’ਤਿਆਦਿ. ‘‘ਗਿਹਿਭਾਵੇ’’ਤਿ ਇਮਿਨਾ ਪੁਰਾਣੇਤਿ ਏਤ੍ਥ ਣਪਚ੍ਚਯਸ੍ਸ ਸਰੂਪਂ ਦਸ੍ਸੇਤਿ. ਚਿਰਾਚਿਰਨ੍ਤਿ ਨਿਪਾਤਪਟਿਰੂਪਕਂ. ਤੇਨ ਵੁਤ੍ਤਂ ‘‘ਚਿਰੇਨ ਚਿਰੇਨਾ’’ਤਿ. ‘‘ਸਕ੍ਕੋਥਾ’’ਤਿ ਇਮਿਨਾ ਕਥਂ ਤੁਮ੍ਹੇ ਰਾਗਚਿਤ੍ਤਂ ਪਟਿਹਨਿਤ੍ਵਾ ਅਤ੍ਤਾਨਂ ਧਾਰੇਥ ਧਾਰੇਤੁਂ ਸਕ੍ਕੋਥਾਤਿ ਅਤ੍ਥਂ ਦਸ੍ਸੇਤਿ. ਅਨਾਰੋਚਿਤੇਪੀਤਿ ਭੂਤਤੋ ਅਨਾਰੋਚਿਤੇਪਿ.

੮੦੭. ਜਤੁਨਾਤਿ ਲਾਖਾਯ. ਪਟ੍ਠਦਣ੍ਡਕੇਤਿ ਪਟੁਭਾਵੇਨ ਠਾਤਿ ਪਵਤ੍ਤਤੀਤਿ ਪਟ੍ਠੋ, ਸੋਯੇਵ ਦਣ੍ਡੋ ਪਟ੍ਠਦਣ੍ਡੋ, ਤਸ੍ਸ ਪਵੇਸਨਂ ਪਟ੍ਠਦਣ੍ਡਕਂ, ਤਸ੍ਮਿਂ ਨਿਮਿਤ੍ਤਭੂਤੇ. ਏਤਨ੍ਤਿ ‘‘ਜਤੁਮਟ੍ਠਕੇ’’ਤਿ ਏਤਂ ਵਚਨਨ੍ਤਿ. ਚਤੁਤ੍ਥਂ.