੩੬. ਭੇਸਜ੍ਜਨਿਦ੍ਦੇਸੋ

ਭੇਸਜ੍ਜਨ੍ਤਿ –

੨੭੪. ਜਨਸ੍ਸ ਕਾਤੁਂ ਭੇਸਜ੍ਜਂ, ਦਾਤੁਂ ਵਤ੍ਤੁਂ ਨ ਲਬ੍ਭਤਿ;

ਭਿਕ੍ਖਾਚਰਿਯਵਿਞ੍ਞਤ੍ਤਿ, ਸਕੇਹਿ ਸਹਧਮ੍ਮਿਨਂ.

੨੭੫. ਪਿਤੂਨਂ ਤਦੁਪਟ੍ਠਾਕਭਿਕ੍ਖੁਨਿਸ੍ਸਿਤਭਣ੍ਡੁਨਂ;

ਲਬ੍ਭਂ ਭੇਸਜ੍ਜਕਰਣਂ, ਵੇਯ੍ਯਾਵਚ੍ਚਕਰਸ੍ਸ ਚ.

੨੭੬. ਮਹਾਚੂਲ਼ਪਿਤਾਮਾਤਾਭਾਤਾਭਗਿਨਿਆਦਿਨਂ;

ਤੇਸਂ ਸਕੇਨਤ੍ਤਨਿਯੇ, ਦਾਤਬ੍ਬਂ ਤਾਵਕਾਲਿਕਂ.

੨੭੭. ਕੁਲਦੂਸਨਵਿਞ੍ਞਤ੍ਤਿ, ਭੇਸਜ੍ਜਕਰਣਾਦਿ ਹਿ;

ਮਾਤਾਪਿਤੂਹਿ ਸਮ੍ਬਨ੍ਧਞਾਤਕੇਸੁ ਨ ਰੂਹਤਿ.

੨੭੮. ਪਿਣ੍ਡਪਾਤੋ ਅਨਾਮਟ੍ਠੋ, ਮਾਤਾਦੀਨਮਵਾਰਿਤੋ;

ਛਨ੍ਨਂ ਦਾਮਰਿਕਚੋਰਸ੍ਸ, ਦਾਤੁਮਿਸ੍ਸਰਿਯਸ੍ਸ ਚ.

੨੭੯. ਤੇਸਂ ਸੁਤ੍ਤੋਦਕੇਹੇਵ, ਪਰਿਤ੍ਤਂ ਕਯਿਰਾ ਨਤ੍ਤਨੋ;

ਭਣਿਤਬ੍ਬਂ ਭਣਾਪੇਨ੍ਤੇ, ਪਰਿਤ੍ਤਂ ਸਾਸਨੋਗਧਂ.

੨੮੦. ਸੀਲਂ ਧਮ੍ਮਂ ਪਰਿਤ੍ਤਂ ਵਾ, ਆਗਨ੍ਤ੍ਵਾ ਦੇਤੁ ਭਾਸਤੁ;

ਦਾਤੁਂ ਵਤ੍ਤੁਞ੍ਚ ਲਬ੍ਭਤਿ, ਗਨ੍ਤ੍ਵਾ ਕੇਨਚਿ ਪੇਸਿਤੋਤਿ.