੨੨. ਉਪਾਹਨਨਿਦ੍ਦੇਸੋ
ਉਪਾਹਨਾ ਚੇਵਾਤਿ –
੧੭੫. ਮਜ੍ਝਦੇਸੇ ਨ ਕਪ੍ਪਨ੍ਤਿ, ਗਣਙ੍ਗਣੂਪਾਹਨਾ ਨਵਾ;
ਸਬ੍ਬਸ੍ਸ ਕਪ੍ਪਨ੍ਤਾਰਾਮੇ, ਸਬ੍ਬਤ੍ਥਾਕਲ੍ਲਕਸ੍ਸ ਚ.
੧੭੬. ਸਬ੍ਬਨੀਲਕਓਦਾਤਪੀਤਲੋਹਿਤਕਣ੍ਹਕਾ;
ਮਹਾਰਙ੍ਗਮਹਾਨਾਮ-ਰਙ੍ਗਰਤ੍ਤਾ ਚੁਪਾਹਨਾ.
੧੭੭. ਸਬ੍ਬਮਞ੍ਜੇਟ੍ਠਿਕਾ ਚਿਤ੍ਰਾ, ਨੀਲਪੀਤਾਦਿਵਦ੍ਧਿਕਾ;
ਤਿਤ੍ਤਿਰਪਤ੍ਤਿਕਾ ਮੇਣ੍ਡ-ਅਜਵਿਸਾਣਵਦ੍ਧਿਕਾ.
੧੭੮. ਖਲ੍ਲਬਦ੍ਧਾ ਪੁਟਬਦ੍ਧਾ, ਤੂਲਪੁਣ੍ਣਾ ਚੁਪਾਹਨਾ;
ਪਾਲਿਗੁਣ੍ਠਿਮਕਾ ਮੋਰ-ਪਿਞ੍ਛੇਨ ਪਰਿਸਿਬ੍ਬਿਤਾ.
੧੭੯. ਵਿਚ੍ਛਿਕਾਲ਼ਿਕਤਾ ਸੀਹਬ੍ਯਗ੍ਘੁਦ੍ਦਾਜਿਨਦੀਪਿਨਂ;
ਮਜ੍ਜਾਰਕਾਲ਼ਕੋਲੂਕਚਮ੍ਮੇਹਿ ਚ ਪਰਿਕ੍ਖਟਾ;
ਪਾਦੁਕਾ ਸਙ੍ਕਮਨੀਯਾ, ਕੋਚਿ ਧਾਰੇਯ੍ਯ ਦੁਕ੍ਕਟਂ.
੧੮੦. ਨੀਲਾਦਿਵਣ੍ਣਂ ਸਕਲਂ, ਪੁਞ੍ਛਿਤ੍ਵਾ ਵੇਕਦੇਸਕਂ;
ਉਪਾਹਨਾ ਵਲ਼ਞ੍ਜੇਯ੍ਯ, ਹਾਰੇਤ੍ਵਾ ਖਲ੍ਲਕਾਦਿਕਨ੍ਤਿ.