੪. ਚਤੁਕ੍ਕਨਿਦ੍ਦੇਸਵਣ੍ਣਨਾ

੯੩੯. ਏਵਂ-ਸਦ੍ਦੇਨਾਤਿ ਨਿਦਸ੍ਸਨਤ੍ਥੇਨ ਏਵਂ-ਸਦ੍ਦੇਨਾਤਿ ਅਧਿਪ੍ਪਾਯੋ. ਭਵੋ ਏਵ ਅਭਿਵੁਦ੍ਧੋ ਅਭਵੋ ਯਥਾ ‘‘ਅਸੇਕ੍ਖਾ ਧਮ੍ਮਾ’’ਤਿ (ਧ. ਸ. ਤਿਕਮਾਤਿਕਾ ੧੧). ਦੁਤਿਯਸ੍ਮਿਂ ਪਕ੍ਖੇ ਭਵਾਭਵਸਦ੍ਦੇਨ ਸਮ੍ਪਤ੍ਤਿਵਿਪਤ੍ਤਿਯੋ, ਵੁਦ੍ਧਿਹਾਨਿਯੋ ਵਾ ਵੁਤ੍ਤਾਤਿ ਵੇਦਿਤਬ੍ਬਾ.

ਅਗਤਿਯਾਤਿ ਅਯੁਤ੍ਤਗਤਿਯਾ, ਅਪ੍ਪਤਿਰੂਪਕਿਰਿਯਾਯਾਤਿ ਅਤ੍ਥੋ.

ਕੋਧੂਪਾਯਾਸ…ਪੇ… ਮਾਤੁਗਾਮਾ ਵਾ ਊਮਿਆਦਿਭਯਨ੍ਤਿ ਯੋਜਨਾ. ਪਞ੍ਚਕਾਮਗੁਣਮਾਤੁਗਾਮਗ੍ਗਹਣੇਤਿ ਪਞ੍ਚਕਾਮਗੁਣਗ੍ਗਹਣੇ, ਮਾਤੁਗਾਮਗ੍ਗਹਣੇ ਚ.

‘‘ਸਯਂਕਤਂ ਸੁਖਦੁਕ੍ਖ’’ਨ੍ਤਿਆਦਿਕਾ ਦਿਟ੍ਠਿ ਯਦਿਪਿ ਅਞ੍ਞੇਸਮ੍ਪਿ ਦਿਟ੍ਠਿਗਤਿਕਾਨਂ ਅਤ੍ਥੇਵ, ਤਿਮ੍ਬਰੁਕੋ ਪਨ ਤਥਾਦਿਟ੍ਠਿਕੋ ਭਗਵਨ੍ਤਂ ਉਪਸਙ੍ਕਮਿਤ੍ਵਾ ਪੁਚ੍ਛੀਤਿ ਸਾ ਦਿਟ੍ਠਿ ‘‘ਤਿਮ੍ਬਰੁਕਦਿਟ੍ਠੀ’’ਤਿ (ਸਂ. ਨਿ. ੨.੧੮) ਵੁਤ੍ਤਾ. ਤੇਨਾਹ ‘‘ਤਿਮ੍ਬਰੁਕੋ…ਪੇ… ਆਗਤਤ੍ਤਾ’’ਤਿ.

ਚਤੁਕ੍ਕਨਿਦ੍ਦੇਸਵਣ੍ਣਨਾ ਨਿਟ੍ਠਿਤਾ.