੫. ਪਞ੍ਚਕਨਿਦ੍ਦੇਸਵਣ੍ਣਨਾ

੯੪੦. ਆਗਮਨਸ੍ਸ ਪਟਿਸਨ੍ਧਿਗ੍ਗਹਣਵਸੇਨਾਤਿ ਅਧਿਪ੍ਪਾਯੋ.

੯੪੧. ਉਪਚਯਨਤੋਤਿ ਵਡ੍ਢਨਤੋ. ਅਞ੍ਞਥਾਤਿ ਲਾਭਤੋ ਤਕ੍ਕਨਤੋ ਚ ਅਞ੍ਞਪ੍ਪਕਾਰੋ ਗਹਿਤੋਤਿ ਤਂ ਦਸ੍ਸੇਨ੍ਤੋ ‘‘ਸਦ੍ਧਾਰੁਚਿਆਦੀਹੀ’’ਤਿ ਆਹ. ਅਨੁਸ੍ਸਵਤੋ ਹਿ ਸਦ੍ਦਹਨਂ, ਰੁਚ੍ਚਨਂ ਪਨ ਜਾਤਿਸ੍ਸਰਞਾਣਤੋਪਿ ਹੋਤਿ. ਆਦਿ-ਸਦ੍ਦੇਨ ਖਨ੍ਤਿਆਦੀਨਂ ਸਙ੍ਗਹੋ.

੯੪੨. ਅਕ੍ਖਨ੍ਤਿ ਮੂਲਂ ਏਤੇਸਨ੍ਤਿ ਅਕ੍ਖਨ੍ਤਿਮੂਲਕਾ. ਦੁਕ੍ਕਟਦੁਬ੍ਭਾਸਿਤਤਾਦਿਦੋਸਾ ਤਾਦਿਸਾਨਿ ਕਾਯਵਚੀਮਨੋਦੁਚ੍ਚਰਿਤਾਨਿ.

੯੪੩. ਉਦਗ੍ਗਤਾਸਙ੍ਖਾਤੋ ਅਵੂਪਸਮੋ ਨ ਉਦ੍ਧਚ੍ਚਸਙ੍ਖਾਤੋਤਿ ਪੀਤਿਯਾ ਏਵ ਸਵਿਪ੍ਫਾਰਿਕਤਾਸਙ੍ਖਾਤਂ ਅਸਨ੍ਤਸਭਾਵਂ ਆਹ. ਅਵੂਪਸਮਹੇਤੁਭੂਤੋਤਿ ਵਿਕ੍ਖੇਪਹੇਤੁਭੂਤੋ. ਪੀਤਿਯਾ ਆਕਾਰੋਤਿ ਪੀਤਿਯਾ ਪਵਤ੍ਤਿਆਕਾਰੋ.

ਪਞ੍ਚਕਨਿਦ੍ਦੇਸਵਣ੍ਣਨਾ ਨਿਟ੍ਠਿਤਾ.