੩. ਪਞ੍ਹਪੁਚ੍ਛਕਵਣ੍ਣਨਾ

੧੫੦. ਚਿਤ੍ਤੁਪ੍ਪਾਦਰੂਪਵਸੇਨ ਤਂ ਤਂ ਸਮੁਦਾਯਂ ਏਕੇਕਂ ਧਮ੍ਮਂ ਕਤ੍ਵਾ ‘‘ਪਞ੍ਚਪਣ੍ਣਾਸ ਕਾਮਾਵਚਰਧਮ੍ਮੇ’’ਤਿ ਆਹ. ਰਜ੍ਜਨ੍ਤਸ੍ਸਾਤਿਆਦੀਸੁ ਰਾਗਾਦਯੋ ਛਸੁ ਦ੍ਵਾਰੇਸੁ ਸੀਲਾਦਯੋ ਚ ਪਞ੍ਚ ਸਂਵਰਾ ਯਥਾਸਮ੍ਭਵਂ ਯੋਜੇਤਬ੍ਬਾ, ਸਮ੍ਮਸਨਂ ਪਨ ਮਨੋਦ੍ਵਾਰੇ ਏਵ. ਰੂਪਾਰੂਪਾਵਚਰਧਮ੍ਮੇਸੁ ਅਭਿਜ੍ਝਾਦੋਮਨਸ੍ਸਾਦਿਉਪ੍ਪਤ੍ਤਿ ਅਤ੍ਥੀਤਿ ਤਤੋ ਸਤਿਸਂਵਰੋ ਞਾਣਵੀਰਿਯਸਂਵਰਾ ਚ ਯਥਾਯੋਗਂ ਯੋਜੇਤਬ੍ਬਾ. ਪਰਿਗ੍ਗਹਵਚਨੇਨ ਸਮ੍ਮਸਨਪਚ੍ਚਵੇਕ੍ਖਣਾਨਿ ਸਙ੍ਗਣ੍ਹਾਤਿ. ਤੇਯੇਵਾਤਿ ਚਤ੍ਤਾਰੋ ਖਨ੍ਧਾ ਵੁਤ੍ਤਾ.

ਸਮਾਨੇ ਦੇਸਿਤਬ੍ਬੇ ਦੇਸਨਾਮਤ੍ਤਸ੍ਸ ਪਰਿਵਟ੍ਟਨਂ ਪਰਿਵਟ੍ਟੋ. ਤੀਸੁਪਿ ਪਰਿਵਟ੍ਟੇਸੁ ਕਤ੍ਥਚਿ ਕਿਞ੍ਚਿ ਊਨਂ ਅਧਿਕਂ ਵਾ ਨਤ੍ਥੀਤਿ ਕਤ੍ਵਾ ਆਹ ‘‘ਏਕੋਵ ਪਰਿਚ੍ਛੇਦੋ’’ਤਿ.

ਪਞ੍ਹਪੁਚ੍ਛਕਵਣ੍ਣਨਾ ਨਿਟ੍ਠਿਤਾ.

ਖਨ੍ਧਵਿਭਙ੍ਗਵਣ੍ਣਨਾ ਨਿਟ੍ਠਿਤਾ.