੧. ਨਯਮਾਤਿਕਾਵਣ੍ਣਨਾ

੧. ਕੋ ਪਨੇਤਸ੍ਸ ਪਕਰਣਸ੍ਸ ਪਰਿਚ੍ਛੇਦੋਤਿ? ਨ ਸੋ ਇਧ ਵਤ੍ਤਬ੍ਬੋ, ਅਟ੍ਠਸਾਲਿਨਿਯਂ (ਧ. ਸ. ਅਟ੍ਠ. ਨਿਦਾਨਕਥਾ) ਪਕਰਣਪਰਿਚ੍ਛੇਦੋ ਵੁਤ੍ਤੋ ਏਵਾਤਿ ਦਸ੍ਸੇਨ੍ਤੋ ਆਹ ‘‘ਚੁਦ੍ਦਸਵਿਧੇਨ ਵਿਭਤ੍ਤਨ੍ਤਿ ਵੁਤ੍ਤ’’ਨ੍ਤਿ. ਖਨ੍ਧਾਦੀਨਂ ਦੇਸਨਾ ਨੀਯਤਿ ਪਵਤ੍ਤੀਯਤਿ ਏਤੇਹਿ, ਖਨ੍ਧਾਦਯੋ ਏਵ ਵਾ ਨੀਯਨ੍ਤਿ ਞਾਯਨ੍ਤਿ ਏਤੇਹਿ ਪਕਾਰੇਹੀਤਿ ਨਯਾ, ਨਯਾਨਂ ਮਾਤਿਕਾ ਉਦ੍ਦੇਸੋ, ਨਯਾ ਏਵ ਵਾ ਮਾਤਿਕਾਤਿ ਨਯਮਾਤਿਕਾ. ਏਤੇਸਂ ਪਦਾਨਂ ਮੂਲਭੂਤਤ੍ਤਾਤਿ ‘‘ਮੂਲਮਾਤਿਕਾ’’ਤਿ ਵਤ੍ਤਬ੍ਬਾਨਂ ਸਙ੍ਗਹਾਸਙ੍ਗਹਾਦੀਨਂ ਚੁਦ੍ਦਸਨ੍ਨਂ ਪਦਾਨਂ ਖਨ੍ਧਾਦਿਧਮ੍ਮਵਿਭਜਨਸ੍ਸ ਇਮਸ੍ਸ ਪਕਰਣਸ੍ਸ ਮੂਲਭੂਤਤ੍ਤਾ ਨਿਸ੍ਸਯਭੂਤਤ੍ਤਾਤਿ ਅਤ੍ਥੋ.