੫. ਦਾਰੁਕਮ੍ਮਿਕਸੁਤ੍ਤਵਣ੍ਣਨਾ

੫੯. ਪਞ੍ਚਮੇ ਪੁਤ੍ਤਸਮ੍ਬਾਧਸਯਨਨ੍ਤਿ ਪੁਤ੍ਤੇਹਿ ਸਮ੍ਬਾਧਸਯਨਂ. ਏਤ੍ਥ ਪੁਤ੍ਤਸੀਸੇਨ ਦਾਰਪਰਿਗ੍ਗਹਂ ਪੁਤ੍ਤਦਾਰੇਸੁ ਉਪ੍ਪਿਲੋ ਵਿਯ. ਤੇਨ ਤੇਸਂ ਰੋਗਾਦਿਹੇਤੁ ਸੋਕਾਭਿਭਵੇਨ ਚ ਚਿਤ੍ਤਸ੍ਸ ਸਂਕਿਲਿਟ੍ਠਤਂ ਦਸ੍ਸੇਤਿ. ਕਾਮਭੋਗਿਨਾਤਿ ਇਮਿਨਾ ਪਨ ਰਾਗਾਭਿਭਵਨ੍ਤਿ. ਉਭਯੇਨਪਿ ਵਿਕ੍ਖਿਤ੍ਤਚਿਤ੍ਤਤਂ ਦਸ੍ਸੇਤਿ. ਕਾਸਿਕਚਨ੍ਦਨਨ੍ਤਿ ਉਜ੍ਜਲਚਨ੍ਦਨਂ. ਤਂ ਕਿਰ ਵਣ੍ਣਵਿਸੇਸਸਮੁਜ੍ਜਲਂ ਹੋਤਿ ਪਭਸ੍ਸਰਂ, ਤਦਤ੍ਥਮੇਵ ਨਂ ਸਣ੍ਹਤਰਂ ਕਰੋਨ੍ਤਿ. ਤੇਨੇਵਾਹ ‘‘ਸਣ੍ਹਚਨ੍ਦਨ’’ਨ੍ਤਿ, ਕਾਸਿਕਵਤ੍ਥਞ੍ਚ ਚਨ੍ਦਨਞ੍ਚਾਤਿ ਅਤ੍ਥੋ. ਮਾਲਾਗਨ੍ਧਵਿਲੇਪਨਨ੍ਤਿ ਵਣ੍ਣਸੋਭਤ੍ਥਞ੍ਚੇਵ ਸੁਗਨ੍ਧਭਾਵਤ੍ਥਞ੍ਚ ਮਾਲਂ, ਸੁਗਨ੍ਧਭਾਵਤ੍ਥਾਯ ਗਨ੍ਧਂ, ਛਵਿਰਾਗਕਰਣਤ੍ਥਞ੍ਚੇਵ ਸੁਭਤ੍ਥਞ੍ਚ ਵਿਲੇਪਨਂ ਧਾਰੇਨ੍ਤੇਨ. ਜਾਤਰੂਪਰਜਤਨ੍ਤਿ ਸੁਵਣ੍ਣਞ੍ਚੇਵ ਅਵਸਿਟ੍ਠਧਨਞ੍ਚ ਸਾਦਿਯਨ੍ਤੇਨ. ਸਬ੍ਬੇਨਪਿ ਕਾਮੇਸੁ ਅਭਿਗਿਦ੍ਧਭਾਵਮੇਵ ਪਕਾਸੇਤਿ.

ਦਾਰੁਕਮ੍ਮਿਕਸੁਤ੍ਤਵਣ੍ਣਨਾ ਨਿਟ੍ਠਿਤਾ.