੧. ਅਨਨੁਸ੍ਸੁਤਸੁਤ੍ਤਵਣ੍ਣਨਾ

੧੧. ਦੁਤਿਯਸ੍ਸ ਪਠਮੇ ਅਭਿਜਾਨਿਤ੍ਵਾਤਿ ਅਭਿਵਿਸਿਟ੍ਠੇਨ ਞਾਣੇਨ ਜਾਨਿਤ੍ਵਾ. ਅਟ੍ਠਹਿ ਕਾਰਣੇਹਿ ਤਥਾਗਤਸ੍ਸਾਤਿ ‘‘ਤਥਾ ਆਗਤੋਤਿ ਤਥਾਗਤੋ. ਤਥਾ ਗਤੋਤਿ ਤਥਾਗਤੋ. ਤਥਲਕ੍ਖਣਂ ਆਗਤੋਤਿ ਤਥਾਗਤੋ. ਤਥਧਮ੍ਮੇ ਯਾਥਾਵਤੋ ਅਭਿਸਮ੍ਬੁਦ੍ਧੋਤਿ ਤਥਾਗਤੋ. ਤਥਦਸ੍ਸਿਤਾਯ ਤਥਾਗਤੋ. ਤਥਾਵਾਦਿਤਾਯ ਤਥਾਗਤੋ. ਤਥਾਕਾਰਿਤਾਯ ਤਥਾਗਤੋ. ਅਭਿਭਵਨਟ੍ਠੇਨ ਤਥਾਗਤੋ’’ਤਿ ਏਵਂ ਵੁਤ੍ਤੇਹਿ ਅਟ੍ਠਹਿ ਕਾਰਣੇਹਿ. ਉਸਭਸ੍ਸ ਇਦਨ੍ਤਿ ਆਸਭਂ, ਸੇਟ੍ਠਟ੍ਠਾਨਂ. ਤੇਨਾਹ ‘‘ਆਸਭਂ ਠਾਨਨ੍ਤਿ ਸੇਟ੍ਠਟ੍ਠਾਨ’’ਨ੍ਤਿ. ਪਰਤੋ ਦਸ੍ਸਿਤਬਲਯੋਗੇਨ ‘‘ਦਸਬਲੋਹ’’ਨ੍ਤਿ ਅਭੀਤਨਾਦਂ ਨਦਤਿ. ਬ੍ਰਹ੍ਮਚਕ੍ਕਨ੍ਤਿ ਏਤ੍ਥ ਸੇਟ੍ਠਪਰਿਯਾਯੋ. ਬ੍ਰਹ੍ਮਸਦ੍ਦੋਤਿ ਆਹ ‘‘ਸੇਟ੍ਠਚਕ੍ਕ’’ਨ੍ਤਿ. ਚਕ੍ਕਞ੍ਚੇਤਂ ਧਮ੍ਮਚਕ੍ਕਂ ਅਧਿਪ੍ਪੇਤਂ.

ਅਨਨੁਸ੍ਸੁਤਸੁਤ੍ਤਵਣ੍ਣਨਾ ਨਿਟ੍ਠਿਤਾ.