੬. ਸੋਖੁਮ੍ਮਸੁਤ੍ਤਵਣ੍ਣਨਾ

੧੬. ਛਟ੍ਠੇ ਸੁਖੁਮਲਕ੍ਖਣਪ੍ਪਟਿਵਿਜ੍ਝਨਕਾਨੀਤਿ ਅਨਿਚ੍ਚਾਦਿਸੁਖੁਮਲਕ੍ਖਣਾਨਂ ਪਟਿਵਿਜ੍ਝਨਕਾਨਿ. ਸੁਖੁਮਲਕ੍ਖਣਪਰਿਗ੍ਗਾਹਕਞਾਣੇਨਾਤਿ ਸੁਖੁਮਲਕ੍ਖਣਪਰਿਗ੍ਗਾਹਕੇਨ ਞਾਣੇਨ. ਪਰਤੋ ਜਾਨਿਤ੍ਵਾਤਿ ਅਵਸਵਤ੍ਤਨੇਨ ਅਞ੍ਞਤੋ ਜਾਨਿਤ੍ਵਾ. ਸਙ੍ਖਾਰਾ ਹਿ ‘‘ਮਾ ਭਿਜ੍ਜਿਂਸੂ’’ਤਿ ਇਚ੍ਛਿਤਾਪਿ ਭਿਜ੍ਜਨ੍ਤੇਵ, ਤਸ੍ਮਾ ਤੇ ਅਵਸਵਤ੍ਤਿਤਾਯ ਪਰੇ ਨਾਮ. ਸਾ ਚ ਨੇਸਂ ਪਰਤਾ ਅਨਿਚ੍ਚਦਸ੍ਸਨੇ ਪਾਕਟਾ ਹੋਤੀਤਿ ਵੁਤ੍ਤਂ ‘‘ਇਮਿਨਾ ਹਿ ਪਦੇਨ ਅਨਿਚ੍ਚਾਨੁਪਸ੍ਸਨਾ ਕਥਿਤਾ’’ਤਿ. ਸੇਸਂ ਉਤ੍ਤਾਨਮੇਵ.

ਸੋਖੁਮ੍ਮਸੁਤ੍ਤਵਣ੍ਣਨਾ ਨਿਟ੍ਠਿਤਾ.