੧-੧੦. ਸਿਕ੍ਖਾਪਦਸੁਤ੍ਤਾਦਿਵਣ੍ਣਨਾ

੨੦੧-੨੧੦. ਪਞ੍ਚਮਸ੍ਸ ਪਠਮੇ ਅਸਪ੍ਪੁਰਿਸੋਤਿ ਲਾਮਕਪੁਰਿਸੋ. ਪਾਣਂ ਅਤਿਪਾਤੇਤੀਤਿ ਪਾਣਾਤਿਪਾਤੀ. ਅਦਿਨ੍ਨਂ ਆਦਿਯਤੀਤਿ ਅਦਿਨ੍ਨਾਦਾਯੀ. ਕਾਮੇਸੁ ਮਿਚ੍ਛਾ ਚਰਤੀਤਿ ਕਾਮੇਸੁਮਿਚ੍ਛਾਚਾਰੀ. ਮੁਸਾ ਵਦਤੀਤਿ ਮੁਸਾਵਾਦੀ. ਸੁਰਾਮੇਰਯਮਜ੍ਜਪਮਾਦੇ ਤਿਟ੍ਠਤੀਤਿ ਸੁਰਾਮੇਰਯਮਜ੍ਜਪਮਾਦਟ੍ਠਾਯੀ. ਪਾਣਾਤਿਪਾਤੇ ਸਮਾਦਪੇਤੀਤਿ ਯਥਾ ਪਾਣਂ ਅਤਿਪਾਤੇਤਿ, ਤਥਾ ਨਂ ਤਤ੍ਥ ਗਹਣਂ ਗਣ੍ਹਾਪੇਤਿ. ਸੇਸੇਸੁਪਿ ਏਸੇਵ ਨਯੋ. ਅਯਂ ਵੁਚ੍ਚਤੀਤਿ ਅਯਂ ਏਵਰੂਪੋ ਪੁਗ੍ਗਲੋ ਯਸ੍ਮਾ ਸਯਂਕਤੇਨ ਚ ਦੁਸ੍ਸੀਲ੍ਯੇਨ ਸਮਨ੍ਨਾਗਤੋ, ਯਞ੍ਚ ਸਮਾਦਪਿਤੇਨ ਕਤਂ, ਤਤੋ ਉਪਡ੍ਢਸ੍ਸ ਦਾਯਾਦੋ, ਤਸ੍ਮਾ ‘‘ਅਸਪ੍ਪੁਰਿਸੇਨ ਅਸਪ੍ਪੁਰਿਸਤਰੋ’’ਤਿ ਵੁਚ੍ਚਤਿ. ਸਪ੍ਪੁਰਿਸੋਤਿ ਉਤ੍ਤਮਪੁਰਿਸੋ. ਸਪ੍ਪੁਰਿਸੇਨ ਸਪ੍ਪੁਰਿਸਤਰੋਤਿ ਅਤ੍ਤਨਾ ਚ ਕਤੇਨ ਸੁਸੀਲ੍ਯੇਨ ਸਮਨ੍ਨਾਗਤਤ੍ਤਾ ਯਞ੍ਚ ਸਮਾਦਪਿਤੋ ਕਰੋਤਿ, ਤਤੋ ਉਪਡ੍ਢਸ੍ਸ ਦਾਯਾਦਤ੍ਤਾ ਉਤ੍ਤਮਪੁਰਿਸੇਨ ਉਤ੍ਤਮਪੁਰਿਸਤਰੋ. ਏਤ੍ਥ ਚ ਪਰੇਨ ਕਤਂ ਦੁਸ੍ਸੀਲ੍ਯਂ ਸੁਸੀਲ੍ਯਂ ਵਾ ਆਣਤ੍ਤਿਯਾ ਅਤ੍ਤਨਾ ਚ ਵਚਿਪ੍ਪਯੋਗੇਨ ਕਤਨ੍ਤਿ ਆਣਾਪਨਵਸੇਨ ਪਸੁਤਪਾਪਸ੍ਸ ਪੁਞ੍ਞਸ੍ਸ ਵਾ ਦਾਯਾਦੋ ‘‘ਤਤੋ ਉਪਡ੍ਢਸ੍ਸ ਦਾਯਾਦੋ’’ਤਿ ਵੁਤ੍ਤੋ. ਦੁਤਿਯਾਦੀਨਿ ਉਤ੍ਤਾਨਤ੍ਥਾਨੇਵ.

ਸਿਕ੍ਖਾਪਦਸੁਤ੍ਤਾਦਿਵਣ੍ਣਨਾ ਨਿਟ੍ਠਿਤਾ.

ਸਪ੍ਪੁਰਿਸਵਗ੍ਗਵਣ੍ਣਨਾ ਨਿਟ੍ਠਿਤਾ.

੨੧੧-੨੨੦. ਦੁਤਿਯੋ ਪਰਿਸਾਵਗ੍ਗੋ ਉਤ੍ਤਾਨਤ੍ਥੋਯੇਵ.