੭. ਜਿਗੁਚ੍ਛਿਤਬ੍ਬਸੁਤ੍ਤਵਣ੍ਣਨਾ

੨੭. ਸਤ੍ਤਮੇ ਅਬ੍ਭੁਗ੍ਗਚ੍ਛਤੀਤਿ ਏਤ੍ਥ ਅਭਿ-ਸਦ੍ਦਾਪੇਕ੍ਖਾਯ ‘‘ਨ’’ਨ੍ਤਿ ਸਾਮਿਅਤ੍ਥੇ ਉਪਯੋਗਵਚਨਨ੍ਤਿ ਆਹ ‘‘ਅਸ੍ਸਾ’’ਤਿ ‘‘ਤਂ ਖੋ ਪਨ ਭਵਨ੍ਤ’’ਨ੍ਤਿਆਦੀਸੁ ਵਿਯ. ਪਾਪਕੋ ਕਿਤ੍ਤਿਸਦ੍ਦੋਤਿ ਲਾਮਕਭਾਵੇਨ ਕਥੇਤਬ੍ਬਸਦ੍ਦੋ. ਗੂਥਕੂਪੋ ਵਿਯ ਦੁਸ੍ਸੀਲ੍ਯਨ੍ਤਿ ਏਤੇਨ ਦੁਸ੍ਸੀਲਸ੍ਸ ਗੂਥਸਦਿਸਤ੍ਤਮੇਵ ਦਸ੍ਸੇਤਿ. ਵਚਨਨ੍ਤਿ ਅਨਿਟ੍ਠਵਚਨਂ. ਪੁਰਿਮਨਯੇਨੇਵਾਤਿ ‘‘ਗੂਥਕੂਪੋ ਵਿਯ ਦੁਸ੍ਸੀਲ੍ਯ’’ਨ੍ਤਿਆਦਿਨਾ ਪੁਬ੍ਬੇ ਵੁਤ੍ਤਨਯੇਨ. ਸੁਚਿਮਿਤ੍ਤੋਤਿ ਸੀਲਾਚਾਰਸੁਦ੍ਧਿਯਾ ਸੁਚਿਮਿਤ੍ਤੋ. ਸਹ ਅਯਨ੍ਤਿ ਪਵਤ੍ਤਨ੍ਤੀਤਿ ਸਹਾਯਾਤਿ ਆਹ ‘‘ਸਹਗਾਮਿਨੋ’’ਤਿ.

ਜਿਗੁਚ੍ਛਿਤਬ੍ਬਸੁਤ੍ਤਵਣ੍ਣਨਾ ਨਿਟ੍ਠਿਤਾ.