੧. ਸਮਿਦ੍ਧਸੁਤ੍ਤਵਣ੍ਣਨਾ

੨੧. ਤਤਿਯਸ੍ਸ ਪਠਮੇ ਰੁਚ੍ਚਤੀਤਿ ਕਾਯਸਕ੍ਖਿਆਦੀਸੁ ਪੁਗ੍ਗਲੇਸੁ ਅਤਿਵਿਯ ਸੁਨ੍ਦਰਤਰਪਣੀਤਤਰਭਾਵੇਨ ਤੇ ਚਿਤ੍ਤਸ੍ਸ ਅਭਿਰੁਚਿਉਪ੍ਪਾਦਕੋ ਕਤਮੋਤਿ ਪੁਚ੍ਛਤਿ. ਸਦ੍ਧਿਨ੍ਦ੍ਰਿਯਂ ਧੁਰਂ ਅਹੋਸਿ ਸਦ੍ਧਾਧੁਰਂ ਮਗ੍ਗਵੁਟ੍ਠਾਨਨ੍ਤਿ ਕਤ੍ਵਾ, ਸੇਸਿਨ੍ਦ੍ਰਿਯਾਨਿ ਪਨ ਕਥਨ੍ਤਿ ਆਹ ‘‘ਸੇਸਾਨੀ’’ਤਿਆਦਿ. ਪਟਿਵਿਦ੍ਧਮਗ੍ਗੋਵਾਤਿ ਤੀਹਿਪਿ ਥੇਰੇਹਿ ਅਤ੍ਤਨੋ ਅਤ੍ਤਨੋ ਪਟਿਵਿਦ੍ਧਅਰਹਤ੍ਤਮਗ੍ਗੋ ਏਵ ਕਥਿਤੋ, ਤਸ੍ਮਾ ਨ ਸੁਕਰਂ ਏਕਂਸੇਨ ਬ੍ਯਾਕਾਤੁਂ ‘‘ਅਯਂ…ਪੇ… ਪਣੀਤਤਰੋ ਚਾ’’ਤਿ. ਭੁਮ੍ਮਨ੍ਤਰੇਨੇਵ ਕਥੇਸਿ ‘‘ਤੀਸੁਪਿ ਪੁਗ੍ਗਲੇਸੁ ਅਗ੍ਗਮਗ੍ਗਟ੍ਠੋਵ ਪਣੀਤਤਰੋ’’ਤਿ.

ਸਮਿਦ੍ਧਸੁਤ੍ਤਵਣ੍ਣਨਾ ਨਿਟ੍ਠਿਤਾ.