੧੫. ਰਾਸਿਸਙ੍ਗਹਕਥਾ

੫੧੩. ਤੇਤ੍ਤਿਂਸ ਚੇਵ ਦ੍ਵਤ੍ਤਿਂਸ, ਏਕਤਿਂਸ ਚ ਤਿਂਸ ਚ;

ਏਕਦ੍ਵਤ੍ਤਿਂਸਹੀਨਾ ਚ, ਤਿਂਸ ਧਮ੍ਮਾਨਵਜ੍ਜਕੇ.

੫੧੪. ਦਸ ਧਮ੍ਮਾ ਤੁ ਸਾਵਜ੍ਜੇ, ਛਪਞ੍ਚਚਤੁਰਾਧਿਕਾ;

ਏਕਾਦਸ ਦਸ ਨਵ, ਸਤ੍ਤਧਾਹੇਤੁਕੇ ਪਨ.

੫੧੫. ਇਤ੍ਥਂ ਚੁਦ੍ਦਸਧਾ ਭਿਨ੍ਨਾ, ਕੋਟ੍ਠਾਸਾ ਤੁ ਸਰੂਪਤੋ;

ਵਿਭਤ੍ਤਾ ਤੇਹਿ ਯੁਤ੍ਤਾ ਚ, ਚਿਤ੍ਤੁਪ੍ਪਾਦਾ ਯਥਾਕ੍ਕਮਂ.

੫੧੬. ਤਿਕਟ੍ਠਕਾ ਪਞ੍ਚਵੀਸ, ਦਸ ਪਞ੍ਚਾਧਿਕਾ ਨਵ;

ਅਟ੍ਠਾਰਸੇਤਿ ਸਤ੍ਤੇਤੇ, ਅਨਵਜ੍ਜਾ ਤਥੇਤਰੇ.

੫੧੭. ਦ੍ਵੇ ਚਤ੍ਤਾਰੋ ਛਲ਼ੇਕਂ ਦ੍ਵੇ,

ਪਞ੍ਚਾਥ ਦਸਧਾਪਰੇ;

ਸਾਵਜ੍ਜਾਹੇਤੁਕਾ ਚੇਤਿ,

ਕੋਟ੍ਠਾਸਾ ਹੋਨ੍ਤਿ ਚੁਦ੍ਦਸ.

੫੧੮. ਨਵ ਚਾਪਿ ਛ ਚਤ੍ਤਾਰੋ, ਚਤੁਪਞ੍ਚਛਸਤ੍ਤਕਾ;

ਨਵ ਦ੍ਵੇ ਦ੍ਵੇ ਤਥੇਕੋ ਚ, ਯੇਵਾਪਨਕਸਙ੍ਗਹਾ.

੫੧੯. ਤੇਹਿ ਯੁਤ੍ਤਾ ਪਨਟ੍ਠਾਥ, ਵੀਸੇਕਤਿਂਸ ਮਾਨਸਾ;

ਦ੍ਵੇ ਦ੍ਵੇ ਦ੍ਵੇ ਤੀਣਿ ਚੇਕਂ ਦ੍ਵੇ, ਅਟ੍ਠ ਦਸ ਯਥਾਕ੍ਕਮਂ.

੫੨੦. ਸਤ੍ਤਤਿਂਸਕਤੋ ਯਾਵ, ਏਕਤਿਂਸਾਨਵਜ੍ਜਕੇ;

ਤਿਕਟ੍ਠਕਾਦਿਕੇ ਸਤ੍ਤ, ਠਿਤਾ ਨਿਯਤਸਙ੍ਗਹਾ.

੫੨੧. ਪਾਪੇਸੁ ਵੀਸ ਚੇਕੂਨ-ਵੀਸਟ੍ਠਾਰਸ ਸੋਲ਼ਸ;

ਚਤੁਧਾ ਦ੍ਵੀਸੁ ਚਤੂਸੁ, ਚਤੂਸੁ ਦ੍ਵੀਸੁ ਚਟ੍ਠਿਤਾ.

੫੨੨. ਏਕਦ੍ਵਿਪਞ੍ਚਦਸਸੁ, ਚ ਦ੍ਵਿਧਾਹੇਤੁਕੇਸੁ ਚ;

ਤਿਕਦ੍ਵੇਕਾਧਿਕਾ ਧਮ੍ਮਾ, ਦਸਟ੍ਠ ਚ ਯਥਾਕ੍ਕਮਂ.

੫੨੩. ਪਞ੍ਚਦ੍ਵੇਕਦ੍ਵਿਭਿਪਞ੍ਚ, ਕੋਟ੍ਠਾਸਾ ਨਿਯਤਾ ਠਿਤਾ;

ਤੇਹਿ ਯੁਤ੍ਤਾ ਪਨਟ੍ਠਾਥ, ਵੀਸ ਦ੍ਵੇ ਦ੍ਵੇ ਤਿਕੇਕਕਾ.

੫੨੪. ਪੁਬ੍ਬਾਪਰਦ੍ਵਯਾਪੁਞ੍ਞੇ, ਕਾਮਪਾਕੇ ਅਹੇਤੁਕੇ;

ਪਞ੍ਚਮਾਨੁਤ੍ਤਰਾਰੁਪ੍ਪੇ, ਨਤ੍ਥਾਨਿਯਤਸਮ੍ਭਵੋ.

੫੨੫. ਛਤ੍ਤਿਂਸਮਾਨਸੇਸ੍ਵੇਵ, ਲਬ੍ਭਨ੍ਤਾਨਿਯਤਾ ਨ ਵਾ;

ਤੇਪਞ੍ਞਾਸਾਵਸੇਸਾ ਤੁ, ਸਬ੍ਬੇ ਨਿਯਤਯੋਗਿਨੋ.

੫੨੬. ਨਿਯਤਾਨਿਯਤੇ ਕਤ੍ਵਾ, ਲਬ੍ਭਨ੍ਤੋਭਯਥਾ ਤਥਾ;

ਸਰੂਪਯੇਵੋਭਯਕਾ, ਤਿਵਿਧੇਵਂ ਤੁ ਸਙ੍ਗਹਾ.

੫੨੭. ਞੇਯ੍ਯਾ ਵੁਤ੍ਤਾਨੁਸਾਰੇਨ, ਤੇਹਿ ਯੁਤ੍ਤਾਵ ਮਾਨਸਾ;

ਤਤੋ ਪੁਨ ਵਿਭਾਵੇਯ੍ਯ, ਸਬ੍ਬਸਙ੍ਗਾਹਿਕਂ ਨਯਂ.

੫੨੮. ਏਕੂਨਤਾਲੀਸਕਤੋ, ਯਾਵੇਕਤ੍ਤਿਂਸਕਾ ਠਿਤਾ;

ਨਵਧਾ ਅਨਵਜ੍ਜੇਸੁ, ਤੇਹਿ ਯੁਤ੍ਤਾ ਚ ਮਾਨਸਾ.

੫੨੯. ਦ੍ਵੇ ਚਤ੍ਤਾਰੋ ਦਸੇਵਾਥ, ਤਿਕਪਞ੍ਚਾਧਿਕਾ ਦਸ;

ਤੇਵੀਸ ਕਮਤੋ ਸਤ੍ਤ, ਦ੍ਵੇ ਚ ਪਞ੍ਚਦਸਾਪਰੇ.

੫੩੦. ਦ੍ਵੇ ਚ ਦ੍ਵੇ ਤਿਕਦ੍ਵੇ ਦ੍ਵੇਕਾ, ਸਾਵਜ੍ਜੇਸੁ ਚ ਸੋਲ਼ਸ;

ਏਕੂਨਵੀਸ ਵੀਸਾਥ, ਵੀਸੇਕਦ੍ਵਿਤਯਾਧਿਕਾ.

੫੩੧. ਅਹੇਤੁਕੇ ਪਨਟ੍ਠਾਥ, ਦਸੇਕਦ੍ਵਿਤਯਾਧਿਕਾ;

ਦਸਪਞ੍ਚ ਦ੍ਵਿਕੇਕਾਤਿ, ਭਵਨ੍ਤੇਕੂਨਵੀਸਤਿ.

੫੩੨. ਲਬ੍ਭਮਾਨਾਨੁਸਾਰੇਨ, ਧਮ੍ਮਾਨਂ ਪਨ ਸਙ੍ਗਹੋ;

ਸਕ੍ਕਾ ਵੁਤ੍ਤਨਯੇਨੇਵ, ਵਿਞ੍ਞਾਤੁਂ ਪਨ ਵਿਞ੍ਞੁਨਾਤਿ.

ਇਤਿ ਚੇਤਸਿਕਵਿਭਾਗੇ ਰਾਸਿਸਙ੍ਗਹਕਥਾ ਨਿਟ੍ਠਿਤਾ.

ਪਨ੍ਨਰਸਮੋ ਪਰਿਚ੍ਛੇਦੋ.