੨੩. ਤੇਵੀਸਤਿਮੋ ਪਰਿਚ੍ਛੇਦੋ

ਕਿਲੇਸਪਹਾਨਨਿਦ੍ਦੇਸਵਣ੍ਣਨਾ

੧੩੭੫. ਇਧ ਪਨ ਇਮਸ੍ਮਿਂ ਪਨਾਧਿਕਾਰੇ ਕਾਰਣੂਪਚਾਰੇਨ ਲਾਭਾਦਿਕਾਰਣਸ੍ਸ ਵੋਹਾਰੇਨ, ਲਾਭੋ ਆਦਿ ਵਤ੍ਥੁ ਯਸ੍ਸ ਅਨੁਨਯਸ੍ਸਾਤਿ ਲਾਭਾਦਿਵਤ੍ਥੁਕੋ, ਤਸ੍ਸ.

ਸੁਖੁਮਾਤਿ ਕਾਮਰਾਗਪਟਿਘਾ ਸੁਖੁਮਾ.

੧੩੭੬. ਯੇਨ ਯੇਨ ਪਠਮਮਗ੍ਗਾਦਿਞਾਣੇਨ ਯੋ ਯੋ ਸਂਯੋਜਨਾਦਿਕੋ ਪਹਾਤਬ੍ਬੋ ਧਮ੍ਮੋ ਘਾਤਂ ਵਿਨਾਸਂ ਯਾਤਿ, ਸੋ ਸੋ ਧਮ੍ਮੋ ਤੇਨ ਤੇਨ ਅਸੇਸੇਨ ਞਾਣੇਨ ਏਵਂ ਸਾਧੁ ਮਯਾ ਸਨ੍ਦਸ੍ਸਿਤੋ.

੧੩੮੩. ਪਰਿਞ੍ਞਾਭਿਸਮਯੇਨਾਤਿ ਪਰਿਚ੍ਛਿਨ੍ਦਿਤ੍ਵਾ ਜਾਨਨੇਨ. ਦੁਕ੍ਖਂ ਅਭਿਸਮੇਤੀਤਿ ਦੁਕ੍ਖਂ ਪਟਿਵਿਜ੍ਝਤਿ.

੧੩੯੪. ਯੋ ਯੋਗੀ ਇਮਂ ਵਿਦਿਤ੍ਵਾ ਹਿਤਭਾਵਨਂ ਵਨਂ ਵਨੇਤਬ੍ਬਂ ਵਿਦਿਤ੍ਵਾ ਜਾਨਿਤ੍ਵਾ ਵੇ ਏਕਨ੍ਤੇਨ ਸੁਖਸਂਹਿਤਂ ਹਿਤਂ ਉਪੇਤਿ, ਚਿਤ੍ਤਸ੍ਸ ਤਮਂ ਅਨੁਤ੍ਤਮਂ ਹੀਨਂ ਵਿਧੂਯ ਵਿਨਾਸੇਤ੍ਵਾ ਅਵਿਗ੍ਗਹਕਮ੍ਪਦਂ ਪਦਂ ਅਵਿਗ੍ਗਹਕਂ ਸਰੀਰਰਹਿਤਂ ਪਦਂ ਪਟਿਪਜ੍ਜਿਤਬ੍ਬਂ ਞਾਤਬ੍ਬਂ ਪਦਂ ਨਿਬ੍ਬਾਨਂ ਉਪੇਤਿ ਪਾਪੁਣਾਤਿ ਚ.

ਇਤਿ ਅਭਿਧਮ੍ਮਾਵਤਾਰਟੀਕਾਯ

ਕਿਲੇਸਪਹਾਨਨਿਦ੍ਦੇਸਵਣ੍ਣਨਾ ਨਿਟ੍ਠਿਤਾ.

ਤੇਵੀਸਤਿਮੋ ਪਰਿਚ੍ਛੇਦੋ.