੭. ਆਨਾਪਾਨਵਗ੍ਗੋ

੧. ਅਟ੍ਠਿਕਮਹਪ੍ਫਲਸੁਤ੍ਤਂ

੨੩੮. ਸਾਵਤ੍ਥਿਨਿਦਾਨਂ. ‘‘ਅਟ੍ਠਿਕਸਞ੍ਞਾ, ਭਿਕ੍ਖਵੇ, ਭਾਵਿਤਾ ਬਹੁਲੀਕਤਾ ਮਹਪ੍ਫਲਾ ਹੋਤਿ ਮਹਾਨਿਸਂਸਾ. ਕਥਂ ਭਾਵਿਤਾ ਚ, ਭਿਕ੍ਖਵੇ, ਅਟ੍ਠਿਕਸਞ੍ਞਾ ਕਥਂ ਬਹੁਲੀਕਤਾ ਮਹਪ੍ਫਲਾ ਹੋਤਿ ਮਹਾਨਿਸਂਸਾ? ਇਧ, ਭਿਕ੍ਖਵੇ, ਭਿਕ੍ਖੁ ਅਟ੍ਠਿਕਸਞ੍ਞਾਸਹਗਤਂ ਸਤਿਸਮ੍ਬੋਜ੍ਝਙ੍ਗਂ ਭਾਵੇਤਿ ਵਿਵੇਕਨਿਸ੍ਸਿਤਂ ਵਿਰਾਗਨਿਸ੍ਸਿਤਂ ਨਿਰੋਧਨਿਸ੍ਸਿਤਂ ਵੋਸ੍ਸਗ੍ਗਪਰਿਣਾਮਿਂ…ਪੇ… ਅਟ੍ਠਿਕਸਞ੍ਞਾਸਹਗਤਂ ਉਪੇਕ੍ਖਾਸਮ੍ਬੋਜ੍ਝਙ੍ਗਂ ਭਾਵੇਤਿ ਵਿਵੇਕਨਿਸ੍ਸਿਤਂ ਵਿਰਾਗਨਿਸ੍ਸਿਤਂ ਨਿਰੋਧਨਿਸ੍ਸਿਤਂ ਵੋਸ੍ਸਗ੍ਗਪਰਿਣਾਮਿਂ. ਏਵਂ ਭਾਵਿਤਾ ਖੋ, ਭਿਕ੍ਖਵੇ, ਅਟ੍ਠਿਕਸਞ੍ਞਾ ਏਵਂ ਬਹੁਲੀਕਤਾ ਮਹਪ੍ਫਲਾ ਹੋਤਿ ਮਹਾਨਿਸਂਸਾ’’ਤਿ.

ਅਞ੍ਞਤਰਫਲਸੁਤ੍ਤਂ

‘‘ਅਟ੍ਠਿਕਸਞ੍ਞਾਯ, ਭਿਕ੍ਖਵੇ, ਭਾਵਿਤਾਯ ਬਹੁਲੀਕਤਾਯ ਦ੍ਵਿਨ੍ਨਂ ਫਲਾਨਂ ਅਞ੍ਞਤਰਂ ਫਲਂ ਪਾਟਿਕਙ੍ਖਂ – ਦਿਟ੍ਠੇਵ ਧਮ੍ਮੇ ਅਞ੍ਞਾ, ਸਤਿ ਵਾ ਉਪਾਦਿਸੇਸੇ ਅਨਾਗਾਮਿਤਾ. ਕਥਂ ਭਾਵਿਤਾਯ ਚ ਖੋ, ਭਿਕ੍ਖਵੇ, ਅਟ੍ਠਿਕਸਞ੍ਞਾਯ ਕਥਂ ਬਹੁਲੀਕਤਾਯ ਦ੍ਵਿਨ੍ਨਂ ਫਲਾਨਂ ਅਞ੍ਞਤਰਂ ਫਲਂ ਪਾਟਿਕਙ੍ਖਂ – ਦਿਟ੍ਠੇਵ ਧਮ੍ਮੇ ਅਞ੍ਞਾ, ਸਤਿ ਵਾ ਉਪਾਦਿਸੇਸੇ ਅਨਾਗਾਮਿਤਾ? ਇਧ, ਭਿਕ੍ਖਵੇ, ਭਿਕ੍ਖੁ ਅਟ੍ਠਿਕਸਞ੍ਞਾਸਹਗਤਂ ਸਤਿਸਮ੍ਬੋਜ੍ਝਙ੍ਗਂ ਭਾਵੇਤਿ…ਪੇ… ਅਟ੍ਠਿਕਸਞ੍ਞਾਸਹਗਤਂ ਉਪੇਕ੍ਖਾਸਮ੍ਬੋਜ੍ਝਙ੍ਗਂ ਭਾਵੇਤਿ ਵਿਵੇਕਨਿਸ੍ਸਿਤਂ ਵਿਰਾਗਨਿਸ੍ਸਿਤਂ ਨਿਰੋਧਨਿਸ੍ਸਿਤਂ ਵੋਸ੍ਸਗ੍ਗਪਰਿਣਾਮਿਂ. ਏਵਂ ਭਾਵਿਤਾਯ ਖੋ, ਭਿਕ੍ਖਵੇ, ਅਟ੍ਠਿਕਸਞ੍ਞਾਯ ਏਵਂ ਬਹੁਲੀਕਤਾਯ ਦ੍ਵਿਨ੍ਨਂ ਫਲਾਨਂ ਅਞ੍ਞਤਰਂ ਫਲਂ ਪਾਟਿਕਙ੍ਖਂ – ਦਿਟ੍ਠੇਵ ਧਮ੍ਮੇ ਅਞ੍ਞਾ, ਸਤਿ ਵਾ ਉਪਾਦਿਸੇਸੇ ਅਨਾਗਾਮਿਤਾ’’ਤਿ.

ਮਹਤ੍ਥਸੁਤ੍ਤਂ

‘‘ਅਟ੍ਠਿਕਸਞ੍ਞਾ, ਭਿਕ੍ਖਵੇ, ਭਾਵਿਤਾ ਬਹੁਲੀਕਤਾ ਮਹਤੋ ਅਤ੍ਥਾਯ ਸਂਵਤ੍ਤਤਿ. ਕਥਂ ਭਾਵਿਤਾ ਚ, ਭਿਕ੍ਖਵੇ, ਅਟ੍ਠਿਕਸਞ੍ਞਾ ਕਥਂ ਬਹੁਲੀਕਤਾ ਮਹਤੋ ਅਤ੍ਥਾਯ ਸਂਵਤ੍ਤਤਿ? ਇਧ, ਭਿਕ੍ਖਵੇ, ਭਿਕ੍ਖੁ ਅਟ੍ਠਿਕਸਞ੍ਞਾਸਹਗਤਂ ਸਤਿਸਮ੍ਬੋਜ੍ਝਙ੍ਗਂ ਭਾਵੇਤਿ…ਪੇ… ਅਟ੍ਠਿਕਸਞ੍ਞਾਸਹਗਤਂ ਉਪੇਕ੍ਖਾਸਮ੍ਬੋਜ੍ਝਙ੍ਗਂ ਭਾਵੇਤਿ ਵਿਵੇਕਨਿਸ੍ਸਿਤਂ ਵਿਰਾਗਨਿਸ੍ਸਿਤਂ ਨਿਰੋਧਨਿਸ੍ਸਿਤਂ ਵੋਸ੍ਸਗ੍ਗਪਰਿਣਾਮਿਂ. ਏਵਂ ਭਾਵਿਤਾ ਖੋ, ਭਿਕ੍ਖਵੇ, ਅਟ੍ਠਿਕਸਞ੍ਞਾ ਏਵਂ ਬਹੁਲੀਕਤਾ ਮਹਤੋ ਅਤ੍ਥਾਯ ਸਂਵਤ੍ਤਤੀ’’ਤਿ.

ਯੋਗਕ੍ਖੇਮਸੁਤ੍ਤਂ

‘‘ਅਟ੍ਠਿਕਸਞ੍ਞਾ, ਭਿਕ੍ਖਵੇ, ਭਾਵਿਤਾ ਬਹੁਲੀਕਤਾ ਮਹਤੋ ਯੋਗਕ੍ਖੇਮਾਯ ਸਂਵਤ੍ਤਤਿ. ਕਥਂ ਭਾਵਿਤਾ ਚ, ਭਿਕ੍ਖਵੇ, ਅਟ੍ਠਿਕਸਞ੍ਞਾ ਕਥਂ ਬਹੁਲੀਕਤਾ ਮਹਤੋ ਯੋਗਕ੍ਖੇਮਾਯ ਸਂਵਤ੍ਤਤਿ? ਇਧ, ਭਿਕ੍ਖਵੇ, ਭਿਕ੍ਖੁ ਅਟ੍ਠਿਕਸਞ੍ਞਾਸਹਗਤਂ ਸਤਿਸਮ੍ਬੋਜ੍ਝਙ੍ਗਂ ਭਾਵੇਤਿ…ਪੇ… ਅਟ੍ਠਿਕਸਞ੍ਞਾਸਹਗਤਂ ਉਪੇਕ੍ਖਾਸਮ੍ਬੋਜ੍ਝਙ੍ਗਂ ਭਾਵੇਤਿ ਵਿਵੇਕਨਿਸ੍ਸਿਤਂ ਵਿਰਾਗਨਿਸ੍ਸਿਤਂ ਨਿਰੋਧਨਿਸ੍ਸਿਤਂ ਵੋਸ੍ਸਗ੍ਗਪਰਿਣਾਮਿਂ. ਏਵਂ ਭਾਵਿਤਾ ਖੋ, ਭਿਕ੍ਖਵੇ, ਅਟ੍ਠਿਕਸਞ੍ਞਾ ਏਵਂ ਬਹੁਲੀਕਤਾ ਮਹਤੋ ਯੋਗਕ੍ਖੇਮਾਯ ਸਂਵਤ੍ਤਤੀ’’ਤਿ.

ਸਂਵੇਗਸੁਤ੍ਤਂ

‘‘ਅਟ੍ਠਿਕਸਞ੍ਞਾ, ਭਿਕ੍ਖਵੇ, ਭਾਵਿਤਾ ਬਹੁਲੀਕਤਾ ਮਹਤੋ ਸਂਵੇਗਾਯ ਸਂਵਤ੍ਤਤਿ. ਕਥਂ ਭਾਵਿਤਾ ਚ, ਭਿਕ੍ਖਵੇ, ਅਟ੍ਠਿਕਸਞ੍ਞਾ ਕਥਂ ਬਹੁਲੀਕਤਾ ਮਹਤੋ ਸਂਵੇਗਾਯ ਸਂਵਤ੍ਤਤਿ? ਇਧ, ਭਿਕ੍ਖਵੇ, ਭਿਕ੍ਖੁ ਅਟ੍ਠਿਕਸਞ੍ਞਾਸਹਗਤਂ ਸਤਿਸਮ੍ਬੋਜ੍ਝਙ੍ਗਂ ਭਾਵੇਤਿ…ਪੇ… ਅਟ੍ਠਿਕਸਞ੍ਞਾਸਹਗਤਂ ਉਪੇਕ੍ਖਾਸਮ੍ਬੋਜ੍ਝਙ੍ਗਂ ਭਾਵੇਤਿ ਵਿਵੇਕਨਿਸ੍ਸਿਤਂ ਵਿਰਾਗਨਿਸ੍ਸਿਤਂ ਨਿਰੋਧਨਿਸ੍ਸਿਤਂ ਵੋਸ੍ਸਗ੍ਗਪਰਿਣਾਮਿਂ. ਏਵਂ ਭਾਵਿਤਾ ਖੋ, ਭਿਕ੍ਖਵੇ, ਅਟ੍ਠਿਕਸਞ੍ਞਾ ਏਵਂ ਬਹੁਲੀਕਤਾ ਮਹਤੋ ਸਂਵੇਗਾਯ ਸਂਵਤ੍ਤਤੀ’’ਤਿ.

ਫਾਸੁਵਿਹਾਰਸੁਤ੍ਤਂ

‘‘ਅਟ੍ਠਿਕਸਞ੍ਞਾ, ਭਿਕ੍ਖਵੇ, ਭਾਵਿਤਾ ਬਹੁਲੀਕਤਾ ਮਹਤੋ ਫਾਸੁਵਿਹਾਰਾਯ ਸਂਵਤ੍ਤਤਿ. ਕਥਂ ਭਾਵਿਤਾ ਚ, ਭਿਕ੍ਖਵੇ, ਅਟ੍ਠਿਕਸਞ੍ਞਾ ਕਥਂ ਬਹੁਲੀਕਤਾ ਮਹਤੋ ਫਾਸੁਵਿਹਾਰਾਯ ਸਂਵਤ੍ਤਤਿ? ਇਧ, ਭਿਕ੍ਖਵੇ, ਭਿਕ੍ਖੁ ਅਟ੍ਠਿਕਸਞ੍ਞਾਸਹਗਤਂ ਸਤਿਸਮ੍ਬੋਜ੍ਝਙ੍ਗਂ ਭਾਵੇਤਿ…ਪੇ… ਅਟ੍ਠਿਕਸਞ੍ਞਾਸਹਗਤਂ ਉਪੇਕ੍ਖਾਸਮ੍ਬੋਜ੍ਝਙ੍ਗਂ ਭਾਵੇਤਿ ਵਿਵੇਕਨਿਸ੍ਸਿਤਂ ਵਿਰਾਗਨਿਸ੍ਸਿਤਂ ਨਿਰੋਧਨਿਸ੍ਸਿਤਂ ਵੋਸ੍ਸਗ੍ਗਪਰਿਣਾਮਿਂ. ਏਵਂ ਭਾਵਿਤਾ ਖੋ, ਭਿਕ੍ਖਵੇ, ਅਟ੍ਠਿਕਸਞ੍ਞਾ ਏਵਂ ਬਹੁਲੀਕਤਾ ਮਹਤੋ ਫਾਸੁਵਿਹਾਰਾਯ ਸਂਵਤ੍ਤਤੀ’’ਤਿ. ਪਠਮਂ.

੨. ਪੁਲ਼ਵਕਸੁਤ੍ਤਂ

੨੩੯. ‘‘ਪੁਲ਼ਵਕਸਞ੍ਞਾ [ਪੁਲ਼ੁਵਕਸਞ੍ਞਾ (ਕ.)], ਭਿਕ੍ਖਵੇ, ਭਾਵਿਤਾ…ਪੇ… ਦੁਤਿਯਂ.

੩. ਵਿਨੀਲਕਸੁਤ੍ਤਂ

੨੪੦. ‘‘ਵਿਨੀਲਕਸਞ੍ਞਾ, ਭਿਕ੍ਖਵੇ…ਪੇ… ਤਤਿਯਂ.

੪. ਵਿਚ੍ਛਿਦ੍ਦਕਸੁਤ੍ਤਂ

੨੪੧. ‘‘ਵਿਚ੍ਛਿਦ੍ਦਕਸਞ੍ਞਾ, ਭਿਕ੍ਖਵੇ…ਪੇ… ਚਤੁਤ੍ਥਂ.

੫. ਉਦ੍ਧੁਮਾਤਕਸੁਤ੍ਤਂ

੨੪੨. ‘‘ਉਦ੍ਧੁਮਾਤਕਸਞ੍ਞਾ, ਭਿਕ੍ਖਵੇ…ਪੇ… ਪਞ੍ਚਮਂ.

੬. ਮੇਤ੍ਤਾਸੁਤ੍ਤਂ

੨੪੩. ‘‘ਮੇਤ੍ਤਾ, ਭਿਕ੍ਖਵੇ, ਭਾਵਿਤਾ…ਪੇ… ਛਟ੍ਠਂ.

੭. ਕਰੁਣਾਸੁਤ੍ਤਂ

੨੪੪. ‘‘ਕਰੁਣਾ, ਭਿਕ੍ਖਵੇ, ਭਾਵਿਤਾ…ਪੇ… ਸਤ੍ਤਮਂ.

੮. ਮੁਦਿਤਾਸੁਤ੍ਤਂ

੨੪੫. ‘‘ਮੁਦਿਤਾ, ਭਿਕ੍ਖਵੇ, ਭਾਵਿਤਾ…ਪੇ… ਅਟ੍ਠਮਂ.

੯. ਉਪੇਕ੍ਖਾਸੁਤ੍ਤਂ

੨੪੬. ‘‘ਉਪੇਕ੍ਖਾ, ਭਿਕ੍ਖਵੇ, ਭਾਵਿਤਾ…ਪੇ… ਨਵਮਂ.

੧੦. ਆਨਾਪਾਨਸੁਤ੍ਤਂ

੨੪੭. ‘‘ਆਨਾਪਾਨਸ੍ਸਤਿ, ਭਿਕ੍ਖਵੇ, ਭਾਵਿਤਾ…ਪੇ… ਦਸਮਂ.

ਆਨਾਪਾਨਵਗ੍ਗੋ ਸਤ੍ਤਮੋ.

ਤਸ੍ਸੁਦ੍ਦਾਨਂ –

ਅਟ੍ਠਿਕਪੁਲ਼ਵਕਂ ਵਿਨੀਲਕਂ, ਵਿਚ੍ਛਿਦ੍ਦਕਂ ਉਦ੍ਧੁਮਾਤੇਨ ਪਞ੍ਚਮਂ;

ਮੇਤ੍ਤਾ ਕਰੁਣਾ ਮੁਦਿਤਾ ਉਪੇਕ੍ਖਾ, ਆਨਾਪਾਨੇਨ ਤੇ ਦਸਾਤਿ.